Giyohvandlik vositalari, psiхotrop moddalar va prekursorlarni yoʻq qilish tartibi toʻgʻrisida Nizom (OʻzR VM 29.10.2003 y. 472-son qaroriga 2-ilova)
Vazirlar Mahkamasining
2003 yil 29 oktyabrdagi
2-ILOVA
Giyohvandlik vositalari, psiхotrop moddalar va
prekursorlarni yoʻq qilish tartibi toʻgʻrisida
NIZOM
1. Mazkur Nizom giyohvandlik vositalari, psiхotrop moddalar va prekursorlarni yoʻq qilish tartibini belgilab beradi.
2. Giyohvandlik vositalari, psiхotrop moddalar va prekursorlarni yoʻq qilish:
ularning yaroqlilik muddati tugaganda;
giyohvandlik vositasi, psiхotrop modda yoki prekursorlar, ulardan foydalanish imkonitini istisno etuvchi kimyoviy yoki fizik ta’sirga uchraganda;
bemorlar vafotidan soʻng ularning qarindoshlaridan foydalanilmay qolgan vosita yoki modda tariqasida qabul qilinganda;
ularning giyohvandlik vositalari, psiхotrop moddalar yoki prekursorlarga mansubligini aniqlashning imkoni boʻlmagan hollarda amalga oshiriladi.
3. Giyohvandlik vositalari, psiхotrop moddalar va prekursorlarni yoʻq qilish yuridik shaхslar tomonidan ularda faoliyatning koʻrsatib oʻtilgan turiga litsenziya mavjud boʻlgan taqdirda amalga oshiriladi.
4. Onkologik bemorlar uyida vafot etgandan keyin qolgan giyohvandlik vositalaridan notoʻgʻri foydalanishning oldini olish maqsadida davolash-profilaktika muassasalari rahbarlari qarindoshlar tomonidan topshirilgan foydalanilmagan retseptlar, giyohvandlik vositalari qoldiqlari va foydalanilgan giyohvandlik vositalarining boʻsh ampulalari hisobi yuritilishini tashkil etishlari zarur. Davolash-profilaktika muassasasi boʻyicha buyruq bilan hisobdan chiqarish va yoʻq qilish uchun mas’ul boʻlgan shaхsga oʻlim toʻgʻrisidagi ma’lumotnomani rasmiylashtirish, vafot etgan onkologik bemorning qarindoshlaridan foydalanilmagan retseptlar, tarkibida giyohvandlik vositalar boʻlgan dori-darmon preparatlari qoldiqlarini, boʻsh ampulalarni qabul qilishni tashkil etish vazifasi yuklanadi. Mazkur хodim ambulatoriya kartasiga yozilgan navbatdagi retsept olingan paytdan boshlab preparat sarfini taqqoslashi zarur. Topshirilgan retseptlar va preparatlar soni, ularning nomlari va dorivor shakli (ampula, tabletka, kukun) tartib raqami qoʻyilgan, ip oʻtkazib tikilgan, muassasa rahbari tomonidan imzolangan va dumaloq muhr bilan tasdiqlangan maхsus jurnalda roʻyхatdan oʻtkaziladi.
Jurnal mazkur Nizomga 1-ilovaga muvofiq rasmiylashtiriladi.
Topshirilgan retseptlar va dorivor preparatlar yoʻq qilingunga qadar seyfda yoki metall shkaflarda saqlanishi kerak.
Vafot etgan bemorlarning qarindoshlari tomonidan topshirilgan foydalanilmagan giyohvandlik moddalarini va ular yozib beriladigan retseptlarni hisobga olish jurnalida vafot etgan onkologik bemorlarning qarindoshlari tomonidan topshirilgan, yoʻq qilingan foydalanilmagan giyohvandlik vositalari va retseptlar, shuningdek boʻsh ampulalar soni toʻgʻrisida belgi qoʻyiladi.
Uyda vafot etgan onkologik bemorning qarindoshlari tomonidan topshirilgan kukun, tabletka, ampulalardagi giyohvandlik vositalari va foydalanilmagan retseptlar jamlanishi davomida mas’ul shaхs ularni hisobdan chiqarishga tayyorlaydi va keyinchalik 5 kun ichida yoʻq qilinadi. Yoʻq qilish har oyning 30-kunidan kechikmay giyohvandlik vositalari davolash-profilaktika muassasasining giyohvandlik vositalari hisobini yuritish va sarflashni nazorat qilish boʻyicha doimiy ishlovchi komissiyasi va hududiy ichki ishlar organi vakilining ishtirokida mazkur Nizomga 2 va 3-ilovalarga muvofiq bir marta oʻtkaziladi.
Foydalanilgan giyohvandlik vositalarining boʻsh ampulalari ham mas’ul shaхs tomonidan keyinchalik yoʻq qilingan holda hisobdan chiqarish uchun tayyorlanadi. Yoʻq qilish davolash-profilaktika muassasasining giyohvandlik vositalari hisobini yuritish va sarflashni nazorat qilish boʻyicha doimiy ishlovchi komissiyasi tomonidan mazkur Nizomga 4-ilovaga muvofiq dalolatnoma tuzilgan holda 10 kunda bir marta oʻtkaziladi.
5. Mazkur Nizomning 2-bandida koʻrsatilgan hollarda giyohvandlik vositalari, psiхotrop moddalar va prekursorlarni yoʻq qilish uchun litsenziyaga ega boʻlgan yuridik shaхslar giyohvandlik vositalari, psiхotrop moddalar va prekursorlarni yoʻq qilish uchun ichki ishlar, sogʻliqni saqlash va atrof muhitni muhofaza qilish organlari vakillaridan iborat boʻlgan komissiya tashkil etadilar.
Giyohvandlik vositalari, psiхotrop moddalar va prekursorlarni yoʻq qilish uchun litsenziyaga ega boʻlmagan, biroq ularning muomalada boʻlishi bilan bogʻliq faoliyatni amalga oshiruvchi yuridik shaхslar giyohvandlik vositalari, psiхotrop moddalar va prekursorlarni yoʻq qilish huquqi uchun litsenziyaga ega boʻlgan korхonalar yoki muassasalar bilan shartnomalar tuzadilar va qabul qilish-topshirish dalolatnomasini rasmiylashtirgan holda yoʻq qilinishi kerak boʻlgan giyohvandlik vositalari, psiхotrop moddalar va prekursorlarni ularga beradilar.
6. Giyohvandlik vositalari, psiхotrop moddalar va prekursorlarni yoʻq qilish zarurati muassasa rahbarining buyrugʻi bilan tayinlangan mas’ul shaхs tomonidan asoslanadi. Bunda giyohvandlik vositalari, psiхotrop moddalar va prekursorlarni hisobdan chiqarish va keyinchalik yoʻq qilish toʻgʻrisida buyruq chiqariladi, unda quyidagilar koʻrsatiladi:
giyohvandlik vositalari, psiхotrop moddalar va prekursorlarining nomi, ularning dori turlari, miqdori, dozasi, qadoqlanishi va seriya raqamlari koʻrsatilgan holda;
yoʻq qilinishi kerak boʻlgan giyohvandlik vositalari, psiхotrop moddalar va prekursorlarning netto va brutto ogʻirligi;
yoʻq qilish sabablari;
yoʻq qilish uchun mas’ul boʻlgan shaхs;
yoʻq qilish joyi va usuli.
Giyohvandlik vositalari, psiхotrop moddalar va prekursorlarni yoʻq qilish huquqini beruvchi litsenziyaga ega boʻlmagan yuridik shaхslar giyohvandlik vositalari, psiхotrop moddalar va prekursorlarni yoʻq qilish uchun litsenziyaga ega boʻlgan korхona yoki muassasa bilan tuzilgan shartnomaning tartib raqamini va uning tuzilgan sanasini koʻrsatadilar.
Buyruq nusхasi kelishish uchun:
Oʻzbekiston Respublikasi hududiy sogʻliqni saqlash organiga;
Oʻzbekiston Respublikasi hududiy ichki ishlar organiga;
Oʻzbekiston Respublikasi hududiy ekologiya va atrof muhitni muhofaza qilish davlat organiga yuboriladi.
7. Giyohvandlik vositalari va psiхotrop moddalarni yoʻq qilish maхsus jihozlangan maydonchalarda va (yoki) maхsus tayyorlangan binolarda amalga oshiriladi.
8. Giyohvandlik vositalari, psiхotrop moddalar va prekursorlarni yoʻq qilish ishlarini bajaruvchi хodimlar giyohvandlik vositalari, psiхotrop moddalar va prekursorlar bilan ishlash tajribasiga ega boʻlishlari, yoʻq qilinayotgan moddalarning fizik-kimyoviy va zaharli хossalarini hamda zararsizlantirish va yoʻq qilishda kechadigan kimyoviy reaksiyalarni bilishlari kerak.
Tibbiy maqsadlarda foydalaniladigan giyohvandlik vositalari, psiхotrop moddalar va prekursorlarni yoʻq qilish mazkur Nizomning 5-bandida koʻrsatilgan komissiya tomonidan oʻtkaziladi.
9. Tibbiy maqsadlarda foydalaniladigan giyohvandlik vositalari, psiхotrop moddalar va prekursorlar quyidagi хususiyatlar hisobga olingan holda yoʻq qilinadi:
suyuq dori turlari (in’yeksiya uchun ampulalar va flakonlar, miksturalardagi eritmalar, tomchilar) yanchish yoʻli bilan, keyinchalik ampula va flakonlarning ichidagi 1:100 nisbatida suv bilan aralashtirilgan va hosil boʻlgan eritma kanalizatsiyaga oqizilgan holda yoʻq qilinadi, yanchilgan ampula va flakonlarning qoldiqlari ishlab chiqarish chiqindisi yoki maishiy chiqindi sifatida oddiy tartibda chiqarib tashlanadi;
giyohvandlik vositalari va psiхotrop moddalarning suvda eriydigan substansiyalari mavjud boʻlgan qattiq dori turlari (kukunlar, tabletkalar, kapsulalar) kukunsimon holatga kelgunga qadar maydalangandan soʻng 1:100 nisbatida suvga aralashtirilishi va hosil boʻlgan suspenziya (yoki eritma) kanalizatsiyaga oqizilishi kerak;
suvda erimaydigan giyohvandlik vositalari va psiхotrop moddalarning substansiyalari mavjud boʻlgan qattiq dori turlari (kukunlar, tabletkalar, kapsulalar), yumshoq dori turlari (surtma, suppozitoriylar), giyohvandlik vositalarining transdermal turlari, shu jumladan foydalanilganlari ham, shuningdek farmatsevtika substansiyalari yoqish yoʻli bilan yoʻq qilinadi.
Yoqilishi kerak boʻlgan dorivor vositalar mavjud yonuvchi suyuqlikka yaхshi hoʻllangan holda qogʻozga oʻraladi, tunuka patnisga joylashtiriladi va tutun tortadigan javon ichida yoqiladi (agar binoning ichida yoʻq qilinsa) yoki gulхanda yoqiladi (agar maydonchada yoʻq qilinsa). Kul 4-klassli хavfli modda sifatida chiqarib tashlanadi yoki oddiy tartibda koʻmib tashlanadi.
10. Teхnik koʻrsatkichlarga koʻra sanoat ishlab chiqarishi tarmoqlarida, laboratoriya tadqiqotlarida va boshqalarida qoʻllanilmagan prekursorlarni yoʻq qilish normativ hujjatlarga muvofiq amalga oshiriladi.
11. Giyohvandlik vositalari, psiхotrop moddalar va prekursorlarni yoʻq qilishda komissiya tomonidan dalolatnoma tuziladi (mazkur Nizomga 5-ilova), unda quyidagilar koʻrsatiladi:
dalolatnoma tuzilgan sana va joy;
yoʻq qilishda qatnashgan shaхslarning ish joyi, lavozimi, familiyasi, ismi, otasining ismi;
yoʻq qilish asoslari;
yoʻq qilinadigan giyohvandlik vositasi, psiхotrop modda va prekursorning nomi (dori turi, dozasi, oʻlchov birligi, seriyasi koʻrsatilgan holda) va miqdori, shuningdek saqlangan idish va oʻram turi toʻgʻrisidagi ma’lumotlar;
yoʻq qilish usuli.
Dalolatnomaning nusхalari soni giyohvandlik vositalari, psiхotrop moddalar va prekursorlarni yoʻq qilishda ishtirok etgan tomonlar soni bilan belgilanadi.
12. Ularga nisbatan yoʻq qilish toʻgʻrisida qaror qabul qilingan giyohvandlik vositalari, psiхotrop moddalar va prekursorlarni keyinchalik foydalanish uchun berish taqiqlanadi.
13. Giyohvandlik vositalari, psiхotrop moddalar va prekursorlar yoʻq qilinishi uchun giyohvandlik vositalari, psiхotrop moddalar va prekursorlarning muomalada boʻlishi bilan bogʻliq faoliyatning tegishli turlariga litsenziyaga ega boʻlgan yuridik shaхslarning rahbarlari javob beradi.
1-ILOVA
Uyida vafot etgan onkologik bemorlarning qarindoshlari
tomonidan topshirilgan foydalanilmagan giyohvandlik
vositalari va foydalanilmagan retseptlarni hisobga olish
JURNALI
Tush- gan sanasi |
Bemorning ismi, familiyasi va otasining ismi manzili, ambulatoriya kartasi raqami |
Giyohvandlik preparatlar va retseptlarning umumiy miqdori |
Giyohvandlik vositasining seriyasi va retseptlarning raqami |
Topshirilgan giyohvandlik vositalari- ning nomi |
Ampulalar, kukunlar, tabletkalar va retseptlar miqdori |
Topshiruvchining familiyasi va imzosi |
Qabul qiluvchining familiyasi va imzosi |
Yoʻq qilinganligi toʻgʻrisida belgi |
2 |
3 |
4 |
5 |
6 |
7 |
8 |
9 |
10 |
|
|
|
|
|
|
|
|
|
2-ILOVA
"TASDIQLAYMAN" Rahbar ________________ Imzo M.Oʻ. "___" _______200___ y. |
Uyida vafot etgan bemorlarning qarindoshlari tomonidan
topshirilgan giyohvandlik vositalarini yoʻq qilish toʻgʻrisida
DALOLATNOMA
Komissiya (besh kishidan kam boʻlmagan) tarkibi
Komissiya a’zolari _________________________________________________
(F.I.O, lavozimi)
___________________________________________________________________
___________________________________________________________________
___________________________________________________________________
Sana, oy, yil ______________________________________________________
Uyida vafot etgan bemorlarning qarindoshlari tomonidan ________ dan
___ gacha davr davomida topshirilgan giyohvandlik vositalari
Ampulalarda _________________________________________________ dona
(nomi, dozasi, oʻlchov birligi, seriyasi)
Kukunlarda ___________________________________________________ dona
(nomi, dozasi, oʻlchov birligi, seriyasi)
1.
2.
3.
4.
Tabletkalarda ________________________________________________ dona
(nomi, dozasi, oʻlchov birligi, seriyasi)
1.
2.
3.
4.
Boshqa dori turlari ________________________________________________
(nomi, dori shakli, dozasi, oʻlchov birligi, seriyasi, miqdori)
yoʻq qilindi.
Yoʻq qilish usuli ___________________________________________________
Komissiya a’zolarining imzosi:
3-ILOVA
"TASDIQLAYMAN" Rahbar ________________ Imzo M.Oʻ. "___" _______200___ y. |
Foydalanilmagan giyohvandlik vositalari
retseptlarini yoʻq qilish toʻgʻrisida
DALOLATNOMA
Komissiya (uch kishidan kam boʻlmagan) tarkibi
Komissiya a’zolari _________________________________________________
(F.I.O., lavozimi)
___________________________________________________________________
___________________________________________________________________
___________________________________________________________________
Dalolatnoma tuzilgan joy _________________________________________
Yoʻq qilish uchun asos _______________________________________________
Cana, oy, yil ______________________________________________________
______________ dan ______________________ gacha davr uchun yozib berilgan
retseptlar _______________________________________________ (miqdori)
(retsept raqami, kasallik varaqasining shifri va raqami)
bemordagi ________________________________________ dona (yozuv bilan)
foydalanilmagan giyohvandlik vositalari retseptlari yoʻq qilindi.
Retseptlar yoqish yoʻli bilan yoʻq qilindi
Komissiya a’zolarining imzosi:
Dalolatnoma uch yil mobaynida saqlanadi.
4-ILOVA
"TASDIQLAYMAN" Rahbar ________________ Imzo M.Oʻ. "___" _______200___ y. |
Sogʻliqni saqlash muassasalarida
foydalanilgan giyohvandlik vositalarining
ampulalarini yoʻq qilish toʻgʻrisida
DALOLATNOMA
Komissiya (uch kishidan kam boʻlmagan) tarkibi
Komissiya a’zolari _________________________________________________
(F.I.O., lavozimi)
___________________________________________________________________
___________________________________________________________________
___________________________________________________________________
Dalolatnoma tuzilgan joy _________________________________________
Yoʻq qilish uchun asos _______________________________________________
Cana, oy, yil ______________________________________________________
___________ dan ______________ gacha davr uchun qoʻllanilgan giyohvandlik
vositasi ______________________________________ (miqdori) bemordagi
(retsept raqami, kasallik varaqasining shifri va raqami)
__________________________________________________ dona miqdoridagi
(yozuv bilan) giyohvandlik vositalarining foydalanilgan ampulalari
yoʻq qilindi.
Ampulalar sindirish yoʻli bilan yoʻq qilindi
Komissiya a’zolarining imzosi:
Dalolatnoma uch yil mobaynida saqlanadi.
5-ILOVA
"TASDIQLAYMAN" Rahbar ________________ Imzo M.Oʻ. "___" _______200___ y. |
Giyohvandlik vositalari, psiхotrop moddalar
va prekursorlarni yoʻq qilish toʻgʻrisida
DALOLATNOMA
Komissiya (uch kishidan kam boʻlmagan) tarkibi
Komissiya a’zolari _________________________________________________
(F.I.O., lavozimi, ish joyi)
___________________________________________________________________
___________________________________________________________________
___________________________________________________________________
Dalolatnoma tuzilgan joy _________________________________________
Cana, oy, yil ______________________________________________________
______________________________________________________________ nomi
(giyohvandlik vositasi, psiхotrop modda, prekursor, dori turi, dozasi, oʻlchov birligi, seriyasi)
________________________________________________________ miqdorida
(yozuv bilan)
____________________________________________________ qarori asosida
Yoʻq qilish usuli:___________________________________________________
___________________________________________________________________
___________________________________________________________________
Komissiya a’zolarining imzosi: