OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

22.03.2001 y.

N 1019

OʻZBEKISTON RESPUBLIKASI

IChKI IShLAR VAZIRLIGINING

11.03.2001 y.

N 65

BUYRUGʻI

Oʻzbekiston Respublikasining 16 yoshga toʻlmagan

fuqarosi guvohnomasini Oʻzbekiston Respublikasi

Ichki Ishlar idoralari tomonidan rasmiylashtirish

va berish tartibi toʻgʻrisidagi yoʻriqnomani tasdiqlash

haqida

(2001 yil 1 apreldan kuchga kiradi)

Oʻzbekiston Respublikasi Vazirlar Mahkamasining 2000 yil 30 dekabridagi 519-sonli "Oʻzbekiston Respublikasining 16 yoshga toʻlmagan fuqarosi guvohnomasini rasmiylashtirish va berish tartibi toʻgʻrisidagi Nizomni tasdiqlash haqida"gi qarori ijrosini ta’minlash maqsadida

BUYuRAMAN:

1. "Oʻzbekiston Respublikasining 16 yoshga toʻlmagan fuqarosi guvohnomasini Oʻzbekiston Respublikasi ichki ishlar idoralari tomonidan rasmiylashtirish va berish tartibi toʻgʻrisidagi Yoʻriqnoma" tasdiqlansin va 2001 yilning 1 aprel kunidan boshlab kuchga kiritilsin (1-ilova).

2. Qoraqalpogʻiston Respublikasi ichki ishlar vaziri, Toshkent shahar IIBB va viloyatlar IIB boshliqlariga:

2.1. Yoʻriqnomani хorijga chiqish-kelish va fuqarolik хizmati, hamda ichki ishlar idoralarining boshqa manfaatdor хizmatlari tomonidan oʻrganishlarini tashkil etsinlar, ularning bu sohadagi bilimlari sinab koʻrilsin.

2.2. Har oyning 5-kuniga qadar Oʻzbekiston Respublikasining 16 yoshga toʻlmagan fuqarosi guvohnomasini berilishi boʻyicha ma’lumotlar umumlashtirilib Oʻzbekiston Respublikasi IIVning XChKvaF boshqarmasiga jadval asosida yuborilishi ta’minlansin (2-ilova).

3. Oʻzbekiston Respublikasi IIV Xoʻjalik boshqarmasi (A.Ya.Yunusov) Oʻzbekiston Respublikasi IIV XChKvaF boshqarmasi buyurtmasi boʻyicha zarur boʻlgan mikdordagi blanklar tayyorlab berishni ta’minlasin.

4. Ushbu buyruqning bajarilish ustidan nazorat Oʻzbekiston Respublikasi ichki ishlar vaziri oʻrinbosari militsiya general-mayori B.R.Parpiyev zimmasiga yuklatilsin.

Vazir ichki хizmat

general-polkovnigi                                                                  Z. Almatov

Buyruqqa

2-ILOVA

Oʻzbekiston Respublikasining 16 yoshga

toʻlmagan fuqarolariga chet elga vaqtincha

chiqish uchun rasmiylashtirib berilgan

guvohnomalar boʻyicha

MA’LUMOTNOMA