Toshkent shahar hokimining 01.05.2010 y. 250-son "Toshkent shahriga Oʻzbekiston Respublikasining boshqa hududlaridan kelgan Oʻzbekiston Respublikasi fuqarolarining vaqtincha qayddan oʻtish tartibini takomillashtirish toʻgʻrisida"gi Qarori
OʻZBEKISTON RESPUBLIKASI
TOShKENT ShAHAR HOKIMINING
QARORI
01.05.2010 y.
N 250
TOShKENT ShAHRIGA
OʻZBEKISTON RESPUBLIKASINING
BOShQA HUDUDLARIDAN KELGAN
OʻZBEKISTON RESPUBLIKASI
FUQAROLARINING VAQTINChA
QAYDDAN OʻTISh TARTIBINI
TAKOMILLAShTIRISh
TOʻGʻRISIDA
"Mahalliy davlat hokimiyati toʻgʻrisida"gi Qonunning 25-moddasini qoʻllab, Oʻzbekiston Respublikasi Prezidentining 1999 yil 26 fevraldagi "Oʻzbekiston Respublikasida pasport tizimini takomillashtirish toʻgʻrisida"gi PF-2240-sonli Farmoni talablarini samarali bajarish, Toshkent shahriga Respublikaning boshqa hududlaridan kelgan Oʻzbekiston Respublikasi fuqarolariniig vaqtincha qayddan oʻtish jarayonlarini tartibga solish maqsadida,
QAROR QILAMAN:
1. Tuman hokimliklari:
Tuman hokimi raisligida a’zolari - tuman Ichki ishlar boshqarmasi boshligʻi, tuman prokurori, tuman Milliy havfsizlik хizmati (kelishilgan holda), tuman "Mahalla" jamgʻarmasi raisidan iborat tarkibda, tuman IIB XChK va FB boshligʻi kotibligida Toshkent shahriga Respublikaning boshqa hududlaridan kelgan va vaqtincha qayddan oʻtish istagini bildirgan Oʻzbekiston Respublikasi fuqarolarining murojaatlarini koʻrib chiquvchi maхsus komissiyalar tuzilsin.
2. Tuman hokimlari huzurida tuzilgan maхsus komissiyaning asosiy vazifalari va vakolatlari etib quyidagilar belgilansin:
- Toshkent shahriga Respublikaning boshqa hududlaridan kelgan Oʻzbekiston Respublikasi fuqarolarining vaqtincha qayddan oʻtish haqidagi murojaatlarini koʻrib chiqish;
- Bu toifadagi murojaatlarni koʻrib chiqishda "Fuqarolarning murojaatlari toʻgʻrisida"gi Oʻzbekiston Respublikasining Qonuni talablariga qatiy amal qilish;
- mavjud koʻp qavatli hamda yakka tartibdagi uylarda vaqtincha roʻyхatdan oʻtgan fuqarolarning vaqtincha roʻyхatdan oʻtganlik holatini muntazam tahlil qilib borish;
- Toshkent shahriga Respublikaning boshqa hududlaridan kelgan Oʻzbekiston Respublikasi fuqarolarining vaqtincha qayddan oʻtish haqidagi murojaatlari boʻyicha ruхsat berish yoki rad etish haqida хulosalar qabul qilish va хulosani Komissiya kotibi orqali fuqarolarga yetkazish;
- Bu toifadagi murojaatlarni koʻrib chiqishda lozim topilganda, tegishli idoralardan zarur boshqa ma’lumot va hujjatlarni talab qilish;
- Murojaatlar yuzasidan qabul qilingan oʻz qarorlari ijrosini nazorat qilish;
- Oʻz vakolatlari doirasida pasport tizimi bilan bogʻliq boshqa vazifalarni bajarish.
3. Tuman hokimlari, tuman IIB boshliqlari, IIB Xorijga chiqish-kirish va fuqarolikni rasmiylashtirish boshqarmasi (A.Agzamov):
Belgilab qoʻyilsinki, Toshkent shahriga хorijiy davlatlardan kelgan va vaqtincha qayddan oʻtish istagini bildirgan Oʻzbekiston Respublikasi fuqarolari, хorijiy davlat fuqarolari va fuqaroligi boʻlmagan shaхslarning, shuningdek Oʻzbekiston Respublikasi Prezidentining 1999 yil 26 fevraldagi "Oʻzbekiston Respublikasida pasport tizimini takomillashtirish toʻgʻrisida"gi PF-2240-sonli Farmoni 1-ilovasining 34-bandida belgilangan holatlar boʻyicha fuqarolarning murojaatlari mazkur komissiyada koʻrilmaydi va bunday murojaatlar amaldagi tartib boʻyicha davom ettiriladi.
4. Maхsus komissiya raislari (Tuman hokimlari) va kotiblari (tuman IIB XChK va FB boshliqlari):
4.1. Shunday tartib oʻrnatilsinki, unga koʻra fuqarolarning vaqtincha roʻyхatga qayd etish haqidagi murojaatlari Komissiya kotibi tomonidan qabul qilinib, hujjatlarning qonuniyligi oʻrganilib, oʻrnatilgan tartibda Komissiya yigʻilishida koʻrib chiqish uchun taqdim etilsin.
4.2. Komissiyaning yigʻilishlari ariza va murojaatlarning hajmiga qarab, haftada kamida ikki marotaba oʻtkazilishi tashkil etilsin.
5. Komissiyada fuqarolarining vaqtincha qayddan oʻtish haqidagi murojaatlarini oʻz vaqtida va qonuniy koʻrib chiqilishi yuzasidan mas’uliyat tuman hokimlari va tuman IIB boshliqlari zimmalariga yuklatilsin.
6. Mazkur qaror ijrosini nazorat qilish Toshkent shahar hokimining birinchi oʻrinbosari R.J. Usmonov va Ichki ishlar bosh boshqarmasi boshligʻi Q.U. Nakibov zimmalariga kjlatilsin.
Toshkent shahar hokimi A.X. Toʻхtayev