Oʻzbekiston Respublikasi Vazirlar Mahkamasining 03.04.1995 y. 109-son "Oʻzbekiston Respublikasi Fanlar akademiyasining Nizomi toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
03.04.1995 y.
N 109
OʻZBEKISTON RESPUBLIKASI
FANLAR AKADEMIYaSINING
NIZOMI TOʻFRISIDA
Vazirlar Mahkamasi QAROR QILADI:
1. Fanlar akademiyasining Umumiy majlisida qabul qilingan Oʻzbekiston Respublikasi Fanlar akademiyasining Nizomi tasdiqlansin.
2. Oʻzbekiston Respublikasi Fanlar akademiyasi Prezidiumi Akademiyaning barcha tuzilmalarida Ustav talablarini bajarishga doir zarur tashkiliy chora-tadbirlarni 10 kun muddatda amalga oshirsin.
3. Oʻzbekistonning ilmiy salohiyatini saqlash va mustahkamlash maqsadida Oʻzbekiston Respublikasi Fanlar akademiyasi, Fan va teхnika davlat qoʻmitasi, "Oʻzistiqbolstat" davlat qoʻmitasi, Moliya vazirligi, Davlat soliq qoʻmitasi manfaatdor vazirliklar va idoralar bilan birgalikda bir oy muddatda:
Fanlar akademiyasida amalga oshiriladigan fundamental ilmiy tadqiqotlarni ushbu tadqiqotlarga byudjet tomonidan yoʻnaltiriladigan mablagʻlarni bevosita Akademiyaga ajratish yoʻli bilan qoʻllab-quvvatlash toʻgʻrisida;
Oʻzbekiston Respublikasining Akademik fondini, asosan byudjetdan tashqari tushumlarni uning mablagʻlarini shakllantirish manbalari etib belgilagan holda, tashkil qilish toʻgʻrisida;
akademik fanning moddiy-teхnika bazasini mustahkamlash toʻgʻrisida;
Fanlar akedemiyasining ilmiy-tadqiqot va innovatsiya faoliyatidan soliq olish tizimini takomillashtirish toʻgʻrisida takliflar tayyorlasinlar va Vazirlar Mahkamasiga kiritsinlar.
4. Vazirlar Mahkamasining "Oʻzbekiston Respublikasi Fanlar akademiyasining Ustavi toʻgʻrisida" 1992 yil 14 avgustdagi 382-son qarori oʻz kuchini yoʻqotgan deb hisoblansin.
Oʻzbekiston Respublikasining Bosh vaziri A. Mutalov
"Oʻzbekiston Respublikasi Hukumati qarorlari toʻplami", 1995 y., N 4, 12-modda.