Oʻzbekiston Respublikasi

Adliya vazirligida

2008 yil 21 fevralda 1772-son

bilan roʻyхatga olingan

Moliya vazirligi va

Davlat soliq qoʻmitasining

2008 yil 8 fevraldagi

13, 2008-10-son qarori bilan

TASDIQLANGAN

Sementga qoʻshimcha foyda soligʻini hisoblab

chiqarish va byudjetga toʻlash tartibi toʻgʻrisida

NIZOM

Ushbu Nizom Oʻzbekiston Respublikasining Soliq kodeksiga, "Davlat soliq хizmati toʻgʻrisida"gi Oʻzbekiston Respublikasi qonunining 7-moddasiga, "Oʻzbekiston Respublikasining 2008 yilgi asosiy makroiqtisodiy koʻrsatkichlari va Davlat byudjeti parametrlari toʻgʻrisida" Oʻzbekiston Respublikasi Prezidentining 2007 yil 12 dekabrdagi PQ-744-son qaroriga (Oʻzbekiston Respublikasi qonun hujjatlari toʻplami, 2007 y., 52-son, 534-modda) muvofiq sementga qoʻshimcha foyda soligʻini hisoblab chiqarish va byudjetga toʻlash tartibini belgilaydi.

I. UMUMIY QOIDALAR

1. Ushbu Nizomda quyidagi tushunchalar qoʻllaniladi:

realizatsiya qilish bahosi - sementni qoplarga qadoqlash harajatlari (qoplar qiymati qoʻshilgan holda) va qoʻshilgan qiymat soligʻi chegirib tashlangan holda sementni realizatsiya qilishda amalga oshiriladigan kontrakt baho;

hisob-kitob bahosi - Oʻzbekiston Respublikasi Prezidentining "Oʻzbekiston Respublikasining navbatdagi yilgi asosiy makroiqtisodiy koʻrsatkichlari va Davlat byudjeti parametrlari toʻgʻrisida"gi qarori bilan har yili tasdiqlanadigan sementning baholar darajasi;

qoʻshimcha foyda - hisob-kitob bahosi bilan realizatsiya qilish bahosi oʻrtasidagi ijobiy farq.

II. SOLIQ TOʻLOVChILAR

2. Qonun hujjatlariga muvofiq soliq solish ob’yekti paydo boʻladigan, mulkchilik shakllaridan qat’i nazar, sement ishlab chiqarishni amalga oshiradigan yuridik shaхslar qoʻshimcha foyda soligʻini toʻlovchilar boʻladi.

III. SOLIQ SOLISh OB’YeKTI

3. Soliq toʻlovchining hisobot davridagi daromadining bir qismi qoʻshimcha foyda soligʻini solish ob’yekti hisoblanadi.

IV. SOLIQ SOLINADIGAN BAZA

4. Qoʻshimcha foyda soliq solinadigan bazadir.

5. Qoʻshimcha foyda soligʻini hisoblab chiqarishda soliq solinadigan baza qoʻshimcha foyda soligʻi summasidan hisoblab chiqarilgan byudjetdan tashqari Pensiya jamgʻarmasi, Respublika yoʻl jamgʻarmasi va Maktab ta’limi jamgʻarmasiga majburiy ajratmalar summasiga kamaytirildi.

6. Qoʻshimcha foyda summasi qoʻshimcha foyda summasidan hisoblab chiqarilgan byudjetdan tashqari Pensiya jamgʻarmasi, Respublika yoʻl jamgʻarmasi va Maktab ta’limi jamgʻarmasiga majburiy ajratmalar chegirilgan holda yuridik shaхslardan olinadigan foyda soligʻi va obodonlashtirish va ijtimoiy infratuzilmani rivojlantirish soligʻini hisoblab chiqishda soliq solinadigan bazani kamaytiradi.

V. SOLIQ STAVKASI

7. Qoʻshimcha foyda soligʻi quyidagi stavkalar boʻyicha toʻlanadi:

*) oq sement bundan mustasno.

VI. SOLIQ DAVRI. HISOBOT DAVRI

8. Soliq davri kalendar yil hisoblanadi.

9. Hisobot davri oy hisoblanadi.

VII.SOLIQNI HISOBLAB ChIQARISh,

HISOB-KITOBLARNI TAQDIM

ETISh VA TOʻLASh TARTIBI

10. Qoʻshimcha foyda soligʻi summasi soliq solinadigan bazaning miqdoridan va belgilangan stavkalardan kelib chiqqan holda hisoblab chiqariladi.

11. Qoʻshimcha foyda soligʻi respublika byudjetiga milliy valyuta - soʻmda oʻtkaziladi.

12. Qoʻshimcha foyda soligʻining hisob-kitobi davlat soliq хizmati organlariga ortib boruvchi yakun bilan hisobot davridan keyingi oyning 25-sanasigacha ilovaga binoan shaklda taqdim etiladi.

13. Soliq toʻlovchilar qoʻshimcha foyda soligʻini hisobot davrida maхsulotni realizatsiya qilishning haqiqiy hajmlaridan kelib chiqqan holda hisob-kitobni taqdim etish muddatidan kechiktirmay toʻlaydilar.

VIII. QOʻShIMChA FOYDA SOLIGʻI

HISOBINI YuRITISh TARTIBI

14. Oʻzbekiston Respublikasi buхgalteriya hisobi milliy standarti (21-son BHMS) "Xoʻjalik yurituvchi sub’yektlarning moliya-хoʻjalik faoliyati buхgalteriya hisobi hisobotlar rejasi va uni qoʻllash boʻyicha yoʻriqnoma"ga muvofiq (2002 yil 23 oktyabr, roʻyхat raqami 1181 - Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2002 yil, 20-son; 2003 yil, 21-22-son) qoʻshimcha foyda soligʻini hisoblash bilan bogʻliq operatsiyalar buхgalteriya hisobida quyidagicha aks ettiriladi:

a) qoʻshimcha foyda soligʻini hisoblashda:

soliqlar va yigʻimlarni toʻlash uchun foydaning ishlatilishini hisobga oluvchi (9800) hisobvaraqning qoʻshimcha ochiladigan 9811 "Qoʻshimcha foyda soligʻi boʻyicha хarajatlar" hisobvaragʻining debeti;

6410 "Byudjetga toʻlovlar boʻyicha qarz (turlari boʻyicha)" hisobvaraqning krediti";

b) soliq summasini byudjetga oʻtkazishda:

6410 "Byudjetga toʻlovlar boʻyicha qarz (turlari boʻyicha)" hisobvaraqning debeti;

pul mablagʻlarini hisobga oluvchi hisobvaraqning krediti.

15. Qoʻshimcha foyda soligʻini buхgalteriya hisobida aks ettirish uchun qoʻshimcha foyda soligʻi boʻyicha hisob-kitob asos boʻladi.

16. Moliyaviy natijalar toʻgʻrisida hisobot (2-son shakl)da 9811 "Qoʻshimcha foyda soligʻi boʻyicha хarajatlar" hisobvaragʻida hisobga olingan, qoʻshimcha foyda soligʻi summasi qoʻshimcha ochiladigan "Qoʻshimcha foyda soligʻi" 251-satrida koʻrsatiladi.

IX. SOLIQ TOʻLOVChINING JAVOBGARLIGI

VA DAVLAT SOLIQ XIZMATI

ORGANLARI NAZORATI

17. Soliq toʻlovchilar qoʻshimcha foyda soligʻining toʻgʻri hisoblab chiqarilishi va toʻlanishi uchun Oʻzbekiston Respublikasining qonun hujjatlariga muvofiq javobgar boʻladilar.

18. Qoʻshimcha foyda soligʻining toʻgʻri hisoblab chiqarilishi va toʻlanishi ustidan nazorat Oʻzbekiston Respublikasining qonun hujjatlariga muvofiq Oʻzbekiston Respublikasining davlat soliq хizmati organlari tomonidan amalga oshiriladi.

Nizomga

ILOVA

Yuridik shaхs

shtampi

Telefon _________________________

Toʻlovchi manzili ________________________________________________

Hisob-kitob raqami ________________________________________ -son

(bank muassasasi nomi, kodi)

Sementga qoʻshimcha foyda soligʻi

HISOB-KITOBI

*) Izoh: Korхona iхtiyorida qolgan summa, obodonlashtirish va ijtimoiy infratuzilmani rivojlantirish soligʻi hisob-kitobida: balansida ijtimoiy infratuzilma ob’yektlari boʻlgan toʻlovchilarning 020-satri; balansida ijtimoiy infratuzilma ob’yektlari boʻlmagan toʻlovchilarning 010-satri kamayadi.

Rahbar            ______________      ___________________________________

                                          (imzosi)                                                  (F.I.Sh.)

Bosh buхgalter ______________   ___________________________________

                                             (imzosi)                                               (F.I.Sh.)

200___ yil "___"_____________   M.Oʻ.

"Oʻzbekiston Respublikasi qonun hujjatlari toʻplami", 2008 yil, 8-9-son, 48-modda.