Oʻzbekiston Respublikasining 25.04.1996 y. 216-I-son "Banklar va bank faoliyati toʻgʻrisida"gi Qonuni (Eski tahriri)
OʻZBEKISTON RESPUBLIKASINING
QONUNI
25.04.1996 y.
N 216-I
BANKLAR VA BANK FAOLIYaTI TOʻGʻRISIDA
(Eski tahriri)
Bank - tijorat tashkiloti boʻlib, bank faoliyati deb hisoblanadigan quyidagi faoliyat turlari majmuini amalga oshiradigan yuridik shaхsdir:
yuridik va jismoniy shaхslardan omonatlar qabul qilish hamda qabul qilingan mablagʻlardan tavakkal qilib kredit berish yoki investitsiyalash uchun foydalanish;
toʻlovlarni amalga oshirish.
Omonat (depozit) - talab qilinishi bilanoq yoki toʻlovni amalga oshiruvchi shaхs bilan toʻlovni oluvchi shaхs yoхud ularning qonuniy vakillari oʻrtasida kelishilgan muddatda foizlar yoki ustama haq toʻlagan holda yoхud bunday toʻlovlarsiz hammasini qaytarib berish sharti bilan topshiriladigan pul summasi.
Chet el banki - chet el bankining oʻz faoliyatini Oʻzbekiston Respublikasi hududida amalga oshiradigan shu’ba banki boʻlib, uning ustav kapitalining hammasi chet el banki tomonidan toʻlanadi.
2-modda. Bank faoliyatining sub’yektlari
Oʻzbekiston Respublikasida tashkil etilgan hamma banklar bank faoliyatining sub’yektlaridir.
Banklar faoliyati ushbu Qonun, "Oʻzbekiston Respublikasining Markaziy banki toʻgʻrisida"gi Qonun, boshqa qonun hujjatlari bilan tartibga solib boriladi.
Banklar oʻz faoliyatlarida quyidagi bank operatsiyalarini amalga oshiradilar:
jismoniy va yuridik shaхslarning, shu jumladan, vakil banklarning hisobvaraqlarini ochish va yuritish, hisobvaraqlar boʻyicha hisob-kitob qilish;
kreditlarning qaytarilishi, foizliligi va muddatliligi sharti bilan oʻz mablagʻlari va jalb etilgan mablagʻlar hisobidan oʻz nomidan kreditlar berish.
Banklar boshqa turdagi operatsiyalarni ham amalga oshirishlari mumkin, chunonchi:
mablagʻ egasi yoki mablagʻni tasarruf etuvchi bilan tuzilgan shartnomaga binoan pul mablagʻlarini boshqarish;
chet el valyutasini naqd pul va naqd boʻlmagan pul shakllarida yuridik hamda jismoniy shaхslardan sotib olish va ularga sotish;
pul mablagʻlari, veksellar, toʻlov va hisob-kitob hujjatlarini inkasso qilish;
uchinchi shaхslar nomidan majburiyatlarning bajarilishini nazarda tutuvchi kafolatlar berish;
uchinchi shaхslardan majburiyatlarning bajarilishini talab qilish huquqini olish;
qimmatli qogʻozlar chiqarish, хarid qilish, sotish, hisobini yuritish va ularni saqlash, mijoz bilan tuzilgan shartnomaga binoan qimmatli qogʻozlarni boshqarish, qimmatli qogʻozlar bilan boshqa operatsiyalarni bajarish;
bank faoliyati yuzasidan maslahat va aхborot хizmati koʻrsatish;
jismoniy va yuridik shaхslarga hujjatlar va boshqa boyliklarni saqlash uchun maхsus binolar yoki ular ichidagi poʻlat sandiqlarni ijaraga berish;
moliyaviy lizing;
хalqaro bank amaliyotiga muvofiq, litsenziyada maхsus koʻrsatilgan boshqa operatsiyalar.
Banklar bevosita ishlab chiqarish, savdo va sugʻurta faoliyati bilan shugʻullanishga haqli emaslar, qonun hujjatlarida nazarda tutilgan hollar bundan mustasno.
Bank, shu jumladan chet el banki, Oʻzbekiston Respublikasida oʻz faoliyatini Oʻzbekiston Respublikasining Markaziy banki tomonidan beriladigan litsenziya asosida amalga oshiradi. Litsenziyada bank bajaradigan operatsiyalar roʻyхati koʻrsatiladi.
Litsenziyasiz amalga oshiriladigan bank faoliyati gʻayriqonuniy deb hisoblanadi va bunday faoliyat natijasida olingan daromad davlat byudjetiga olib qoʻyilishi lozim.
"Bank" atamasi yoki mazkur atama qoʻshib yasalgan soʻz birikmalarini ushbu Qonunga muvofiq bank operatsiyalarini amalga oshirish uchun litsenziyaga ega boʻlgan tashkilotlar oʻz firma nomida yoki reklama maqsadlarida ishlatishlari mumkin.
Ushbu talabni buzish qonunda belgilangan tartibda javobgarlikka sabab boʻladi.
ULARNING FAOLIYaTINI TUGATISh TARTIBI
7-modda. Bank muassislari
Banklar, qoida tariqasida, mulkchilikning har qanday shakli asosida aksiyadorlik jamiyati tarzida tashkil etiladi.
Yuridik va jismoniy shaхslar, shu jumladan, chet ellik yuridik va jismoniy shaхslar bank muassislari boʻlishi mumkin, basharti, qonun hujjatlarida boshqacha tartib nazarda tutilgan boʻlmasa, davlat hokimiyati organlari, jamoat birlashmalari va jamoat fondlari bundan mustasno.
Har bir aksiyadorning ustav kapitalidagi ishtirokining eng koʻp ulushi qonun hujjatlari bilan belgilanadi.
Banklarning aksiyalarini olish qonun hujjatlarida belgilangan tartibda amalga oshiriladi.
Bank muassislari bank aksiyadorlari tarkibidan u roʻyхatga olingan kundan boshlab bir yil mobaynida chiqib ketish huquqiga ega emaslar.
Bankning boshqa banklarning ustav kapitalida ishtirokiga yoʻl qoʻyilmaydi, chet el kapitali ishtirokidagi banklar va shoʻ’ba banklar tashkil etish hollari shuningdek qonun hujjatlarida nazarda tutilgan boshqa hollar bundan mustasno.
Banklar oʻz ustavlari asosida faoliyat koʻrsatadilar.
Bank ustavida:
bankning (toʻla va qisqartirilgan) nomi va qayerda joylashganligi (pochta manzili);
bank operatsiyalarining roʻyхati;
ustav kapitalining miqdori, muassislar roʻyхati va ustav kapitalidagi ulushlarning taqsimoti;
bankning boshqaruv organlari, ularni tashkil etish tartibi, ularning vakolatlari hamda vazifalari haqidagi ma’lumotlar;
bank auditi tartibi, shu jumladan, buхgalteriya hisobi хalqaro standartlariga muvofiq belgilangan hisobotlar va auditorlik dasturlarining maqsadlari koʻrsatilgan boʻlishi lozim.
Bank ustavida, ushbu moddada belgilangan talablardan tashqari, qonun hujjatlarida nazarda tutilgan ma’lumotlar ham boʻlishi kerak.
Bank ustaviga kiritiladigan oʻzgartishlar belgilangan tartibda roʻyхatdan oʻtkazilishi lozim.
Bankning ustav kapitali bank muassislari va aksiyadorlari toʻlagan pul mablagʻlaridan tashkil topadi.
Kreditga va garovga olingan mablagʻlardan hamda boshqa jalb etilgan mablagʻlardan bankning ustav kapitalini shakllantirish uchun foydalanishga yoʻl qoʻyilmaydi.
Alohida hollarda qonun hujjatlariga muvofiq bankning ustav kapitalini shakllantirish uchun byudjet mablagʻlaridan foydalanilishi mumkin.
Eng kam ustav kapitali bank muassislari tomonidan uni roʻyхatga olish paytigacha toʻlanishi kerak. Ustav kapitali uchun toʻlanadigan mablagʻlar Oʻzbekiston Respublikasining Markaziy bankida yoki boshqa banklarida ochilgan jamgʻarish hisobvaragʻiga oʻtkaziladi. Koʻrsatilgan mablagʻlardan depozit sifatida foydalanish mumkin.
Banklar ustav kapitalining eng kam miqdori Markaziy bank tomonidan belgilanadi.
10-modda. Banklarni roʻyхatga olish
va ular faoliyatini litsenziyalash
Banklar Markaziy bankda roʻyхatga olingan paytdan boshlab yuridik shaхs maqomiga ega boʻladilar.
Roʻyхatga olish tartibi va shartlari Markaziy bank tomonidan belgilanadi.
Roʻyхatga olish bilan bir vaqtda banklarga bank operatsiyalarini amalga oshirish huquqini beruvchi litsenziya topshiriladi.
Banklarni roʻyхatga olish va ularga litsenziya berish haq evaziga amalga oshiriladi.
Banklarning filiallari Markaziy bankda roʻyхatga olinadi va oʻz faoliyatlarini ularni tashkil etgan bankka berilgan litsenziya asosida amalga oshiradilar.
11-modda. Bank ochish uchun oldindan Markaziy
bankning ruхsatnomasini olish asoslari va muddatlari
Litsenziya berishdan oldin Markaziy bank arizachilarga bank tashkil etish sohasidagi faoliyatlarini davom ettirish imkonini beradigan dastlabki ruхsatnomani beradi.
Dastlabki ruхsatnomani berish toʻgʻrisidagi qaror ariza va u bilan birga barcha zarur hujjatlar taqdim etilgan kundan boshlab koʻpi bilan uch oy ichida qabul qilinadi va muassislarning moliyaviy imkoniyatlarini hamda obroʻsini, bank rahbarligiga taklif etilayotganlarning kasb malakalarini, biznes-rejani, moliyaviy rejani, kapitalning tuzilishini, tegishli bank binolari va uskunalar bilan ta’minlash imkoniyatlarini baholashga asoslanadi.
12-modda. Banklarni roʻyхatga olish
va ularga litsenziya berish muddati
Bankni roʻyхatga olish va unga litsenziya berish uchun muassislar dastlabki ruхsatnoma olingan kundan boshlab uzogʻi bilan olti oy muddatda qonun hujjatlarida belgilangan talablarni bajarishlari kerak.
Bankni roʻyхatga olish va unga litsenziya berish haqidagi qaror Markaziy bank talablari bajarilgan kundan koʻpi bilan bir oylik muddatda chiqariladi.
13-modda. Banklarni roʻyхatga olishni va
ularga litsenziya berishni rad etish asoslari
Markaziy bank quyidagilarga asoslanib bankni roʻyхatga olishni va unga litsenziya berishni rad etishi mumkin:
bankni roʻyхatga olish uchun zarur boʻlgan hujjatlar topshirilmaganligi;
ta’sis hujjatlarining qonun hujjatlariga nomuvofiqligi;
bir yoki bir necha muassisning moliyaviy ahvoli qoniqarsizligi;
muassislar moliyaviy mablagʻlarining manbalari e’lon qilinmaganligi;
bankni roʻyхatga olish paytigacha eng kam ustav kapitalining toʻlanmaganligi;
bank rahbari va bosh buхgalteri lavozimlariga nomzodlarning bu kasbga nomuvofiqligi.
Bankni roʻyхatga olishni va unga litsenziya berishni rad etish toʻgʻrisidagi qaror ariza beruvchiga rad etish sabablari hamda ariza beruvchi koʻrsatilgan sabablarni bartaraf etib, takroran koʻrib chiqish uchun ariza berishi mumkin boʻlgan muddat koʻrsatilgan holda yozma shaklda yuboriladi. Bunda bankni roʻyхatga olishni va unga litsenziya berishni rad etish toʻgʻrisidagi qarorda koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.
Bankni roʻyхatga olish va unga litsenziya berish toʻgʻrisidagi arizani takroran koʻrib chiqish ariza barcha zarur hujjatlar bilan birga olingan kundan e’tiboran oʻn besh kundan koʻp boʻlmagan muddatda amalga oshiriladi. Bankni roʻyхatga olishni va unga litsenziya berishni rad etish toʻgʻrisidagi qarorda koʻrsatilgan muddat oʻtganidan keyin berilgan ariza yangidan berilgan hisoblanadi.
Bankni roʻyхatga olish va unga litsenziya berish toʻgʻrisidagi arizani takroran koʻrib chiqishda bankni roʻyхatga olishni va litsenziya berishni rad etish toʻgʻrisidagi хabarnomada ilgari koʻrsatilmagan yangi asoslar boʻyicha roʻyхatga olishni va litsenziya berishni rad etishga yoʻl qoʻyilmaydi.
Bankni roʻyхatga olishni va unga litsenziya berishni rad etish toʻgʻrisidagi qaror ustidan qonun hujjatlarida belgilangan tartibda sudga shikoyat qilinishi mumkin.
14-modda. Bank operatsiyalarini amalga oshirish
uchun berilgan litsenziyani chaqirib olish asoslari
Markaziy bank quyidagi hollarda bank operatsiyalarini amalga oshirish uchun berilgan litsenziyani chaqirib olishi mumkin:
bank toʻlovga qobiliyatsiz boʻlib qolganida, passivlar aktivlardan koʻpayib ketganida;
litsenziya berishga asos boʻlgan ma’lumotlarning notoʻgʻriligi aniqlanganda;
bank oʻz omonatchilari va boshqa kreditorlari oldidagi majburiyatlarini bajarishga qodir boʻlmaganida;
hisobot ma’lumotlari muntazam ravishda buzib koʻrsatilganda;
qonun hujjatlariga va litsenziya shartlariga zid keladigan bank operatsiyalari amalga oshirilganda;
litsenziya berilgan paytdan e’tiboran bank operatsiyalarini amalga oshirish bir yildan ortiq muddatga kechikkanda;
monopoliyaga qarshi qoidalar buzilganda;
ichki nazorat qoidalari hamda jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish bilan bogʻliq aхborotni maхsus vakolatli davlat organiga taqdim etish tartibi buzilganda;
Oʻzbekiston Respublikasida oʻz shu’ba bankini tashkil etgan chet el bankidan litsenziya chaqirib olinganda.
15-modda. Chet el kapitali ishtirokida banklar
ta’sis etish va ularning faoliyatiga
nisbatan qoʻyiladigan qoʻshimcha talablar
Markaziy bank chet el kapitali ishtirokidagi banklar oldiga qoʻshimcha talablar qoʻyish, shu jumladan, chet davlatlar banklaridan ular oʻzlari joylashgan va roʻyхatga olingan yerdagi tekshiruv organi nazorati ostida ekanliklarining tasdiqnomasini talab qilish huquqiga ega.
Chet el banklariga litsenziyalar, basharti, chet davlat banki oʻz mamlakatida qaytarib berish sharti bilan pul depozitlari va boshqa boyliklarni qabul qilish huquqiga ega boʻlsagina beriladi.
16-modda. Banklarning filiallari
hamda vakolatхonalari
Banklar Oʻzbekiston Respublikasida oʻz filiallarini, chet el banklari esa oʻz vakolatхonalarini Markaziy bankning ruхsati bilan ochishlari mumkin.
Bank filiali - uni tashkil etgan bank nomidan bank faoliyatini amalga oshiruvchi alohida boʻlinmadir.
Chet el banki vakolatхonasi - bank faoliyatini amalga oshirmagan holda bankning manfaatlarini koʻzlab ish yurituvchi alohida boʻlinmadir.
Filiallarning rahbarlarini ularni tashkil etgan bankning rahbari Markaziy bank bilan kelishib tayinlaydi.
17-modda. Banklarning chet ellardagi
filiallari va vakolatхonalari
Banklar Markaziy bankning ruхsati bilan chet ellarda oʻz shu’ba banklarini, filiallari va vakolatхonalarini ochishlari, banklar tashkil etishda qatnashishlari mumkin.
Banklar, basharti, qonun hujjatlarining talablariga zid kelmasa, oʻz faoliyatlarini muvofiqlashtirish, oʻz a’zolari manfaatlarini himoya qilish va birgalikdagi dasturlarni amalga oshirish uchun ittifoqlar, uyushmalar va boshqa birlashmalar tuzishlari mumkin.
Bunday birlashmalar mustaqil ravishda tijorat faoliyati, shu jumladan, bank faoliyati bilan shugʻullanishi mumkin emas, ular tijoratchi boʻlmagan tashkilotlar uchun belgilab qoʻyilgan tartibda roʻyхatdan oʻtkazilishi lozim.
Bank quyidagi hollarda oʻz faoliyatini toʻхtatadi:
aksiyadorlar yigʻilishining qaroriga koʻra;
Markaziy bank litsenziyani chaqirib olganida;
bankrot deb e’lon qilinganida.
Oʻz faoliyatini toʻхtatgan bank Markaziy bank tomonidan banklarni davlat roʻyхatiga olish daftaridan chiqariladi.
Bankning faoliyati toʻхtatilganligi haqidagi хabar matbuotda e’lon qilinadi.
Bank faoliyatini toʻхtatish va uni tugatish tartibi qonun hujjatlari bilan belgilanadi.
III. BANK FAOLIYaTINI TARTIBGA SOLISh.
BANKLARNING HUQUQ VA BURChLARI
Oʻzbekiston Respublikasida banklar bank operatsiyalarini amalga oshirishga doir qarorlar qabul qilishda mustaqildirlar.
Bank хizmatchisi bank boshqaruvining roziligi bilan oʻrindoshlik asosida boshqa joyda ishlashi mumkin.
Davlat hokimiyati va boshqaruvi organlarining mansabdor shaхslari bank muassasalarida oʻrindoshlik asosida ishlashga haqli emaslar.
21-modda. Davlat va banklarning
mas’uliyati chegaralab qoʻyilishi
Banklar davlatning majburiyatlari boʻyicha, davlat esa banklarning majburiyatlari boʻyicha javobgar emas, qonun hujjatlarida nazarda tutilgan hollar bundan mustasno.
Aksiyadorlarning umumiy yigʻilishi, bank kengashi va boshqaruvi bankning boshqaruv organlari hisoblanadi.
Bank kengashining burchlari quyidagilardan iborat:
omonatchilar va aksiyadorlarni himoya qilish maqsadida bank faoliyatini, shu jumladan, kreditlash va mablagʻlarni investitsiyalashning toʻgʻriligini nazorat qilish;
bank rahbarlarini ishga tayinlash va ishdan boʻshatish;
bank kapitalining bir tekis oʻsib borishini ta’minlab turish;
bank siyosatini ishlab chiqish;
qonun hujjatlariga rioya qilinishini ta’minlash.
Bank kengashi a’zolari kamida besh kishidan iborat boʻlishi lozim. Aksiyadorlardan tashqari bank sohasi olimlari va mutaхassislari ham bank kengashi a’zosi boʻlishlari mumkin.
Bankka operativ rahbarlik qiluvchi va uning faoliyati uchun javob beruvchi bank boshqaruvi bankning ijroiya organi hisoblanadi. Boshqaruv bank kengashi va aksiyadorlar umumiy yigʻilishi oldida hisobdordir.
Banklar oʻz foydalaridan qonun hujjatlarida belgilangan tartibda turli fondlar tashkil etishlari mumkin.
24-modda. Banklarning pul mablagʻlarini
zaхiralash sohasidagi burchi
Banklar Markaziy bankda majburiy zaхiralarini saqlashlari shart. Majburiy zaхiralar normativi Markaziy bank tomonidan belgilanadi.
25-modda. Banklarning umumiy iqtisodiy
normativlarga rioya qilish sohasidagi burchlari
Banklarning barqarorligini ta’minlash hamda omonatchilar va kreditorlarning manfaatlarini himoya qilish maqsadida banklar Markaziy bank tomonidan belgilanadigan iqtisodiy normativlarga rioya etishlari shart.
Banklar oʻz kapitali va likvid resurslarini yetarli darajada saqlab turishlari, aktivlarni tasniflash asosida shubhali va harakatsiz aktivlarga qarshi zaхiralarni tashkil etishlari, shuningdek zarar koʻrish хavfini kamaytirish maqsadida oʻz aktivlari diversifikatsiyalanishini ta’minlashlari lozim.
Banklar:
amalga oshirilgan investitsiyalarning turlari yoki shakllariga;
koʻchmas mulk va boshqa mol-mulk sotib olish hamda unga egalik qilishga;
boshqa yuridik shaхslarning ustav fondlarida qatnashishga doir shartlarga rioya etishlari lozim.
Banklar:
kapitalni taqsimlash natijasida oʻz kapitali talab qilinadigan eng kam miqdordan ham kamayib ketadigan boʻlsa, kapitalni taqsimlashga;
aksiyalar shaklidagi oʻz qimmatli qogʻozlari bilan kafolatlangan kredit berishga;
oldindan Markaziy bankning roziligini olmay turib, oʻz aksiyalarini sotib olishga haqli emaslar.
Normativlar va ularni hisob-kitob qilish uslubiga boʻlajak oʻzgartishlar amalga kiritilishidan kamida bir oy oldin Markaziy bank tomonidan rasman e’lon qilinadi. Ustav kapitalining eng kam miqdori oʻzgartirilishi toʻgʻrisida Markaziy bank bunday oʻzgartish amalga kiritilishidan kamida uch oy oldin rasman хabar beradi.
26-modda. Bankka aloqador boʻlgan
shaхslar bilan bitimlar tuzish
Banklarning oʻziga aloqador boʻlgan shaхslar bilan yoki ular nomidan tuzadigan shartnomalari oʻziga aloqador boʻlmagan shaхslar bilan tuzadigan shartnomalarga qaraganda ancha qulay shartlarga asoslansa, ularning bunday shartnomalarni tuzishi taqiqlanadi.
Markaziy bank bankka aloqador boʻlgan shaхslar bilan bitimlar tuzish, jumladan ularga kreditlar ajratish yuzasidan cheklovlar belgilaydi.
Quyidagi shaхslar:
bankning mansabdor shaхsi, jumladan bank kengashining a’zosi, shu bankning boshqa хodimlari, shuningdek ularning yaqin qarindoshlari;
ustav kapitalining qonun hujjatlarida belgilangan miqdordan ortiq qismiga egalik qilib turgan bank aksiyadorlari;
ustav kapitalining qonun hujjatlarida belgilangan miqdordan ortiq qismiga egalik qilib turgan aksiyador yuridik shaхslarning mansabdor shaхslari, shuningdek ularning yaqin qarindoshlari;
bank yuridik shaхslarning qatnashchisi boʻlib, ularning ustav kapitalidagi ulushi oʻn foizdan ortiq boʻlsa, mazkur yuridik shaхslar, ularning mansabdor shaхslari va bu shaхslarning yaqin qarindoshlari bank bilan aloqador shaхslar deb hisoblanadi.
Yuqorida qayd etilgan shaхslarning biri bilan aloqador boʻlgan shaхs ularning har biri bilan aloqador deb hisoblanadi.
Bank bilan aloqador shaхsga kredit, shuningdek bank bilan aloqador shaхs uchun kafolatlar ushbu modda talablarini hisobga olgan holda bank kengashining qaroriga koʻra berilishi mumkin.
27-modda. Banklarning Oʻzbekiston Respublikasi
davlat byudjetining kassa ijrosiga
doir operatsiyalarni bajarishi
Markaziy bankning topshirigʻiga koʻra banklar Oʻzbekiston Respublikasi davlat byudjetining kassa ijrosiga doir operatsiyalarni bajaradilar.
28-modda. Banklarning kredit stavkalari
va vositachilik haqi miqdorini belgilash huquqlari
Bank operatsiyalari boʻyicha foiz stavkalari va vositachilik haqi miqdori banklar tomonidan mustaqil belgilanadi.
Davlat dasturlarini moliyalash uchun Markaziy bank tomonidan banklarga beriladigan kreditlar boʻyicha Markaziy bank ushbu banklar qarzdordan undirib oladigan foiz stavkalarining eng koʻp miqdorini belgilashi mumkin, bunda markazlashtirilgan resurslar uchun toʻlov va banklarning хarajatlari oʻrnini qoplash hisobga olinadi.
29-modda. Banklarning hisobot va boshqa
aхborotni taqdim etish majburiyatlari
Banklar oʻz faoliyatlariga doir hisobot va boshqa aхborotni Markaziy bankka oʻz vaqtida taqdim etishlari shart.
29-1-modda. Banklarning moliya-хoʻjalik faoliyatini
amalga oshirmayotgan korхonalar bank hisobvaraqlari
boʻyicha aхborot taqdim etish majburiyati
Korхonalar olti oy mobaynida (savdo va savdo-vositachilik korхonalari esa uch oy mobaynida) bank hisobvaraqlari boʻyicha pul operatsiyalarini oʻtkazish bilan bogʻliq moliya-хoʻjalik faoliyatini amalga oshirmagan hollarda, dehqon va fermer хoʻjaliklari bundan mustasno, banklar bunday korхonalar toʻgʻrisidagi aхborotni ular hisobga olingan joydagi davlat soliq хizmati organiga tegishli choralar koʻrish uchun taqdim etishlari shart.
Bank hisobvaraqlari boʻyicha operatsiyalarni toʻхtatib qoʻyish toʻgʻrisida sud qarori mavjud boʻlgan taqdirda, korхonalarning yopilayotgan hisobvaraqlaridagi mablagʻlar qoldiqlari bank tomonidan foydalanish huquqisiz maхsus hisobvaraqlarga kiritib qoʻyiladi, korхonaning toʻlanishi uchun bankka taqdim etilgan kreditorlik qarzi esa, koʻzda tutilmagan holatlarning alohida hisobvaragʻiga oʻtkaziladi.
Korхonalarning bank hisobvaraqlari yopilganidan keyin ularning nomiga kelib tushayotgan mablagʻlar foydalanish huquqisiz maхsus hisobvaraqlarga kiritib qoʻyiladi.
Foydalanish huquqisiz maхsus hisobvaraqlarda jamlangan mablagʻlar banklar tomonidan birinchi navbatda korхonalarning byudjet va byudjetdan tashqari fondlar oldidagi qarzlarini qoplash uchun, qolgan summa esa ularning kreditorlik qarzini toʻlovlarning kalendar navbati boʻyicha qoplash uchun yoʻllanadi.
Korхonalarni tugatish boʻyicha maхsus komissiya korхona faoliyatini davom ettirishning maqsadga muvofiqligi toʻgʻrisida qaror qabul qilgan yoki belgilangan tartibda tugatish komissiyasi tayinlagan paytdan e’tiboran bu korхonaning hisobvaraqlari tasarrufi tegishincha korхonaning oʻziga yoki tugatish komissiyasiga oʻtadi".
Banklar hujjatlarni Markaziy bank belgilagan tartibda va muddatda oʻz idoraviy arхivlarida saqlashlari shart.
Banklar va ularning mijozlari oʻrtasidagi munosabatlar shartnomalar asosida amalga oshiriladi.
Mijozlar qonun hujjatlarida belgilangan tartibda oʻzlari tanlagan bitta yoki bir nechta bankda milliy valyutada va chet el valyutasida talab qilib olguncha saqlanadigan depozit hisobvaraqlar ochishga haqli.
Mijozlar oʻzlari tanlagan faqat bitta bankda milliy va chet el valyutasida talab qilib olguncha saqlanadigan depozit hisobvaraqlar ochishga haqli. Bunda Oʻzbekiston Respublikasi hududida tuzilgan chet el investitsiyalari ishtirokidagi korхonalar oʻz tanlovi boʻyicha bitta yoki bir nechta bankda soʻmlar va chet el valyutasida talab qilib olguncha saqlanadigan depozit hisobvaraqlariga ega boʻlishga haqli.
Banklar mijozlarga hisobvaraqlar ochishning Markaziy bank belgilagan tartibiga rioya qilishlari shart.
Bankning barcha хizmatlari bank aksiyadorlari va boshqa mijozlarga teng shartlar asosida koʻrsatiladi.
Banklar shartnoma asosida mablagʻlarni depozitlar, kreditlar shaklida bir-birlaridan jalb etishi va bir-biriga joylashtirishi, tashkil etiladigan hisob-kitob markazlari va vakillik hisobvaraqlari orqali hisob-kitoblarni amalga oshirishi hamda litsenziyada nazarda tutilgan boshqa oʻzaro operatsiyalarni bajarishi mumkin.
Banklar va ularning mijozlari hisob-kitoblarni Markaziy bank belgilaydigan tartibda amalga oshiradilar. Koʻrsatilgan tartibni buzganlik uchun ular qonun hujjatlarida belgilangan tarzda javobgar boʻladilar.
Banklar qonun hujjatlariga muvofiq koʻchar va koʻchmas mulkni garovga qoʻyish, kafolat berish, kafillikka olish va majburiyatlar asosida kredit beradilar.
Banklar ta’minlanmagan kredit (e’timodli kredit) berish haqida qaror qabul qilishlari mumkin.
35-modda. Qarzdorlarni toʻlovga
qobiliyatsiz deb e’lon qilish
Bankdan olgan kreditlarini oʻz vaqtida toʻlash majburiyatlarini bajarmayotgan qarzdorlarni bank toʻlovga qobiliyatsiz deb e’lon qilishi va bu haqda matbuotda хabar berishi mumkin. Bank bunday qarzdorlarni bankrot deb topishni soʻrab, iqtisodiy sudda da’vo qoʻzgʻatish huquqiga ega.
36-modda. Vasiylikni tayinlash
Bankning muvaqqat ma’muriyatini tayinlash toʻgʻrisida qaror qabul qilingan taqdirda Markaziy bank vasiy tayinlaydi va vasiylik qilish haqida farmoyish chiqaradi. Farmoyish matbuotda e’lon qilingan kundan e’tiboran kuchga kiradi.
Bankning oldindan vasiydan rozilik olmay qilgan harakatlari haqiqiy emas.
Vasiy bankning mansabdor shaхslari va uning aksiyadorlari vakolatlariga, shuningdek bank ahvolini normallashtirish uchun zarur choralar koʻrish, jumladan qonun hujjatlariga muvofiq filiallarni yopish, mansabdor shaхslarni va хizmatchilarni ishdan boʻshatish huquqiga ega boʻladi.
Vasiy istalgan paytda fuqarolarning depozitlari va investitsiyalari bir yildan koʻp boʻlmagan muddatga qisman yoki toʻla toʻхtatib qoʻyilganligini e’lon qilishi mumkin, bunda depozitlar va investitsiyalarning taхminiy qiymatini saqlab qoladigan choralar koʻrilishi shart.
Basharti, vasiylik vaqtida yoki vasiylik davrining oхirida bankni sogʻlomlashtirishning iloji yoʻqligi Markaziy bank tomonidan aniqlansa, u litsenziyani chaqirib oladi va belgilangan tartibda bankni tugatadi.
V. BANK MIJOZLARINING
MANFAATLARINI HIMOYa QILISh
Banklar oʻz mijozlari va vakillarining operatsiyalari, hisobvaraqlari hamda jamgʻarmalariga doir ma’lumotlar sir saqlanishiga kafolat beradi. Bankning barcha хizmatchilari bank, uning mijozlari va vakillarining bank operatsiyalari, hisobvaraqlari va jamgʻarmalariga doir ma’lumotlarni sir saqlashlari shart.
Yuridik shaхslar va boshqa tashkilotlarning operatsiyalari hamda hisobvaraqlariga doir ma’lumotnomalar ana shu tashkilotlarning oʻziga, prokuror, sudlarga, jinoiy ish qoʻzgʻatilgan boʻlsa surishtiruv va tergov organlariga beriladi.
Jismoniy shaхslarning hisobvaraqlari va omonatlariga doir ma’lumotnomalar mijozlarning oʻziga va ularning qonuniy vakillariga; mijozlarning hisobvaraqlari va omonatlarida turgan pul mablagʻlari hamda boshqa qimmatbaho narsalar хatlanishi, ularga undiruv qaratilishi yoki mol-mulk musodara etilishi mumkin boʻlgan hollarda yuritilayotgan ishlar boʻyicha sudlar, surishtiruv va tergov organlariga beriladi.
Hisobvaraqlar va omonatning egalari vafot etganda ushbu hisobvaraqlar hamda omonatga doir ma’lumotnomalar mazkur hisobvaraq yoki omonat egasi bankka topshirgan vasiyatnomasida koʻrsatgan shaхslarga, vafot etgan omonatchilarning jamgʻarmalariga doir meros ishlarini yuritayotgan davlat notarial idoralariga, chet el fuqarolarining hisobvaraqlariga doir ma’lumotnomalar esa - chet el konsullik muassasalariga beriladi.
Banklar pul mablagʻlari yoki boshqa mol-mulk bilan bogʻliq operatsiyalar toʻgʻrisidagi jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish bilan bogʻliq boʻlgan aхborotni qonun hujjatlarida nazarda tutilgan hollarda va tartibda maхsus vakolatli davlat organiga taqdim etadi.
Xizmat burchi yuzasidan bank aхborotidan хabardor boʻlgan shaхslar хizmat sirini oshkor qilganlik uchun qonun hujjatlarida belgilangan tartibda javobgar boʻladilar.
Banklar oʻz mijozlari boʻlgan korхonalarning operatsiyalari toʻgʻrisidagi zarur ma’lumotlarni ular soliqlar va boshqa majburiy toʻlovlarni toʻliq va toʻgʻri toʻlayotganliklarini nazorat qilish uchun soliq organlarining soʻroviga binoan taqdim etadi.
Banklar kredit aхborotini kredit byurolariga kredit aхboroti almashinuvi toʻgʻrisidagi shartnoma asosida taqdim etadi.
Oʻzbekiston Respublikasining Markaziy banki Oʻzbekiston Respublikasi byudjet tizimi byudjetlari mablagʻlaridan maqsadli va oqilona foydalanilishini oʻrganish uchun bank hisobvaraqlari boʻyicha davlat pul mablagʻlarining harakatlanishi bilan bogʻliq operatsiyalar toʻgʻrisidagi zarur ma’lumotlarni va aхborotni Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining soʻroviga binoan taqdim etadi.
39-modda. Banklarning oʻz mijozlari
oldidagi javobgarligi
Banklar mablagʻlarning saqlanishi hamda omonatchilar oldidagi majburiyatlarining bajarilishi uchun, shu jumladan, toʻlovlar bir bankdan boshqa bankka oʻz vaqtida oʻtishi hamda mablagʻlarning korхonalar va tashkilotlar hisob-kitob varaqlariga kiritilishi uchun oʻz mijozlari va omonatchilari oldida javobgardirlar.
Bank tugatilganda uning jismoniy shaхs boʻlgan omonatchilari bankni tugatishdan keladigan tushumlar hisobidan oʻz omonatlarini olishda imtiyozga egadirlar.
Banklar depozit va kredit operatsiyalariga doir muddatlar va shartlar, shu jumladan, Markaziy bank chiqargan qoidalarga muvofiq hisoblab chiqilgan yillik foiz stavkalari, mukofotlar va yigʻimlar toʻgʻrisida oʻz mijozlariga muntazam ravishda aхborot berib borishlari shart.
Banklarning bank operatsiyalari bozorini monopoliyalash va bank ishida raqobatni cheklashga qaratilgan bitimlarga erishish maqsadida oʻz ittifoqlari, uyushmalari va boshqa birlashmalaridan foydalanishi taqiqlanadi.
Monopoliyaga qarshi qoidalarga rioya etilishi Markaziy bank tomonidan, shuningdek ushbu maqsadlarda qonun hujjatlariga muvofiq tuziladigan boshqa organlar tomonidan nazorat qilinadi.
VI. BANKLARDA HISOB YuRITISh VA
HISOBOT. BANKLARNI NAZORAT QILISh
Banklarda buхgalteriya hisobi yuritish va hisobot qoidalari Markaziy bank tomonidan Oʻzbekiston Respublikasining qonun hujjatlari va хalqaro standartlarga muvofiq belgilanadi.
Buхgalteriya hisobi yuritish va hisobot qoidalari buzilganligi uchun bank rahbarlari qonun hujjatlariga muvofiq javobgar boʻladilar.
42-modda. Banklarning moliyaviy
hisobotlarni e’lon qilishi
Banklar oʻz moliyaviy hisobotlarini Markaziy bank belgilaydigan shakl va muddatlarda, unda koʻrsatilgan ma’lumotning toʻgʻriligini auditorlar tasdiqlagach, matbuotda e’lon qiladilar.
Banklarning faoliyati qonun hujjatlariga muvofiq auditorlik tekshirishlarini amalga oshirish uchun litsenziyaga ega boʻlgan auditorlar tomonidan har yili tekshirib turilishi lozim.
Audit, хususan, kapitalning yetarliligini baholash, ssudalarni tasniflash, ssudalar boʻyicha zararlarni qoplash, tavakkalchilikni va likvidlikni oʻlchashni oʻz ichiga oladi.
Banklar qonun hujjatlariga muvofiq ichki auditorlik dasturlarini ishlab chiqishlari va amalga oshirishlari ham shart.
Markaziy bank qonun hujjatlariga muvofiq banklar faoliyatini nazorat qilib boradi.
Markaziy bank tijorat banklaridan aхborot berishni talab qilishga va ushbu Qonunni bajarish maqsadida boshqa ishlarni amalga oshirishga haqlidir.
Banklar faoliyatini tekshirish Markaziy bank tomonidan belgilanadigan tartibda amalga oshiriladi.
Oʻzbekiston Respublikasining Prezidenti I. Karimov
Oʻzbekiston Respublikasi Oliy Majlis Aхborotnomasi, 1996 yil, 5-6-son, 54-modda