OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

28.03.2014 y.

N 1807-3

QARORI

Soliq toʻlovchilarga nol darajali stavkani

qoʻllash natijasida hosil boʻlgan qoʻshilgan qiymat

soligʻining ortiqcha summasini qaytarish toʻgʻrisidagi

nizomga oʻzgartirishlar kiritish haqida

Oʻzbekiston Respublikasi Byudjet kodeksiga (Oʻzbekiston Respublikasi qonun hujjatlari toʻplami, 2013 yil, 52 (I)-son) muvofiq, Oʻzbekiston Respublikasi Moliya vazirligi va Davlat soliq qoʻmitasi QAROR QILADILAR:

1. Oʻzbekiston Respublikasi Moliya vazirligi va Davlat soliq qoʻmitasining 2008 yil 30 apreldagi 44, 2008-23-sonli qarori (roʻyхat raqami 1807, 2008 yil 16 may) (Oʻzbekiston Respublikasi qonun hujjatlari toʻplami, 2008 y., 20-21-son, 180-modda) bilan tasdiqlangan Soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summasini qaytarish toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

Qarorga

ILOVA

Soliq toʻlovchilarga nol darajali stavkani qoʻllash

natijasida hosil boʻlgan qoʻshilgan qiymat soligʻining

ortiqcha summasini qaytarish toʻgʻrisidagi nizomga

kiritilayotgan oʻzgartirishlar

1. 6-bandning "d" kichik bandi birinchi хatboshisidagi va 15-banddagi "Ta’lim va tibbiyot muassasalarini" degan soʻzlar "Umumta’lim maktablari, kasb-hunar kollejlari, akademik litseylar va tibbiyot muassasalarini" degan soʻzlar bilan almashtirilsin.

2. 20-banddagi "Oʻzbekiston Respublikasi Davlat byudjeti" degan soʻzlar "byudjet tizimi byudjetlari" degan soʻzlar bilan almashtirilsin.

"Oʻzbekiston Respublikasi qonun hujjatlari toʻplami",

2014 yil 31 mart, 13-son, 151-modda