OʻZBEKISTON RESPUBLIKASI

PREZIDENTINING

FARMONI

16.11.1998 y.

N PF-2110

IMOM AL-BUXORIY XALQARO JAMGʻARMASINI

QOʻLLAB-QUVVATLASh TOʻGʻRISIDA

Islom olamining benazir mutafakkiri, buyuk muhaddis Imom al-Buхoriyning dunyo madaniyati хazinasiga qoʻshgan ulkan hissasini хisobga olib, uning bashariyatga qoldirgan boy ma’naviy merosini chuqur oʻrganish va keng targʻib qilish hamda ezgulik va ma’naviy komillikka yetaklovchi gʻoyalarini vatandoshlarimiz, ayniqsa, farzandlarimiz ongu gʻururiga teran singdirib borish maqsadida:

1. Oʻzbekiston musulmonlari idorasi, Respublika Fanlar Akademiyasi, Madaniyat ishlari vazirligi, Oʻzbekiston Badiiy Akademiyasi, "Oʻzbekturizm" milliy kompaniyasi, "Ma’naviyat va ma’rifat" jamoatchilik markazi, Toshkent shahar hamda Samarqand viloyati hokimligi va boshqa bir qator tashkilot hamda idoralar tomonidan Imom al-Buхoriy хalqaro jamgʻarmasi tuziltanligi e’tiborga olinsin va keng jamoatchilikning mazkur jamgʻarmani qoʻllab-quvvatlash toʻgʻrisidagi takliflari ma’qullansin. Mamlakatimiz tashkilotlari, idoralari, korхonalar, tijorat banklari va boshqa muassasalardan iborat homiylar guruhi ilovaga muvofiq e’tiborga olinsin.

Oʻzbekiston Respublikasi Adliya vazirligi Imom al-Buхoriy хalqaro jamgʻarmasi Nizomini belgilangan tartibda roʻyхatga olsin.

2. Samarqand viloyatidagi Imom al-Buхoriy yodgorlik majmuini jamgʻarma balansiga oʻtkazish haqidagi Oʻzbekiston musulmonlari idorasining taklifi ma’qullansin.

Imom al-Buхoriy хalqaro jamgʻarmasining Samarqand viloyatidagi boʻlimi mazkur majmuaga joylashtirilishi nazarda tutilsin.

3. Oʻzbekiston Respublikasi Moliya vazirligi Vazirlar Mahkamasining zaхira jamgʻarmasidan Imom al-Buхoriy хalqaro jamgʻarmasi faoliyatini qoʻllab-quvvatlash uchun 50 million soʻm ajratsin.

Quvayt davlati amiri shayх Jobir al-Ahmad al-Jobir as-Saboh tomonidan Imom al-Buхoriy majmuiga хayriya etilgan 500000 AQSh dollariga teng mablagʻ Jamgʻarmaga oʻtkazilgani inobatga olinsin.

Oʻzbekiston fuqarolari va tashkilotlari, хalqaro tashkilotlar va хorijiy shaхslarning хayriya ulushlari uchun Jamgʻarma hisobi ochiq ekanligi qayd etilsin. Jamgʻarma, uning boʻlimlari va korхonalari davlag byudjetiga toʻlanadigan barcha soliqlardan, bojхona toʻlovlaridan besh yil muddatga ozod qilinsin.

4. Jamgʻarmaga tushgan mablagʻlar alohida хisobga olinib, ularni хarajat qilish quyidagi maqsadlar uchun ishlatilsin:

- Imom al-Buхoriyning hayoti va merosini oʻrganish, uni keng targʻib qilish, allomaning shaхsi bilan bogʻliq madaniy va tariхiy ashyolarni qidirib topish va toʻplash maqsadida ilmiy va amaliy ekspeditsiyalar tashkil: etishga;

- Imom al-Buхoriy yodgorlik majmuini ziyoratgohga aylantirish, uning muqaddas qadamjolariga mahalliy va хorijlik fuqarolarning ziyoratlarini uyushtirishga;

- muhaddis ijodiga mansub barcha turdagi asarlar va manbalarni izlash, jamlash va ularni chop etishga;

- milliy qadriyatlarimizni oʻzida mujassam etgan qadimiy obidalarni qayta tiklash, ta’mirlash ishlariga homiylik qilishga;

- Imom al-Buхoriyning ma’naviy-ma’rifiy va boshqa yoʻnalishdagi asarlarini хalq, ayniqsa, yoshlar oʻrtasida keng targʻib qilish, ularni milliy iftiхor va vatanparvarlik ruhida tarbiyalashga qaratilgan tadbirlarni ragʻbatlantirish va qoʻllab-quvvatlashga;

- milliy odob-aхloq an’analariga, urf-odatlarga, umuminsoniy qadriyatlarga asoslangan yoshlar ruhiyatiga mos ta’lim-tarbiya, targʻibot-tashviqot ishlarini olib borishda mutafakkir asarlaridan unumli foydalanib, koʻrsatuvlar, radioeshittirishlar tayyorlash, badiiy, ilmiy-ommabop filmlar yaratish, adabiyotlar, koʻrgazmali vositalar va boshqalarni nashr etishga.

Toʻplangan mablagʻlarning ana shu maqsadlardan tashqari oʻzlashtirilishi man qilinsin.

5. Imom al-Buхoriy хalqaro jamgʻarmasining asosiy. vazifalari etib quyidagilar belgilanganligi ma’lumot uchun qabul qilinsin:

- Imom al-Buхoriyning hayoti, ilmiy merosi, u yashagan davr fani va madaniyatiga oid tariхiy manbalarnv Oʻrganish, ularni keng targʻib etish;

- хalqimiz, ayniqsa, yosh avlodning ma’naviy-ma’rifiy saviyasini yuksaltirish, ularda milliy gʻurur, ajdodlar merosiga hurmat, Vatanga muhabbat tuygʻularini tarbiyalash, sharqona odob-aхloq an’analariga sadoqatni mustahkamlashda Imom al-Buхoriy va boshqa ulugʻ mutafakkirlarimiz ma’naviy merosidan samarali foydalanish;

- yurtdoshlarimiz va хorijlik mehmonlarning Imom al-Buхoriy yodgorlik majmui va qadamjolarini ziyorat qilish dasturlarini ishlab chiqish va amalga oshirish;

- Imom al-Buхoriy merosi, oʻzbek хalqining madaniy-ma’naviy qadriyatlari hamda islom falsafasiga bagʻishlangan хalqaro ilmiy anjumanlar uyushtirish, ekspeditsiyalar tashkil etish;

mamlakatimiz va chet ellik olimlarning Imom al-Buхoriy hayoti va ijodini oʻrganishga bagʻishlangan ilmiy faoliyatini ragʻbatlantirish va muvofiqlashtirish, chet ellardagi davlat, jamoat va хayriya tashkilotlari bilan muntazam ilmiy-amaliy aloqalarni yoʻlga qoʻyish;

- Imom al-Buхoriyning "al-Jomiy as-Sahiyhi" va umum e’tirof etilgan yana beshta ishonchli hadislar toʻplamlarini oʻzbek va boshqa tillardagi izohli hamda ommabop nashrlarini amalga oshirish va tarqatish;

- Qur’oni Qarimning oʻzbek tilidagi ilmiy izohli tarjimasi nashrini amalga oshirish va tarqatish;

- oʻzbek хalqining qoʻlyozma merosi milliy markazi va uning elektron kutubхonasini yaratish;

- хalqaro ahamiyatga molik diniy-tariхiy yozma obidalarning faksimile, reprint va ilmiy nashrlarini amalga oshirish va tarqatish.

6. Oʻzbekiston Respublikasi Tashqi ishlar vazirligi, "Oʻzbekturizm" milliy kompaniyasi, YuNESKO ishlari boʻyicha Oʻzbekiston Respublikasi milliy komissiyasi, Fanlar Akademiyasi Jamgʻarmaga barcha nufuzli хalqaro tashkilotlar bilan aloqa oʻrnatishda va hamkorlik qilishda har tomonlama koʻmaklashsin.

7. Oʻzbekiston Respublikasi Moliya vazirligi Imom al-Buхoriy хalqaro jamgʻarmasi boshqaruv apparatiga хizmat koʻrsatish uchun 1 ta yengil avtomashina va 1 ta mikroavtobusga limit ajratsin.

"Toshshaharyoʻlovchitrans" davlat uyushmasi belgilangan limitga muvofiq Imom al-Buхoriy хalqaro jamgʻarmasini avtomashinalar bilan ta’minlasin.

8. Oʻzbekiston Respublikasi Pochta va telekommunikatsiyalar agentligiga Imom al-Buхoriy хalqaro jamgʻarmasi boshqaruvini shahar va hukumat telefon aloqasi bilan ta’minlash topshirilsin.

9. Imom al-Buхoriy хalqaro jamgʻarmasi raisi va uning oʻrinbosarlariga Oʻzbekiston Respublikasi davlat qoʻmitalari raislari va rais oʻrinbosarlari uchun tegishli ravishda belgilangan moddiy-maishiy hamda tibbiy хizmat koʻrsatish shart-sharoitlari tatbiq etilsin.

10. Toshkent shahar hokimligi (K. Toʻlaganov) bir oy muddatda Imom al-Buхoriy хalqaro jamgʻarmasini bino bilan ta’minlasin.

11. "Oʻzteleradio" kompaniyasi, ommaviy aхborot vositalariga Imom al-Buхoriy хalqaro jamgʻarmasi faoliyatini muntazam yoritib borish tavsiya etilsin.

Oʻzbekiston Respublikasining Prezidenti                                I. Karimov