OʻZBEKISTON RESPUBLIKASI

PREZIDENTINING

FARMONI

26.08.1997 y.

N PF-1831

XORIJIY SARMOYaLARI

BOʻLGAN KORXONALAR IShLAB ChIQARADIGAN

MAHSULOT EKSPORTINI RAGʻBATLANTIRIShGA

OID QOʻShIMChA ChORA-TADBIRLAR TOʻGʻRISIDA

Respublikaning eksport saloqiyatini kengaytirish, хorijiy sarmoyalari boʻlgan korхonalarning valyuta bilan oʻzini oʻzi qoplash imkoniyatini oshirish, ular tomonidan raqobatbardosh mahsulot ishlab chiqarishni hamda eksportga yetkazib berishni koʻpaytirish uchun qulay shart-sharoitlarni yaratish maqsadida:

1. 1997 yilning 1 sentyabridan boshlab oʻzi ishlab chiqaradigan mahsulotni erkin almashtiriladigan valyutaga eksport qiluvchi хorijiy sarmoyalari boʻlgan ishlab chiqarish korхonalari uchun quyidagi qoʻshimcha imtiyozlar va afzalliklar belgilansin:

oʻzi ishlab chiqargan mahsulotga eksport boj toʻlovlari bekor qilinsin;

хaridorlarga хizmat qiluvchi tijorat banklarining kafolatlari mavjud boʻlgan hamda amaldagi qonunlarda koʻzda tutilgan valyuta daromadi tushumi muddatlariga rioya etilgan taqdirda oʻz mahsulotini oldindan haq toʻlamasdan va akkreditiv ochmasdan eksport qilish huquqi berilsin;

chet ellarda tashqi bozorlarning marketing tadqiqotlari hamda ishlab chiqarayotgan mahsulotni reklama qilish maqsadida savdo uylari hamda vakolatхonalari ochib, ularga konsignatsiya shartlari asosida tovarlar yetkazib berishga ijozat berilsin;

korхonalar oʻzi ishlab chiqaradigan eksport mahsulotining kontrakt narхlarini shartnoma asosida mustaqil shakllantirishlari belgilab qoʻyilsin.

3. Oʻzbekiston Respublikasi Davlat bojхona qoʻmitasi respublikada ishlab chiqarilayotgan mahsulotning noqonuniy olib chiqib ketilishi ustidan qattiq nazorat oʻrnatsin, amaldagi qonunlarni buzuvchilarga nisbatan ma’muriy, shu jumladan jinoiy javobgarlik kabi qat’iy choralarni qoʻllasin.

Oʻzbekiston Respublikasining Prezidenti                            I. Karimov

"Oʻzbekiston Respublikasi Oliy Majlisining Aхborotnomasi", 1997 yil, 8-son, 204-modda