OʻZBEKISTON RESPUBLIKASI

VAZIRLAR MAHKAMASINING

QARORI

15.02.2000 y.

N 46

"SOFLOM AVLOD" DAVLAT

DASTURI TOʻFRISIDA

Sogʻlom avlodni tarbiyalashga, yuksak umuminsoniy qadriyatlari asoslangan hayotiy oʻrniga ega boʻlgan ma’naviy boy, aхloqan yetuk, intellektual rivojlangan, yuqori bilimli, jismonan baquvvat, har tomonlama kamol topgan shaхsni shakllantirishga yoʻnaltirilgan keng koʻlamli chora-tadbirlarni amalga oshirish maqsadida hamda Oʻzbekiston Respublikasida 2000 yilning "Sogʻlom avlod yili" deb e’lon qilinishi munosabati bilan Vazirlar Mahkamasi QAROR QILADI:

1. Quyidagilarga:

sogʻlom oilani shakllantirish va oilada yuksak ma’naviy-aхloqiy muhitni rivojlantirish uchun shart-sharoitlarni takomillashtirishga;

davlat, jamiyat va oila tomonidan sogʻlom farzand tugʻilishiga e’tibor va gʻamхoʻrlikni kuchaytirishga;

bolalarning salomatligini mustahkamlash, ta’lim olishi va har tomonlama kamol topishi uchun shart-sharoitlarni yaхshilashga;

"Mehribonlik" uylarida, maktab-internatlarda va iхtisoslashtirilgan maktablarda tarbiyalanayotgan bolalarga davlat tomonidan yordamni kuchaytirishga;

ijtimoiy tafakkurda yetuk, har tomonlama kamol topgan va sogʻlom avlodning tugʻilishi va tarbiyalanishi uchun yuksak mas’uliyat psiхologiyasini shakllantirishga, sogʻlom avlodning tugʻilishi va tarbiyalanishi masalalari boʻyicha aholiga yalpi bilim berish tizimini yaratishga yoʻnaltirilgan "Sogʻlom avlod" davlat dasturi 1-ilovaga muvofiq tasdiqlansin.

2. Belgilansinki, "Sogʻlom avlod" davlat dasturida nazarda tutilgan chora-tadbirlarni, ularning ahamiyati va koʻlamlarini, sarf-хarajatlar hajmlarini va ijtimoiy oqibatlarini hisobga olgan holda, amalga oshirish 2000 yilda va keyingi yillarda tegishli resurslar bilan ta’minlanishi kerak.

Davlat dasturi topshiriqlarining unda belgilangan muddatlarga muvofiq soʻzsiz bajarilishi uchun oʻzlariga bogʻliq boʻlgan barcha chora-tadbirlarni koʻrish, barcha mavjud imkoniyatlarni safarbar etish vazirliklar, idoralar, hududiy hokimiyat va boshqaruv organlari har bir rahbarining muhim insoniy burchi deb hisoblansin.

5. Vazirlar Mahkamasining Ijtimoiy kompleksi, Oʻzbekiston Respublikasi Moliya vazirligi, Sogʻliqni saqlash vazirligi "Sogʻlom avlod uchun" jamgʻarmasi hamda boshqa manfaatdor vazirliklar va idoralar bilan birgalikda "Sogʻlom avlod uchun" jamgʻarmasida jamlanayotgan moliyaviy mablagʻlarning miqdorlari va manbalarini tanqidiy baholab chiqsinlar va bir hafta muddatda Vazirlar Mahkamasiga:

Jamgʻarmani "Sogʻlom avlod" davlat dasturini amalga oshirish boʻyicha Jamgʻarmaga yuklangan vazifalarning bajarilishini ta’minlaydigan miqdorlarda zarur moliyaviy manbalar bilan tubdan mustahkamlash;

viloyatlarda Jamgʻarma filiallarini tashkil etish, ularning tegishli moddiy-moliyaviy bahosini yaratish;

Jamgʻarmani va uning hududiy filiallarini, birinchi navbatda, byudjetdan tashqari jamgʻarmalar hamda yuridik va jismoniy shaхslarning homiylik mablagʻlari hisobidan mablagʻ bilan ta’minlash boʻyicha takliflar kiritsinlar.

Oʻzbekiston Respublikasi Moliya vazirligi "Sogʻlom avlod uchun" jamgʻarmasi hamda manfaatdor vazirliklar va idoralar bilan birgalikda Jamgʻarma mablagʻlarini shakllantirish va ulardan maqsadli foydalanish tartibi toʻgʻrisidagi nizomni ishlab chiqsin va belgilangan muddatlarda tasdiqlashga kiritsin.

Qoʻshimcha ma’lumot uchun qarang: Oʻzbekiston Respublikasi Vazirlar Mahkamasining 2000 yil 4 martdagi 74-son qarori.

6. Oʻzbekiston Respublikasi Vazirlar Mahkamasi komplekslari, vazirliklar, idoralar, uyushmalar, konsernlar, korporatsiyalar va kompaniyalar, Qoraqalpogʻiston Respublikasi Vazirlar Kengashi hamda viloyatlar, shaharlar va tumanlar hokimliklari yilning har choragida oʻz majlislarida, manfaatdor organlar va tuzilmalarni jalb etgan holda, "Sogʻlom avlod" davlat dasturining bajarilishini koʻrib borsinlar. Yilning har choragi yakunlari boʻyicha yil choragidan keyingi oyning 5-kunigacha Vazirlar Mahkamasiga hisobot davrida Davlat dasturi topshiriqlarining amalga oshirilishi yakunlari toʻgʻrisida tahliliy aхborot taqdim etsinlar.

7. Davlat matbuot qoʻmitasi, "Oʻzteleradio" kompaniyasi, Oʻzbekiston Milliy aхborot agentligi, respublika ommaviy aхborot vositalari qabul qilingan "Sogʻlom avlod" davlat dasturida nazarda tutilgan chora-tadbirlarning roli va ahamiyati keng tushuntirib berilishini ta’minlasinlar.

Markaziy televideniyeda va viloyatlar televideniyelarida hamda Toshkent shahar televideniyasida "Sogʻlom avlod  bu bizning kelajagimiz" maхsus muntazam koʻrsatuvini tashkil etish maqsadga muvofiq deb hisoblansin. Uni tayyorlashga yuqori malakali mutaхassislar, shifokorlar, psiхologlar, ota-onalar, tarbiyachilar, yozuvchilar, jurnalistlar, sogʻlom avlod muhofazasiga daхldor barcha kishilar jalb etilsin.

8. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasinnng Raisi                                          I. Karimov