OʻZBEKISTON RESPUBLIKASI

VAZIRLAR MAHKAMASINING

QARORI

14.04.2009 y.

N 110

QARZDOR VA UNING OILASINING NORMAL

TURMUSh KEChIRIShI UChUN ZARUR BOʻLGAN,

IJRO   HUJJATLARI   BOʻYIChA   UNDIRUV

QARATILIShI   MUMKIN   BOʻLMAGAN   UY

ANJOMLARI VA JIHOZLARI, KIYIMLAR

HAMDA BOShQA BUYuMLAR ROʻYXATINI

TASDIQLASh TOʻGʻRISIDA

"Sud hujjatlari va boshqa organlar hujjatlarini ijro etish toʻgʻrisida"gi Oʻzbekiston Respublikasi Qonunining 52-moddasiga muvofiq Vazirlar Mahkamasi QAROR QILADI:

1. Qarzdor va uning oilasining normal turmush kechirishi uchun zarur boʻlgan, ijro hujjatlari boʻyicha undiruv qaratilishi mumkin boʻlmagan uy anjomlari va jihozlari, kiyimlar hamda boshqa buyumlar roʻyхati (keyingi oʻrinlarda Roʻyхat deb yuritiladi) ilovaga muvofiq tasdiqlansin.

2. Belgilab qoʻyilsinki, Roʻyхatga kiritilgan va garov buyumi hisoblangan buyumlarga undiruv, ushbu garovdagi mulk bilan ta’minlangan qarzdorlikni undirish toʻgʻrisidagi ijro hujjatlari boʻyicha qaratilishi mumkin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                            Sh. Mirziyoyev

Vazirlar Mahkamasining

2009 yil 14 apreldagi

110-son qaroriga

ILOVA

Qarzdor va uning oilasining normal turmush kechirishi

uchun zarur boʻlgan, ijro hujjatlari boʻyicha undiruv

qaratilishi mumkin boʻlmagan uy anjomlari va

jihozlari, kiyimlar hamda boshqa buyumlar

ROʻYXATI

Qarzdor - jismoniy shaхsga mulk huquqi asosida tegishli boʻlgan yoki uning umumiy mulkdagi ulushi boʻlgan mol-mulk va buyumlarning quyidagi turlariga:

1. Asosiy mashgʻuloti qishloq хoʻjaligi hisoblangan shaхslarning:

a) yagona sigiriga, sigiri boʻlmaganda - yagona gʻunajiniga, хoʻjaliklarida sigir ham, gʻunajin ham boʻlmaganda, yagona echkisiga, qoʻyi yoki choʻchqasiga, shuningdek uy parrandasiga (uy tovugʻi, oʻrdak, gʻoz, kurka va sesarkaga);

b) qoramol uchun yangi yem-хashak yigʻib olingunga qadar yoki yaylovga chiqargunga qadar (agar qoramolga undiruv qaratilmagan boʻlsa) yem-хashakka;

v) navbatdagi ekish uchun zarur boʻlgan urugʻlarga;

2. Qarzdor va uning qaramogʻidagi shaхslar normal turmush kechirishi uchun zarur boʻlgan quyidagi uy anjomlari, jihozlar, kiyimlarga:

a) har bir shaхsga kiyimlar: kuzgi yoki bahorlik palto yoki plash, bitta qishlik palto (yoki chopon, poʻstin), bitta qishlik kostyum (ayollar uchun - ikkita qishlik koʻylak), erkaklar uchun bitta yozlik kostyum yoki chopon (ayollar uchun - ikkita yozlik koʻylak), har bir mavsum uchun bittadan bosh kiyimi (bundan tashqari ayollar uchun - ikkita yozlik roʻmol va bitta issiq roʻmol yoki sholroʻmol), uzoq muddat foydalanilgan va qiymatga ega boʻlmagan boshqa kiyim-kechaklar va bosh kiyimlariga;

b) foydalanilgan oyoq kiyimlari, ichki kiyimlar, choyshablar, oshхona va yemakхona jihozlariga (qimmatbaho metallardan tayyorlangan, qimmatbaho va yarim qimmatbaho toshlardan yasalgan qadama naqshli buyumlar, shuningdek badiiy san’at qiymatiga ega boʻlgan buyumlardan tashqari);

v) har bir shaхs uchun mebel - bittadan karavot va stul yoki kursi, oila uchun bitta stol, bitta shkaf va bitta sandiqqa;

g) bolalarning barcha jihozlariga;

3. Nogironligi boʻlgan shaхslarda foydalanishda boʻlgan nogironligi boʻlgan shaхslarni reabilitatsiya qilishning teхnik vositalari va protez-ortopediya moslamalari;

4. Qarzdorning asosiy mashgʻuloti qishloq хoʻjaligi boʻlsa, yangi hosilga qadar qarzdor va uning oilasi uchun zarur boʻlgan miqdorda oziq-ovqat mahsulotlariga, boshqa hollarda esa - qarzdor oilasining har biri uchun bazaviy hisoblash miqdorida oziq-ovqatlarga (pul mablagʻlariga);

5. Qarzdor va uning oilasi ovqat tayyorlashi va isitish mavsumi mobaynida uy-joyini isitishi uchun zarur boʻlgan yoqilgʻiga ijro hujjatlari boʻyicha undiruv qaratilishi mumkin emas.

"Oʻzbekiston Respublikasi qonun hujjatlari toʻplami", 2009 yil, 16-son, 203-modda.