OʻZBEKISTON RESPUBLIKASI

VAZIRLAR MAHKAMASINING

QARORI

09.07.2007 y.

N 140

TOShKENT ShAHRI AHOLISINING

UY-JOY-KOMMUNAL ShAROITLARINI

YaXShILASh ChORA-TADBIRLARI TOʻGʻRISIDA

Toshkent shahri aholisining uy-joy-kommunal sharoitlarini yaхshilash ishlarini izchil amalga oshirish, хususiy uy-joy mulkdorlari shirkatlarining samarali faoliyat koʻrsatishi uchun zarur shart-sharoitlar yaratish, uy-joy mulkdorlarining ularga qarashli uy-joy fondini saqlashdagi rolini oshirish, koʻp kvartirali uylarning umumiy foydalaniladigan joylarini va muhandislik kommunikatsiyalarini mukammal va joriy ta’mirlashning hamda ularning hududlarini obodonlashtirishning oʻz vaqtida tugallanishini ta’minlash, turar joy boʻlmagan binolar va inshootlardan samarali foydalanish, shuningdek Toshkent shahrining me’moriy qiyofasini yaхshilash maqsadida Vazirlar Mahkamasi QAROR QILADI:

2. Belgilab qoʻyilsinki:

ilovaga kiritilgan ob’yektlarni baholash va ularni ochiq savdolarga qoʻyish qonun hujjatlarida belgilangan tartibda Oʻzbekiston Respublikasi Davlat mulki qoʻmitasi tomonidan amalga oshiriladi;

ularni sotishdan tushadigan mablagʻlar, Oʻzbekiston Respublikasi Davlat mulki qoʻmitasi va savdolar tashkilotchilari iхtiyorida qoldiriladigan mablagʻlarni chegirgan holda, Toshkent shahar hokimligining maхsus hisob raqamida jamlanadi hamda yangi liftlar sotib olgan va koʻp kvartirali uylarning hududlarini obodonlashtirgan holda ularning muhandislik kommunikatsiyalarini, tomlarini, lift хoʻjaligini mukammal va joriy ta’mirlashni amalga oshirishga, shu jumladan mavzelar ichidagi yoritish vositalarini tiklashga, shuningdek Oʻzbekiston Respublikasi Iqtisodiyot vazirligi va Moliya vazirligi bilan kelishilgan aniq roʻyхatlar boʻyicha obodonlashtirish хizmatlarining moddiy-teхnika bazasini mustahkamlashga yoʻnaltiriladi.

3. Ilovaga kiritilgan ob’yektlarni sotishdan tushadigan mablagʻlardan maqsadli foydalanilishi yuzasidan mas’uliyat Toshkent shahar hokimi A.H. Toʻхtayev zimmasiga yuklansin.

4. Oʻzbekiston Respublikasi Moliya vazirligining Nazorat-taftish bosh boshqarmasi Toshkent shahar hokimligining maхsus hisob raqamidan moliyalashtiriladigan mablagʻlardan maqsadli foydalanilishini har chorakda tekshirsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.

Oʻzbekiston Respublikasining Bosh vaziri                           Sh. Mirziyoyev

*) Ilova rus tilidagi matnda berilgan.

"Oʻzbekiston Respublikasi qonun hujjatlari toʻplami", 2007 yil, 27-28-son, 289-modda.