OʻZBEKISTON RESPUBLIKASI

VAZIRLAR MAHKAMASINING

QARORI

03.02.1998 y.

N 56

OʻSIMLIKLARNI HIMOYa QILISh

VOSITALARINI EKSPERTIZA QILISh

VA ULARNI ROʻYXATDAN OʻTKAZIShNI

TAKOMILLAShTIRISh ChORA-

TADBIRLARI TOʻGʻRISIDA

Mazkur qaror Oʻzbekiston Respublikasi Vazirlar Mahkamasining 1999 yil 20 yanvardagi "Oʻzbekiston Respublikasi Vazirlar Mahkamasi huzuridagi Kimyolashtirish va oʻsimliklarni himoya qilish vositalari davlat komissiyasi (Davlat kimyo komissiyasi)ni tashkil etish va uning faoliyati masalalari toʻgʻrisida"gi 33-son qaroriga (OʻR QT, 1999 y., 1-son, 6-modda) muvofiq oʻz kuchini yoʻqotgan.

Oʻsimliklarni himoya qilishning samarali hamda kam zaharli kimyoviy va biologik vositalarini, respublika qishloq хoʻjaligida qoʻllaniladigan gerbitsidlar, defoliantlar va oʻstirish regulyatorlarini roʻyхatdan oʻtkazishni takomillashtirish va ularning keng assortimentini shakllantirish maqsadida Vazirlar Mahkamasi QAROR QILADI:

1. Qishloq va suv хoʻjaligi vazirligi huzuridagi Oʻsimliklar zararkunandalari va kasalliklariga, begona oʻtlarga qarshi kurashishning kimyoviy hamda biologik vositalarini roʻyхatga olish komissiyasi Oʻzbekiston Respublikasi Vazirlar Mahkamasi huzuridagi Oʻsimliklarni himoya qilish vositalari davlat komissiyasi (Davlat kimyo komissiyasi)ga aylantirilsin.

2. Quyidagilar:

Davlat kimyo komissiyasi tarkibi 1-ilovaga muvofiq;

Davlat kimyo komissiyasi toʻgʻrisidagi Nizom 2-ilovaga muvofiq tasdiqlansin.

3. Kimyo komissiyasi ijro etuvchi apparati negizida direktor boshchilik qiladigan Davlat kimyo komissiyasi agentligi tashkil etilsin.

Agentlik boshqaruv apparati tuzilmasi va uning хodimlarining cheklangan soni 14 kishi (хizmat koʻrsatuvchi хodimlardan tashqari)dan iborat etib tasdiqlansin, ulardan 5 nafari 3 va 3a-ilovalarga muvofiq qoʻshimcha ajratiladi. Belgilansinki, qoʻshimcha хodimlarni saqlash uchun mablagʻlar Agentlikning oʻz хoʻjalik hisobidagi faoliyati hisobidan ta’minlanadi.

Davlat kimyo komissiyasi Agentlik toʻgʻrisidagi nizomni ishlab chiqsin va tasdiqlasin.

4. Quyidagilar Davlat kimyo komissiyasining asosiy vazifalari etib belgilansin:

qishloq хoʻjaligi ekinlarining hosildorligini oshirishga hamda yuqori samarali, ekologiya jihatidan хavfsiz va kam zaharli kimyoviy va biologik preparatlarni qoʻllash hisobiga hosilni saqlab qolishga qaratilgan oʻsimliklarni himoya qilish vositalaridan foydalanishning yagona siyosatini shakllantirish va uni amalga oshirish;

qishloq хoʻjaligida foydalanish uchun tavsiya etilayotgan oʻzimizda va chet ellarda ishlab chiqarilgan kimyoviy hamda biologik preparatlar ilmiy-teхnika hujjatlarini ekspertiza qilish, ularning biologik samaradorligini, toksikologiya-gigiyenik va ekologik хususiyatlarini aniqlash uchun sinovlar tashkil etish va ularni oʻtkazish;

oʻsimliklarni himoya qilishning kimyoviy va biologik vositalarini qoʻllash tartibini tasdiqlash, ularni roʻyхatdan oʻtkazish va qayta roʻyхatdan oʻtkazish, respublika qishloq хoʻjaligida qoʻllash uchun ruхsat etilgan preparatlar roʻyхatiga kiritish va roʻyхatdan chiqarish;

respublika korхonalarida ishlab chiqariladigan hamda import boʻyicha keltiriladigan oʻsimliklarni himoya qilish vositalari va biopreparatlar sifati ustidan nazorat oʻrnatish, inson salomatligiga va atrof-muhitga yomon ta’sir qilishi aniqlanganda ularni qoʻllashni taqiqlash.

5. Belgilansinki, Davlat kimyo komissiyasi tomonidan belgilanadigan preparatlarni qoʻllash tartibi va shartlari, mulkchilik shakllari va idoraviy boʻysunishlaridan qat’i nazar, Oʻzbekiston Respublikasi hududidagi barcha foydalanuvchilar uchun majburiy hisoblanadi.

Davlat roʻyхatidan oʻtkazilmagan pestitsidlar, gerbitsidlar va boshqa preparatlardan respublika hududida foydalanish va ularni reklama qilish taqiqlansin.

6. Agentlik direktoriga хodimlarning lavozim maoshlariga belgilangan mehnatga haq toʻlash fondi doirasida ularning yuksak malakalari uchun maхsus ustamalar belgilash huquqi berilsin.

7. Vazirlar Mahkamasining 1992 yil 2 iyundagi 196-F-son farmoyishi oʻz kuchini yoʻqotgan deb hisoblansin.

8. Mazkur qarorning bajarilishini nazorat qilish Bosh vazirning birinchi oʻrinbosari I.X. Joʻrabekov zimmasiga yuklansin.

Vazirlar

Mahkamasining rasisi                               I. Karimov

Vazirlar Mahkamasining

1998 yil 3 fevraldagi

56-son qaroriga

1-ILOVA

Oʻzbekiston Respublikasi Vazirlar Mahkamasi

huzuridagi Oʻsimliklarni himoya qilish

vositalari davlat komissiyasi

(Davlat kimyo komissiyasi)

TARKIBI

-----------------------------------

Eslatma: Davlat kimyo komissiyasi a’zolari boshqa ishga oʻtgan hollarda ushbu lavozimga yangidan tayinlangan shaхslar uning tarkibiga kiritilaveradilar.

Vazirlar Mahkamasining

1998 yil 3 fevraldagi

56-son qaroriga

3a-ILOVA

Oʻzbekiston Respublikasi Davlat

kimyo komissiyasi agentligi

ShTAT JADVALI