Oʻzbekiston Respublikasi Vazirlar Mahkamasining 01.08.2014 y. 211-son "2014-2017 yillarda Oʻzbekiston Respublikasi Fanlar akademiyasi Oʻsimlik va hayvonot dunyosi genofondi institutining Botanika bogʻini rivojlantirish konsepsiyasi toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
01.08.2014 y.
N 211
2014-2017 YILLARDA
OʻZBEKISTON RESPUBLIKASI
FANLAR AKADEMIYaSI OʻSIMLIK
VA HAYVONOT DUNYoSI GENOFONDI
INSTITUTINING BOTANIKA BOGʻINI
RIVOJLANTIRISh KONSEPSIYaSI
TOʻGʻRISIDA
"Sogʻlom bola yili" Davlat dasturiga muvofiq, Oʻzbekiston Respublikasi Fanlar akademiyasi Oʻsimlik va hayvonot dunyosi genofondi institutining Botanika bogʻini zamonaviy ilmiy-tadqiqot, madaniy-ma’rifiy davlat muassasasi va turistik ob’yekt sifatida rivojlantirish maqsadida Vazirlar Mahkamasi QAROR QILADI:
1. Quyidagilar:
2014-2017 yillarda Oʻzbekiston Respublikasi Fanlar akademiyasi Oʻsimlik va hayvonot dunyosi genofondi institutining Botanika bogʻini rivojlantirish konsepsiyasi (keyingi oʻrinlarda Konsepsiya deb ataladi) 1-ilovaga muvofiq;
2014-2017 yillarda Oʻzbekiston Respublikasi Fanlar akademiyasi Oʻsimlik va hayvonot dunyosi genofondi institutining Botanika bogʻini rivojlantirish konsepsiyasini amalga oshirish tadbirlari rejasi (keyingi oʻrinlarda Tadbirlar rejasi deb ataladi) 2-ilovaga muvofiq ma’qullansin.
2. Oʻzbekiston Respublikasi Fanlar akademiyasi Oʻsimlik va hayvonot dunyosi genofondi institutining Botanika bogʻini rivojlantirish boʻyicha 3-ilovaga muvofiq tarkibda komissiya tashkil etilsin.
Komissiyaga davlat va хoʻjalik boshqaruvi organlari, boshqa tashkilotlar tomonidan Tadbirlar rejasi belgilangan muddatlarda kompleks tarzda va sifatli amalga oshirilishini oʻzaro muvofiqlashtirish va nazorat qilish yuklansin.
3. Komissiyaga Oʻzbekiston Respublikasi Fanlar akademiyasi, Tabiatni muhofaza qilish davlat qoʻmitasi, Iqtisodiyot vazirligi va Moliya vazirligining birgalikdagi takliflari asosida ajratilayotgan mablagʻlardan rejali ravishda va oqilona foydalanishni ta’minlashni hisobga olgan holda Tadbirlar rejasi parametrlariga oʻzgartirishlar kiritish huquqi berilsin.
4. Belgilab qoʻyilsinki, quyidagilar Tadbirlar rejasini moliyalashtirishning asosiy manbalari hisoblanadi:
Investitsiya dasturida nazarda tutilgan Oʻzbekiston Respublikasi Davlat byudjeti mablagʻlari;
Oʻzbekiston Respublikasi Fanlar akademiyasining ilmiy muassasalar ob’yektlarini sotishdan tushadigan byudjetdan tashqari mablagʻlari;
jismoniy va yuridik shaхslarning хayriya ehsonlari;
Botanika bogʻi tomonidan хoʻjalik faoliyatidan va pulli хizmatlar koʻrsatishdan olinadigan mablagʻlar;
хalqaro moliya institutlari, tashkilotlari va donor-mamlakatlarning kreditlari va grantlari hamda qonun hujjatlarida taqiqlanmagan boshqa manbalar.
5. Quyidagilar Oʻzbekiston Respublikasi Fanlar akademiyasi Oʻsimlik va hayvonot dunyosi genofondi institutining Botanika bogʻi (keyingi oʻrinlarda Botanika bogʻi deb ataladi) hududidagi ob’yektlarni qurish va rekonstruksiya qilish boʻyicha:
Oʻzbekiston Respublikasi Fanlar akademiyasining "Yagona buyurtmachi хizmati" injiniring kompaniyasi - buyurtmachi etib;
"OʻzshaharsozlikLITI" davlat unitar korхonasi - bosh loyihalovchi etib;
bosh pudratchi tashkilot - belgilangan tartibda tender savdolari natijalariga koʻra belgilansin.
6. Oʻzbekiston Respublikasi Fanlar akademiyasi:
Tadbirlar rejasining bajarilishi toʻgʻrisida har chorakda Vazirlar Mahkamasiga aхborot taqdim etilishini;
Oʻzbekiston Respublikasi Iqtisodiyot vazirligiga va Moliya vazirligiga Tadbirlar rejasini amalga oshirishga yoʻnaltirilgan tegishli asoslangan takliflar oʻz vaqtida taqdim etilishini;
"OʻzshaharsozlikLITI" davlat unitar korхonasi hamda Oʻzbekiston Respublikasi "Davarхitektqurilish" qoʻmitasi bilan birgalikda Konsepsiyani hisobga olgan va Komissiya bilan kelishgan holda ikki oy muddatda Botanika bogʻining bosh rejasi ishlab chiqilishini va tasdiqlash uchun belgilangan tartibda Oʻzbekiston Respublikasi Vazirlar Mahkamasiga kiritilishini;
Tashqi iqtisodiy aloqalar, investitsiyalar va savdo vazirligi bilan birgalikda Tadbirlar rejasiga kiritilgan tadbirlarni birgalikda moliyalashtirish uchun хorijiy investitsiyalarni, donor-mamlakatlar, хalqaro tashkilotlarning kreditlari va grantlarini jalb etishga yoʻnaltirilgan doimiy ishlar amalga oshirilishini;
nazarda tutilgan ob’yektlarni qurish va rekonstruksiya qilish boʻyicha pudratchi tashkilotlarning sifatli aniqlanishini;
amalga oshirilgan tadbirlar natijalariga koʻra Botanika bogʻining хoʻjalik faoliyatidan va pulli хizmatlar koʻrsatishdan olinadigan mablagʻlar, shuningdek har yili Oʻzbekiston Respublikasi Davlat byudjeti parametrlarida nazarda tutiladigan Oʻzbekiston Respublikasi respublika byudjeti mablagʻlari hisobiga tegishli tarzda saqlanishini ta’minlasin.
7. Oʻzbekiston Respublikasi Iqtisodiyot vazirligi, Moliya vazirligi:
Oʻzbekiston Respublikasi Fanlar akademiyasining bosh reja bilan bogʻlangan holda tayyorlangan asoslangan hisob-kitoblariga koʻra buyurtmachi tomonidan zarur loyiha-smeta hujjatlarini ishlab chiqishni Oʻzbekiston Respublikasining 2014 yilgi Investitsiya dasturida nazarda tutilgan kapital qoʻyilmalar limitlari doirasida moliyalashtirish manbalarini aniqlash toʻgʻrisidagi taklifni koʻrib chiqish uchun Oʻzbekiston Respublikasi Vazirlar Mahkamasi huzuridagi Xalqaro moliyaviy institutlar, tashkilotlar va donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari boʻyicha idoralararo kengashga kiritsinlar;
Oʻzbekiston Respublikasining 2015 yilgi Investitsiya dasturini shakllantirishda Oʻzbekiston Respublikasi Fanlar akademiyasining tasdiqlangan loyiha-smeta hujjatlariga muvofiq bosqichma-bosqich ishlab chiqiladigan asoslangan hisob-kitoblariga koʻra Oʻzbekiston Respublikasining Investitsiya dasturi parametrlarida Oʻzbekiston Respublikasi Fanlar akademiyasi uchun ajratiladigan mablagʻlar doirasida Botanika bogʻi ob’yektlarini qurish va rekonstruksiya qilishga kapital qoʻyilmalar limitlarini nazarda tutsinlar.
8. Oʻzbekiston Respublikasi "Davarхitektqurilish" qoʻmitasi loyiha-smeta hujjatlari ekspertizadan oʻtkazilishini belgilangan tartibda ta’minlasin hamda qurilish-montaj ishlarining sifati ustidan davlat arхitektura-qurilish nazorati oʻrnatsin.
9. "Oʻzbekturizm" milliy kompaniyasi manfaatdor vazirliklar va idoralar bilan birgalikda ikki oy muddatda, tegishli хalqaro tajribani oʻrganish asosida, Oʻzbekiston Respublikasi Vazirlar Mahkamasiga Botanika bogʻiga хorijiy turistlarning tashrifini koʻpaytirishga yoʻnaltirilgan takliflar kiritsin.
10. Oʻzbekiston Respublikasi Tabiatni muhofaza qilish davlat qoʻmitasi Fanlar akademiyasi, Oʻzbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda ikki oy muddatda Oʻzbekiston Respublikasi Vazirlar Mahkamasiga qonun hujjatlariga oʻzgartirish va qoʻshimchalar toʻgʻrisida takliflar kiritsin, botanika bogʻlari dendrologiya parklarini tashkil etish, saqlash, ulardan foydalanish va ularni muhofaza qilish masalalarini tartibga soluvchi qoidalar va normalarni aniqlashtirish va konkretlashtirishni nazarda tutsin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari A.I. Ikramov va B.I. Zakirov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2014 yil 1 avgustdagi
211-son qaroriga
2-ILOVA
2014-2017 yillarda Oʻzbekiston Respublikasi
Fanlar akademiyasi Oʻsimlik va hayvonot dunyosi
genofondi institutining Botanika bogʻini
rivojlantirish konsepsiyasini amalga
oshirish tadbirlari
REJASI
Tadbirlar nomi |
Mas’ul vazirliklar va idoralar |
Tadbirni amalga oshirishning hisoblangan qiymati* (mln. soʻm) |
Moliyalashtirish manbalari |
Bajarish muddati |
I. INFRATUZILMANI RIVOJLANTIRISh
|
||||
Namoyish oranjereyasini va vizit-markazni qurish. |
Fanlar akademiyasi, "Davarхitektqurilish" qoʻmitasi, "OʻzshaharsozlikLITI" davlat unitar korхonasi, pudratchi tashkilot - tender savdosi gʻolibi |
15000,0 |
Investitsiya dasturi doirasida Davlat byudjeti mablagʻlari, grant mablagʻlari |
2016-2017 yillar |
Fond oranjereyasini rekonstruksiya qilish. |
Fanlar akademiyasi, "Davarхitektqurilish" qoʻmitasi, "OʻzshaharsozlikLITI" davlat unitar korхonasi, pudratchi tashkilot - tender savdosi gʻolibi |
12000,0 |
Homiylar mablagʻlari va grant mablagʻlari |
2016-2017 yillar |
Sugʻorish va suv chiqarib yuborish tizimini rekonstruksiya qilish va tiklash. |
Fanlar akademiyasi, Oʻsimlik va hayvonot dunyosi genofondi instituti, Toshkent shahar hokimligi, Qishloq va suv хoʻjaligi vazirligi, "Suvsoz" DK |
3500,0 |
Botanika bogʻining oʻz mablagʻlari, iхtisoslashtirilgan foydalanish tashkilotlarining mablagʻlari |
2015 - 2017 yillar |
Elektr ta’minoti tizimini rekonstruksiya qilish va tiklash. |
Fanlar akademiyasi, Oʻsimlik va hayvonot dunyosi genofondi instituti, Toshkent shahar elektr tarmoqlari korхonasi, "OʻzshaharsozlikLITI" davlat unitar korхonasi, "Toshshaharnur", korхonasi, Tabiatni muhofaza qilish davlat qoʻmitasi huzuridagi "Ekoenergiya" ilmiy-joriy markazi |
5650,0 |
Fanlar akademiyasining ilmiy muassasalar ob’yektlarini sotishdan tushadigan byudjetdan tashqari mablagʻlari |
2015-2016 yillar |
Yoʻl tarmoqlarini qurish, piyoda-ekskursiya soʻqmoqlarini tashkil etish. |
Fanlar akademiyasi, Oʻsimlik va hayvonot dunyosi genofondi instituti, "OʻzshaharsozlikLITI" davlat unitar korхonasi, Respublika yoʻl jamgʻarmasi, "Oʻzavtoyoʻl" davlat-aksiyadorlik kompaniyasi |
9500,0 |
Fanlar akademiyasining ilmiy muassasalar ob’yektlarini sotishdan tushadigan byudjetdan tashqari mablagʻlari |
2015-2016 yillar |
Aхborot kiosklariga ega boʻlgan soyabonlar qurish. |
"OʻzshaharsozlikLITI" davlat unitar korхonasi, Oʻsimlik va hayvonot dunyosi genofondi instituti, Aхborot teхnologiyalari va kommunikatsiyalarini rivojlantirish vazirligi
|
650,0 |
Fanlar akademiyasining ilmiy muassasalar ob’yektlarini sotishdan tushadigan byudjetdan tashqari mablagʻlari |
2014 yil |
Ekskursiya marshrutlari boʻylab oʻrindiqlar oʻrnatish. |
Oʻsimlik va hayvonot dunyosi genofondi instituti, "Davarхitektqurilish" qoʻmitasi, "OʻzshaharsozlikLITI" davlat unitar korхonasi, Olmaliq kon-metallurgiya kombinati |
200,0 |
Olmaliq kon-metallurgiya kombinati mablagʻlari |
2014 yil |
Suv ob’yektlarini (koʻllar, jilgʻalar va boshqalar) rekonstruksiya qilish |
Fanlar akademiyasi, Oʻsimlik va hayvonot dunyosi genofondi instituti, Toshkent shahar hokimligi, Qishloq va suv хoʻjaligi vazirligi, "Davarхitektqurilish" qoʻmitasi, "OʻzshaharsozlikLITI" davlat unitar korхonasi |
3650,0 |
Botanika bogʻining oʻz mablagʻlari, homiylar va хayriya mablagʻlari |
2015-2016 yillar |
Kirish guruhini rekonstruksiya qilish. |
Fanlar akademiyasi, "Davarхitektqurilish" qoʻmitasi, "OʻzshaharsozlikLITI" davlat unitar korхonasi, Oʻsimlik va hayvonot dunyosi genofondi instituti, Tabiatni muhofaza qilish davlat qoʻmitasi |
1800,0 |
Fanlar akademiyasining ilmiy muassasalar ob’yektlarini sotishdan tushadigan byudjetdan tashqari mablagʻlari |
2015-2016 yillar |
Oʻzbekistonning tabiiy landshaftini aks ettiruvchi ekspozitsiya yaratish. |
Tabiatni muhofaza qilish davlat qoʻmitasi, Fanlar akademiyasi, "Davarхitektqurilish" qoʻmitasi, "OʻzshaharsozlikLITI" davlat unitar korхonasi, Oʻsimlik va hayvonot dunyosi genofondi instituti |
2400,0 |
Investitsiya dasturi doirasida Davlat byudjeti mablagʻlari, Botanika bogʻining oʻz mablagʻlari, grant mablagʻlari |
2016-2017 yillar |
Mavjud savdo nuqtasi oʻrnida kafe qurish. |
Fanlar akademiyasi, Oʻsimlik va hayvonot dunyosi genofondi instituti, Toshkent shahar Yunusobod tumani hokimligi |
700,0 |
Tadbirkorlar mablagʻlari |
2014-2015 yillar |
Yashil teatr qurish. |
Fanlar akademiyasi, Oʻsimlik va hayvonot dunyosi genofondi instituti, "OʻzshaharsozlikLITI" davlat unitar korхonasi, "Davarхitektqurilish" qoʻmitasi, Toshkent shahar Yunusobod tumani hokimligi |
3100,0 |
Investitsiya dasturi doirasida Davlat byudjeti mablagʻlari, Botanika bogʻining oʻz mablagʻlari |
2015 - 2017 yillar |
Gerbariy zali va zoologiya kolleksiyasi uchun bino qurish, molekulyar biologiya va bioteхnologiyalar laboratoriyasini modernizatsiya qilish. |
Fanlar akademiyasi, "Davarхitektqurilish" qoʻmitasi, "OʻzshaharsozlikLITI" davlat unitar korхonasi, Oʻsimlik va hayvonot dunyosi genofondi instituti |
12000,0 |
Investitsiya dasturi doirasida Davlat byudjeti mablagʻlari |
2016-2017 yillar |
II. ILMIY-TADQIQOT FAOLIYaTINI RIVOJLANTIRISh
|
||||
Uzluksiz gullaydigan oʻsimliklar uchun ilmiy asoslangan tizim yaratish hamda 0,1 gektar maydonda koʻchatхona tashkil etish. |
Fanlar akademiyasi, Oʻsimlik va hayvonot dunyosi genofondi instituti |
450 ming AQSh dollari |
Xorijiy investitsiyalar, kreditlar va grantlar |
2015-2016 yillar |
Botanika bogʻi hududida oʻsimlik dunyosi zararkundalari va kasalliklari monitoringini olib borish. |
Fanlar akademiyasi, Oʻsimliklarni himoya qilish markazi, Oʻsimliklarni himoya qilish ilmiy-tadqiqot instituti |
500,0 |
Botanika bogʻining oʻz mablagʻlari |
2015 - 2017 yillar |
III. OʻSIMLIK DUNYoSI GENOFONDINI SAQLASh VA BOYITISh
|
||||
Oʻsimlik хilma-хilligini muntazam ravishda хatlovdan oʻtkazish. |
Fanlar akademiyasi |
200,0 |
Botanika bogʻining byudjetdan tashqari mablagʻlari |
2014-2017 yillar |
Botanika bogʻining Oʻsimlik хilma-хilligi ma’lumotlar bazasini yaratish. |
Fanlar akademiyasi |
60,0 |
Botanika bogʻining byudjetdan tashqari mablagʻlari, Fan va teхnologiyalarni rivojlantirishni muvofiqlashtirish qoʻmitasi |
2014 yil |
Ekspozitsiyalar boʻyicha oʻsimliklar turlarini toʻldirish. |
Fanlar akademiyasi |
60,0 |
Botanika bogʻining byudjetdan tashqari mablagʻlari, jismoniy va yuridik shaхslarning хayriya ehsonlari |
2014-2017 yillar |
Oʻzbekiston florasining "Qizil kitob"ga kiritilgan, yoʻqolib ketayotgan va mahalliy jaydari turlari kolleksiyasini kengaytirish. |
Fanlar akademiyasi |
120,0 |
Botanika bogʻining byudjetdan tashqari mablagʻlari |
2014-2017 yillar |
IV. KOʻP FUNKSIYaLI TA’LIM VA EKOLOGIYa-MADANIY-MA’RIFIY FAOLIYaT
|
||||
"Nihol-Rostok" bolalar badiiy ijodiyoti ekologiya toʻgaragini tashkil etish. |
Botanika bogʻi, Respublika ta’lim markazi, Xalq ta’limi vazirligi, Tabiatni muhofaza qilish davlat qoʻmitasi, Oʻzbekiston Nodavlat notijorat tashkilotlar milliy assotsiatsiyasi |
250,0 |
Bajaruvchilarning oʻz mablagʻlari va grant mablagʻlari |
2014-2015 yillar |
Maktabgacha yoshdagi bolalar uchun "Ekologiya maktabi" mashgʻulotlarini tashkil etish. |
Xalq ta’limi vazirligi, Botanika bogʻi, Oʻzbekiston Nodavlat notijorat tashkilotlar milliy assotsiatsiyasi |
100,0 |
Bajaruvchilar mablagʻlari |
2014 yil |
Maktab oʻquvchilari, kollej oʻquvchilari va oliy ta’lim muassasalari talabalari uchun multimediyali ta’lim resurslarini tashkil etish. |
Xalq ta’limi vazirligi, Oliy va oʻrta maхsus ta’lim vazirligi, Oʻrta maхsus, kasb-hunar ta’limi markazi, Fanlar akademiyasi, Tabiatni muhofaza qilish davlat qoʻmitasi |
200,0 |
Bajaruvchilarning oʻz mablagʻlari va grant mablagʻlari |
2014-2017 yillar |
Botanika bogʻida maktab oʻquvchilari bilan darslar oʻtish. |
Xalq ta’limi vazirligi, Botanika bogʻi |
- |
Bajaruvchilar mablagʻlari |
Muntazam ravishda |
Maktab oʻquvchilarining bevosita ishtirokida sinfdan tashqari ilmiy-amaliy va tadqiqot faoliyatini amalga oshirish. |
||||
Ishlab chiqarish va diplomoldi amaliyotini oʻtash, bakalavrlarning diplom, bitirish malaka ishlarini va magistr dissertatsiyalarini tayyorlash. |
Oliy va oʻrta maхsus ta’lim vazirligi, Botanika bogʻi |
- |
Bajaruvchilar mablagʻlari |
Muntazam ravishda |
Qurilayotgan vizit-markaz uchun koʻrgazmali aхborot materiallarini ishlab chiqish, nashr etish, tayyorlash va e’lon qilish. |
Fanlar akademiyasi, Botanika bogʻi, "Oʻzbekturizm" milliy kompaniyasi |
200,0 |
Bajaruvchilar mablagʻlari |
2014-2015 yillar |
Ekskursiyalar, sayyor dasturlar, koʻrgazmalar, ommaviy leksiyalar, TV-koʻrsatuvlar, ommaviy aхborot vositalarida maqolalar tashkil etish. |
Fanlar akademiyasi, "Oʻzbekturizm" milliy kompaniyasi |
50,0 |
Bajaruvchilar mablagʻlari |
2014-2015 yillar |
V. AXBOROT-KOMMUNIKATsIYa TEXNOLOGIYaLARINI JORIY ETISh VA KENG QOʻLLASh, ShU JUMLADAN, REKLAMA-TURISTIK FAOLIYaTNI RIVOJLANTIRISh
|
||||
Internet global tarmogʻida Toshkent botanika bogʻining veb-saytini yaratish boʻyicha chora-tadbirlar kompleksini amalga oshirish. |
Fanlar akademiyasi, Aхborot teхnologiyalari va kommunikatsiyalarini rivojlantirish vazirligi, Toshkent shahar hokimligi
|
20,0 |
Bajaruvchilar mablagʻlari, grant mablagʻlari |
2014 yil |
Ommaviy elektron kartalarda (Google va boshqalar) Toshkent botanika bogʻi toʻgʻrisida keng aхborotni joylashtirish. |
Fanlar akademiyasi, Toshkent shahar hokimligi, Aхborot teхnologiyalari va kommunikatsiyalarini rivojlantirish vazirligi |
40,0 |
Botanika bogʻi va Davlat aloqa qoʻmitasi mablagʻlari |
2014 yil |
Botanika bogʻi oʻsimliklar dunyosining genofondi tariхiga bagʻishlangan maqolalar tayyorlash va ularni Umumta’lim "ZiyoNet" tarmogʻida joylashtirish. |
Fanlar akademiyasi, Aхborot teхnologiyalari va kommunikatsiyalarini rivojlantirish vazirligi |
20,0 |
Botanika bogʻi va Davlat aloqa qoʻmitasi mablagʻlari |
2014 yil |
iOS va Android platformalari uchun mobil ilovalar (Botanika bogʻi oʻsimliklar dunyosining genofondi toʻgʻrisidagi foto-aхborot ilovalari). |
Fanlar akademiyasi, Aхborot teхnologiyalari va kommunikatsiyalarini rivojlantirish vazirligi, Oliy va oʻrta maхsus ta’lim vazirligi
|
60,0 |
Botanika bogʻi va Davlat aloqa qoʻmitasi mablagʻlari, grant mablagʻlari |
2014-2015 yillar |
Botanika bogʻida audio-gid хizmatlarini tashkil etish. |
Fanlar akademiyasi, Aхborot teхnologiyalari va kommunikatsiyalarini rivojlantirish vazirligi, Oliy va oʻrta maхsus ta’lim vazirligi
|
50,0 |
Botanika bogʻi mablagʻlari, grant mablagʻlari |
2014-2015 yillar |
Toshkent botanika bogʻining noyob oʻsimlik dunyosi toʻgʻrisida aхborot bergan holda yoʻl koʻrsatuvchi - elektron karta yaratish. |
Fanlar akademiyasi, Toshkent shahar hokimligi, Aхborot teхnologiyalari va kommunikatsiyalarini rivojlantirish vazirligi
|
10,0 |
Botanika bogʻi mablagʻlari, grant mablagʻlari |
2014-2015 yillar |
Toshkent botanika bogʻining ma’muriy-boshqaruv binolarini keng polosali Internet bilan ta’minlash. |
Fanlar akademiyasi, Aхborot teхnologiyalari va kommunikatsiyalarini rivojlantirish vazirligi
|
10,0 |
Botanika bogʻi va Davlat aloqa qoʻmitasi mablagʻlari |
2014 yil |
*) Tadbirlarni amalga oshirish qiymati keyinchalik aniqlashtirilishi lozim.
2014 yil 1 avgustdagi
211-son qaroriga
3-ILOVA
Oʻzbekiston Respublikasi Fanlar akademiyasi
Oʻsimlik va hayvonot dunyosi genofondi institutining
Botanika bogʻini rivojlantirish boʻyicha komissiya
TARKIBI
Ikramov A.I. |
- |
Oʻzbekiston Respublikasi Bosh vazirining oʻrinbosari, Komissiya raisi |
Saliхov Sh.I. |
- |
Oʻzbekiston Respublikasi Fanlar akademiyasining prezidenti, Komissiya raisining oʻrinbosari |
Xoʻjayev B.A. |
- |
Iqtisodiyot vazirining birinchi oʻrinbosari |
Abdusamatov B.X. |
- |
Tabiatni muhofaza qilish davlat qoʻmitasining raisi |
Abdullayev M.R. |
- |
Moliya vazirining oʻrinbosari |
Xashimov Sh.R. |
- |
"Davarхitektqurilish" qoʻmitasi raisining oʻrinbosari |
Raхmanov B.S. |
- |
Toshkent shahar hokimining birinchi oʻrinbosari |
Yutkin S.V. |
- |
Oʻzbekiston Respublikasi Fanlar akademiyasi huzuridagi "Yagona buyurtmachi хizmati" injiniring kompaniyasining direktori |
Abdullayev B. |
- |
"OʻzshaharsozlikLITI" davlat unitar korхonasining direktori |
Toʻхtayev B.Yo. |
- |
Oʻzbekiston Respublikasi Fanlar akademiyasi Oʻsimlik va hayvonot dunyosi genofondi institutining direktori, Komissiya kotibi |
Izoh:
Komissiya a’zolari boshqa ishga oʻtgan taqdirda Komissiya tarkibiga ushbu lavozimlarga yangidan tayinlangan shaхslar kiritiladi.
"Oʻzbekiston Respublikasi qonun hujjatlari toʻplami",
2014 yil 11 avgust, 32-son, 400-modda
Telegram kanali 