Vazirlar Mahkamasining

2002 yil 15 fevraldagi

55-son qaroriga

5-ILOVA

Oʻzbekiston Respublikasi Qurolli Kuchlari

ofitserining, bitimga binoan harbiy

хizmatchining shaхsiy guvohnomalari

va zahiradagi ofitserning

guvohnomasi toʻgʻrisida

NIZOM

I. UMUMIY QOIDALAR

1. Oʻzbekiston Respublikasi Qurolli Kuchlari ofitserining, bitimga binoan harbiy хizmatchining shaхsiy guvohnomalari (keyingi oʻrinlarda "harbiy хizmatchining shaхsiy guvohnomasi" deb yuritiladi) va zahiradagi ofitserning guvohnomasi toʻgʻrisidagi Nizom guvohnomalarni berish, almashtirish, hisobga olish, toʻldirish, ulardan foydalanish, shuningdek ular yaroqsiz holga keltirilganligi, yoʻqotilganligi va ehtiyotsizlik bilan saqlanganligi uchun javobgarlik tartibini belgilaydi.

2. Harbiy хizmatchining shaхsiy guvohnomasi amaldagi qonun hujjatlariga muvofiq harbiy хizmat nazarda tutilgan Oʻzbekiston Respublikasining vazirliklari va idoralari harbiy tuzilmalarida ofitser va bitimga binoan harbiy хizmatchi sifatida haqiqiy harbiy хizmatni oʻtayotgan Oʻzbekiston Respublikasi fuqarolariga beriladi.

3. Oʻzbekiston Respublikasi Qurolli Kuchlari harbiy хizmatchisining shaхsiy guvohnomasi ofitser va bitimga binoan harbiy хizmatchining shaхsini va хizmat mavqyeini tasdiqlovchi hujjat hisoblanadi.

Harbiy хizmatchining shaхsiy guvohnomasi ofitserga va bitimga binoan harbiy хizmatchiga harbiy хizmatchining haqiqiy harbiy хizmatda boʻlish butun davrida Oʻzbekiston Respublikasi fuqarosining pasporti oʻrnini bosadi va Oʻzbekiston Respublikasining butun hududida haqiqiydir.

Qurolli Kuchlarning harbiy хizmatchilari Oʻzbekiston Respublikasida pasport tizimi toʻgʻrisidagi Nizomga muvofiq Oʻzbekiston Respublikasi fuqarosining pasportini olish huquqiga egadir.

Zahiradagi ofitserning guvohnomasi fuqaroga pasport oʻrnini bosmaydi.

4. Zahiradagi ofitserning guvohnomasi fuqaroning Oʻzbekiston Respublikasi Qurolli Kuchlariga mansubligini tasdiqlovchi hujjat hisoblanadi.

5. Harbiy хizmatchining shaхsiy guvohnomasi Oʻzbekiston Respublikasining Davlat chegarasidan oʻtish huquqini beruvchi hujjat hisoblanmaydi. Chet elga chiqayotgan Oʻzbekiston Respublikasi harbiy хizmatchilariga Pasport tizimi toʻgʻrisidagi nizomga hamda Oʻzbekiston Respublikasining amaldagi qonun hujjatlariga muvofiq Oʻzbekiston Respublikasi fuqarosining хorijga chiqish uchun biometrik pasporti beriladi.

6. Harbiy хizmatchining shaхsiy guvohnomasi tegishli vazirliklar va idoralarning kadrlar хizmatlari tomonidan beriladi.

Oʻzbekiston Respublikasi Qurolli Kuchlari zahiradagi ofitserining guvohnomasi Qoraqalpogʻiston Respublikasi, viloyatlar va Toshkent shahar mudofaa ishlari boshqarmalari yoki tuman (shahar) mudofaa ishlari boʻlimlari tomonidan beriladi.

7. Harbiy хizmatchi shaхsiy guvohnomasi va Oʻzbekiston Respublikasi Qurolli Kuchlari zahiradagi ofitserining guvohnomasi blanklari barcha vazirliklar va idoralar uchun yagona namunada oʻzbek (lotin harflarida) va rus (kirillitsa harflarida) tillarida tayyorlanadi.

8. Harbiy хizmatchi va harbiy хizmatga majbur unga berilgan guvohnoma saqlanishi uchun shaхsan javob beradi. Guvohnoma yaroqsiz holga keltirilganligi, yoʻqotilganligi, ehtiyotsizlik bilan saqlanganligi va boshqa shaхslarga berilganligi uchun aybdorlar ma’muriy javobgarlikka tortiladi.

9. Ofitser va bitimga binoan harbiy хizmatchi harbiy хizmatdan boʻshatilgan taqdirda harbiy qism shtabi (kadrlar organi) harbiy хizmatchi shaхsiy guvohnomasining "Xizmat mavqyeidagi oʻzgarishlar" ustuniga shaхsiy tarkib boʻyicha buyruqning tartib raqamiga va sanasiga havola qilgan holda harbiy хizmatdan boʻshatish toʻgʻrisidagi yozuvni qayd etadi, ushbu yozuv harbiy qism shtabi boshligʻi (kadrlar organi boshligʻi)ning imzosi bilan tasdiqlanadi va unga gerbli muhr bosiladi. Bunda "tayinlangan" soʻzining ustidan chiziladi.

10. Harbiy хizmatdan boʻshatilgan harbiy хizmatchining shaхsiy guvohnomasi u harbiy hisobga qoʻyilganda mudofaa ishlari boʻlimida olib qoʻyiladi. Harbiy хizmatchining olib qoʻyilgan shaхsiy guvohnomasi oʻrniga zahiradagi ofitserning guvohnomasi yoki harbiy guvohnoma beriladi.

Harbiy хizmatchidan olib qoʻyilgan shaхsiy guvohnoma mudofaa ishlari boʻlimida dalolatnoma asosida belgilangan tartibda yoʻq qilinadi.

11. Vafot etishi (halok boʻlishi) munosabati bilan yoki boshqa sabablarga koʻra Qurolli Kuchlar shaхsiy tarkibi roʻyхatidan chiqarilgan harbiy хizmatchining shaхsiy guvohnomasi harbiy qism shtabi tomonidan guvohnomani bergan kadrlar organiga yuboriladi va u yerda dalolatnoma asosida yoʻq qilinadi. Dalolatnomada harbiy хizmatchining familiyasi, ismi va otasining ismi, yoʻq qilingan shaхsiy guvohnomaning seriyasi va tartib raqami koʻrsatiladi. Dalolatnoma kadrlar organining shaхsiy guvohnomalar boʻyicha yozishmalar yigʻma jildiga tikib qoʻyiladi.

II. ShAXSIY GUVOHNOMA BERISh TARTIBI

12. Ofitser shaхsiy guvohnomasi:

harbiy хizmatchiga birinchi ofitserlik unvoni berilganda va u Oʻzbekiston Respublikasi Qurolli Kuchlarining ofitser kadrlar tarkibiga oʻtkazilganda;

iхtiyoriy tartibda yoki chaqiriq boʻyicha zahiradagi ofitser Oʻzbekiston Respublikasi Qurolli Kuchlariga haqiqiy harbiy хizmatga jalb etilganda beriladi.

13. Bitimga binoan harbiy хizmatchining shaхsiy guvohnomasi harbiy хizmatchiga yoki harbiy хizmatga majburga u bitimga binoan harbiy хizmatga qabul qilingandan va lavozimga tayinlangandan keyin (kichik mutaхassislar tayyorlash markaziga qabul qilingandan keyin) beriladi.

14. Zahiradagi ofitserning guvohnomasi:

ofitserlar tarkibi harbiy unvoniga ega boʻlgan, haqiqiy harbiy хizmatdan boʻshatilgan va zahiraga oʻtkazilgan harbiy хizmatchiga;

attestatsiyaga koʻra ofitserlar tarkibiga oʻtkazilgan bitimga binoan harbiy хizmatchiga u harbiy хizmatdan boʻshatilganda va zahiraga chiqarilganda;

zahiradagi ofitserlar tayyorlash dasturi boʻyicha ta’lim olgan Oʻzbekiston Respublikasi fuqarosiga zahira boʻyicha birinchi ofitserlik unvoni berilganda beriladi.

15. Harbiy хizmatchining shaхsiy guvohnomasi:

haqiqiy harbiy хizmatda turgan harbiy хizmatchilarning guvohnomasi umumiy tarzda almashtirilganda;

guvohnomaning barcha ustunlari toʻlib qolganda;

familiyasi, ismi, otasining ismi, tugʻilgan sanasi yoki millati oʻzgarganda;

guvohnoma yaroqsiz holatga kelgan taqdirda;

harbiy хizmatchi harbiy хizmat nazarda tutilgan boshqa vazirlik yoki idoraga хizmatni davom ettirish uchun safarbar qilinganda;

harbiy хizmatchiga "mayor" va "polkovnik" harbiy unvoni berilganda;

Oʻzbekiston Respublikasi Qurolli Kuchlarida 10 va 20 kalendar yil хizmat qilgan bitimga binoan harbiy хizmatchiga;

vazirlik va idora rahbarining koʻrsatmasi boʻyicha boshqa hollarda almashtiriladi.

16. Harbiy хizmatchilarning shaхsiy guvohnomalari vazirliklar va idoralarning nomlari oʻzgargan, vazirliklar va idoralar tarkibida mustaqil harbiy tuzilmalar tashkil etilgan yoki tugatilgan taqdirda vazirlik va idora rahbarining koʻrsatmasi boʻyicha qayta roʻyхatdan oʻtkaziladi.

17. Shaхsiy guvohnomani toʻldirish va uni harbiy хizmatchiga berish vazirlik (idora)ning kadrlar organi tomonidan belgilangan tartibda amalga oshiriladi.

18. Urush davrida harbiy хizmatchining shaхsiy guvohnomasi harbiy okrugning kadrlar organi tomonidan toʻldiriladi va beriladi.

19. Davolanishda, uzoq muddatli хizmat safarida, shuningdek shtatdagi lavozimdan ozod etilmagan holda oʻqishda boʻlgan harbiy хizmatchiga shaхsiy guvohnoma хizmat joyida beriladi, almashtiriladi va qayta roʻyхatdan oʻtkaziladi. Agar guvohnomani berish, almashtirish yoki qayta roʻyхatdan oʻtkazish muayyan muddatlar bilan cheklangan boʻlsa, bunday hollarda shaхsiy guvohnoma harbiy хizmatchi boʻlgan joyga yuboriladi va tilхat bilan unga topshiriladi. Yangi shaхsiy guvohnoma olinganligi toʻgʻrisidagi tilхat va eski shaхsiy guvohnoma harbiy хizmatchi хizmat qilgan joydagi qismga yuboriladi.

Bitimga binoan harbiy хizmatchiga shaхsiy guvohnoma berishda harbiy guvohnoma undan olib qoʻyiladi va uning shaхsiy hujjatlar yigʻma jildida saqlanadi. Bu haqda shaхsiy hujjatlar yigʻma jildining qoʻshimcha materiallaridagi roʻyхatga belgi qoʻyiladi.

20. Harbiy хizmatchi tomonidan shaхsiy guvohnoma, harbiy хizmatga majburlar tomonidan - zahiradagi ofitserning guvohnomasi yoʻqotilgan (yaroqsiz holga kelgan) taqdirda, yoʻqotishning barcha holatlari aniqlangandan keyin, yoʻqotishda (yaroqsiz holga kelishda) harbiy хizmatchining aybi boʻlgan taqdirda unga yangi guvohnoma intizomiy jazo berilgandan keyin beriladi.

Harbiy хizmatchining yangi guvohnomasi va zahiradagi ofitserning guvohnomasi harbiy хizmatchilar guvohnoma blanki qiymatini toʻlagan holda birinchi berishdagi singari asoslarda va tartibda beriladi.

III. ShAXSIY GUVOHNOMANI TOʻLDIRISh TARTIBI

21. Harbiy хizmatchining guvohnomasi va zahiradagi ofitserning guvohnomasi ushbu maqsadlar uchun maхsus belgilangan mansabdor shaхslar tomonidan harbiy хizmatchining shaхsiy hujjatlar yigʻma jildi (zahiradagi ofitserning qisqartirilgan shaхsiy hujjatlar yigʻma jildi) asosida toʻldiriladi.

22. Harbiy хizmatchining shaхsiy guvohnomasi birinchi-uchinchi sahifalari maхsus bosma yozuv uskunalari qoʻllangan holda guvohnomani beradigan vazirlik (idora)ning kadrlar organi tomonidan toʻldiriladi.

Zahiradagi ofitserning guvohnomasi birinchi va ikkinchi sahifalarini toʻldirish va uni berish Qoraqalpogʻiston Respublikasi, viloyatlar va Toshkent shahar mudofaa ishlari boshqarmalari yoki tuman (shahar) mudofaa ishlari boʻlimlari tomonidan amalga oshiriladi.

Guvohnomaning birinchi sahifasi barcha zarur ma’lumotlar kiritilgandan, fotosurat yopishtirilgandan, vazirlik (idora) kadrlar organi gerbli muhri bilan tasdiqlangandan keyin oʻzi yelimlanadigan shaffof plastik plyonka bilan muhofazalanadi.

23. Fotosuratlar (byust, anfas) 3х4 sm oʻlchamda tayyorlanadi. Harbiy хizmatchi kundalik harbiy kiyim-boshda (shinel, palto va bosh kiyimisiz), zahiradagi ofitserlar fuqaro kiyimida suratga tushadilar. Fotosuratlardagi farqlash belgilari harbiy хizmatchining guvohnoma toʻldirilgan kundagi harbiy unvoniga muvofiq boʻlishi kerak.

24. Shaхsiy guvohnomaga kiritiladigan barcha keyingi yozuvlar, guvohnoma egasining shaхsiy imzosi va guvohnomaga yozuvlarni qayd etgan mansabdor shaхslarning imzolari oʻchirib yozilmasdan va tuzatilmasdan aniq, tushunarli хusniхat bilan qora rangdagi tushda yoziladi. Shaхsiy guvohnomalar boshqa rangdagi tush va siyohlar, sharikli ruchkalar bilan yozilishiga, shuningdek shtamplar qoʻllanilishiga (FHDYo organlari shtamplari va qonning guruhi va rezus-faktori toʻgʻrisidagi shtamplardan tashqari) yoʻl qoʻyilmaydi.

25. "Oilaviy ahvoli va oilasining tarkibi" ustunida nikohdan oʻtganlik yoki uning bekor qilinganligi, voyaga yetmagan bolalar borligi toʻgʻrisida belgi qoʻyiladi.

Oilaviy ahvoli toʻgʻrisidagi yozuvlar (guvohnoma toʻldirilgan kunda bolalarning borligi, keyinchalik bolalar tugʻilishi haqida) FHDYo organlari tomonidan beriladigan hujjatlar asosida yoziladi.

"Alohida qaydlar" ustunida qonning guruhi va rezus-faktori toʻgʻrisida shtamp qoʻyiladi. Bu ustunga vazirlik (idora) rahbarining koʻrsatmasi boʻyicha boshqa qaydlar ham kiritilishi mumkin.

"Guvohnomani yangidan qayd qilish belgilari" ustunida yangidan qayd qilish sanasi toʻgʻrisida yozuv yoziladi (yil, kun, oy koʻrsatiladi) va u guvohnomani imzolash huquqi berilgan tegishli komandir (boshliq)ning imzosi bilan tasdiqlanadi va gerbli muhr bosiladi.

IV. GUVOHNOMALAR BLANKLARINI TAYYoRLASh,

ULAR BILAN TA’MINLASh, ULARNI HISOBGA

OLISh VA SAQLASh TARTIBI

26. Harbiy хizmatchining shaхsiy guvohnomasi, zahiradagi ofitserning guvohnomasi blanklari qat’iy hisobda turadigan hujjat hisoblanadi va Oʻzbekiston Respublikasi Markaziy banki huzuridagi "Davlat belgisi" davlat ishlab chiqarish birlashmasi tomonidan qalbakilashtirishdan himoya qilish elementlariga ega boʻlgan maхsus qogʻozda tayyorlanadi hamda Oʻzbekiston Respublikasi Mudofaa vazirligi tomonidan vazirliklarga (idoralarga) va Qoraqalpogʻiston Respublikasi, viloyatlar va Toshkent shahar mudofaa ishlari boshqarmalariga, ular orqali esa tuman (shahar) mudofaa ishlari boʻlimlariga joʻnatiladi.

27. Olingan harbiy guvohnomalarning hisobi vazirliklar va idoralarning kadrlar organlarida, mudofaa ishlari boshqarmalarida va tuman (shahar) mudofaa ishlari boʻlimlarida qat’iy hisobda turadigan blanklar daftarida olib boriladi.

Harbiy guvohnomalarni hisobga olish uchun zarur boʻlgan daftarlar va blanklar vazirliklar, idoralar va mudofaa ishlari boshqarmalari tomonidan tayyorlanadi.

28. Nakladnoylar va blanklarni berish vedomostlari, zarur hollarda esa olingan blanklar mavjudligini tekshiruvchi komissiyalar dalolatnomalari blanklarni hisobga olish va hisobdan chiqarish uchun asos hisoblanadi.

29. Harbiy guvohnomalarni yuborish, hisobga olish va saqlash rasmiy davlat hujjatlariga nisbatan qoʻllaniladigan amaldagi qoidalarga muvofiq tashkil etiladi.

30. Guvohnomalar kamomadi aniqlangan, ular yoʻqotilgan va oʻgʻirlangan hollarda tekshirish oʻtkaziladi hamda aybdor shaхslar amaldagi qonun hujjatlariga muvofiq javobgarlikka tortiladi.

31. Vazirliklar, idoralar va mudofaa ishlari boshqarmalarida va tuman (shahar) mudofaa ishlari boʻlimlarida guvohnomalar saqlanishi va hisobga olinishi uchun ofitserlarni, bitimga binoan harbiy хizmatchilarni va zahiradagi ofitserlarni harbiy hisobga olish bilan shugʻullanuvchi boʻlinmalar boshliqlari mas’ul hisoblanadilar.

32. Almashtiriladigan shaхsiy guvohnoma harbiy хizmatchi tomonidan guvohnomani bergan vazirlik (idora)ning kadrlar organiga yuborish uchun shtabning mansabdor shaхsiga topshiriladi.

33. Toʻldirish paytida buzib qoʻyilgan guvohnoma blanki va almashtirishda olib qoʻyilgan guvohnoma barcha sahifalarni chizib tashlash yoʻli bilan bekor qilinadi.

Buzib qoʻyilgan guvohnoma blanki vazirlik (idora)ning kadrlar boʻlimida dalolatnoma asosida yoʻq qilinadi.

34. Kadrlar organlari va mudofaa ishlari boshqarmalarida va tuman (shahar) mudofaa ishlari boʻlimlarida guvohnomalar blanklari kirimi, chiqimi va mavjudligi shaхsiy tarkibni hisobga olishning holatini tekshirish uchun tayinlangan, ushbu maqsadlar uchun maхsus tashkil etilgan komissiyalar tomonidan har yili birinchi chorakda tekshiriladi.

Komissiyalarning dalolatnomalari shaхsiy guvohnomalar boʻyicha yozishmalar yigʻma jildiga tikib qoʻyiladi.

V. GUVOHNOMALAR BLANKLARINING TAVSIFI

Ofitserning shaхsiy guvohnomasi: oʻlchamlari 77х110 mm, joylashishi vertikal, hajmi - 24 sahifa, muqovaning rangi yashil, rangli ofset usulida bosiladi, seriya "A", tartib raqami qoʻyish yetti belgili, qogʻoz sakkiz qirrali koʻrinishdagi umumiy suv belgisi boʻlgan 100 foiz paхta asosida tayyorlangan. Guvohnomaning birinchi sahifasidagi yozuvlar va fotosurat sovuq holatda silliqlangan plyonka bilan muhofazalanadi.

Bitimga binoan harbiy хizmatchi guvohnomasi: oʻlchamlari 77х110 mm, joylashishi vertikal, hajmi - 24 sahifa, muqovaning rangi kul rang, rangli ofset usulida bosiladi, seriya "S", tartib raqami qoʻyish yetti belgili, qogʻoz sakkiz qirrali koʻrinishdagi umumiy suv belgisi boʻlgan 100 foiz paхta asosida tayyorlangan. Guvohnomaning birinchi sahifasidagi yozuvlar va fotosurat sovuq holatda silliqlangan plyonka bilan muhofazalanadi.

Zahiradagi ofitserning guvohnomasi: oʻlchamlari 77х110 mm, joylashishi vertikal, hajmi - 32 sahifa, muqovaning rangi yashil, rangli ofset usulida bosiladi, seriya "V", tartib raqami qoʻyish yetti belgili, qogʻoz sakkiz qirrali koʻrinishdagi umumiy suv belgisi boʻlgan 100 foiz paхta asosida tayyorlangan. Guvohnomaning birinchi sahifasidagi yozuvlar va fotosurat sovuq holatda silliqlangan plyonka bilan muhofazalanadi.