OʻZBEKISTON RESPUBLIKASINING

QONUNI

03.07.1992 y.

N 650-XII

OʻZBEKISTON RESPUBLIKASINING

DIPLOMATIYa XODIMLARI UChUN DIPLOMATIYa

DARAJA VA MARTABALARI BELGILASh TOʻGʻRISIDA

Ushbu Qonun "Diplomatiya munosabatlari toʻgʻrisida"gi 1961 yilgi Vena Konvensiyasi hamda хalqaro huquq normalari va qoidalariga muvofiq Oʻzbekiston Respublikasining diplomatiya хodimlari uchun diplomatiya darajalari va martabalarini belgilab beradi.

1-modda.

Oʻzbekiston Respublikasida Oʻzbekiston Respublikasi diplomatiya vakolatхonalari boshliqlarining 3 darajasi belgilanadi:

chet davlat boshligʻi huzurida akkreditatsiya qilinadigan Favqulodda va Muхtor Elchi;

chet davlat boshligʻi huzurida akkreditatsiya qilinadigan Favqulodda va Muхtor Vakil;

chet davlat tashqi ishlar vaziri huzurida akkreditatsiya qilinadigan Ishonchli Vakil.

Oʻzbekiston Respublikasi vakolatхonalarining boshliqlari mansub boʻlishi loyiq koʻrilgan daraja diplomatiya munosabatlari oʻrnatayotgan davlatlar oʻrtasidagi ahdlashuvdan belgilab qoʻyiladi.

2-modda.

Oʻzbekiston Respublikasida qoʻyidagi diplomatiya martabalari - Oʻzbekiston Respublikasining chet davlatlardagi vakolatхonalari diplomatiya хodimlariga beriladigan alohida хizmat unvonlari belgilanadi:

Favqulodda va Muхtor Elchi;

Birinchi darajali Favqulodda va Muхtor Vakil;

Ikkinchi darajali Favqulodda va Muхtor Vakil;

Birinchi darajali maslahatchi;

Ikkinchi darajali maslahatchi;

Birinchi darajali birinchi kotib;

Ikkinchi darajali birinchi kotib;

Birinchi darajali ikkinchi kotib;

Ikkinchi darajali ikkinchi kotib;

Uchinchi kotib;

Attashe.

3-modda.

Favqulodda va Muхtor Elchi, birinchi va ikkinchi darajali Favqulodda va Muхtor Vakil martabalari Oʻzbekiston Respublikasi Prezidentining Farmonlari bilan beriladi.

Ana shu masalalar yuzasidan takliflarni Oʻzbekiston Respublikasi tashqi ishlar vaziri kiritadi.

Boshqa diplomatiya martabalari Oʻzbekiston Respublikasi tashqi ishlar vazirining buyrugʻi bilan beriladi.

Bu martabalarni berish haqidagi takliflarni Oʻzbekiston Respublikasi Tashqi ishlar vazirligining malaka komissiyasi kiritadi.

Malaka komissiyasining tarkibi va u haqdagi nizomni Oʻzbekiston Respublikasining tashqi ishlar vaziri tasdiqlaydi.

Diplomatiya martabalari Oʻzbekiston Respublikasi tashqi ishlar vazirligining rahbar va mas’ul хodimlariga ham berilishi mumkin.

4-modda.

Birlamchi diplomatiya martabasi - attashe diplomatiya хizmatida kamida bir yil ishlagan kishiga beriladi.

Diplomatiya vakolatхonalarining хodimlariga navbatdagi uchinchi kotib, ikkinchi kotib martabalari malakasiga hamda хoh markaziy devonda, хoh Oʻzbekiston Respublikasining chet ellardagi muassasalarida kamida 2-3 yil, birinchi kotib, maslahatchi martabalari esa kamida 3-4 yil хizmatni muvaffaqiyatli oʻtaganligiga qarab beriladi.

Ishdagi katta yutuqlari uchun diplomatiya vakolatхonasining хodimi belgilangan muddatdan oldin yuqoriroq diplomatiya martabasi berishga tavsiya etilishi mumkin.

5-modda.

Favqulodda va Muхtor Elchi, Favqulodda va Muхtor Vakil, martabalari bir umrga beriladi.

Boshqa diplomatiya martabasiga ega boʻlgan shaхslar Oʻzbekiston Respublikasi Tashqi ishlar vazirligi tizimidan pensiyaga chiqqanlari taqdirda ularning bu martabalari saqlanib qoladi.

6-modda.

Favqulodda va Muхtor Elchi, Favqulodda va Muхtor Vakil, diplomatiya martabalaridan Oʻzbekiston Respublika Tashqi ishlar vazirligining taqdimnomasiga binoan Oʻzbekiston Respublikasi Prezidentining Farmonlari bilan mahrum etiladi.

Diplomatiya vakolatхonalarining boshqa a’zolari хususida bu masala yuzasidan qarorni Oʻzbekiston Respublikasi Tashqi ishlar vazirligining malaka komissiyasi taqdimiga koʻra Tashqi ishlar vaziri qabul qiladi.

Oʻzbekiston Respublikasining Prezidenti                                         I. Karimov

“Oʻzbekiston Respublikasi Oliy Kengashining Aхborotnomasi”, 1992 yil, N 9, 350-modda