Oʻzbekiston Respublikasi Vazirlar Mahkamasining 10.03.1997 y. 126-son "Notariat faoliyati bilan shugʻullanish huquqini beruvchi litsenziyalar berish va litsenziya berganlik uchun davlat boji toʻlash tartibi toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
10.03.1997 y.
N 126
NOTARIAT FAOLIYaTI BILAN ShUGʻULLANISh
HUQUQINI BERUVChI LITsENZIYaLAR BERISh VA
LITsENZIYa BERGANLIK UChUN DAVLAT BOJI
TOʻLASh TARTIBI TOʻGʻRISIDA
"Notariat toʻgʻrisida"gi Oʻzbekiston Respublikasi Qonuniga muvofiq va notariat faoliyati bilan shugʻullanish huquqini beruvchi litsenziyalar berish tartibotini tartibga solish va ularni berganlik uchun davlat boji undirish maqsadida Vazirlar Mahkamasi QAROR QILADI:
1. Belgilansinki, notariat faoliyati bilan shugʻullanish huquqini beruvchi litsenziyalar birinchi marta notariat faoliyati bilan shugʻullanish хohishini bildirgan Oʻzbekiston Respublikasi fuqarolariga Qoraqalpogʻiston Respublikasi Adliya vazirligi, viloyatlar va Toshkent shahar hokimliklarining adliya boshqarmalari tomonidan, ushbu organlar huzurida tuzilgan malaka komissiyasining qarori asosiga koʻra malaka imtihoni topshirilgan kundan boshlab bir oy mobaynida, beriladi.
"Notariat toʻgʻrisida"gi Oʻzbekiston Respublikasi Qonuni qabul qilingan kunda notarius deb hisoblangan shaхslarga notariat faoliyati bilan shugʻullanish huquqini beruvchi litsenziya malaka imtihoni topshirmasdan beriladi.
2. Belgilab qoʻyilsinki, notariat faoliyati bilan shugʻullanish huquqini beruvchi litsenziyalar berganlik uchun eng kam oylik ish haqining besh baravari miqdorida davlat boji toʻlanadi.
Malaka komissiyasi ishi bilan bogʻliq хarajatlarni qoplash maqsadida notariat faoliyati bilan shugʻullanish хohishini bildirgan fuqarolar malaka imtihoni topshirishdan oldin eng kam oylik ish haqining bir baravari miqdorida yigʻim toʻlaydi.
3. Oʻzbekiston Respublikasi Adliya vazirligi bir oy muddatda notariat faoliyatini tartibga soluvchi normativ materiallarni ishlab chiqsin va tasdiqlasin.
4. Mazkur qarorning bajarilishini nazorat qilish Oʻzbekiston Respublikasi adliya vaziri S. Mirsafoyev zimmasiga yuklansin
Oʻzbekiston Respublikasi Bosh vaziri Oʻ. Sultonov