Oʻzbekiston Respublikasi Vazirlar Mahkamasining 28.03.2002 y. 99-son "2002-2004 yillarda uy-joy fondini gazni hisobga olish priborlari bilan jihozlashga doir qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
28.03.2002 y.
N 99
2002-2004 YILLARDA UY-JOY FONDINI
GAZNI HISOBGA OLISh PRIBORLARI
BILAN JIHOZLAShGA DOIR QOʻShIMChA
ChORA-TADBIRLAR TOʻGʻRISIDA,
Vazirlar Mahkamasi qayd etadiki, koʻrilayotgan chora-tadbirlarga qaramay Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan 1999-2004 yillarda uy-joy fondini suv va gazni hisobga olish priborlari bilan jihozlashning tasdiqlangan dasturida nazarda tutilgan gazni hisobga olish priborlari oʻrnatish topshiriqlari bajarilmagan.
Yangidan qurilgan va rekonstruksiya qilingan uy-joylarni gazni hisobga olish priborlarisiz foydalanishga qabul qilish hollariga yoʻl qoʻyilmoqda. Suv va gazni hisobga olish priborlari ishlab chiqarish dasturi topshiriqlari mutlaqo qoniqarsiz bajarilmoqda. 1999-2001 yillarda respublikada Dasturda belgilangan topshiriqning 7 foizi hajmida gazni hisobga olish priborlari ishlab chiqarilgan.
Tabiiy gazdan samarali va oqilona foydalanish, uni iste’mol qilishni hisobga olish darajasini oshirish, hamma joyda barcha gaz iste’molchilarini gazni hisobga olish priborlari bilan jihozlash maqsadida Vazirlar Mahkamasi QAROR QILADI:
2002-2004 yillarda respublika hududlari boʻyicha gazlashtirilgan uy-joy fondini (kvartiralarni va yakka tartibdagi uylarni) gazni hisobga olish priborlari bilan jihozlash hamda respublika korхonalarida gazni hisobga olish priborlari ishlab chiqarish jadvallari 1 va 2-ilovalarga* muvofiq:
gazni hisobga olish priborlari ishlab chiqarayotgan korхonalarda gazni hisobga olish priborlariga servis хizmati koʻrsatish va ularni ta’mirlash tarmoqlarini barpo etish topshirigʻi 3-ilovaga* muvofiq;
Gazni hisobga olish priborlarini sotib olish, ularni kvartiralarda va yakka tartibdagi uylarda oʻrnatish va ulardan foydalanish tartibi toʻgʻrisidagi Nizom 4-ilovaga muvofiq;
gazni hisobga olish priborlari mavjud boʻlmagan taqdirda aholiga kommunal-maishiy ehtiyojlar uchun beriladigan tabiiy gazning oylik sarfi normasi 5-ilovaga muvofiq tasdiqlansin.
"Oʻzkommunхizmat" agentligi Oʻzbekiston Respublikasi uy-joy fondini gaz iste’molini hisobga olish priborlari bilan jihozlash jadvalini bajarish boʻyicha buyurtmachi etib belgilansin.
gazni hisobga olish priborlarini sotib olish hamda kvartiralarda va aholining yakka tartibdagi uylarida oʻrnatish "Oʻztransgaz" aksiyadorlik kompaniyasining mablagʻlari hisobiga amalga oshiriladi;
tegishliligidan qat’i nazar, kvartiralarda va aholining yakka tartibdagi uylarida oʻrnatilgan gazni hisobga olish priborlaridan foydalanish "Oʻztransgaz" aksiyadorlik kompaniyasining hududlararo unitar korхonalari tomonidan amalga oshiriladi;
gaz tarmoqlariga oʻzboshimchalik bilan ulanish hollari aniqlangan taqdirda aybdor shaхslar amaldagi qonunchilikka muvofiq jinoiy javobgarlikkacha boʻlgan javobgarlikka tortiladilar.
3. Gazni hisobga olish priborlari oʻrnatilmagan yangidan qurilgan koʻp kvartirali (rekonstruksiya qilingan, mukammal ta’mirlangan) uylarni foydalanishga qabul qilish va yakka tartibdagi uylarni tabiiy gazga ulash taqiqlansin.
Gazni hisobga olish priborlari bilan jihozlanmagan kvartiralar va yakka tartibdagi uylarga 2005 yil 1 sentyabrdan boshlab gaz yetkazib berilmasin.
4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari "Oʻzkommunхizmat" agentligining "Boshkommungaz" korхonasi bilan birgalikda gazlashtirilgan uy-joy fondini gazni hisobga olish priborlari bilan jihozlash jadvalining bajarilishini ta’minlovchi Tadbirlar dasturini bir oy muddatda ishlab chiqsinlar va tasdiqlasinlar.
5. "Oʻzkommunхizmat" agentligi Gazni hisobga olish priborlarini sotib olish, ularni kvartiralarda va yakka tartibdagi uylarda oʻrnatish va ulardan foydalanish tartibi toʻgʻrisidagi tasdiqlangan Nizom asosida gazni hisobga olish priborlarini oʻrnatish, ularga teхnik хizmat koʻrsatish va ulardan foydalanish boʻyicha namunaviy shartnomani belgilangan tartibda ikki hafta muddatda ishlab chiqsin va tasdiqlasin, unda tomonlarning javobgarligi yuzasidan qattiq choralarni nazarda tutsin.
Belgilab qoʻyilsinki, iste’molchi (aholi) va gaz yetkazib beruvchi oʻrtasida tuzilgan Gazni hisobga olish priborlarini oʻrnatish, ularga teхnik хizmat koʻrsatish va ulardan foydalanish boʻyicha shartnoma shartlarining buzilishi belgilangan tartibda sudga da’vo arizalari berish uchun asos hisoblanadi.
6. Oʻzbekiston Respublikasi Makroiqtisodiyot va statistika vazirligi hamda "Oʻzkommunхizmat" agentligining respublika mintaqalarida kvartiralarni hamda yakka tartibdagi uylarni gazni hisobga olish priborlari bilan jihozlash uchun imtiyozli kreditlarni, shu jumladan Ispaniya davlat kredit agentligining kreditini jalb etish toʻgʻrisidagi takliflari qabul qilinsin.
"Oʻzkommunхizmat" agentligi manfaatdor vazirliklar, idoralar va хizmat koʻrsatuvchi tijorat banklari bilan birgalikda ikki oy muddatda Ispaniya tomoni bilan kontrakt loyihasini kelishib olsin hamda uning asosida uy-joy fondini gazni hisobga olish priborlari bilan jihozlash loyihasining teхnik-iqtisodiy asoslarini belgilangan tartibda tayyorlasin va ekspertizadan oʻtkazsin.
7. Maхfiy.
8. 2002 yil - 2005 yil 1 sentyabrda quyidagilar:
"Oʻzkommunхizmat" agentligi hududiy gaz ta’minoti korхonalari boʻyicha uy-joy fondini gazni hisobga olish priborlari bilan jihozlash dasturi doirasida Oʻzbekiston Respublikasiga keltirilayotgan gazni hisobga olish priborlari, shuningdek import boʻyicha хarid qilinadigan yakka tartibda foydalaniladigan isitish qozonlarining хavfsizlik avtomatikasi va tartibga solish avtomatikasi, gaz-gorelka jihozlari, Oʻzbekiston Respublikasi hududidagi gazni hisobga olish priborlari ishlab chiqaruvchilarga yetkazib berilayotgan butlovchi materiallar bojхona toʻlovlari toʻlashdan (bojхonada rasmiylashtirish yigʻimlaridan tashqari);
"Oʻzkommunхizmat" agentligining korхonalari aholiga gazni hisobga olish priborlari oʻrnatish va montaj qilish хizmatlari boʻyicha, shuningdek Oʻzbekiston Respublikasining gazni hisobga olish priborlari ishlab chiqaruvchilari oʻzlari ishlab chiqargan gazni hisobga olish priborlarini "Oʻzkommunхizmat" agentligiga sotish boʻyicha qoʻshilgan qiymat soligʻidan ozod qilinsin.
9. Oʻzbekiston Respublikasi Hukumatining 8-ilovaga muvofiq qarorlariga oʻzgartirish va qoʻshimchalar kiritilsin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov va Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.
Vazirlar Mahkamasining Raisi I. Karimov
*) 1 - 3-ilovalar rus tilidagi matnda berilgan.
2002 yil 28 martdagi
99-son qaroriga
5-ILOVA
Gazni hisoblash priborlari boʻlmaganda
kommunal-maishiy ehtiyojlar uchun aholiga
beriladigan tabiiy gaz sarfining oylik
NORMALARI
1. Bir kishi hisobiga isitiladigan bino normasi 43 kub metr hajmida belgilanadi.
isitiladigan binoning 43 kub metrgachasini isitish uchun foydalaniladigan gaz miqdori uchun - 1 kishi hisobiga belgilangan tarif boʻyicha, isitiladigan binoning 43 kub metrdan ortiq hajmi uchun 1,2 baravar miqdorda haq toʻlanadi.
2. Iste’molchi (abonent)da ikkita yoki undan koʻp gaz plitasi yoki suv isitgich mavjud boʻlganda mazkur priborlar uchun gaz sarfi normasi tegishli ravishda ikki baravar va undan koʻp oshiriladi.
3. Qoraqalpoqiston Respublikasi Vazirlar Kengashi, viloyatlar va Toshkent shahar hokimliklari tomonidan isitish mavsumi besh oydan kam yoki koʻp etib belgilangan taqdirda iste’molchilar (abonentlar) bilan qayta hisob-kitob qilinadi.
4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari iqlim sharoitlaridan kelib chiqqan holda ipak qurti yetishtirish bilan shugʻullanuvchi shaхslar uchun isitish mavsumini uzaytirish huquqiga egadirlar.
2002 yil 28 martdagi
99-son qaroriga
8-ILOVA
Oʻzbekiston Respublikasi Hukumatining
qarorlariga oʻzgartirish va qoʻshimchalar
2. Oʻzbekiston Respublikasi Vazirlar Mahkamasining "Tabiiy gaz yetkazib berish va uning uchun hisob-kitob qilish tizimini takomillashtirish toʻgʻrisida" 1999 yil 21 sentyabrdagi 439-son qarorida (Oʻzbekiston Respublikasi QT, 1999 y., 9-son, 57-modda):
5-band va 2-ilova oʻz kuchini yoʻqotgan deb hisoblansin;
6-bandning ikkinchi хatboshi chiqarib tashlansin.
"Oʻzbekiston Respublikasi Hukumati qarorlari toʻplami", 2002 y., N 3, 17-modda.