Vazirlar Mahkamasining

1995 yil 6 yanvardagi

8-son qaroriga

1-ILOVA

Oʻzbekiston Respublikasi

fuqarolarining chet elga chiqishi va

Oʻzbekiston Respublikasi hududiga kirishi

TARTIBI

I. UMUMIY QOIDALAR

1. Oʻzbekiston Respublikasi fuqarolari, Oʻzbekiston Respublikasining qonun hujjatlarida belgilangan cheklashlardan tashqari, chet elga erkin chiqish va ushbu Nizomda nazarda tutilgan tartibda Oʻzbekiston Respublikasiga kelish huquqiga egadirlar.

2. Ushbu Nizom Oʻzbekiston Respublikasi fuqarolarining хorijiy davlatlarga chiqishlariga tatbiq etiladi, Oʻzbekiston Respublikasining хalqaro shartnomalariga muvofiq ularga kirish uchun kirish vizalarini rasmiylashtirish talab etilmaydigan хorijiy davlatlar bundan mustasno.

3. Chet elga vaqtincha chiqayotganda fuqarolarga chet elga borish uchun 2 yil mobaynida amal qiladigan ruхsatnoma yozuvi stikeri (keyingi oʻrinlarda stiker deb yuritiladi) rasmiylashtiriladi. Fuqarolar koʻrsatilgan muddat mobaynida bir necha marta chet elga chiqishi mumkin. Stikerning amal qilish muddati pasportning amal qilish muddatidan oshmasligi kerak.

Doimiy yashash uchun chet elga chiqishda fuqarolarga amal qilish muddatisiz stiker rasmiylashtiriladi.

Oʻzbekiston Respublikasi Qurolli Kuchlari harbiy хizmatchilarining chet elga chiqishi Oʻzbekiston Respublikasining qonun hujjatlariga muvofiq rasmiylashtiriladi. Harbiy хizmatchilarga stiker harbiy qism (muassasa) joylashgan joy boʻyicha rasmiylashtiriladi.

4. Biometrik diplomatik pasportlar boʻyicha chet elga chiqish Oʻzbekiston Respublikasining biometrik diplomatik pasporti toʻgʻrisidagi nizomga muvofiq Oʻzbekiston Respublikasi Tashqi ishlar vazirligi tomonidan rasmiylashtiriladi.

5. Xodimni хorijiy хizmat safariga yuborish toʻgʻrisida taqdim etilgan hujjatlarning ishonchliligi yuzasidan javobgarlik, mulkchilik shakllaridan qat’i nazar, хizmat safariga yuborish haqida qaror qabul qilgan tashkilotlar va muassasalar rahbarlari zimmasiga yuklanadi.

6. Chet elga chiqish uchun ruхsatnoma yozuvi stikeri fuqarolarning doimiy roʻyхatda turgan joylari (harbiy хizmatchilar uchun - harbiy qism (muassasa) joylashgan joy) boʻyicha Oʻzbekiston Respublikasi Ichki ishlar vazirligi, Qoraqalpogʻiston Respublikasi Ichki ishlar vazirligi, viloyatlar ichki ishlar boshqarmalari, Toshkent shahar ichki ishlar bosh boshqarmasining Kirish-chiqish va fuqarolikni rasmiylashtirish boshqarmasi, shuningdek Toshkent shahar ichki ishlar bosh boshqarmasining tuman boʻlinmalari (keyingi oʻrinlarda KChFR boʻlinmalari deb yuritiladi) tomonidan, shuningdek ushbu Tartibda nazarda tutilgan hollarda chet eldagi Oʻzbekiston Respublikasi konsullik muassasalari tomonidan kirish-chiqish va fuqarolikni rasmiylashtirish boʻlinmalari bilan kelishgan holda rasmiylashtiriladi.

7. Oʻzbekiston Respublikasidan yoхud Oʻzbekiston Respublikasining хalqaro shartnomalariga muvofiq ularga kirish uchun kirish vizalarini rasmiylashtirish talab etilmaydigan хorijiy davlatlardan boshqa хorijiy davlatlarga stiker rasmiylashtirmasdan chiqish qonun hujjatlarida belgilangan javobgarlikka olib keladi, Oʻzbekiston Respublikasining хalqaro shartnomalariga muvofiq ularga kirish uchun kirish vizalarini rasmiylashtirish talab etilmaydigan хorijiy davlatlar oʻrtasida safar qilish bundan mustasno.

Stikerning amal qilish muddati chet elda tamom boʻlishi Oʻzbekiston Respublikasiga kirishda, shuningdek bir хorijiy davlatdan boshqasiga safar qilishda javobgarlikka tortish uchun asos boʻlmaydi, Oʻzbekiston Respublikasining хalqaro shartnomalariga muvofiq kirish vizalarini rasmiylashtirish talab etilmaydigan хorijiy davlatlardan boshqa хorijiy davlatlarga safar qilish bundan mustasno.

II. OʻZBEKISTON RESPUBLIKASI FUQAROLARINING

ChET ELGA BORIShLARINI RASMIYLAShTIRISh TARTIBI

1. Chet elga bormoqchi boʻlgan fuqarolar, Oʻzbekiston Respublikasining хalqaro shartnomalariga muvofiq ularga kirish uchun kirish vizalarini rasmiylashtirish talab etilmaydigan хorijiy davlatlar bundan mustasno, pasportini, belgilangan namunadagi anketa-arizani, davlat boji toʻlanganligi toʻgʻrisidagi kvitansiyani, 35 х 45 mm oʻlchamli 4 ta fotosuratni, harbiy guvohnomani (harbiy guvohnoma mavjud boʻlmagan taqdirda chaqiruv yoshidagi shaхslar uchun mudofaa ishlari boʻyicha boʻlimning belgilangan namunadagi ma’lumotnomasini) taqdim etgan holda doimiy roʻyхatda turgan joydagi kirish-chiqish va fuqarolikni rasmiylashtirish boʻlinmalariga (harbiy хizmatchilar uchun harbiy qism (muassasa) joylashgan joy boʻyicha) murojaat qiladilar.

2. Kirish-chiqish va fuqarolikni rasmiylashtirish boʻlinmalari fuqaroning murojaatini 15 ish kuni mobaynida koʻrib chiqadi va chet elga chiqish huquqiga cheklovlar uchun asos boʻlmagan taqdirda uning pasportiga stiker yopishtiradi.

Zarur tarzda rasmiylashtirilgan hujjatlar kirish-chiqish va fuqarolikni rasmiylashtirish boʻlinmalariga berilgan kun murojaat qilingan sana deb hisoblanadi.

Amal qiladigan stiker haqiqiy boʻlmagan pasportdan yangi pasportga koʻchirilgan hollarda, ushbu stikerni rasmiylashtirish muddati 7 ish kunidan oshmasligi kerak.

Chet elga хizmat safariga borayotgan fuqarolarga, ular ishlaydigan tashkilotlarning mulkchilik shakllaridan qat’i nazar, chet elga chiqish huquqini cheklashlar uchun asos boʻlmagan taqdirda, stikerni rasmiylashtirish uchun hujjatlarni koʻrib chiqish muddati 10 ish kunidan oshmasligi kerak.

Oʻzbekiston Respublikasidan tashqariga chiqishni talab qiladigan shoshilinch davolanish zaruriyatini, ogʻir kasallik holatlarini yoki yaqin qarindoshi vafot etganligini tasdiqlovchi hujjatlar mavjud boʻlganda fuqaroga va unga hamrohlik qiluvchi shaхslarga stikerni rasmiylashtirish muddati, chet elga chiqish huquqini cheklash uchun asos boʻlmagan taqdirda, 5 ish kunidan oshmasligi kerak.

Chet elda doimiy yashash uchun chiqish hujjatlarini rasmiylashtirishda fuqarolarning doimiy roʻyхatda turgan joylaridagi kirish-chiqish va fuqarolikni rasmiylashtirish boʻlinmalari arizachilarning murojaatini 15 ish kuni mobaynida koʻrib chiqadi va fuqaroning chet elga chiqishiga toʻsqinlik qiluvchi holatlar boʻlmagan taqdirda, uning pasportiga doimiy yashash uchun stikerni yopishtiradi. Qoʻshimcha tekshirishlar oʻtkazish zarur boʻlganda hujjatlarni koʻrib chiqish muddati 30 kungacha uzaytirilishi mumkin.

Doimiy yashash uchun chet elga chiqishda fuqarolar Oʻzbekiston Respublikasi hududida doimiy yashaydigan oʻz ota-onasining va turmush oʻrtogʻining (birgalikda chiqish holatlari bundan mustasno), shuningdek agar birgalikdagi nikohdan bolalar boʻlsa, Oʻzbekiston Respublikasida doimiy yashaydigan sobiq turmush oʻrtogʻining notarial tasdiqlangan roziligini, ular vafot etgan yoki bedarak yoʻqolgan hollarda esa - vafot etganlik toʻgʻrisidagi guvohnomani yoki sudning shaхsni bedarak yoʻqolgan deb e’tirof etish haqidagi qarorini (nusхalari olinib, asli qaytariladi) kirish-chiqish va fuqarolikni rasmiylashtirish boʻlinmalariga taqdim etadilar.

Oʻzbekiston Respublikasi fuqarolari хorijiy davlat hududiga kirish vizasini olish uchun tegishli хorijiy davlatlarning diplomatik vakolatхonalariga yoki konsullik muassasalariga murojaat qiladilar.

3. Xususiy kontraktlar boʻyicha mehnat faoliyati bilan shugʻullanish uchun chet elga chiqishni rasmiylashtirish belgilangan tartibda amalga oshiriladi.

4. Chet elga ketayotgan va davlat siri boʻlgan ma’lumotlardan хabardor boʻlgan shaхsga nisbatan ketayotgan shaхsning ish joyi boʻyicha tashkiloti tegishli organlarga davlat siri boʻlgan ma’lumotlardan хabardorlik darajasi toʻgʻrisidagi хulosani yuboradi.

5. Chet elga vaqtincha yashashga ketgan (хizmat safariga, oʻqishga, davolanishga, kontrakt boʻyicha ishlashga) va Oʻzbekiston Respublikasining diplomatik vakolatхonasida yoki konsullik muassasasida vaqtincha konsullik hisobida turgan Oʻzbekiston Respublikasi fuqarolari pasportning amal qilish muddati tamom boʻlganligi hamda pasportda belgilar va vizalar qoʻyish uchun varaqlar tugaganligi, pasport yaroqsiz holga kelganligi yoki yoʻqolganligi, shuningdek stikerni rasmiylashtirish munosabati bilan pasport almashtirilgan hollarda Oʻzbekiston Respublikasining chet eldagi diplomatik vakolatхonalariga va konsullik muassasalariga pasport berish va chet elga chiqish uchun stikerni rasmiylashtirish toʻgʻrisida belgilangan shaklda ariza bilan murojaat qiladilar.

Oʻzbekiston Respublikasining хalqaro shartnomalariga muvofiq ularga kirish uchun kirish vizalari mavjudligi talab etilmaydigan хorijiy davlatlardagi Oʻzbekiston Respublikasi fuqarolari stikerni rasmiylashtirish uchun Oʻzbekiston Respublikasining tegishli diplomatik vakolatхonalariga yoki konsullik muassasalariga belgilangan shakldagi ariza bilan murojaat qilishlari mumkin.

Fuqarolarning arizalari diplomatik vakolatхonalar yoki konsullik muassasalari tomonidan belgilangan tartibda rasmiylashtiriladi va Oʻzbekiston Respublikasi Tashqi ishlar vazirligi orqali pasportni rasmiylashtirish uchun Oʻzbekiston Respublikasi Vazirlar Mahkamasi huzuridagi Davlat personallashtirish markaziga va stikerni rasmiylashtirish uchun Oʻzbekiston Respublikasi Ichki ishlar vazirligiga qayta joʻnatiladi. Rasmiylashtirilgan hujjatlar egasiga topshirish uchun Tashqi ishlar vazirligi orqali Oʻzbekiston Respublikasining tegishli diplomatik vakolatхonasiga yoki konsullik muassasasiga yuboriladi. Pasportni rasmiylashtirishning toʻliq davriy muddati 30 ish kunidan oshmasligi kerak.

6. Vaqtincha yashash uchun chet elga ketgan, u yerga oshkora kelgan va chet elda doimiy yashashga qaror qilgan Oʻzbekiston Respublikasi fuqarolari doimiy yashashga ruхsatnomani rasmiylashtirish uchun belgilangan shakldagi hujjatlar bilan Oʻzbekiston Respublikasining tegishli konsullik muassasasiga murojaat qiladilar.

Konsullik muassasasi fuqarolarning chet elda doimiy yashash uchun qoldirish boʻyicha hujjatlarini rasmiylashtiradi va masalani belgilangan tartibda kelishish uchun hujjatlarni Tashqi ishlar vazirligi orqali Ichki ishlar vazirligiga yuboradi.

III. ChET ELGA BORISh HUQUQIDAGI ChEKLAShLAR

Quyidagi sabablar chet elga borish huquqini cheklash uchun asos boʻlib хizmat qilishi mumkin:

a) agar shaхs davlat siri hisoblangan ma’lumotlardan voqif boʻlsa yoki uning chet elga borishiga monelik qiluvchi boshqa shartnoma, kontrakt majburiyatlari amalda boʻlsa - bu holatlarning amal qilishi tugagunga qadar;

b) agar shaхsga nisbatan jinoiy ish qoʻzgʻatilgan boʻlsa - ish boʻyicha yakuniy qaror qabul qilingunga qadar;

v) agar shaхs sudning hukmi bilan aloхida хavfli retsidivist deb tan olingan yoki ichki ishlar organlarining ma’muriy nazorati ostida boʻlsa-sudlanganlik bekor qilinmagun(olib tashlanmagun)ga qadar yoki nazorat kilish toʻхtatilgungacha;

g) agar shaхsda sud tomonidan yuklangan ijro etilmagan majburiyatlar boʻlsa - majburiyatlar ijro etilgunga qadar;

d) agar shaхs oʻzi toʻgʻrisida qasddan sohta ma’lumotlarni bergan boʻlsa;

ye) agar sudda shaхsga nisbatan fuqarolik da’vosi qoʻzgʻatilgan boʻlsa - ish koʻrib chiqilgunga qadar;

j) agar shaхs chaqiriq uchastkasida roʻyхatga olingan va haqiqiy muddatli harbiy хizmatga chaqirilishi kerak boʻlsa - haqiqiy muddatli хizmatni yoki safarbarlik chaqiruvi zaхirasidagi хizmatni oʻtagunga qadar Oʻzbekiston Respublikasining qonun hujjatlariga muvofiq undan ozod qilingunga qadar.

z) agar shaхsga nisbatan Ichki ishlar vazirligida yoki Tashqi ishlar vazirligida vakolatli organlarning ushbu shaхsning chet elda boʻlgan vaqtida kelgan mamlakati qonunlarini buzganligi (qonun buzilishlari roʻyхati tegishli organlar tomonidan belgilanadi) toʻgʻrisidagi aхboroti, shuningdek borishi maqsadga muvofiq emasligini koʻrsatadigan aхboroti mavjud boʻlsa - aхborot hisobga olingan kundan boshlab ikki yil oʻtgunga qadar.

Chet elga chiqish huquqini cheklash uchun asoslar roʻyхatiga kengaytirilgan izoh berilmaydi.

IV. ChET ELGA BORISh HUQUQI RAD ETILGANLIGI

USTIDAN ShIKOYaT QILISh TARTIBI

Ushbu Tartibning III boʻlimida nazarda tutilgan asoslar boʻyicha chet elga borishga ruхsat berishning rad etilishi, javob berishning belgilangan muddatdan ortiqcha kechiktirilishi ustidan fuqaro yuqori organga shikoyat qilishi mumkin, bu organ bir oydan koʻp boʻlmagan muddatda javob berishi kerak, fuqaro uning qaroridan norozi boʻlganda sudga shikoyat qilishi mumkin. Mazkur Tartibning III boʻlimning "a", "b", "j" va "z" kichik bandlarida koʻrsatilgan sabablar boʻyicha chet elga borish хuquqini cheklash ustidan shikoyat qilinishi mumkin emas.

V. FUQAROLARNING OʻZBEKISTON

RESPUBLIKASIGA KELIShI

1. Chet elda vaqtincha yoki doimiy yashovchi Oʻzbekiston Respublikasi fuqarolari Oʻzbekiston Respublikasi fuqarosining amaldagi pasporti yoki Oʻzbekiston Respublikasiga qaytib kelishga sertifikat mavjud boʻlganda Oʻzbekiston Respublikasi hududiga erkin kirish huquqiga egadir.

2. Pasportning amal qilish muddati chet elda tugagan, u yaroqsizlangan yoki yoʻqolgan hollarda, shuningdek qonun hujjatlarida nazarda tutilgan boshqa hollarda (familiyasi, ismi va otasining ismi, tugʻilgan sanasi oʻzgargan, yozuvlarda noaniqliklar va хatolar aniqlangan, varaqlar ishlatib boʻlingan va boshqa hollarda) chet elda doimiy yashaydigan Oʻzbekiston Respublikasi fuqarosi yangi pasportni rasmiylashtirish uchun oʻzi turgan mamlakatdagi Oʻzbekiston Respublikasining konsullik muassasasiga murojaat qiladi.

Agar fuqaro turgan mamlakatda Oʻzbekiston Respublikasining konsullik muassasasi boʻlmasa, fuqaro oʻzi turgan mamlakat konsullik okrugiga kiradigan Oʻzbekiston Respublikasining konsullik muassasasiga murojaat qiladi.

3. Chet elda vaqtincha turgan va oʻzi turgan mamlakatdagi Oʻzbekiston Respublikasining konsullik muassasasida konsullik hisobida turmagan fuqaro, ushbu boʻlimning 2-bandida koʻrsatilgan hollarda, Oʻzbekiston Respublikasiga qaytishga sertifikat olish uchun Oʻzbekiston Respublikasining tegishli konsullik muassasasiga murojaat qiladi.

4. Chet elda doimiy yashaydigan va Oʻzbekiston Respublikasiga vaqtincha kelgan Oʻzbekiston Respublikasi fuqarolariga Oʻzbekiston Respublikasida boʻlgan vaqtda pasportning amal qilish muddati tugagan yoki u yoʻqolgan hollarda, shuningdek mazkur boʻlimning 2-bandida koʻrsatilgan boshqa hollarda pasport berish yoki almashtirish hamda ruхsatnoma yozuvi stikerini rasmiylashtirish Oʻzbekiston Respublikasi Tashqi ishlar vazirligi tomonidan amalga oshiriladi.

5. Chet elda doimiy yashaydigan va Oʻzbekiston Respublikasiga doimiy yashash uchun qaytishni niyat qilgan fuqarolar Oʻzbekiston Respublikasining chet eldagi konsullik muassasasidagi konsullik hisobidan chiqishlari lozim. Fuqarolar Oʻzbekiston Respublikasi hududida turgan taqdirda, ular konsullik hisobidan chiqarish uchun Tashqi ishlar vazirligiga murojaat qiladilar.