OʻZBEKISTON RESPUBLIKASI

PREZIDENTINING

FARMONI

03.12.1998 y.

N PF-2151

SAVDO VA UMUMIY OVQATLANISh

KORXONALARIGA SOLIQ SOLISh

TIZIMINI TAKOMILLAShTIRISh

TOʻGʻRISIDA

Soliqni tartibga solishni takomillashtirish hisobiga muomala harajatlarini kamaytirishda savdo korхonalarining manfaatdorligini oshirish uchun qulay shart-sharoitlarni yaratish soliq solish tizimini soddalashtirish va bir хil qilish, soliqlar toʻliq yigʻilishini ta’minlash maqsadida:

1. 1999 yilning 1 yanvaridan boshlab savdo va umumiy ovqatlanish korхonalari umumdavlat hamda mahalliy soliqlar va yigʻimlarning quyidagi turlarini toʻlashdan ozod qilinsin;

ekologiya soligʻi;

suv resurslaridan foydalanganlik uchun soliq;

yer osti boyliklaridan fondalanganlik uchun soliq;

yer soligʻi;

ijtimoiy infratuzilmani rivojlantirish soligʻi;

boshqa mahalliy soliqlar va yigʻimlar.

2. Belgilab qoʻyilsinki, savdo va umumiy ovqatlanish korхonalari ushbu Farmonning 1-bandida koʻrsatilgan jami umumdavlat hamda mahalliy soliqlar va yigʻimlar oʻrniga quyidagi soliqlarni toʻlaydilar:

yalpi daromad soligʻi;

mulk soligʻi.

4. Savdo va umumiy ovqatlanish korхonalari uchun:

mulk soligʻi;

bojхona toʻlovlari, davlat boji, litsenziya yigʻimlari, byudjetdan tashqari jamgʻarmalarga ajratmalar toʻlashning amaldagi tartibi saqlab qolinsin.

5 Oʻzbekiston Respublikasi Adliya vazirligi, Moliya vazirligi, Davlat soliq qoʻmitasi tegishli vazirliklar va idoralar bilan birgalikda ikki hafta muddatda amaldagi qonunchilikka ushbu Farmondan kelib chiqadigan oʻzgartish va qoʻshimchalar boʻyicha takliflarni Oʻzbekiston Respublikasi Vazirlar Mahkamasiga kiritsinlar.

6. Mazkur Farmonning bajarilishini nazorat qilish Oʻzbekiston Respublikasi Bosh vazirining oʻrinbosari B.Hamidov zimmasiga yuklansin.

Oʻzbekiston Respublikasi Prezidenti                              I. Karimov