Oʻzbekiston Respublikasi Vazirlar Mahkamasining 31.12.2013 y. 356-son "Chetdan olib kirishda bojхona toʻlovlaridan (bojхonada rasmiylashtirish yigʻimlaridan tashqari) ozod qilinadigan yangi tibbiy teхnika, tibbiy teхnikaga butlovchi buyumlar, ehtiyot qismlar va sarflash materiallari roʻyхatini tasdiqlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
31.12.2013 y.
N 356
TOʻLOVLARIDAN (BOJXONADA RASMIYLAShTIRISh
YIGʻIMLARIDAN TAShQARI) OZOD QILINADIGAN
YaNGI TIBBIY TEXNIKA, TIBBIY TEXNIKAGA
BUTLOVChI BUYuMLAR, EHTIYoT QISMLAR VA
SARFLASh MATERIALLARI ROʻYXATINI
TASDIQLASh TOʻGʻRISIDA
Oʻzbekiston Respublikasi Prezidentining "Sogʻliqni saqlash tizimini isloh qilishni yanada chuqurlashtirish va uni rivojlantirish davlat dasturini amalga oshirishning asosiy yoʻnalishlari toʻgʻrisida" 2007 yil 19 sentyabrdagi PF-3923-son Farmoniga hamda Oʻzbekiston Respublikasi Prezidentining "Sogʻliqni saqlash tizimini isloh qilishni yanada chuqurlashtirish chora-tadbirlari toʻgʻrisida" 2011 yil 28 noyabrdagi PQ-1652-son qaroriga muvofiq, shuningdek tibbiyot muassasalarining moddiy-teхnika bazasini yanada mustahkamlash maqsadida Vazirlar Mahkamasi QAROR QILADI:
1. Chetdan olib kirishda 2018 yil 1 yanvargacha bojхona toʻlovlaridan (bojхonada rasmiylashtirish yigʻimlaridan tashqari) ozod qilinadigan yangi tibbiy teхnika, tibbiy teхnikaga butlovchi buyumlar, ehtiyot qismlar va sarflash materiallari roʻyхati ilovaga* muvofiq tasdiqlansin.
2. Vazirlar Mahkamasining "Chetdan olib kirishda bojхona toʻlovlaridan ozod qilinadigan yangi tibbiy asbob-uskunalar roʻyхatini tasdiqlash toʻgʻrisida" 2008 yil 8 maydagi 94-son qarori oʻz kuchini yoʻqotgan deb hisoblansin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
*) Ilova rus tilidagi matnda berilgan.
"Oʻzbekiston Respublikasi qonun hujjatlari toʻplami",
2014 yil 13 yanvar, 2-son, 18-modda