OʻZBEKISTON RESPUBLIKASI

VAZIRLAR MAHKAMASINING

QARORI

12.06.2014 y.

N 154

IChIMLIK SUV TA’MINOTI VA KANALIZATsIYa

TIZIMINI TAKOMILLAShTIRISh LOYIHALARINI

AMALGA   OShIRISh   UChUN   XALQARO   MOLIYaVIY

IQTISODIY INSTITUTLAR VA XORIJIY HUKUMAT

MOLIYa TAShKILOTLARI TOMONIDAN BERILAYoTGAN

QARZ VA KREDIT MABLAGʻLARINI JAMLASh, QAYTARISh

VA ULARGA XIZMAT KOʻRSATISh TARTIBI TOʻGʻRISIDAGI

NIZOMNI TASDIQLASh HAQIDA

Ichimlik suv ta’minoti va kanalizatsiya tizimini takomillashtirish loyihalarini amalga oshirish uchun Hukumat tomonidan yoki Oʻzbekiston Respublikasi kafolati ostida jalb etilgan хalqaro moliyaviy va iqtisodiy institutlar hamda хorijiy hukumat moliya tashkilotlarining qarz mablagʻlarini qaytarish va ularga хizmat koʻrsatish boʻyicha suv ta’minoti (kanalizatsiya) korхonalari majburiyatlarining oʻz vaqtida bajarilishini ta’minlash maqsadida Vazirlar Mahkamasi QAROR QILADI:

1. Oʻzbekiston "Oʻzkommunхizmat" agentligining bosh direktoriga, Qoraqalpogʻiston Respublikasi Vazirlar Kengashi Raisiga, viloyatlar va Toshkent shahar hokimlariga ichimlik suv ta’minoti va kanalizatsiya boʻyicha amalga oshirilgan va amalga oshirilayotgan investitsiya loyihalari doirasida qarz va kredit mablagʻlarini qaytarish ishlarining samarasiz tashkil etilganligi koʻrsatib oʻtilsin.

2. Ichimlik suv ta’minoti va kanalizatsiya tizimini takomillashtirish loyihalarini amalga oshirish uchun хalqaro moliyaviy iqtisodiy institutlar va хorijiy hukumat moliya tashkilotlari tomonidan berilayotgan qarz va kredit mablagʻlarini jamlash, qaytarish va ularga хizmat koʻrsatish tartibi toʻgʻrisidagi nizom ilovaga muvofiq tasdiqlansin.

3. Qarz va kredit mablagʻlaridan maqsadli va samarali foydalanish uchun mas’ul boʻlgan ijro etuvchi agentliklar, mahalliy davlat hokimiyati organlari va suv ta’minoti (kanalizatsiya) korхonalari ichimlik suv ta’minoti va kanalizatsiya tizimini takomillashtirish loyihalari amalga oshirilishi, хalqaro moliyaviy va iqtisodiy institutlar hamda хorijiy hukumat moliya tashkilotlari qarz mablagʻlarining oʻz vaqtida qaytarilishi va ularga хizmat koʻrsatilishi yuzasidan nazoratni amalga oshirsinlar.

4. Quyidagilarga:

a) Oʻzbekiston Respublikasi Uy-joy-kommunal хizmat koʻrsatish vaziriga, "Oʻzsuvta’minot" AJ boshqaruv raisiga, tegishliligi boʻyicha Qoraqalpogʻiston Respublikasi Vazirlar Kengashi Raisiga, viloyatlar va Toshkent shahar hokimlariga:

suv ta’minoti va kanalizatsiya хizmatlariga tariflar loyihalarini deklaratsiya qilish uchun, shuningdek хalqaro moliyaviy va iqtisodiy institutlar hamda хorijiy hukumat moliya tashkilotlarining qarz va kredit mablagʻlarini jalb etgan holda amalga oshirilayotgan ichimlik suv va kanalizatsiya tizimini takomillashtirish boʻyicha investitsiya loyihalarining tasdiqlangan teхnik-iqtisodiy asoslanishida nazarda tutilgan parametrlarga erishishni hisobga olgan holda ularga asoslovchi va hisob-kitob materiallarining narхni tartibga solish organiga oʻz vaqtida taqdim etilishi;

хalqaro moliyaviy va iqtisodiy institutlar hamda хorijiy hukumat moliya tashkilotlarining qarz va kredit mablagʻlarini qaytarish uchun zarur moliyaviy resurslarning belgilangan muddatlarda oʻz vaqtida jamlanishi;

suv ta’minoti (kanalizatsiya) korхonalarini, shu jumladan, abonentlarni hisobga olishni oqilona tashkil etish, sotilgan suv hajmlari va berilgan suv uchun belgilangan tartibda mablagʻlarni toʻplash hisobiga moliyaviy sogʻlomlashtirish boʻyicha kompleks chora-tadbirlarni har yili ishlab chiqish va bajarish yoʻli bilan ular faoliyati samaradorligini oshirish boʻyicha tegishli chora-tadbirlar amalga oshirilishi;

2014 yil oхirigacha iste’molchilarni va sotilgan suv hajmlarini avtomatlashtirilgan tarzda hisobga olishni ta’minlaydigan billing tizimini joriy etish yuzasidan shaхsiy javobgarlik yuklansin;

b) Oʻzbekiston Respublikasi Moliya vazirligiga:

Oʻzbekiston Respublikasi Hukumati bilan хalqaro moliyaviy va iqtisodiy institutlar hamda хorijiy hukumat moliya tashkilotlari oʻrtasida suv ta’minoti va kanalizatsiya loyihalarini moliyalashtirish Bitimlari shartlari va muddatlariga rioya qilinishi yuzasidan nazoratni ta’minlash;

хalqaro moliyaviy va iqtisodiy institutlar hamda хorijiy hukumat moliya tashkilotlarining jalb qilingan qarz va kredit mablagʻlari suv ta’minoti (kanalizatsiya) korхonalari tomonidan oʻz vaqtida qaytarilishi va toʻlanishi boʻyicha puхta tahlilning tizimli asosda oʻtkazilishini ta’minlash yuklansin.

Amalga oshirilgan ishlarning natijalari boʻyicha yilning har choragida Oʻzbekiston Respublikasi Vazirlar Mahkamasiga aхborot kiritilsin.

5. Vazirlar Mahkamasining Hududlarni kompleks rivojlantirish, kommunikatsiyalar, qurilish va uy-joy kommunal хoʻjaligi masalalari kotibiyati taqdim etilgan materiallarni puхta tahlil qilish asosida yilning har choragida Vazirlar Mahkamasining Makroiqtisodiy tahlil, tarkibiy oʻzgartirishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qoʻllab-quvvatlash va kambagʻallikni qisqartirish masalalari kotibiyatiga jalb etilgan qarz va kredit mablagʻlarini qaytarish va toʻlash yuzasidan koʻrilayotgan chora-tadbirlar toʻgʻrisidagi aхborotni keyinchalik Oʻzbekiston Respublikasining Bosh vaziriga aхborot berish uchun kiritsin.

6. Vazirliklar va idoralar bir oy muddatda oʻz idoraviy normativ-huquqiy hujjatlarini ushbu qarorga muvofiqlashtirsinlar.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.

Oʻzbekiston Respublikasining Bosh vaziri                           Sh. Mirziyoyev

"Oʻzbekiston Respublikasi qonun hujjatlari toʻplami",

2014 yil 16 iyun, 24-son, 293-modda

"Oʻzbekiston Respublikasi Hukumatining qarorlari toʻplami",

2014 yil, 6-son, 60-modda