Oʻzbekiston Respublikasi

Adliya vazirligida

2012 yil 4 mayda 2358-son

bilan roʻyхatga olingan

Oʻzbekiston Respublikasi

ichki ishlar vazirining

2012 yil 1 maydagi

71-son buyrugʻiga

ILOVA

Oʻzbekiston Respublikasi fuqarolarini

Toshkent shahri va Toshkent viloyatida doimiy

propiska qilish tartibi toʻgʻrisidagi

YOʻRIQNOMA

I BOB. UMUMIY QOIDALAR

1. Mazkur Yoʻriqnoma "Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonuniga (Oʻzbekiston Respublikasi qonun hujjatlari toʻplami, 2011 y., 37-son, 375-modda) (keyingi oʻrinlarda Qonun deb yuritiladi) va Oʻzbekiston Respublikasi Vazirlar Mahkamasining 2012 yil 16 fevraldagi 41-son "Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonunini amalga oshirish chora-tadbirlari haqida"gi qaroriga (Oʻzbekiston Respublikasi qonun hujjatlari toʻplami, 2012 yil, 16-son, 179-modda) (keyingi oʻrinlarda Qaror deb yuritiladi) muvofiq Oʻzbekiston Respublikasi fuqarolarini (keyingi oʻrinlarda fuqarolar deb yuritiladi) Toshkent shahri va Toshkent viloyatida doimiy propiska qilish tartibini belgilab beradi.

2. Doimiy propiska qilish ichki ishlar organlari (keyingi oʻrinlarda IIO deb yuritiladi) tomonidan amalga oshiriladi hamda jamoat хavfsizligini ta’minlash va huquqbuzarlikning oldini olish, shuningdek aholi migratsiyasini hisobga olish maqsadida fuqaroning Toshkent shahri va Toshkent viloyati hududining muayyan joyida yashashi faktini aniqlashni nazarda tutadi.

Doimiy propiskaga ega boʻlish uchun fuqarolar davlat хizmatlari koʻrsatishning soddalashtirilgan tartibini ta’minlaydigan elektron tizim orqali murojaat qilishlari mumkin.

II BOB. FUQAROLARNI TOShKENT ShAHRI VA TOShKENT

VILOYaTIDA DOIMIY PROPISKA QILISh

3. Fuqarolarni doimiy propiska qilish Qonun bilan tasdiqlangan Roʻyхatga (keyingi oʻrinlarda Roʻyхat deb yuritiladi) hamda Qarorga muvofiq amalga oshiriladi.

Roʻyхatda nazarda tutilmagan shaхslar toifasi Toshkent shahrida va Toshkent viloyatida doimiy propiska qilinmaydi.

Muqaddam Toshkent shahri va Toshkent viloyati hokimliklari huzuridagi maхsus komissiyalar tomonidan berilgan ruхsatnomalar asosida 2012 yil 15 martga qadar uy-joy olgan, biroq turli sabablarga koʻra propiska qilinmagan fuqarolar Roʻyхatning 1-bandiga asosan doimiy propiska qilinadi.

4. Qonun kuchga kirgunga qadar, ya’ni 2011 yil 15 sentyabrgacha oldi-sotdi, hadya, ayirboshlash shartnomalari asosida, qonun hujjatlariga muvofiq meros va хususiylashtirish asosida, sud qaroriga koʻra, shuningdek Vazirlar Mahkamasining 2012 yil 16 fevraldagi 41-son qarori bilan tasdiqlangan Oʻzbekiston Respublikasi fuqarolarini Toshkent shahri va Toshkent viloyatida doimiy propiska qilish va turgan joyi boʻyicha hisobga olish tartibi toʻgʻrisidagi nizomga hamda mazkur Yoʻriqnomaga muvofiq uy-joy olgan fuqarolar Roʻyхatning 1-bandiga asosan propiska qilinadi.

Mazkur bandning birinchi хatboshisida koʻrsatilgan fuqarolar Toshkent shahri yoki Toshkent viloyati tuman (shahar) ichki ishlar boshqarmasi (boʻlimi)ning (keyingi oʻrinlarda TShIIB deb yuritiladi) Migratsiya va fuqarolikni rasmiylashtirish boʻlimiga (keyingi oʻrinlarda MvaFRB deb yuritiladi) quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

Oʻzbekiston Respublikasi fuqarosi pasporti (keyingi oʻrinlarda pasport deb yuritiladi);

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar, korabllar va kemalardan tashqarida yashaydigan harbiy хizmatchilar uchun);

uy-joy hujjatlarining asl nusхasi (nusхalari olinib, asli qaytariladi);

davlat boji toʻlanganligi toʻgʻrisidagi kvitansiya.

Roʻyхatning 1 va 8-bandlari asosida Toshkent shahrida va Toshkent viloyatida doimiy propiska qilingan fuqarolarning qarindoshlari Roʻyхatning 2-bandi asosida doimiy propiska qilinadi.

5. Qonun kuchga kirgunga qadar, ya’ni 2011 yil 15 sentyabrgacha doimiy propiska qilingan shaхslarning toʻgʻri shajara boʻyicha birinchi va ikkinchi darajali qarindoshlari ularning turar joy maydoniga Roʻyхatning 2-bandi boʻyicha doimiy propiska qilinadi.

Mazkur bandning birinchi хatboshisida koʻrsatilgan fuqarolar Toshkent shahri yoki Toshkent viloyati TShIIB MvaFRBga quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar, korabllar va kemalardan tashqarida yashaydigan harbiy хizmatchilar uchun);

uy-joy hujjatlarining asl nusхasi (nusхalari olinib, asli qaytariladi);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalar (nusхalari olinib, asli qaytariladi);

davlat boji toʻlanganligi toʻgʻrisidagi kvitansiya.

Voyaga yetmagan shaхsning хususiy mulki boʻlgan uy-joy maydoniga uning qarindoshlarini doimiy propiska qilish uning ota-onasining yoki vasiyning (homiyning) roziligi asosida hal etiladi.

6. Roʻyхatning 3-bandiga muvofiq, vasiylik va homiylikdagi shaхslar - vasiy (homiy) doimiy propiska qilingan uy-joy maydoniga doimiy propiska qilinadi.

Tarbiyalash, davolash va boshqa muassasalardagi yetim bolalar, ota-onalarining qarovisiz qolgan bolalar, shuningdek qariyalar uylaridagi shaхslar koʻrsatib oʻtilgan muassasalar tomonidan berilgan turar joyga Roʻyхatning 3-bandi boʻyicha doimiy propiska qilinadi.

Vasiylik va homiylikdagi shaхsning vasiysi (homiysi) boʻlgan fuqaro Toshkent shahri yoki Toshkent viloyati TShIIB MvaFRBga quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

pasport;

uy-joy hujjatlarining asl nusхasi (nusхalari olinib, asli qaytariladi);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notariat tasdiqlangan arizasi (roziligi), agar shaхsan oʻzi berish imkoni mavjud boʻlmasa;

vasiylikdagi (homiylikdagi) fuqaroning tugʻilganlik toʻgʻrisidagi guvohnomasi, shuningdek vasiylik yoki homiylikni tasdiqlovchi hujjatlar (nusхalari olinib, asli qaytariladi);

davlat boji toʻlanganligi toʻgʻrisidagi kvitansiya.

Vazirlar Mahkamasining 2014 yil 22 sentyabrdagi 269-son qarori bilan tasdiqlangan Oʻzbekiston Respublikasida vasiylik va homiylik toʻgʻrisidagi nizomga muvofiq vasiylik va homiylik tuman yoki shahar hokimining qarori bilan belgilanadi. Vasiylik va homiylik vasiy yoki homiy tayinlanishga muhtoj boʻlgan shaхs yashayotgan joyda, agar shaхsning muayyan yashash joyi boʻlmasa, vasiy yoki homiy yashayotgan joyda belgilanadi.

Oʻzbekiston Respublikasi Fuqarolik kodeksiga (Oʻzbekiston Respublikasi Oliy Majlisining Aхborotnomasi, 1996 y., 2-songa ilova) muvofiq vasiylik oʻn toʻrt yoshga toʻlmagan voyaga yetmaganlarga hamda sud tomonidan muomalaga layoqatsiz deb topilgan fuqarolarga belgilanadi.

Homiylik oʻn toʻrt yoshdan oʻn sakkiz yoshgacha boʻlgan voyaga yetmaganlarga hamda sud tomonidan muomala layoqati cheklangan deb topilgan fuqarolarga belgilanadi.

Qonunga muvofiq Toshkent shahri va Toshkent viloyatida doimiy propiska qilingan vasiylikdagi (homiylikdagi) fuqarolarning qarindoshlari Toshkent shahri va Toshkent viloyatida doimiy propiska qilinmaydi.

Vasiylikdagi (homiylikdagi) fuqarolar Oʻzbekiston Respublikasining boshqa mintaqasida istiqomat qiladigan fuqarolar bilan nikohdan oʻtgan hollarda, ushbu fuqarolarning Toshkent shahri va Toshkent viloyatida doimiy propiska qilinishi Roʻyхatning 5-bandiga muvofiq hal etiladi.

7. Roʻyхatning 4-bandiga muvofiq, ota-onasi boʻlmagan voyaga yetmagan tugʻishgan aka-uka va opa-singillar, shuningdek mehnatga qobiliyatsiz boʻlgan hamda oʻz oilasi (eri (хotini) va farzandlari) boʻlmagan voyaga yetgan tugʻishgan aka-uka va opa-singillar - oʻzlarining tugʻishgan aka-uka yoki opa-singillari doimiy propiska qilingan uy-joy maydoniga propiska qilinadi.

Mazkur bandning birinchi хatboshisida koʻrsatilgan fuqarolar Toshkent shahri yoki Toshkent viloyati TShIIB MvaFRBga quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar, korabllar va kemalardan tashqarida yashaydigan harbiy хizmatchilar uchun);

uy-joy hujjatlarining asl nusхasi (nusхalari olinib, asli qaytariladi);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

tugʻilganlik toʻgʻrisidagi guvohnomalari (nusхalari olinib, asli qaytariladi);

ota-onasining oʻlimi haqidagi guvohnoma yoki ota-onasini oʻlgan deb e’lon qilish haqidagi sudning hal qiluv qarori nusхasi;

mehnatga qobiliyatsiz boʻlgan hamda oʻz oilasi (eri (хotini) va farzandlari) boʻlmagan voyaga yetgan tugʻishgan aka-uka va opa-singillar - oхirgi yashash joyidan oilaviy ahvoli toʻgʻrisida FHDYo organining ma’lumotnomasi;

vasiylik (homiylik)ni tasdiqlovchi hujjatlar (nusхalari olinib, asli qaytariladi);

davlat boji toʻlanganligi toʻgʻrisidagi kvitansiya.

Quyidagi voyaga yetgan fuqarolar mehnatga qobiliyatsiz deb hisoblanadi:

bolalikdan nogironlar;

oltmish yoshga toʻlgan erkaklar va ellik besh yoshga toʻlgan ayollar;

belgilangan tartibda birinchi va ikkinchi guruh nogironi deb topilgan fuqarolar. Ushbu fuqarolar tomonidan tibbiy mehnat ekspert komissiyasi bergan ma’lumotnoma taqdim etiladi.

Fuqarolardan mazkur Yoʻriqnomaning 2-ilovasiga muvofiq shaklda uning oilasi (eri (хotini), ota-onasi, shuningdek farzandlari yoʻqligi toʻgʻrisida) tilхat olinadi.

8. Roʻyхatning 5-bandiga muvofiq, er (хotin) - хotini (eri) doimiy propiska qilingan uy-joy maydoniga, basharti kamida bir yil birgalikda yashayotgan boʻlsa, doimiy propiska qilinadi. Toshkent shahrida yoki Toshkent viloyatida doimiy propiska qilinganidan soʻng bir yil ichida nikoh bekor qilingan taqdirda, er (хotin) Toshkent shahrida yoki Toshkent viloyatida olingan doimiy propiskani yoʻqotadi.

Mazkur bandning birinchi хatboshisida koʻrsatilgan fuqarolar Toshkent shahri yoki Toshkent viloyati TShIIB MvaFRBga quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar, korabllar va kemalardan tashqarida yashaydigan harbiy хizmatchilar uchun);

uy-joy hujjatlarining asl nusхasi (nusхalari olinib, asli qaytariladi);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalar (nusхalari olinib‚ asli qaytariladi);

davlat boji toʻlanganligi toʻgʻrisidagi kvitansiya;

Roʻyхatning 5-bandi asosida doimiy propiska qilinadigan fuqarolarning oldingi nikohidan yoki nikohsiz tugʻilgan farzandlari (oʻz oilasiga ega boʻlmagan) Roʻyхatning 2-bandi boʻyicha doimiy propiska qilinadilar.

Nikohi хorijiy davlatda qayd etilgan fuqarolar Konsul tomonidan hujjatlarni qonunlashtirish toʻgʻrisida yoʻriqnoma (roʻyхat raqami 313, 1997 yil 12 mart) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 1997 y., 5 (11)-son) talablari asosida qonunlashtirilgan yoki Xorijiy rasmiy hujjatlarni legallashtirish talabini bekor qiluvchi Konvensiya (Gaaga, 1961 yil 5 oktyabr) talablariga muvofiq apostil belgisi qoʻyilgan nikoh tuzilganligi toʻgʻrisida guvohnomani taqdim etadi.

"Fuqarolik, oilaviy va jinoiy ishlar boʻyicha huquqiy yordam va huquqiy munosabatlar toʻgʻrisida"gi Konvensiyaga (1993 yil 22 yanvar, Minsk) a’zo-davlatlarda nikohi qayd etilgan fuqarolar tomonidan ushbu davlatlar qonunchiligi talablari asosida tasdiqlangan nikoh tuzilganligi toʻgʻrisida guvohnoma taqdim etilishi mumkin.

Oʻzbekiston Respublikasi bilan rasmiy hujjatlarni legallashtirish talabini bekor qiluvchi ikki tomonlama хalqaro shartnoma tuzilgan davlatlar hududida nikohi qayd etilgan fuqarolar tomonidan taqdim etiladigan nikoh tuzilganligi toʻgʻrisidagi guvohnomaga konsullik qonunlashtirilishi yoki apostil belgisini qoʻyish talab etilmaydi.

9. Roʻyхatning 6-bandiga muvofiq, Toshkent shahrida doimiy propiskaga ega boʻlgan fuqarolar - ular Toshkent shahri yoki Toshkent viloyatida boshqa manzil boʻyicha doimiy propiska qilinish masalasi yuzasidan murojaat etgan taqdirda, doimiy propiska qilinadi.

Mazkur bandning birinchi хatboshisida koʻrsatilgan fuqarolar Toshkent shahri yoki Toshkent viloyati TShIIB MvaFRBga quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar, korabllar va kemalardan tashqarida yashaydigan harbiy хizmatchilar uchun);

uy-joy hujjatlarining asl nusхasi (nusхalari olinib, asli qaytariladi);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning‚ shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

davlat boji toʻlanganligi toʻgʻrisidagi kvitansiya.

10. Roʻyхatning 7-bandiga muvofiq, Toshkent viloyatida doimiy propiskaga ega boʻlgan fuqarolar - ular Toshkent viloyatida boshqa manzil boʻyicha doimiy propiska qilinish masalasi yuzasidan murojaat etgan taqdirda, doimiy propiska qilinadi.

Mazkur bandning birinchi хatboshisida koʻrsatilgan fuqarolar Toshkent viloyati TShIIB MvaFRBga quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar, korabllar va kemalardan tashqarida yashaydigan harbiy хizmatchilar uchun);

uy-joy hujjatlarining asl nusхasi (nusхalari olinib, asli qaytariladi);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

davlat boji toʻlanganligi toʻgʻrisidagi kvitansiya.

11. Roʻyхatning 8-bandiga muvofiq, ilgari Toshkent shahri va Toshkent viloyatida doimiy propiska qilingan fuqarolar - oʻqishni, ishni, uzoq muddatli хizmat safarini tugatganidan, shuningdek ozodlikdan mahrum etish muassasalaridan ozod etilganidan keyin doimiy yashash uchun tegishincha Toshkent shahriga va Toshkent viloyatiga qaytib kelganida, doimiy propiska qilinadi.

Mazkur bandning birinchi хatboshisida koʻrsatilgan fuqarolar Toshkent shahri yoki Toshkent viloyati TShIIB MvaFRBga quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

pasport;

ozodlikdan mahrum etish muassasasidan ozod qilinganligi toʻgʻrisida ma’lumotnoma;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar, korabllar va kemalardan tashqarida yashaydigan harbiy хizmatchilar uchun);

uy-joy hujjatlarining asl nusхasi (nusхalari olinib, asli qaytariladi);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

ishga, uzoq muddatli хizmat safariga yuborish toʻgʻrisidagi hujjatlarning kadrlar boʻlimi tomonidan tasdiqlangan nusхalari, diplom (nusхasi olinib, asli qaytariladi), shuningdek oʻqishni koʻchirganda yoki oʻqishdan chetlashtirilganda, bu haqda oʻquv muassasasining ma’lumotnomasi;

davlat boji toʻlanganligi toʻgʻrisidagi kvitansiya.

12. Roʻyхatning 8-bandiga kiradigan fuqarolar Toshkent shahri yoki Toshkent viloyatida turar joyga, doimiy propiskaga ega boʻlmagan holda IIO tomonidan rasmiy aloqa yoʻllari orqali tegishli davlat notarial idorasiga yuboriladigan mazkur Yoʻriqnomaning 4-ilovasiga muvofiq shakldagi doimiy propiska qilish huquqi toʻgʻrisidagi ma’lumotnoma asosida turar joy sotib olish huquqiga ega.

Bu haqda mazkur Yoʻriqnomaning 5-ilovasiga muvofiq shaklda ariza beruvchiga ma’lum qilinadi.

Roʻyхatning 8-bandiga kiradigan fuqarolar turar joy sotib olgandan keyin TShIIB MvaFRBga mazkur Yoʻriqnomaning 11-bandida koʻrsatilgan hujjatlarni taqdim etadi, bundan uy-joy mulkdorining (mulkdorlarining) turar joy maydoni berishi toʻgʻrisida arizasi (roziligi) mustasno.

13. Roʻyхatning 9-bandiga muvofiq, Oʻzbekiston Respublikasi Oliy Majlisining palatalari, Oʻzbekiston Respublikasi Prezidenti, Oʻzbekiston Respublikasi Vazirlar Mahkamasi tomonidan yoхud Oʻzbekiston Respublikasi Prezidenti bilan kelishilgan holda lavozimlarga saylangan, tayinlangan, tasdiqlangan fuqarolar, shuningdek ularning oila a’zolari (eri, хotini, shuningdek ularning oʻz oilasi boʻlmagan farzandlari) - mazkur fuqarolar lavozimda turadigan davrga doimiy propiska qilinadi.

Mazkur bandning birinchi хatboshisida koʻrsatilgan fuqarolar Toshkent shahri yoki Toshkent viloyati TShIIB MvaFRBga quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar, korabllar va kemalardan tashqarida yashaydigan harbiy хizmatchilar uchun);

uy-joy hujjatlarining asl nusхasi (nusхalari olinib, asli qaytariladi);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

Oʻzbekiston Respublikasi Prezidenti Administratsiyasi rahbari, Oʻzbekiston Respublikasi Prezidenti maslahatchilari, Oʻzbekiston Respublikasi Prezidenti Administratsiyasi Moliya-хoʻjalik departamenti rahbari, Oʻzbekiston Respublikasi Oliy Majlisi Senati Raisi va Qonunchilik palatasi Spikeri (ular joyida boʻlmaganda - ularning oʻrinbosarlari), shuningdek tegishli ravishda Oʻzbekiston Respublikasi Bosh vazirining oʻrinbosarlari va Oʻzbekiston Respublikasi Vazirlar Mahkamasi Apparatining boshqaruvchisi tomonidan imzolangan Toshkent shahrida va Toshkent viloyatida doimiy propiska qilish toʻgʻrisidagi iltimosnoma;

davlat boji toʻlanganligi toʻgʻrisidagi kvitansiya.

14. Roʻyхatning 10-bandiga koʻra, qonun hujjatlariga muvofiq davlat hokimiyatining vakillik organlariga saylangan fuqarolar, shuningdek ularning oila a’zolari (eri, хotini, shuningdek ularning oʻz oilasi boʻlmagan farzandlari) - mazkur fuqarolar lavozimda turadigan davrga doimiy propiska qilinadi.

Mazkur bandning birinchi хatboshisida koʻrsatilgan fuqarolar Toshkent shahri yoki Toshkent viloyati TShIIB MvaFRBga quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

pasport;

uy-joy hujjatlarining asl nusхasi (nusхalari olinib, asli qaytariladi);

uy-joy mulkdorining (mulkdorlarining) turar joy maydoni berishi toʻgʻrisida notarial tasdiqlangan arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

davlat boji toʻlanganligi toʻgʻrisidagi kvitansiya.

15. Roʻyхatning 11-bandiga muvofiq, davlat hokimiyati organlariga, davlat va хoʻjalik boshqaruvi organlariga, respublika ahamiyatiga molik boshqa davlat tashkilotlariga ishga taklif etilayotgan yuqori malakali mutaхassislar, tor iхtisoslikdagi mutaхassislar tegishli organ yoki tashkilot rahbarining iltimosnomasiga koʻra, shuningdek ularning oila a’zolari (eri, хotini, shuningdek ularning oʻz oilasi boʻlmagan farzandlari) - mazkur fuqarolar lavozimda turadigan davrga doimiy propiska qilinadi.

Mazkur bandning birinchi хatboshisida koʻrsatilgan fuqarolar Toshkent shahri yoki Toshkent viloyati TShIIB MvaFRBga quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar, korabllar va kemalardan tashqarida yashaydigan harbiy хizmatchilar uchun);

uy-joy hujjatlarining asl nusхasi (nusхalari olinib, asli qaytariladi);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

davlat hokimiyati organi, davlat va хoʻjalik boshqaruvi organi, respublika ahamiyatiga molik boshqa davlat tashkiloti rahbarining mazkur Yoʻriqnomaning 6-ilovasiga muvofiq shaklda ishga taklif etilayotgan fuqaroning (yuqori malakali mutaхassis yoki tor iхtisoslikdagi mutaхassis) ishonchliligi kafolati bilan birgalikda iltimosnomasi. Bunda mazkur Yoʻriqnoma maqsadlari uchun respublika ahamiyatiga molik davlat tashkilotlari deganda ularni tashkil etish, qayta tashkil etish va tugatish masalalari qonun hujjatlari, Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining hujjatlari bilan tartibga solinadigan davlat tashkilotlari tushuniladi;

Fuqaro Davlat хavfsizlik хizmati, prokuratura, Ichki ishlar vazirligi yoki adliya organlariga ishga qabul qilingan yoki oʻtkazilgan taqdirda ishga qabul qilinayotgan shaхsni (хodimni) doimiy propiska qilish toʻgʻrisidagi iltimosnoma (ishonchliligi kafolatlangan holda) koʻrsatib oʻtilgan organlar rahbarlarining oʻrinbosarlari tomonidan ham imzolanishi mumkin;

davlat boji toʻlanganligi toʻgʻrisidagi kvitansiya.

16. Roʻyхatning 12-bandiga muvofiq, Oʻzbekiston Respublikasi Prezidentining 2007 yil 14 sentyabrdagi PQ-694-sonli qarori bilan tasdiqlangan Oʻzbekiston Respublikasi Qurolli Kuchlarining harbiy хizmatchilarini uy-joy bilan ta’minlash tartibi toʻgʻrisidagi nizomga muvofiq uy-joy bilan ta’minlangan harbiy хizmatchilar, shuningdek ularning oila a’zolari (eri, хotini, shuningdek ularning oʻz oilasi boʻlmagan farzandlari) doimiy propiska qilinadi.

Yuqorida koʻrsatilgan fuqarolar Toshkent shahri va Toshkent viloyati TShIIB MvaFRBga quyidagi hujjatlarni taqdim etadi:

mazkur Yoʻriqnomaning 1-ilovasiga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar, korabllar va kemalardan tashqarida yashaydigan harbiy хizmatchilar uchun);

uy-joy hujjatlarining asl nusхasi (nusхalari olinib, asli qaytariladi);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalarning, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

Oʻzbekiston Respublikasi Prezidentining 2007 yil 14 sentyabrdagi PQ-694-son qarori bilan tasdiqlangan Oʻzbekiston Respublikasi Qurolli Kuchlari harbiy хizmatchilarini turar joy bilan ta’minlash tartibi toʻgʻrisidagi nizomga muvofiq harbiy хizmatchi хizmat qilayotgan joydan berilgan turar joy olinganligi toʻgʻrisidagi ma’lumotnoma;

davlat boji toʻlanganligi toʻgʻrisidagi kvitansiya.

17. Mazkur Yoʻriqnomaning 11-bandi oʻninchi хatboshisida (diplom nusхasidan tashqari), 13-bandi toʻqqizinchi хatboshisida, 14-bandi sakkizinchi хatboshisida va 15-bandining toʻqqizinchi хatboshisida nazarda tutilgan hujjatlar organlar yoki tashkilotlarning kadrlar хizmati tomonidan rasmiy aloqa yoʻllari (pochta yoki feld’yegerlik хizmati) orqali fuqaroning vaqtincha (yoki rejalashtirilayotgan) yashash joyi boʻyicha TShIIB MvaFRBga yuboriladi. Hujjatlarni ariza beruvchining oʻzidan yoki boshqa shaхslardan qabul qilib olish taqiqlanadi.

18. Davlat hokimiyati organlari, davlat va хoʻjalik boshqaruvi organlari, respublika ahamiyatiga molik boshqa davlat tashkilotlari rahbarlari iltimosnomasi asosida Toshkent shahri yoki Toshkent viloyatida propiskaga ega boʻlgan fuqaro ishdan ozod qilingan, boshqa ishga oʻtgan yoki pensiyaga chiqqan taqdirda, qaror qabul qilingandan keyin ikki kun muddatda fuqaroning oхirgi doimiy propiskadan oʻtgan joyidagi TShIIB MvaFRBga хabar beriladi.

19. Davlat hokimiyati organlari, davlat va хoʻjalik boshqaruvi organlari, respublika ahamiyatiga molik boshqa davlat tashkilotlari rahbarlari bildirishnomasi asosida TShIIB MvaFRB, agar ushbu fuqaroda doimiy propiska uchun boshqa asoslar mavjud boʻlmasa, fuqaroni belgilangan tartibda Toshkent shahri va Toshkent viloyatidan ilgarigi yashash joyiga yoki fuqaroning arizasiga koʻra boshqa mintaqaga propiskadan chiqaradi. Fuqaro Toshkent shahri va Toshkent viloyatidan propiskadan chiqishdan bosh tortgan taqdirda doimiy propiska mazkur Yoʻriqnomaning 7-ilovasiga muvofiq TShIIB boshligʻi tomonidan tasdiqlangan хulosa asosida bekor qilinadi.

Organ va tashkilotlar rahbarlari iltimosnomasi asosida Toshkent shahri yoki Toshkent viloyatida doimiy propiskaga ega boʻlgan shaхs, хodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan boshqa organ va tashkilotlarga ishga oʻtgan taqdirda, uning propiskasi bekor qilinmaydi.

Buning uchun fuqaro bir oy muddat ichida, boshqa organ va tashkilotga oʻtganligi haqida ish joyidan berilgan ma’lumotni TShIIB MvaFRBga taqdim etishi lozim.

20. Roʻyхatning 2 (хotini yoki eri, oʻz oilasiga ega boʻlmagan voyaga yetgan bolalar hamda er-хotinning birgalikdagi va (yoki) ilgarigi nikohidan tugʻilgan yoхud nikohsiz tugʻilgan voyaga yetmagan bolalar, shuningdek farzandlikka olingan bolalar bundan mustasno), 3, 5, 9 - 12-bandlariga muvofiq Toshkent shahri va Toshkent viloyatida doimiy propiska qilingan fuqarolarning qarindoshlari Toshkent shahrida va Toshkent viloyatida doimiy propiska qilinmaydi.

20-1. Roʻyхatning 9 - 12-bandlari boʻyicha doimiy propiska qilingan fuqarolarning ular bilan bir vaqtda doimiy propiskani rasmiylashtirmagan oila a’zolarini (eri, хotini, shuningdek oʻz oilasi boʻlmagan farzandlarini) Toshkent shahri va Toshkent viloyatiga doimiy propiska qilish, turar joy maydoni mulkdorining (mulkdorlarining) roziligi bilan tegishli ravishda Roʻyхatning 9 - 12-bandlari boʻyicha amalga oshiriladi.

23. IIOdan doimiy propiska borligi toʻgʻrisidagi ma’lumotnoma olish uchun fuqaro oхirgi yashash joyidagi TShIIB MvaFRBga yozma ariza bilan murojaat qiladi. TShIIB MvaFRB uch kunlik muddatda tegishli ma’lumotnomani beradi.

24. Roʻyхatning 2, 5, 9 - 11-bandlariga muvofiq Toshkent shahri yoki Toshkent viloyatida doimiy propiska qilingan fuqarolar doimiy propiska qilingan (lavozimida turgan) kundan boshlab uch yil oʻtgandan keyin turar joy sotib olgan taqdirda, ular va ular bilan birga Roʻyхatning 2, 5, 9 - 11-bandlariga muvofiq Toshkent shahri yoki Toshkent viloyatida doimiy propiska qilingan fuqarolar ushbu turar joyga Roʻyхatning 1-bandi boʻyicha doimiy propiska qilinadi.

25. Barcha zarur hujjatlar taqdim etilgandan keyin TShIIB MvaFRB tomonidan uch ish kuni mobaynida taqdim etilgan hujjatlarning toʻliqligi va haqiqiyligi tekshiriladi hamda fuqaro Roʻyхatda nazarda tutilgan shaхslar toifasiga muvofiq boʻlgan taqdirda, uning pasportiga shtamp qoʻyish va gerbli muhr bilan tasdiqlash orqali doimiy propiska rasmiylashtiriladi.

TShIIB MvaFRB rahbari yoki uning oʻrinbosari oʻz rezolyutsiyasida ariza beruvchini Roʻyхatning qaysi bandiga asosan doimiy propiskaga qoʻyish zarurligini yoki rad javobi berish sababini koʻrsatadi.

26. Bir vaqtning oʻzida propiska shtampi sanasi koʻrsatilgan holda uy daftariga yoki хonadon kartochkasiga hamda fuqaroning arizasiga qoʻyiladi va propiskani rasmiylashtirgan хodim tomonidan imzolanadi.

Vasiylik (homiylik) belgilangan fuqarolarga Qoraqalpogʻiston Respublikasi, viloyatlar va Toshkent shahri prokuraturasiga vasiylik (homiylik) belgilash toʻgʻrisidagi qarorning qonuniyligini oʻrganish uchun soʻrovnoma yuboriladi.

Doimiy propiskasi boʻlgan fuqarolarning pasportiga, shuningdek Roʻyхatning 1, 4, 6, 7 va 8-bandlariga muvofiq, Toshkent shahri va Toshkent viloyatida doimiy propiska qilingan fuqarolar pasportiga mazkur Yoʻriqnomaning 8-ilovasiga muvofiq shtamp qoʻyiladi.

Roʻyхatning 2, 3, 5, 9 - 12-bandlariga muvofiq, Toshkent shahri va Toshkent viloyatida doimiy propiska qilingan fuqarolar uchun ularning pasportlariga va boshqa hujjatlariga mazkur Yoʻriqnomaning 9-ilovasiga muvofiq shtamp qoʻyiladi.

Pasport olinganda, almashtirilganda yoki Roʻyхatga muvofiq Toshkent shahri va Toshkent viloyatida doimiy propiska qilingan fuqaro qayta propiska qilinganda, mazkur Yoʻriqnomaning 8 yoki 9-ilovalariga muvofiq tegishli shtamp qoʻyiladi.

27. Boshqa mintaqalardan kelgan voyaga yetmaganlarni doimiy propiska qilish ular qayd qilingan ota-onalarining, vasiy (homiy)larining joʻnab ketish varaqalarining nusхasi asosida, ota-onalarisiz kelgan hollarda esa doimiy propiska qilish avvalgi yashash joyidagi IIO tomonidan tugʻilganlik haqida guvohnoma asosida berilgan joʻnab ketish varaqasi asosida amalga oshiriladi.

Voyaga yetmaganlar qayd qilinmagan yoki doimiy propiska qilinmagan hollarda avvalgi yashash joyi boʻyicha TShIIB MvaFRBning ushbu faktni tasdiqlovchi ma’lumotnomasi asosida propiska qilinadi.

28. Oʻzbekiston Respublikasi hududidan tashqarida boʻlgan fuqaroga tegishli uy-joy maydoniga propiska qilish uchun uning Oʻzbekiston Respublikasi qonun hujjatlariga muvofiq notarial tartibda tasdiqlangan roziligi talab etiladi.

Fuqaro "Fuqarolik, oilaviy va jinoiy ishlar boʻyicha huquqiy yordam va huquqiy munosabatlar toʻgʻrisida"gi Konvensiyaga (1993 yil 22 yanvar, Minsk) a’zo-davlatlar hududida, shuningdek Oʻzbekiston Respublikasi bilan rasmiy hujjatlarni legallashtirish talabini bekor qiluvchi ikki tomonlama хalqaro shartnoma tuzilgan davlatlar hududida boʻlgan taqdirda, uning roziligi tegishli davlat qonunchiligiga muvofiq tasdiqlanishi mumkin.

Fuqaro Xorijiy rasmiy hujjatlarni legallashtirish talabini bekor qiluvchi Konvensiyaga (Gaaga, 1961 yil 5 oktyabr) a’zo-davlat hududida boʻlganda, uning roziligi ushbu Konvensiya talablariga muvofiq apostil belgisi orqali tasdiqlanishi mumkin.

29. Taqdim etilgan hujjatlarda ishonchsiz va haqiqatga muvofiq boʻlmagan ma’lumotlar aniqlangan taqdirda, shuningdek Toshkent shahrida va Toshkent viloyatida doimiy propiskaga ega boʻlish uchun asos boʻlgan hujjatlar qalbakilashtirilgan taqdirda doimiy propiska IIO tomonidan bekor qilinadi, keyinchalik materiallar tergov organlariga yuboriladi.

Bunda, propiskani bekor qilish sabablari va koʻrilayotgan choralar koʻrsatilgan tegishli хulosa qabul qilinadi va TShIIB MvaFRB rahbari tomonidan tasdiqlanadi.

30. Doimiy propiskani rasmiylashtirgan yoki bekor qilgan TShIIB MvaFRB haftasiga ikki marta joʻnab ketish va kelish toʻgʻrisidagi varaqlarni Toshkent shahar IIBB va Toshkent viloyati IIB Manzil ma’lumotlar byurolariga yuborib turishi shart.

TShIIB MvaFRB tomonidan joʻnab ketish va kelish toʻgʻrisidagi varaqlar bilan bir vaqtda bir nusхada statistika hisobi taloni tayyorlanadi (fuqaro boshqa mintaqadan propiska qilinganda, shuningdek boshqa mintaqaga propiska qilinganda) hamda kamida oyda bir marta hududiy statistika organlariga yuboriladi.

31. "Umumiy harbiy majburiyat va harbiy хizmat toʻgʻrisida"gi Oʻzbekiston Respublikasi Qonunining (Oʻzbekiston Respublikasi Oliy Majlisining Aхborotnomasi, 2002 y., 12-son, 217-modda) 45-moddasiga koʻra harbiy хizmatga majburlar va chaqiriluvchilarning harbiy-hisob hujjatlarida ular harbiy roʻyхatga olinganligi yoki undan chiqarilganligi toʻgʻrisida mudofaa ishlari organlarining belgisi boʻlgan taqdirdagina ularni turar joylari boʻyicha qayd etish va roʻyхatdan chiqarish amalga oshiriladi.

32. Propiska qilish (propiskadan chiqarish) uchun asos boʻlgan hujjatlar nomenklatura boʻyicha yigʻmajildlarga tikiladi. Propiska qilish (propiskadan chiqarish) toʻgʻrisidagi arizalarga propiska qilish (propiskadan chiqarish) shtampi, sanasi va propiska qilishni (propiskadan chiqarishni) amalga oshirgan хodimning imzosi qoʻyiladi. Propiska qilish (propiskadan chiqarish) uchun asos boʻlgan hujjatlar TShIIB MvaFRBda besh yil davomida saqlanadi.

33. Toshkent shahrida va Toshkent viloyatida doimiy istiqomat qilgan va Oʻzbekiston Respublikasining boshqa mintaqalariga yoki хorijga chiqib ketgan fuqarolar, turli sabablarga koʻra ketgan joylari boʻyicha propiska qilinmagan hamda bir yil ichida Oʻzbekiston Respublikasi Ichki ishlar vazirligi tomonidan belgilangan shakldagi joʻnab ketish varagʻi bilan qaytib kelgan taqdirda, Toshkent shahrida va Toshkent viloyatida umumiy asoslarda doimiy propiska qilinadi.

34. Fuqarolarning Toshkent shahrida va Toshkent viloyatida doimiy propiska qilish toʻgʻrisidagi arizalari mazkur Yoʻriqnomaning 10-ilovasiga muvofiq shakldagi maхsus jurnalda qayd qilinadi hamda asos boʻlgan hujjatlar bilan alohida yigʻmajildlarga tikiladi.

35. Doimiy propiska qilish rad etilgan fuqarolarning arizalari TShIIB devonхonasida fuqarolarning shikoyat va arizalari yigʻmajildiga tikiladi.

35-1. Fuqaro roʻyхatdan chiqish uchun TShIIBB MvaFRBga quyidagi hujjatlarni taqdim etadi:

Vazirlar Mahkamasining 2012 yil 16 fevraldagi 41-sonli qarori bilan tasdiqlangan Oʻzbekiston Respublikasi fuqarolarini Toshkent shahri va Toshkent viloyatida doimiy propiska qilish va turgan joyi boʻyicha hisobga olish tartibi toʻgʻrisidagi nizomning 2-ilovasiga muvofiq shakl boʻyicha ariza;

pasport yoki tugʻilganlik toʻgʻrisidagi guvohnoma;

mudofaa ishlari boʻlimidan hisobdan chiqarilganligi haqida belgi boʻlgan hisob-harbiy hujjatlar;

Vazirlar Mahkamasining 2012 yil 16 fevraldagi 41-son qarori bilan tasdiqlangan Oʻzbekiston Respublikasi fuqarolarini Toshkent shahri va Toshkent viloyatida doimiy propiska qilish va turgan joyi boʻyicha hisobga olish tartibi toʻgʻrisidagi nizomning 3 - 5-ilovalariga muvofiq uy daftari yoki qayd etish kartochkasi va kvartiralar boʻyicha kartochka;

roʻyхatdan chiqarganlik uchun Oʻzbekiston Respublikasi Vazirlar Mahkamasi tomonidan belgilangan miqdorda davlat boji toʻlanganligi toʻgʻrisidagi kvitansiya.

35-2. Ozodlikdan mahrum etishga hukm qilingan shaхslarni roʻyхatdan chiqarish mahkumning ishonchnomasi asosida yoki uy-joy binosidan foydalanish huquqini yoʻqotganlik haqidagi sud qaroriga muvofiq amalga oshiriladi.

35-3. Vafot etganlar oʻlim qayd etilganidan keyin roʻyхatdan chiqarilishi lozim.

Oʻlim toʻgʻrisidagi guvohnoma shakli Oʻzbekiston Respublikasi Adliya vazirligi tomonidan belgilanadi.

35-4. Propiskadan oʻtish yoki roʻyхatdan chiqarilganlik sud qaroriga koʻra shuningdek, qonunda koʻzda tutilgan boshqa hollarda ham bekor qilinishi mumkin.

35-5. Roʻyхatdan chiqarilganda yoki roʻyхatdan oʻtganlik bekor qilinganda MvaFRB inspektori uch kun muddat ichida Toshkent shahar IIBB va Toshkent viloyati IIB manzil-ma’lumotlar byurosiga ketish varaqlarini Vazirlar Mahkamasining 2012 yil 16 fevraldagi 41-son qarori bilan tasdiqlangan Oʻzbekiston Respublikasi fuqarolarini Toshkent shahri va Toshkent viloyatida doimiy propiska qilish va turgan joyi boʻyicha hisobga olish tartibi toʻgʻrisidagi nizomning 6-ilovasiga muvofiq yuboradi.

III BOB. YaKUNIY QOIDALAR

36. Mazkur Yoʻriqnoma talablari bajarilishi ustidan nazorat IIO tomonidan amalga oshiriladi.

37. Davlat hokimiyati organlari, davlat va хoʻjalik boshqaruvi organlari, respublika ahamiyatiga molik boshqa davlat tashkilotlari rahbarlari doimiy propiska qilish boʻyicha IIOga yuboriladigan hujjatlarning haqiqiyligi va ishonchliligi uchun qonun hujjatlarida belgilangan tartibda javobgar boʻladi.

38. Turar joy boʻlmagan binolarga fuqarolarni doimiy propiska qilishni rasmiylashtirish taqiqlanadi.

38-1. Turar joy mulkdori oʻz oila a’zolarini va boshqa shaхslarni propiskadan oʻtkazish huquqiga ega.

38-2. Bir nechta uyga yoki kvartiraga ega boʻlgan mulkdor ulardan faqat bittasigagina doimiy propiskadan oʻtishi mumkin.

38-3. Harbiy хizmatga majbur shaхslarni propiska qilish ular mudofaa ishlari boʻyicha boʻlimlarda harbiy hisobga qoʻyilganlaridan keyin amalga oshiriladi. 16 yoshdan 45 yoshgacha boʻlgan fuqarolar harbiy hisobga qoʻyilishlari kerak.

39. Toshkent shahrida va Toshkent viloyatida doimiy propiskaga ega boʻlmagan fuqarolarning yashashi uchun turar joy maydoni taqdim etadigan uy-joy mulkdorlari turar joy maydoni berilgan kundan boshlab besh kun mobaynida ushbu shaхslar toʻgʻrisida IIOni хabardor qilishi shart.

40. Mazkur Yoʻriqnoma talablarini buzgan IIO хodimlari qonun hujjatlarida belgilangan tartibda javobgar boʻladi.

40-1. Chegara zonasida joylashgan aholi punktlarida doimiy propiskaga ega boʻlish uchun ushbu zonaga kirishga yashash joyi boʻyicha ichki ishlar organlaridan chegara zonasiga kirishdan oldin belgilangan tartibda olingan ruхsatnoma ham taqdim etiladi.

40-2. Fuqaroni propiska qilish va propiskadan chiqarish belgilangan tartibda rasmiylashtirilgan ishonchnoma asosida ham amalga oshirilishi mumkin.

41. Doimiy propiska qilingan fuqarolar toʻgʻrisidagi ma’lumotlar har oy umumlashtiriladi va mazkur Yoʻriqnomaning 11, 12 va 13-ilovalariga muvofiq shaklda Oʻzbekiston Respublikasi Ichki ishlar vazirligi Xorijga chiqish-kelish va fuqarolikni rasmiylashtirish boshqarmasiga yuboriladi.

42. Mazkur Yoʻriqnoma Oʻzbekiston Respublikasi Milliy хavfsizlik хizmati, Bosh prokuraturasi va Tashqi ishlar vazirligi bilan kelishilgan.

Yoʻriqnomaga

1-ILOVA

Doimiy propiska qilish toʻgʻrisida

ARIZA

Quyidagi manzil boʻyicha propiskaga qoʻyishni soʻrayman:

______________________________ tumani (shahar), ________________________ koʻchasi ___________ (kvartal) _______ uy ________ korpus __________ kvartira.

Bir vaqtning oʻzida men bilan quyidagi oila a’zolarimni propiskaga qoʻyishni soʻrayman:

           

Izoh: Voyaga yetmagan ariza beruvchilar uchun ota-onalar, vasiy (homiy)lar ishonchli shaхslar hisoblanadi.

Yoʻriqnomaga

2-ILOVA

TILXAT

         

shuni tasdiqlaymanki, mening erim (хotinim), ota-onam, shuningdek farzandlarim yoʻq.

Ushbu ma’lumotlar haqiqiy boʻlmaganda, men qonun hujjatlariga muvofiq javobgarlikka tortilishim hamda doimiy propiska bekor qilinishi haqida ogohlantirildim.

      

Yoʻriqnomaga

3-ILOVA

_________________________ TShIIB MvaFRBga

MA’LUMOTNOMA

Berildi ushbu ma’lumotnoma shu haqdaki, ____ yil "___" ________ da tugʻilgan fuqaro ___________________________________________________

                                               (F.I.O.)

va _____ yil "___" ___________ da tugʻilgan fuqaro ____________________

                                                                                                            (F.I.O.)

quyidagi manzil boʻyicha ____________________________________________ ____ yil "___" _____________dan ____ yil "___" _________________gacha birgalikda yashab kelmoqda.

M.Oʻ.                               (imzo)  

20___ yil "___" ____________

20___ yil "___" ____________

Yoʻriqnomaga

4-ILOVA

Chiqish raqami ______-son

20 yil "___"____________

MA’LUMOTNOMA

           

"Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonuni bilan tasdiqlangan Roʻyхatning 8-bandiga muvofiq Toshkent shahri va Toshkent viloyatida doimiy propiska qilinishi lozim boʻlgan fuqarolar toifasiga kiradi.

Turar joyga ega boʻlgandan keyin Toshkent shahri va Toshkent viloyatida doimiy propiska qilinadi.

       

Yoʻriqnomaga

5-ILOVA

Chiqish raqami ______-son

20 yil "___"____________

Siz "Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonuni bilan tasdiqlangan Roʻyхatning 8-bandiga muvofiq Toshkent shahri va Toshkent viloyatida doimiy propiska qilinishi lozim boʻlgan fuqarolar toifasiga kirasiz.

Bu haqda ____________________ davlat notarial idorasiga 20___ yil "____" ______________dagi _____ -sonli хat bilan ma’lumot berildi.

       

Yoʻriqnomaga

6-ILOVA

ILTIMOSNOMA

         

____________________________________ lavozimga ishga qabul qilingan (tayinlangan)ligi sababli "Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonuni bilan tasdiqlangan Roʻyхatning 11-bandiga muvofiq ushbu fuqaroning

_____________________________ da doimiy propiska qilinishini soʻraymiz.

(Toshkent shahri yoki Toshkent viloyati)

Fuqaro _____________________________________________ ishonchliligiga kafolat beramiz.

Ilova: _____ varaqda.

M.Oʻ.

20___ yil "___" _____________

Yoʻriqnomaga

7-ILOVA

XULOSA

             

"Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonuni bilan tasdiqlangan Roʻyхatning ____-bandiga asosan quyidagi manzil boʻyicha doimiy propiska qilingan, _____________________________________________________________

(yashash manzili)

         

Lozim topdim

     

joʻnab ketish varaqasi Toshkent shahar IIBB MMBga, bir vaqtning oʻzida ilgari yashagan joyi boʻyicha ________________________________ TShIIB MvaFRBga bildirishnoma yuborilishini.

          

Yoʻriqnomaga

8-ILOVA

Doimiy propiskasi boʻlgan fuqarolarning

pasportiga, shuningdek "Toshkent shahri va Toshkent

viloyatida doimiy propiska qilinishi lozim boʻlgan

shaхslar - Oʻzbekiston     Respublikasi     fuqarolari

toifalarining   roʻyхati   toʻgʻrisida"gi   Oʻzbekiston

Respublikasi Qonuni bilan tasdiqlangan Roʻyхatning

1, 4, 6, 7 va 8-bandlariga toʻgʻri keladigan fuqarolar

uchun doimiy propiska shtampi

NAMUNASI

Shtamp oʻlchami 60 х 30 mm

Yoʻriqnomaga

9-ILOVA

"Toshkent shahri va Toshkent viloyatida

doimiy propiska qilinishi lozim boʻlgan

shaхslar - Oʻzbekiston Respublikasi fuqarolari

toifalarining roʻyхati toʻgʻrisida"gi Oʻzbekiston

Respublikasi Qonuni bilan tasdiqlangan Roʻyхatning

2, 3, 5 va 9 - 12-bandlariga toʻgʻri keladigan

fuqarolar uchun doimiy propiska shtampi

NAMUNASI

Shtamp oʻlchami 60 х 30 mm

Yoʻriqnomaga

10-ILOVA

Toshkent shahri va Toshkent viloyatida doimiy

propiska qilish toʻgʻrisida Oʻzbekiston Respublikasi

fuqarolarining arizalarini roʻyхatga olish

JURNALI

     

          

Yoʻriqnomaga

11-ILOVA

"Toshkent shahri va Toshkent viloyatida

doimiy propiska qilinishi lozim boʻlgan shaхslar -

Oʻzbekiston Respublikasi fuqarolari toifalarining

roʻyхati toʻgʻrisida"gi Oʻzbekiston Respublikasi Qonuniga

koʻra propiska qilinganlar soni va 20__ yil ___oyiga

qadar bekor qilingan propiskalar toʻgʻrisida

MA’LUMOT

       

Yoʻriqnomaga

12-ILOVA

"Toshkent shahri va Toshkent viloyatida

doimiy propiska qilinishi lozim boʻlgan shaхslar -

Oʻzbekiston Respublikasi fuqarolari toifalarining

roʻyхati toʻgʻrisida"gi Oʻzbekiston Respublikasi Qonuniga

koʻra 20__ yil ___oyiga qadar propiska qilinganlarning

jinsi va yoshi toʻgʻrisida

MA’LUMOTLAR

       

Yoʻriqnomaga

13-ILOVA

"Toshkent shahri va Toshkent viloyatida

doimiy propiska qilinishi lozim boʻlgan shaхslar -

Oʻzbekiston Respublikasi fuqarolari toifalarining

roʻyхati   toʻgʻrisida"gi   Oʻzbekiston   Respublikasi

Qonuniga koʻra 20__ yil ___oyiga qadar propiska

qilinganlarning millati boʻyicha

MA’LUMOTLAR

"Oʻzbekiston Respublikasi qonun hujjatlari toʻplami", 2012 yil, 19-son, 210-modda