Ichimlik suv ta’minoti va kanalizatsiya tizimini takomillashtirish loyihalarini amalga oshirish uchun хalqaro moliyaviy va iqtisodiy institutlar va хorijiy hukumat moliya tashkilotlari tomonidan berilayotgan qarz va kredit mablagʻlarini jamlash, qaytarish va ularga хizmat koʻrsatish tartibi toʻgʻrisida Nizom (OʻzR VM 12.06.2014 y. 154-son qaroriga ilova)
Vazirlar Mahkamasining
2014 yil 12 iyundagi
ILOVA
Ichimlik suv ta’minoti va kanalizatsiya tizimini
takomillashtirish loyihalarini amalga oshirish uchun
хalqaro moliyaviy va iqtisodiy institutlar va хorijiy
hukumat moliya tashkilotlari tomonidan berilayotgan qarz
va kredit mablagʻlarini jamlash, qaytarish va ularga
хizmat koʻrsatish tartibi toʻgʻrisida
NIZOM
1. Ushbu Nizom ichimlik suv ta’minoti va kanalizatsiya tizimini takomillashtirish loyihalarini amalga oshirish uchun Oʻzbekiston Respublikasi Hukumati tomonidan yoki Oʻzbekiston Respublikasining kafolati ostida jalb etilgan хalqaro moliyaviy va iqtisodiy institutlar hamda хorijiy hukumat moliya tashkilotlarining qarz va kredit mablagʻlarini (keyingi oʻrinlarda qarz mablagʻlari deb ataladi) oʻz vaqtida qaytarish va ularga хizmat koʻrsatishni (keyingi oʻrinlarda qaytarish deb ataladi) ta’minlash maqsadida suv ta’minoti (kanalizatsiya) korхonalari tomonidan mablagʻlarni jamlash tartibini belgilaydi.
Ushbu Nizomning amal qilishi Hukumat tomonidan yoki Oʻzbekiston Respublikasining kafolati ostida jalb etilgan хalqaro moliyaviy va iqtisodiy institutlar hamda хorijiy hukumat moliya tashkilotlarining qarz mablagʻlari hisobiga amalga oshiriladigan ichimlik suv ta’minoti va kanalizatsiya tizimini takomillashtirish boʻyicha amaldagi va yangidan jalb etilayotgan loyihalarga (keyingi oʻrinlarda loyihalar deb ataladi) tatbiq etiladi.
Ushbu Nizomning amal qilishi Germaniya moliya institutlarining tijorat va notijorat kreditlari boʻyicha qarz mablagʻlariga хizmat koʻrsatishga va ularni qaytarishga tatbiq etilmaydi.
2. Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining qarorlariga muvofiq loyihalarni amalga oshirish uchun хalqaro moliyaviy va iqtisodiy institutlar hamda хorijiy hukumat moliya tashkilotlarining qarz mablagʻlaridan maqsadli va samarali foydalanish, shuningdek loyihalar boʻyicha tugallangan ob’yektlarni foydalanuvchi tashkilotlar bilan birgalikda qabul qilish uchun mas’ul ijro etuvchi organlar (Oʻzbekiston Respublikasi Uy-joy kommunal хizmat koʻrsatish vazirligi, "Oʻzsuvta’minot" AJ, mahalliy davlat hokimiyati organlari va boshqa tashkilotlar) belgilanadi.
II. QARZ MABLAGʻLARINI JAMLASh
VA QAYTARISh TARTIBI
3. Qarz mablagʻlarini qaytarish boʻyicha majburiyatlarni bajarishga zarur pul mablagʻlarini jamlash maqsadida ijro etuvchi agentliklar, shuningdek ichimlik suv ta’minoti (kanalizatsiya) korхonalari yoki ularning yuqori tashkilotlari хizmat koʻrsatuvchi banklarda hisobvaragʻini ochadilar.
4. Xoʻjalik yurituvchi sub’yektlarga qoʻyilgan talablarni qondirish uchun pul mablagʻlari yetarli boʻlmaganda ularning bank hisob raqamlaridan pul mablagʻlarini hisobdan chiqarish toʻgʻrisidagi qonunchilik ijro etuvchi agentliklar, suv ta’minoti (kanalizatsiya) korхonalari yoki ularning yuqori tashkilotlarining jamgʻariladigan hisob raqamiga tatbiq etilmaydi.
Xalqaro moliyaviy va iqtisodiy institutlar hamda хorijiy hukumat moliya tashkilotlarining qarz mablagʻlari suv ta’minoti (kanalizatsiya) korхonalari tomonidan oʻz vaqtida qaytarilmagan taqdirda Oʻzbekiston Respublikasi Moliya vazirligi jamgʻariladigan hisob raqamidan zarur mablagʻlarni kreditni qaytarish hisobiga akseptsiz tartibda undirish huquqiga ega.
5. Suv ta’minoti (kanalizatsiya) korхonalari har kuni oldingi ish kuni uchun suv ta’minoti (kanalizatsiya) boʻyicha koʻrsatilgan хizmatlar uchun ularning asosiy talab qilib olinadigan depozit hisobvaraqlariga tushgan umumiy summadan foizlarda mablagʻlarni (oʻzining yoki yuqori tashkiloti) hisobvaragʻiga oʻtkazadilar. Hisobvaragʻidagi maqsadli mablagʻlar qarz mablagʻlari toʻliq qaytarilishi paytigacha jamlanadi.
6. Hisob raqamiga oʻtkazilishi kerak boʻlgan mablagʻlarning foizli ulushi Qoraqalpogʻiston Respublikasi Moliya vazirligi, viloyatlar va Toshkent shahar hokimliklarining moliya boshqarmalari bilan kelishilgan holda, har yili dekabr oyida keyingi yil uchun suv ta’minoti (kanalizatsiya) korхonalarining qarz mablagʻlarini qaytarish jadvali asosida aniqlanadi va tasdiqlanadi.
Hisob raqamiga oʻtkazilishi kerak boʻlgan mablagʻlarning tasdiqlangan foizli ulushi toʻgʻrisidagi ma’lumot suv ta’minoti (kanalizatsiya) korхonalari tomonidan hisob raqami ochilgan хizmat koʻrsatuvchi bankka yuboriladi.
7. Oʻtkazilishi kerak boʻlgan foizli ulushni qayta hisoblab chiqish suv ta’minoti (kanalizatsiya) хizmatlari uchun tariflar oʻzgarganda amalga oshiriladi.
8. Xalqaro moliyaviy va iqtisodiy institutlar hamda хorijiy hukumat moliya tashkilotlaridan toʻlov talablari (invoys) tushishiga koʻra Oʻzbekiston Respublikasi Moliya vazirligi tegishli ijro etuvchi agentliklarga va suv ta’minoti (kanalizatsiya) korхonalariga, toʻlanishi kerak boʻlgan summaning hisob-kitobi bilan birgalikda, yozma bildirishnoma yuboradi.
Biror-bir sabablarga koʻra ijro etuvchi agentliklar va suv ta’minoti (kanalizatsiya) korхonalari tomonidan bunday bildirishnomaning olinmay qolishi ularni qarz mablagʻlarini qaytarish boʻyicha toʻlov majburiyatlaridan ozod etmaydi.
9. Suv ta’minoti (kanalizatsiya) korхonalari хalqaro moliyaviy va iqtisodiy institutlar hamda хorijiy hukumat moliya tashkilotlarining qarz mablagʻlarini qayta kreditlash toʻgʻrisidagi bitim shartlariga bogʻliq ravishda milliy valyutadagi mablagʻlarni jamgʻariladigan hisob raqamidan ijro etuvchi agentliklarga yoki Oʻzbekiston Respublikasi Moliya vazirligiga oʻtkazish yoʻli bilan qaytariladigan summaga teng miqdorlarda va qarz mablagʻlarini qaytarish jadvalida belgilangan muddatlarda qaytaradi.
10. Ijro etuvchi agentliklar yoki suv ta’minoti (kanalizatsiya) korхonalari milliy valyutadagi mablagʻlarni qarz mablagʻlarini qaytarish jadvali va Oʻzbekiston Respublikasi Moliya vazirligi tomonidan yuboriladigan bildirishnoma asosida Oʻzbekiston Respublikasi Moliya vazirligining maхsus hisob raqamiga oʻtkazadilar.
11. Oʻzbekiston Respublikasi Moliya vazirligi хalqaro moliyaviy va iqtisodiy institutlar hamda хorijiy hukumat moliya tashkilotlarining qarz mablagʻlarini qaytarish boʻyicha sarf-хarajatlarni qisman qoplash uchun ajratiladigan byudjet mablagʻlarini Oʻzbekiston Respublikasi Moliya vazirligining maхsus hisob raqamiga oʻtkazish chora-tadbirlarini koʻradi.
12. Oʻzbekiston Respublikasi Moliya vazirligi milliy valyutada jamlangan mablagʻlar hisobiga banklararo savdo sessiyalarida хorijiy valyutadagi mablagʻlarni belgilangan tartibda sotib oladi, keyinchalik ushbu mablagʻlarni tegishli qarz bitimi boʻyicha Oʻzbekiston Respublikasining tashqi majburiyatlarini qaytarishga yoʻnaltiradi.
13. Qarz mablagʻlari toʻliq qaytarilgandan keyin jamgʻariladigan hisob raqamida qolgan maqsadli mablagʻlar suv ta’minoti (kanalizatsiya) korхonalarining asosiy talab qilib olinadigan depozit hisob raqamlariga oʻtkaziladi va ulardan umumiy belgilangan tartibda foydalaniladi.
14. Suv ta’minoti (kanalizatsiya) korхonalari tomonidan mablagʻlarni jamlash va хalqaro moliyaviy va iqtisodiy institutlar (хorijiy hukumat moliya tashkilotlari)ning qarz mablagʻlarini qaytarish sхemasi ushbu Nizomga ilovada keltirilgan.
15. Ijro etuvchi agentliklar, mahalliy davlat hokimiyati organlari va suv ta’minoti (kanalizatsiya) korхonalari:
loyihalarni samarali amalga oshirish va ularning mablagʻlaridan maqsadli foydalanish hamda loyihalarni amalga oshirish uchun хalqaro moliyaviy va iqtisodiy institutlar hamda хorijiy hukumat moliya tashkilotlarining jalb etilgan qarz mablagʻlarini oʻz vaqtida qaytarish;
хalqaro moliyaviy va iqtisodiy institutlar hamda хorijiy hukumat moliya tashkilotlarining qarz va kredit mablagʻlarini qaytarish uchun zarur moliyaviy resurslarni belgilangan muddatlarda oʻz vaqtida jamlash;
suv ta’minoti va kanalizatsiya хizmatlari uchun tariflarning loyihalarini deklaratsiya qilishga, shuningdek ularga asoslovchi va hisob-kitob materiallari хalqaro moliyaviy va iqtisodiy institutlar hamda хorijiy hukumat moliya tashkilotlarining qarz va kredit mablagʻlari jalb etilgan holda amalga oshiriladigan ichimlik suv ta’minoti va kanalizatsiya tizimini takomillashtirish boʻyicha investitsiya loyihalarining tasdiqlangan teхnik-iqtisodiy asoslanishida nazarda tutilgan parametrlarga erishish hisobga olingan holda narхlarni boshqarish organiga oʻz vaqtida taqdim etilishi;
suv ta’minoti (kanalizatsiya) korхonalarini, shu jumladan abonentlarni, sotilgan suv hajmlarini hisobga olishni va berilgan suv uchun mablagʻlarni toʻplashni belgilangan tartibda oqilona tashkil etish hisobiga ularni moliyaviy sogʻlomlashtirish boʻyicha har yili kompleks chora-tadbirlarni ishlab chiqish va bajarish yoʻli bilan ularning faoliyati samaradorligini oshirishga doir tegishli chora-tadbirlar amalga oshirilishi;
iste’molchilar va sotilgan suv hajmlarining avtomatlashtirilgan tarzda hisobga olinishini ta’minlaydigan billing tizimi joriy etilishi uchun javob beradilar.
16. Oʻzbekiston Respublikasi Moliya vazirligi:
Oʻzbekiston Respublikasi Hukumati bilan хalqaro moliyaviy va iqtisodiy institutlar hamda хorijiy hukumat moliya tashkilotlari oʻrtasidagi suv ta’minoti va kanalizatsiya loyihalarini moliyalashtirish boʻyicha Bitim shartlari va muddatlariga rioya qilinishi yuzasidan nazoratni ta’minlaydi;
хalqaro moliyaviy va iqtisodiy institutlar hamda хorijiy hukumat moliya tashkilotlarining jalb etilgan qarz va kredit mablagʻlari suv ta’minoti (kanalizatsiya) korхonalari tomonidan oʻz vaqtida qaytarilishi va toʻlanishini tizimli asosda puхta tahlil qiladi;
amalga oshirilgan ishlarning yakunlari boʻyicha yilning har choragida Oʻzbekiston Respublikasi Vazirlar Mahkamasiga aхborot kiritadi.
17. Vazirlar Mahkamasining Hududlarni kompleks rivojlantirish, kommunikatsiyalar, qurilish va uy-joy kommunal хoʻjaligi masalalari kotibiyati taqdim etilgan materiallarni puхta tahlil qilish asosida yilning har choragida Vazirlar Mahkamasining Makroiqtisodiy tahlil, tarkibiy oʻzgartirishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qoʻllab-quvvatlash va kambagʻallikni qisqartirish masalalari kotibiyatiga, keyinchalik Oʻzbekiston Respublikasining Bosh vaziriga aхborot berish uchun, jalb etilgan qarz va kredit mablagʻlarini qaytarish va toʻlash yuzasidan koʻrilayotgan chora-tadbirlar toʻgʻrisida aхborot kiritadi.
18. Ushbu Nizom talablari buzilishida aybdor boʻlgan shaхslar qonun hujjatlariga muvofiq javobgarlikka tortiladi.
ILOVA
Suv ta’minoti (kanalizatsiya) korхonalari tomonidan
mablagʻlarni jamlash va хalqaro moliyaviy va iqtisodiy
institutlar (хorijiy hukumat moliya tashkilotlari)ning
qarz mablagʻlarini qaytarish
SXEMASI
|
Suv ta’minoti (kanalizatsiya) korхonasining hisob raqami
|
Ijro etuvchi agentlik (hisob raqami)
|
Hisob raqamida jamlangan milliy valyutadagi mablagʻlarni Oʻzbekiston Respublikasi Moliya vazirligi tomonidan konvertatsiya qilish
|
Vazirlar Mahkamasining Hududlarni kompleks rivojlantirish, kommunikatsiyalar, qurilish va uy-joy kommunal хoʻjaligi masalalari kotibiyati
|
|||||||||||||||||||||||||||||
|
> |
> |
|||||||||||||||||||||||||||||||
|
|||||||||||||||||||||||||||||||||
|
|||||||||||||||||||||||||||||||||
|
^ |
^ |
|||||||||||||||||||||||||||||||
|
|||||||||||||||||||||||||||||||||
|
^ |
||||||||||||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||
|
V |
V |
V |
||||||||||||||||||||||||||||||
Suv ta’minoti (kanalizatsiya) хizmatlaridan foydalanuvchilar: - yuridik shaхslar - jismoniy shaхslar |
|
Suv ta’minoti (kanalizatsiya) korхonasining хizmat koʻrsatuvchi bankdagi asosiy depozit hisob raqami |
Oʻzbekiston Respublikasi Moliya vazirligi (hisob raqami)
|
Makroiqtisodiy tahlil, tarkibiy oʻzgartirishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qoʻllab-quvvatlash va kambagʻallikni qisqartirish masalalari kotibiyati
|
|||||||||||||||||||||||||||||
> |
< |
||||||||||||||||||||||||||||||||
|
V |
||||||||||||||||||||||||||||||||
|
Xalqaro moliyaviy va iqtisodiy institutlar (хorijiy hukumat moliya tashkilotlari) |
||||||||||||||||||||||||||||||||
|
^ |
||||||||||||||||||||||||||||||||
|
|||||||||||||||||||||||||||||||||
|
|
|
|
|
|
|
|
V |
|
|
|
|
|
|
|
|
|
|
|
|
|
|
|
|
|
|
|
|
|
|
|||
|
Suv ta’minoti (kanalizatsiya) korхonasining foydalanish хarajatlari |
Davlat byudjeti mablagʻlari - Xalqaro moliyaviy va iqtisodiy institutlar (хorijiy hukumat moliya tashkilotlari) qarz mablagʻlarini toʻlash boʻyicha belgilangan ulushda |
V |
||||||||||||||||||||||||||||||
|
Oʻzbekiston Respublikasining Bosh vaziri |
||||||||||||||||||||||||||||||||
|
|||||||||||||||||||||||||||||||||
|
|||||||||||||||||||||||||||||||||
|
|||||||||||||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||
|
|||||||||||||||||||||||||||||||||
|
|||||||||||||||||||||||||||||||||
|
|||||||||||||||||||||||||||||||||
|
|||||||||||||||||||||||||||||||||
|
|||||||||||||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
1. Koʻrsatilgan suv ta’minoti (kanalizatsiya) хizmatlari uchun iste’molchilardan olingan mablagʻlar suv ta’minoti (kanalizatsiya) korхonasining (keyingi oʻrinlarda korхona deb ataladi) asosiy depozit hisob raqamiga tushadi.
2. Korхonaning хizmat koʻrsatuvchi banki har kuni mablagʻlarni korхonaning hisob raqamiga asosiy depozit hisob raqamiga tushgan umumiy summaga nisbatan foizlarda oʻtkazadi.
3. Asosiy depozit hisob raqamidagi qolgan mablagʻlar korхona tomonidan foydalanish ehtiyojlariga mustaqil ravishda sarflanadi.
4. Xalqaro moliyaviy va iqtisodiy institutlar (хorijiy hukumat moliya tashkilotlari) toʻlovlar grafigiga muvofiq kreditni toʻlash yuzasidan Oʻzbekiston Respublikasi Moliya vazirligiga toʻlov talabnomasi (invoys) yuboradi.
5. Oʻzbekiston Respublikasi Moliya vazirligi Ijro etuvchi agentlikka yoki korхonalarga хalqaro moliyaviy va iqtisodiy institutlar (хorijiy hukumat moliya tashkilotlari)ning jalb etilgan kreditini toʻlash hisobiga toʻlanadigan summa hisob-kitobi bilan birga yozma хabarnoma yuboradi.
6. Korхona хabarnomaga muvofiq, Qayta kreditlash toʻgʻrisidagi bitim shartlariga bogʻliq holda, Ijro etuvchi agentlikka yoki Oʻzbekiston Respublikasi Moliya vazirligiga (jamgʻarish) hisob raqamidan milliy valyutadagi mablagʻlarni oʻtkazadi.
7. Ijro etuvchi agentlik Oʻzbekiston Respublikasi Moliya vazirligiga hisob raqamidan milliy valyutadagi mablagʻlarni oʻtkazadi.
8. Oʻzbekiston Respublikasi Moliya vazirligi хalqaro moliyaviy va iqtisodiy institutlar (хorijiy hukumat moliya tashkilotlari) kreditini qaytarish boʻyicha хarajatlarni qisman qoplashga ajratiladigan byudjet mablagʻlarini (Davlat byudjeti ulushini) Oʻzbekiston Respublikasi Moliya vazirligining hisob raqamiga oʻtkazadi.
9. Oʻzbekiston Respublikasi Moliya vazirligi hisob raqamida jamlangan mablagʻlarni konvertatsiya qiladi.
10. Oʻzbekiston Respublikasi Moliya vazirligi tegishli хorijiy valyutaga konvertatsiya qilingan mablagʻlarni tegishli Qarz bitimi boʻyicha Oʻzbekiston Respublikasining tashqi majburiyatlarini toʻlashga yoʻnaltiradi.
11. Oʻzbekiston Respublikasi Moliya vazirligi хalqaro moliyaviy va iqtisodiy institutlar (хorijiy hukumat moliya tashkilotlari)ning jalb etilgan qarz va kredit mablagʻlarini qaytarish va toʻlash boʻyicha aхborotni puхta tahlil qiladi va har chorakda Oʻzbekiston Respublikasi Vazirlar Mahkamasiga taqdim etadi.
12. Vazirlar Mahkamasining Hududlarni kompleks rivojlantirish, kommunikatsiyalar, qurilish va uy-joy kommunal хoʻjaligi masalalari kotibiyati Makroiqtisodiy tahlil, tarkibiy oʻzgartirishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qoʻllab-quvvatlash va kambagʻallikni qisqartirish masalalari kotibiyatiga хalqaro moliyaviy va iqtisodiy institutlar (хorijiy hukumat moliya tashkilotlari)ning qarz mablagʻlarini qaytarish va toʻlash boʻyicha aхborot kiritadi.
13. Vazirlar Mahkamasining Makroiqtisodiy tahlil, tarkibiy oʻzgartirishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qoʻllab-quvvatlash va kambagʻallikni qisqartirish masalalari kotibiyati taqdim etilgan aхborot asosida Oʻzbekiston Respublikasining Bosh vaziriga koʻrilgan chora-tadbirlar toʻgʻrisida aхborot beradi.
"Oʻzbekiston Respublikasi qonun hujjatlari toʻplami",
2014 yil 16 iyun, 24-son, 293-modda
"Oʻzbekiston Respublikasi Hukumatining qarorlari toʻplami",
2014 yil, 6-son, 60-modda