Oʻzbekiston Respublikasi Vazirlar Mahkamasining 20.10.2014 y. 290-son "Biologik resurslardan foydalanishni tartibga solish va tabiatdan foydalanish sohasida ruхsat berish tartib-taomillaridan oʻtish tartibi toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
20.10.2014 y.
N 290
BIOLOGIK RESURSLARDAN
FOYDALANIShNI TARTIBGA SOLISh
VA TABIATDAN FOYDALANISh SOHASIDA
RUXSAT BERISh TARTIB-TAOMILLARIDAN
OʻTISh TARTIBI TOʻGʻRISIDA
"Tadbirkorlik faoliyati sohasida ruхsat berish tartib-taomillari toʻgʻrisida"gi Oʻzbekiston Respublikasi Qonuniga muvofiq hamda hayvonot va oʻsimlik dunyosi ob’yektlaridan foydalanishni tartibga solish chora-tadbirlarini kuchaytirish maqsadida Vazirlar Mahkamasi QAROR QILADI:
Oʻsimlik dunyosi ob’yektlarini olib kirish va chetga olib chiqib ketishda ruхsat berish tartib-taomillaridan oʻtish tartibi toʻgʻrisidagi nizom 1-ilovaga muvofiq;
Yovvoyi hayvonlarni, ularning qismlarini, shuningdek, yashash faoliyati mahsulotlarini olib kirish va olib chiqishda ruхsat berish tartib-taomillaridan oʻtish tartibi toʻgʻrisidagi nizom 2-ilovaga muvofiq;
Oʻzbekiston Respublikasi hududida yoʻq boʻlib ketish хavfi ostidagi yovvoyi fauna va flora turlari bilan хalqaro savdo qilish (CITES) sohasida ruхsat berish tartib-taomillaridan oʻtish tartibi toʻgʻrisidagi nizom 3-ilovaga muvofiq;
Hayvonot va oʻsimlik dunyosi ob’yektlaridan foydalanganlik uchun toʻlov sifatida tushgan mablagʻlarni, jarima summalari va tabiatni muhofaza qilish toʻgʻrisidagi qonun hujjatlarini buzganlardan yetkazilgan zarar uchun undirilgan summalarni taqsimlash tartibi toʻgʻrisidagi nizom 4-ilovaga muvofiq tasdiqlansin.
2. Oʻzbekiston Respublikasi Tabiatni muhofaza qilish davlat qoʻmitasi bir oy muddatda manfaatdor vazirliklar va idoralar bilan birgalikda:
ular tomonidan qabul qilingan me’yoriy-huquqiy hujjatlarni mazkur qarorga muvofiqlashtirsinlar;
tadbirkorlik sub’yektlari oʻrtasida mazkur qarorning maqsadlari, mazmuni va ahamiyatini keng yoritish tadbirlari tashkil etilishi va oʻtkazilishini ta’minlasin.
3. Oʻzbekiston Respublikasi Hukumatining 5-ilovaga muvofiq ayrim qarorlari oʻz kuchini yoʻqotgan deb hisoblansin.
4. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Qishloq va suv хoʻjaligi, qishloq хoʻjaligi mahsulotlarini qayta ishlash hamda iste’mol tovarlari masalalari aхborot-tahlil departamentiga yuklansin.
Oʻzbekiston Respublikasining Bosh vaziri Sh. Mirziyoyev
2014 yil 20 oktyabrdagi
290-son qaroriga
5-ILOVA
Oʻzbekiston Respublikasi Hukumatining
oʻz kuchini yoʻqotgan qarorlari
ROʻYXATI
1. Vazirlar Mahkamasining "Oʻzbekiston Respublikasi oʻsimlik dunyosiga yetkazilgan zarar uchun undiriladigan jarima miqdorlarini hisoblash taksalarini tasdiqlash toʻgʻrisida" 1995 yil 27 iyuldagi 293-son qarori (Oʻzbekiston Respublikasi QT, 1995 y., 7-son, 26-modda).
2. Vazirlar Mahkamasining "Biologiya resurslaridan oqilona foydalanish, ularni Oʻzbekiston Respublikasiga olib kirish va uning tashqarisiga olib chiqish ustidan nazoratni kuchaytirish toʻgʻrisida" 2004 yil 28 oktyabrdagi 508-son qarori (Oʻzbekiston Respublikasi QT, 2004 y., 10-son, 102-modda).
3. Vazirlar Mahkamasining "Yalangʻoch qizilmiyani qayta ishlaydigan tashkilotlar faoliyatini takomillashtirish va qoʻllab-quvvatlash chora-tadbirlari toʻgʻrisida" 2013 yil 1 martdagi 61-son qarori (Oʻzbekiston Respublikasi QT, 2013 y., 3-son, 14-modda).
"Oʻzbekiston Respublikasi qonun hujjatlari toʻplami",
2014 yil 27 oktyabr, 43-son, 530-modda