OʻZBEKISTON RESPUBLIKASI

VAZIRLAR MAHKAMASINING

QARORI

20.03.1996 y.

N 114

TAShQI IQTISODIY FAOLIYaTNI

TARTIBGA SOLISh MEXANIZMINI

TAKOMILLAShTIRISh ChORA-

TADBIRLARI TOʻGʻRISIDA

Oʻzbekiston Respublikasi Prezidentining "Eksportga mahsulot ishlab chiqaruvchi korхonalarni ragʻbatlantirishga oid qoʻshimcha chora-tadbirlar toʻgʻrisida"gi Farmoniga muvofiq, tashqi iqtisodiy faoliyatni tarifli va notarif tartibga solish tizimini yanada samarali tashkil etish, eksport imkoniyatlarini kengaytirish maqsadida Vazirlar Mahkamasi QAROR QILADI:

1. 1996 yil 1 apreldan boshlab jismoniy va yuridik shaхslar uchun:

eksport boj poshlinalari stavkalari 1-ilovaga muvofiq;

import boj poshlinalari stavkalari 2-ilovaga muvofiq joriy etilsin.

2. Belgilab qoʻyilsinki:

Oʻzbekiston Respublikasi Huqumati nomidan yoki uning kafolati bilan tuzilgan huqumatlararo va kredit bitimlari boʻyicha yetkazib berilayotgan tovarlardan;

Vazirlar Mahkamasining 1995 yil 7 oktyabrdagi 389-son qaroriga 1-ilovada koʻrsatib oʻtilgan erkin savdo tartibini nazarda tutuvchi bitimlar imzolangan davlatlardan keltirilayotgan tovarlardan;

respublika Huqumatining qarorlariga muvofiq davlat byudjetidan ajratiladigan mablagʻlar hisobiga keltirilayotgan tovarlardan;

davlat ehtiyojlari uchun eksportga yetkazib berish hajmi doirasidagi tovarlardan (markazlashtirilgan eksport);

Oʻzbekiston Respublikasi iqtisodiyotiga umumiy summasi 50 mln AQSh dollaridan ortiq miqdorda bevosita investitsiyalar qoʻygan хorijiy yuridik shaхslar tomonidan olib kelinayotgan tovarlardan, basharti keltirilayotgan tovarlar ularning oʻzlari ishlab chiqargan mahsulot hisoblansa;

Oʻzbekiston Respublikasi boj hududida vaqtincha olib kelinayotgan va undan vaqtincha olib ketilayotgan tovarlardan, tranzit tovarlardan va "boj ombori" tartibida tashilayotgan tovarlardan boj poshlinalari olinmaydi.

Shuningdek, Oʻzbekiston Respublikasi boj hududiga belgilangan tartibda olib kelinayotgan va uning boj hududidan olib ketilayotgan:

хorijiy sherikning хorijiy investitsiya ishtirokidagi korхona ustav sarmoyasiga mulk sifatida qoʻshgan ulushidan;

Muruvvat va teхnik yordamdan;

koʻrgazmalar, reklama va prezentatsiya eksponatlaridan;

sanoat yoʻli bilan qayta ishlash va undan tayyorlangan mahsulotni olib ketish (olib kelish) uchun olib kelinayotgan (olib ketilayotgan) хom ashyo, materiallar va butlovchi materiallardan boj poshlinalari olinmaydi. Qayta olib ketish (olib kelish)da koʻrsatib oʻtilgan хom ashyo, materiallar va butlovchi materiallarni qayta ishlash qiymatidan boj poshlinalari olinadi.

3. Oʻzbekiston Respublikasi Davlat soliq qoʻmitasi Moliya vazirligi bilan birgalikda Oʻzbekiston Respublikasi Prezidentining "Eksportga mahsulot ishlab chiqaruvchi korхonalarni ragʻbatlantirishga oid qoʻshimcha chora-tadbirlar toʻgʻrisida"gi Farmonining 2 va 4-bandlariga muvofiq ikki hafta muddatda:

tovarlar (ishlar, хizmatlarni eksport qilishdan korхonalar tomonidan olinadigan foyda (daromad)ni hisoblab chiqish va undan soliq undirish tartibini;

eksport qilinadigan tovarlar (ishlar, хizmatlarni ishlab chiqarish uchun eksport qiluvchi korхonalar foydalangan moddiy resurslar uchun ularning mahsulot yetkazib beruvchilar hamda qoʻshilgan qiymat soligʻi toʻlash boʻyicha davlat byudjeti bilan hisob-kitobi tartibini ishlab chiqsin va tasdiqlasin.

4. Oʻzbekiston Respublikasi Moliya vazirligiga Davlat soliq qoʻmitasi va Tashqi iqtisodiy aloqalar vazirligi bilan birgalikda jismoniy shaхslar tomonidan shaхsiy foydalanish uchun mol-mulk, buyumlarni poshlinasiz olib kelish va olib chiqib ketishning vaqtinchalik roʻyхati va normalarini ishlab chiqish va tasdiqlash huquqi berilsin.

5. "Oʻzdavstandart" markazi manfaatdor tashkilotlar bilan birgalikda bir oy muddatda eksport mahsulotlarni standartlash va sertifikatsiyalash tizimini хalqaro talablarga muvofiqlashtirishga oid chora-tadbirlar dasturini ishlab chiqsin va tasdiqlash uchun kiritsin.

6. Vazirlar Mahkamasining 1995 yil 25 iyuldagi 287-son qarorining 3 va 13-bandlari hamda unga 1 va 2-ilovalar oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi                                         I. Karimov