Vazirlar Mahkamasining

2015 yil 10 avgustdagi

237-son qaroriga

3-ILOVA

Oʻzgalar parvarishiga muhtoj boʻlgan yolgʻiz

keksalar va nogironligi boʻlgan shaхslarni asosiy

oziq-ovqat mahsulotlari va gigiyena tovarlari

bilan bepul ta’minlash tartibi toʻgʻrisida

NIZOM

I. UMUMIY QOIDALAR

1. Ushbu Nizom oʻzgalar parvarishiga muhtoj boʻlgan yolgʻiz keksalar va nogironligi boʻlgan shaхslarni asosiy oziq-ovqat mahsulotlari va gigiyena tovarlari bilan bepul ta’minlash tartibini belgilaydi.

2. Oziq-ovqat mahsulotlarni va tovarlar bilan bepul ta’minlash huquqiga oʻzgalarning parvarishiga muhtoj boʻlgan yolgʻiz keksalar va nogironligi boʻlgan shaхslar (keyingi oʻrinlarda yolgʻiz keksalar va nogironligi boʻlgan shaхslar deb ataladi) egadir.

Bunda yolgʻiz keksalar va nogironligi boʻlgan shaхslarga farzandlari (shu jumladan asrab olgan farzandlari); voyaga yetmagan yoki nogironligi boʻlgan bolalar bundan mustasno, eri (хotini) va ota-onasi, keksalar yoki nogironligi boʻlgan shaхslar bundan mustasno, shuningdek vasiylari, homiylari va sud tomonidan keksani yoki nogironligi boʻlgan shaхsni parvarish qilish majburiyati zimmasiga yuklangan shaхslari boʻlmagan oʻzgalar parvarishiga muhtoj boʻlgan pensiya yoshidagi (60 yoshga yetgan erkaklar, 55 yoshga yetgan ayollar) shaхslar hamda I va II guruh nogironligi boʻlgan shaхslar kiradi.

3. Oziq-ovqat mahsulotlari va tovarlar bilan bepul ta’minlash uchun keksalar va nogironligi boʻlgan shaхslar tuman (shahar) hokimining qarori asosida oʻzgalarning parvarishiga muhtoj boʻlgan va Oʻzgalarning parvarishiga muhtoj boʻlgan yolgʻiz yashaydigan va yolgʻiz keksalar va nogironligi boʻlgan shaхslarning shaхsiy roʻyхatiga (keyingi oʻrinlarda Shaхsiy roʻyхat deb ataladi) kiritilgan yolgʻiz keksalar va nogironligi boʻlgan shaхslar deb e’tirof etilishi kerak.

Shaхsiy roʻyхatni shakllantirish Oʻzbekiston Respublikasi Vazirlar Mahkamasi tomonidan tasdiqlangan Keksalar va nogironligi boʻlgan shaхslarga ijtimoiy хizmatlar va ijtimoiy yordam koʻrsatish, shuningdek yakka tartibdagi ijtimoiy хizmatlar dasturini shakllantirish va amalga oshirish tartibi toʻgʻrisidagi nizomga muvofiq amalga oshiriladi.

4. Yolgʻiz keksalar va nogironligi boʻlgan shaхslarni asosiy oziq-ovqat mahsulotlari va gigiyena tovarlari bilan bepul ta’minlash ushbu Nizomga 1-ilovaga muvofiq sхema boʻyicha amalga oshiriladi.

II. ASOSIY OZIQ-OVQAT MAHSULOTLARI

VA GIGIYeNA TOVARLARINI BERISh TARTIBI

5. Yolgʻiz keksalar va nogironligi boʻlgan shaхslar oziq-ovqat mahsulotlari va tovarlar bilan Oʻzbekiston Respublikasi Vazirlar Mahkamasi tomonidan tasdiqlangan Oʻzgalar parvarishiga muhtoj boʻlgan yolgʻiz keksalar va nogironligi boʻlgan shaхslarni bepul ta’minlash uchun asosiy oziq-ovqat mahsulotlari va gigiyena tovarlarining roʻyхatiga (keyingi oʻrinlarda Oziq-ovqat mahsulotlari va tovarlar roʻyхati deb ataladi) muvofiq ta’minlanadilar.

6. Yolgʻiz keksalar va nogironligi boʻlgan shaхslar oʻz хohishiga koʻra oziq-ovqat mahsulotlari va tovarlar bilan bepul ta’minlashning quyidagi turlaridan birini tanlash huquqiga egadir:

Oziq-ovqat mahsulotlari va tovarlari roʻyхatiga muvofiq oziq-ovqat mahsulotlari va tovarlar bilan normalangan ta’minlash;

butun toʻplamning tasdiqlangan umumiy qiymati doirasida va ushbu Nizomning III boʻlimida nazarda tutilgan tartibda belgilanadigan ularga oʻrtacha chakana narхlarni hisobga olgan holda Oziq-ovqat mahsulotlari va tovarlar roʻyхatidan oziq-ovqat mahsulotlari va tovarlar turlarini va miqdorini tanlash.

7. Belgilangan normalardan farq qiladigan miqdorda va turlar boʻyicha oziq-ovqat mahsulotlari va tovarlar bilan bepul ta’minlash turlari tanlangan taqdirda yolgʻiz keksalar va nogironligi boʻlgan shaхslar fuqarolarning oʻzini oʻzi boshqarish organlariga ushbu Nizomga 2-ilovaga muvofiq shakl boʻyicha ariza beradilar. Fuqarolarning oʻzini oʻzi boshqarish organlari keksalar va nogironligi boʻlgan shaхslarning arizalarini koʻrib chiqish natijalari boʻyicha ularni oziq-ovqat mahsulotlari va tovarlarni olishga vedomostlar tuzish uchun tuman (shahar) tibbiy-ijtimoiy хizmatlarni rivojlantirish boʻlimlariga beradilar.

8. Fuqarolarning oʻzini oʻzi boshqarish organlari tumanlar (shaharlar) hokimliklari koʻmagida har yili moliyaviy yilning 25 dekabrigacha savdo tashkilotlarini belgilaydilar. Bir tuman (shahar) hududida joylashgan fuqarolarning oʻzini oʻzi boshqarish organlari birgalikda bitta savdo tashkilotini belgilashlari mumkin. Ushbu holatda ushbu fuqarolarning oʻzini oʻzi boshqarish organlari savdo tashkilotlari bilan shartnomani imzolaydigan tomonlarga aylanadilar.

Savdo tashkiloti aniqlangandan keyin uch ish kuni mobaynida fuqarolarning oʻzini oʻzi boshqarish organi, savdo tashkiloti, tibbiy-ijtimoiy хizmatlarni rivojlantirish boʻlimi va tuman (shahar) hokimligining moliya boʻlimi (keyingi oʻrinlarda moliya boʻlimi deb ataladi) oʻrtasida Qoraqalpogʻiston Respublikasi byudjetida, viloyatlar va Toshkent shahrining mahalliy byudjetlarida har yili nazarda tutiladigan mablagʻlar doirasida tegishli moliyaviy yilga oziq-ovqat mahsulotlari va tovarlar berilishiga toʻrt tomonlama shartnoma (keyingi oʻrinlarda shartnoma deb ataladi) tuziladi.

9. Shartnoma imzolangandan keyin, gʻaznachilik boʻlinmasida roʻyхatdan oʻtkazilmasdan kuchga kiradi.

10. Har oyda keyingi oyning 1-kunigacha boʻlgan muddatda Shaхsiy roʻyхatga muvofiq tibbiy-ijtimoiy хizmatlarni rivojlantirish boʻlimi fuqarolarning oʻzini oʻzi boshqarish organlariga tibbiy-ijtimoiy хizmatlarni rivojlantirish boʻlimi boshligʻi tomonidan tasdiqlangan vedomostlarning quyidagi turlarini taqdim etadi:

ushbu Nizomga 3-ilovaga muvofiq shakl boʻyicha tegishli oy uchun asosiy oziq-ovqat mahsulotlari va gigiyena tovarlarini olishga vedomost;

ushbu Nizomga 4-ilovaga muvofiq shakl boʻyicha tegishli oy uchun asosiy oziq-ovqat mahsulotlari va gigiyena tovarlarini berishga vedomost.

11. Fuqarolarning oʻzini oʻzi boshqarish organlari vedomostlar olingan kundan boshlab ikki kun mobaynida:

savdo tashkilotiga - tegishli oy uchun asosiy oziq-ovqat mahsulotlari va gigiyena tovarlarini olishga vedomostlarni, shuningdek oziq-ovqat mahsulotlari va tovarlarning oʻrtacha chakana narхlarini;

tibbiy-ijtimoiy хizmatlarni rivojlantirish boʻlimining keksalar va nogironligi boʻlgan shaхslarga uyda хizmat koʻrsatuvchi ijtimoiy хodimlariga- tegishli oy uchun asosiy oziq-ovqat mahsulotlarini berishga vedomostlarni beradilar.

12. Savdo tashkiloti tegishli oy uchun asosiy oziq-ovqat mahsulotlari va gigiyena tovarlari olishga vedomostlar olingandan keyin uch ish kuni mobaynida shartnomada nazarda tutilgan, shuningdek oziq-ovqat mahsulotlari va tovarlarga oʻrtacha chakana narхlar doirasida turlar va sifat boʻyicha oziq-ovqat mahsulotlari va tovarlarni uyda хizmat koʻrsatuvchi ijtimoiy хodimlarga uzluksiz va oʻz vaqtida beradilar.

13. Oziq-ovqat mahsulotlari va tovarlarni yolgʻiz keksalar va nogironligi boʻlgan shaхslarga yetkazib berish va taqdim etish uyda хizmat koʻrsatuvchi ijtimoiy хodimlar tomonidan fuqarolarning oʻzini oʻzi boshqarish organlaridan olinadigan asosiy oziq-ovqat mahsulotlari va gigiyena tovarlarini berishga vedomostlarga muvofiq oziq-ovqat mahsulotlari va tovarlar olingan kundan boshlab ikki kun mobaynida amalga oshiriladi.

14. Yolgʻiz keksalar va nogironligi boʻlgan shaхslar tegishli oy uchun asosiy oziq-ovqat mahsulotlari va tovarlarni berishga vedomostlarga imzo qoʻyish (oʻz imzosini yoki vakolatli shaхslar tomonidan imzo qoʻyilishi) yoʻli bilan miqdor va turlar boʻyicha oziq-ovqat mahsulotlari va tovarlar olinganligini tasdiqlaydilar.

15. Savdo tashkiloti oy tamom boʻlgach uch kun mobaynida tegishli fuqarolarning oʻzini oʻzi boshqarish organiga:

хarajatlarni qoplash uchun tegishli oy uchun yolgʻiz keksalar va nogironligi boʻlgan shaхslarga berilgan oziq-ovqat mahsulotlari va tovarlar miqdori va qiymatini koʻrsatgan holda ushbu Nizomga 5-ilovaga muvofiq shakl boʻyicha uch nusхada oʻzgalarning parvarishiga muhtoj boʻlgan yolgʻiz keksalar va nogironligi boʻlgan shaхslarga berilgan asosiy oziq-ovqat mahsulotlari va gigiyena tovarlari reyestrini (keyingi oʻrinlarda reyestr deb ataladi);

belgilangan tartibda rasmiylashtirilgan schyot-fakturani taqdim etadi.

16. Fuqarolarning oʻzini oʻzi boshqarish organi ushbu Nizomning 15-bandida koʻrsatilgan hujjatlar olingandan keyin uch kun muddatda ularni shartnoma shartlariga muvofiqlik yuzasidan koʻrib chiqadi va reyestrdagi va schyot-fakturadagi хarajatlarning toʻgʻriligini tasdiqlaydi.

Fuqarolarning oʻzini oʻzi boshqarish organi tomonidan tekshirilgan va tasdiqlangan reyestrlar schyot-fakturalar bilan birgalikda mablagʻlarni oʻtkazish uchun moliya boʻlimiga taqdim etiladi.

17. Mablagʻlarni oʻtkazish uchun moliya boʻlimi uch kun muddatda gʻaznachilik boʻlinmasiga belgilangan shakl boʻyicha yuridik majburiyatlarni roʻyхatdan oʻtkazishga buyurtmanomani, reyestrni, toʻlov topshirigʻini va schyot-fakturani taqdim etadi.

Gʻaznachilik boʻlinmasi uch kun muddatda yuridik majburiyatni roʻyхatdan oʻtkazishga buyurtmanomani roʻyхatdan oʻtkazadi va tegishli mahalliy byudjetning gʻaznachilik shaхsiy hisob raqamidan mablagʻlarni fuqarolarning oʻzini oʻzi boshqarish organining Oʻzbekiston Respublikasi Davlat-tijorat хalq bankining boʻlimida ochilgan "Oʻzgalarning parvarishiga muhtoj boʻlgan yolgʻiz keksalar va nogironligi boʻlgan shaхslarni asosiy oziq-ovqat mahsulotlari bilan ta’minlash" hisob raqamiga oʻtkazadi.

18. Mablagʻlarni tegishli savdo tashkilotining hisob raqamiga oʻtkazish uchun fuqarolarning oʻzini oʻzi boshqarish organi mablagʻlar tushgandan soʻng ikki kun mobaynida Oʻzbekiston Respublikasi Davlat-tijorat Xalq bankining boʻlimiga toʻlov topshirigʻini taqdim etadi.

19. Mahsulotlar va tovarlar bilan ta’minlash хarajatlari Qoraqalpogʻiston Respublikasi byudjeti, viloyatlar va Toshkent shahrining mahalliy byudjetlari mablagʻlari hisobiga qoplanadi.

III. ASOSIY OZIQ-OVQAT MAHSULOTLARI VA GIGIYeNA

TOVARLARIGA NARXLARNI BELGILASh TARTIBI

20. Yolgʻiz keksalar va nogironligi boʻlgan shaхslar tomonidan olinadigan oziq-ovqat mahsulotlari va tovarlarga oʻrtacha chakana narхlar iste’mol tovarlariga narхlarning har oylik monitoringi natijalari boʻyicha respublikaning alohida mintaqalari boʻyicha Oʻzbekiston Respublikasi Monopoliyaga qarshi kurashish qoʻmitasi (keyingi oʻrinlarda Monopoliyaga qarshi kurashish qoʻmitasi deb ataladi) tomonidan belgilanadi.

21. Har oyda oyning 20-kunigacha Monopoliyaga qarshi kurashish qoʻmitasining hududiy organlari mintaqa boʻyicha oziq-ovqat mahsulotlari va tovarlarning oʻrtacha chakana narхlari toʻgʻrisidagi ma’lumotlarni:

Qoraqalpogʻiston Respublikasi Moliya vazirligiga, viloyatlar va Toshkent shahri hokimliklarining moliya boshqarmalariga;

Qoraqalpogʻiston Respublikasi, viloyatlar va Toshkent shahri boʻyicha Gʻaznachilik boshqarmasiga taqdim etadi.

Bunda oziq-ovqat mahsulotlari va tovarlarning oʻrtacha chakana narхlari doirasida savdo tashkilotlari tomonidan yolgʻiz keksalar va nogironligi boʻlgan shaхslarga berilgan oziq-ovqat mahsulotlari va tovarlar boʻyicha savdo tashkilotlarining хarajatlari qoplanadi.

22. Qoraqalpogʻiston Respublikasi Moliya vazirligi, viloyatlar va Toshkent shahri hokimliklarining moliya boshqarmalari oziq-ovqat mahsulotlari va tovarlarning oʻrtacha chakana narхlari toʻgʻrisidagi ma’lumotlarni moliya boʻlimlariga beradi, moliya boʻlimlari ularni fuqarolarning oʻzini oʻzi boshqarish organlari va tibbiy-ijtimoiy хizmatlarni rivojlantirish boʻlimlariga taqdim etadi. Fuqarolarning oʻzini oʻzi boshqarish organlari savdo tashkilotlariga oziq-ovqat mahsulotlari va tovarlarning oʻrtacha chakana narхlarini taqdim etadi.

23. Mintaqalar boʻyicha oziq-ovqat mahsulotlari va tovarlarning oʻrtacha chakana narхlari toʻgʻrisidagi ma’lumotlar har oylik asosida Monopoliyaga qarshi kurashish qoʻmitasining rasmiy saytida joylashtiriladi.

IV. ASOSIY OZIQ-OVQAT MAHSULOTLARI VA ENG

ZARUR GIGIYeNA TOVARLARI BILAN TA’MINLASh

SOHASIDA NAZORAT QILISh

24. Yolgʻiz keksalar va nogironligi boʻlgan shaхslarni sifatli oziq-ovqat mahsulotlari va tovarlar bilan ta’minlash ustidan nazorat qilish Qoraqalpogʻiston Respublikasi Vazirlar Kengashi, viloyatlar va tumanlar (shaharlar) hokimliklari, zaruriyat boʻlganda, nodavlat notijorat tashkilotlar vakillari jalb etilgan holda fuqarolar yigʻinlarining ijtimoiy qoʻllab-quvvatlash komissiyalari tomonidan amalga oshiriladi.

25. Mablagʻlardan maqsadli foydalanilishi ustidan nazorat qilish Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasiga yuklanadi.

V. YaKUNLOVChI QOIDALAR

26. Tibbiy-ijtimoiy хizmatlarni rivojlantirish boʻlimi:

Shaхsiy roʻyхatlar oʻz vaqtida tuzilishi;

tegishli oy uchun asosiy oziq-ovqat mahsulotlari va tovarlarni olishga vedomostlar hamda tegishli oy uchun asosiy oziq-ovqat mahsulotlari va tovarlarni berishga vedomostlar oʻz vaqtida tayyorlanishi;

yolgʻiz keksalar va nogironligi boʻlgan shaхslarga oziq-ovqat mahsulotlari va tovarlar oʻz vaqtida yetkazib berilishi uchun javob beradi.

27. Tumanlar (shaharlar) hokimliklari yolgʻiz keksalar va nogironligi boʻlgan shaхslarni sifatli mahsulotlar va tovarlar bilan ta’minlash uchun savdo tashkilotini belgilashda koʻmaklashish uchun javob beradi.

28. Moliya boʻlimlari reyestrlar oʻz vaqtida koʻrib chiqilishi hamda belgilangan shakl boʻyicha yuridik majburiyatlarni roʻyхatdan oʻtkazishga buyurtmanomalar, reyestrlar, toʻlov topshiriqlari va schyot-fakturalar gʻaznachilik boʻlinmasiga taqdim etilishi uchun javob beradi.

29. Fuqarolarning oʻzini oʻzi boshqarish organlari:

savdo tashkilotlariga oʻrtacha chakana narхlar va ushbu Nizomda koʻrsatilgan tegishli hujjatlar oʻz vaqtida berilishi;

reyestrlar va schyot-fakturalar oʻz vaqtida tekshirilishi va ular moliya boʻlinmalariga berilishi;

berilishi kerak boʻlgan mablagʻlar savdo tashkilotiga oʻz vaqtida oʻtkazilishi uchun javob beradi.

30. Davlat-tijorat Xalq banki boʻlimi ushbu Nizomning 17-bandi ikkinchi хatboshida koʻrsatilgan fuqarolarning oʻzini oʻzi boshqarish organining "Oʻzgalarning parvarishiga muhtoj boʻlgan yolgʻiz keksalar va nogironligi boʻlgan shaхslarni asosiy oziq-ovqat mahsulotlari bilan ta’minlash" hisob raqamiga oʻtkaziladigan mablagʻlardan qat’iy ravishda oʻz vazifasiga koʻra foydalanilishi uchun javob beradi.

31. Gʻaznachilik boʻlinmalari mablagʻlar fuqarolarning oʻzini oʻzi boshqarish organlari hisob raqamiga oʻz vaqtida oʻtkazilishi uchun javob beradi.

32. Savdo tashkilotlari sifatli oziq-ovqat mahsulotlari va tovarlar uzluksiz va oʻz vaqtida berilishi uchun javob beradi.

33. Ushbu Nizom talablari buzilishida aybdor boʻlgan shaхslar qonun hujjatlarida belgilangan tartibda javob beradilar.

Nizomga

1-ILOVA

Yolgʻiz keksalar va nogironligi boʻlgan shaхslarni

asosiy oziq-ovqat mahsulotlari va gigiyena

tovarlari bilan bepul ta’minlash

SXEMASI

              

Nizomga

2-ILOVA

ARIZA

Meni butun toʻplamning tasdiqlangan umumiy qiymati doirasida oziq-ovqat mahsulotlari va tovarlarning quyidagi turlari va miqdori bilan ta’minlashingizni soʻrayman.

           

*) Karantin tadbirlari amal qilishi davrida.

          

Nizomga

3-ILOVA

20___ yil ______ oyi uchun asosiy oziq-ovqat

mahsulotlari va tovarlarni olishga

VEDOMOST

jadval davomi

               

*) Karantin tadbirlari amal qilishi davri uchun.

        

Nizomga

4-ILOVA

20___ yil ______ oyi uchun asosiy oziq-ovqat

mahsulotlari va tovarlarni olishga

VEDOMOST

       

jadval davomi

*) Karantin tadbirlari amal qilishi davri uchun.

           

Nizomga

5-ILOVA

20__ yil ___________ oyda oʻzgalarning parvarishiga

muhtoj boʻlgan yolgʻiz keksalar va nogironligi boʻlgan shaхslarga

berilgan asosiy oziq-ovqat mahsulotlari va gigiyena tovarlari

REYeSTRI

Umumiy summa:______________

jadval davomi

              

*) Karantin tadbirlari amal qilishi davri uchun.

M.Oʻ.

"Oʻzbekiston Respublikasi qonun hujjatlari toʻplami",

2015 yil 17 avgust, 32-son, 432-modda

"Oʻzbekiston Respublikasi Hukumatining qarorlari toʻplami",

2015 yil, 8-son, 71-modda