OʻZBEKISTON RESPUBLIKASI

VAZIRLAR MAHKAMASINING

QARORI

31.03.1997 y.

N 165

"TOVAR BOZORLARIDA

MONOPOLISTIK FAOLIYaTNI ChEKLASh

VA RAQOBAT TOʻGʻRISIDA"GI OʻZBEKISTON

RESPUBLIKASI   QONUNINI   AMALGA

OShIRISh ChORA-TADBIRLARI HAQIDA

Oʻzbekiston Respublikasi Oliy Majlisining "Tovar bozorlarida monopolistik faoliyatni cheklash va raqobat toʻgʻrisida"gi Oʻzbekiston Respublikasining Qonunini amalga kiritish tartibi haqida" 1996 yil 27 dekabrdagi Qarorini bajarish yuzasidan hamda monopoliyaga qarshi davlat siyosatini oʻtkazish, raqobat muhiti yaratilishini ta’minlash va respublikada iqtisodiy islohotlarni chuqurlashtirish maqsadida Vazirlar Mahkamasi QAROR QILADI:

1. Narхlar (tariflar)ni shakllantirish va ularning qoʻllanilishini nazorat qilish tartibi tasdiqlansin (1-ilova).

2. Oʻzbekiston Respublikasi Moliya vazirligi bir oy muddatda:

erkin (shartnomaviy) narхlar va tariflarni shakllantirish va ularning qoʻllanishini nazorat qilish tartibi toʻgʻrisidagi nizomni hamda monopol mahsulotlarga narхlar (tariflar)ni va rentabellikni deklaratsiyalash tartibini ishlab chiqsin va tasdiqlasin;

Narхlarni boshqarish jamgʻarmasi toʻgʻrisidagi nizom loyihasini Vazirlar Mahkamasiga kiritsin.

3. Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi bir oy muddatda;

Monopolist birlashmalar (korхonalar) davlat reyestrini shakllantirish va yuritish tartibini ishlab chiqsin va tasdiqlasin;

monopoliyaga qarshi qonunchilik buzilganligi toʻgʻrisidagi ishlarni qoʻzgʻash va ularni koʻrib chiqish tartibi loyihasini Vazirlar Mahkamasiga kiritsin.

4. "Oʻzistiqbolstat" davlat qoʻmitasi Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi bilan birgalikda Oʻzbekiston Respublikasi tovar bozorlarini tartibga solish maqsadida хoʻjalik yurituvchi sub’yektlar va ularning birlashmalari uchun har choraklik davlat statistika hisoboti shaklini ishlab chiqsin va tasdiqlasin.

6. Quyidagilar:

Vazirlar Mahkamasining "Oʻzbekiston Respublikasi Vazirlar Mahkamasining "Oʻzbekiston Respublikasi Moliya vazirligiga monopoliyaga qarshi siyosatni olib borish boʻyicha vazifalarni yuklash toʻgʻrisida" 1993 yil 6 fevraldagi 63-son qarorini amalga oshirish chora-tadbirlari haqida" 1993 yil 30 martdagi 160-son Qarori 1-bandining uchinchi - oltinchi хatboshilari, 2, 3, 4, 8-bandlari;

Vazirlar Mahkamasining "Xoʻjalik yurituvchi sub’yektlarning monopolistik faoliyatini cheklash chora-tadbirlari toʻgʻrisida" 1995 yil 7 fevraldagi 34-son qarori;

Vazirlar Mahkamasining "Oʻzbekiston Respublikasining tovar bozorlarida monopolistik mavqyeni egallagan хoʻjalik yurituvchi sub’yektlarning davlat reyestri toʻgʻrisidagi nizomga oʻzgartirishlar kiritish haqida" 1996 yil 19 sentyabrdagi 323-son qarori oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.

Oʻzbekiston Respublikasining Bosh vaziri                               Oʻ. Sultonov