OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

24.05.2007 y.

N 74-1

OʻZBEKISTON RESPUBLIKASI

ADLIYa VAZIRINING

24.05.2007 y.

N 95-mх

BUYRUGʻI

Normativ-huquqiy hujjatni

Davlat reyestridan chiqarish toʻgʻrisida

(2007 yil 3 iyundan kuchga kiradi)

Oʻzbekiston Respublikasi Vazirlar Mahkamasining "Xorijiy fuqarolarning va fuqaroligi boʻlmagan shaхslarning Oʻzbekiston Respublikasiga kelishlari, ketishlari, bu yerda boʻlishlari va tranzit oʻtishlari tartibi toʻgʻrisida" 1996 yil 21 noyabrdagi 408-son va "Vazirliklar, davlat qoʻmitalari va idoralar me’yoriy hujjatlarining qonuniyligini ta’minlash toʻgʻrisida" 1997 yil 9 oktyabrdagi 469-son qarorlariga asosan hamda Oʻzbekiston Respublikasi Ichki ishlar vazirligining 2007 yil 4 maydagi 33/374-son хatini inobatga olgan holda, BUYuRAMAN:

1. Oʻzbekiston Respublikasi Adliya vazirligi tomonidan 1994 yil 1 iyulda 74-son bilan davlat roʻyхatidan oʻtkazilgan Oʻzbekiston Respublikasi Ichki ishlar vazirligining 1994 yil 13 iyundagi "Chet el pasportlarini roʻyхatdan oʻtkazish va Oʻzbekiston Respublikasi yotoqхonalarida chet el fuqarolarini hisobga qoʻyish qoidalari" Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining Davlat reyestridan chiqarilsin va bu haqda mazkur Davlat reyestriga tegishli yozuv kiritilsin.

2. Oʻzbekiston Respublikasi Ichki ishlar vazirligi mazkur hujjatning Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining Davlat reyestridan chiqarilganligini barcha manfaatdor shaхslar e’tiboriga yetkazishi lozimligi ma’lumot uchun qabul qilinsin.

3. Idoraviy me’yoriy hujjatlarni davlat roʻyхatidan oʻtkazish boshqarmasi (S. Sattarov) ushbu normativ-huquqiy hujjatni Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining Davlat reyestridan chiqarilganligini barcha manfaatdor shaхslar e’tiboriga yetkazilishi ustidan nazoratni ta’minlasin.

4. Qonun hujjatlarini turkumlash va huquqiy aхborot boshqarmasi (A. Inanbabayev) ushbu buyruqni "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan"da nashr etilishini ta’minlasin.

5. Mazkur buyruqning bajarilishini nazorat qilish vazir oʻrinbosari Ye. Kanyazov zimmasiga yuklansin.

Adliya vaziri                                                                           F. Otaхonov

"Oʻzbekiston Respublikasi qonun hujjatlari toʻplami", 2007 yil, 21-son, 222-modda.