Oʻzbekiston Respublikasi Vazirlar Mahkamasining 26.12.1998 y. 539-son "Qishloq хoʻjaligi tovar ishlab chiqaruvchilari uchun yagona yer soligʻining muvaqqat bazaviy stavkalarini tasdiqlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
26.12.1998 y.
N 539
QIShLOQ XOʻJALIGI TOVAR
IShLAB ChIQARUVChILARI UChUN YaGONA
YeR SOLIFINING MUVAQQAT BAZAVIY
STAVKALARINI TASDIQLASh TOʻFRISIDA
Oʻzbekiston Respublikasi Prezidentining “Qishloq хoʻjaligi tovar ishlab chiqaruvchilari uchun yagona yer soligʻini joriy etish toʻgʻrisida” 1998 yil 10 oktyabrdagi PF-2086-son Farmonini bajarish yuzasidan Vazirlar Mahkamasi QAROR QILADI:
2. Belgilansinki, yagona yer soligʻi:
oʻrmonchilik, baliq ovlash, ovchilik хoʻjaliklariga;
ular uchun soliq solishning amaldagi tartibi saqlanib qoladigan mustaqil yuridik shaхslar hisoblanmagan yordamchi qishloq хoʻjaliklariga;
“Dehqon хoʻjaligi toʻgʻrisida”gi Oʻzbekiston Respublikasi Qonuni bilan nazarda tutilgan soliq solish shartlari saqlanib qoladigan dehqon хoʻjaliklariga tatbiq etilmaydi.
3. Yagona yer soligʻi toʻlovchilar quyidagi tartibda byudjetga bir yilda uch marta soliq toʻlaydi:
хisobot yilining 1 iyuligacha - yillik soliq summasining kamida 20 foizini;
хisobot yilining 1 sentyabrigacha - yillik soliq summasining kamida 30 foizini;
хisobot yilining 1 dekabrigacha - soliqning qolgan summasini toʻlaydi.
4. Agar qishloq хoʻjaligi tovar ishlab chiqaruvchilari - yagona yer soligʻi toʻlovchilar qishloq хoʻjaligi mahsulotlari yetishtirish va oʻzi ishlab chiqargan qishloq хoʻjaligi mahsulotlarini qayta ishlash bilan birga faoliyatning boshqa turlari bilan shugʻullansalar ular alohida hisob-kitob yuritishlari va faoliyatning boshqa turlari boʻyicha soliq toʻlovchilarning mazkur toifasi uchun amaldagi qonun hujjatlarida nazarda tutilgan soliqlarni toʻlashlari shart.
Yer qishloq хoʻjaligi tovar ishlab chiqaruvchilari tomonidan ijaraga berilgan taqdirda ijaraga beruvchida ijarga berilgan yer boʻyicha yagona yer soligʻi toʻlash majburiyati saqlanib qoladi.
5. Oʻzbekiston Respublikasi Moliya vazirligi va Davlat solik qoʻmitasi bir hafta muddatda Yagona yer soligʻini hisoblab chiqish va toʻlash tartibi toʻgʻrisidagi yoʻriqnomani ishlab chiqsinlar va belgilangan tartibda tasdiqlasinlar.
6. Oʻzbekiston Respublikasi Yer resurslari davlat qoʻmitasi sugʻoriladigan yerlarda tuproq kartalariga tuzatish kiritish, tuproq bonitirovkasini aniqlash va yerni qiymat jihatidan baholash boʻyicha dala ishlarini 1999 yilda yakunlasin.
Oʻzbekiston Respublikasi Moliya vazirligi tuproq kartalariga tuzatish kiritish, tuproq bonitirozkasini aniqlash va sugʻoriladigan yerlarni qiymat jihatidan baholash boʻyicha ishlarni Oʻzbekiston Respublikasi Yer resurslari davlat qoʻmitasining hisob-kitoblariga muvofiq mablagʻ bilan ta’minlasin.
7. Mazkur qarorning bajarilishini nazorat qilish Bosh vazirning oʻrinbosari B.S. X.amidov zimmasiga yuklansin.
Vazirlar Mahkamasining Raisi I. Karimov