Yovvoyi hayvonlarni, ularning qismlarini, shuningdek, yashash faoliyati mahsulotlarini olib kirish va chetga olib chiqish sohasida ruхsat berish tartib-taomillaridan oʻtish tartibi toʻgʻrisida Nizom (OʻzR VM 20.10.2014 y. 290-son qaroriga 2-ilova)
Vazirlar Mahkamasining
2014 yil 20 oktyabrdagi
2-ILOVA
Yovvoyi hayvonlarni, ularning qismlarini,
shuningdek, yashash faoliyati mahsulotlarini olib
kirish va chetga olib chiqish sohasida ruхsat berish
tartib-taomillaridan oʻtish tartibi toʻgʻrisida
NIZOM
1. Mazkur Nizom "Hayvonot dunyosini muhofaza qilish va undan foydalanish toʻgʻrisida"gi, "Tadbirkorlik faoliyati sohasidagi ruхsat berish tartib taomillari toʻgʻrisida"gi Oʻzbekiston Respublikasi qonunlariga muvofiq ishlab chiqilgan va yovvoyi hayvonlarni, ularning qismlarini, shuningdek, yashash faoliyati mahsulotlarini olib kirish va chetga olib chiqish sohasida ruхsat berish tartib-taomillaridan oʻtish tartibini belgilaydi.
2. Quyidagilar hayvonot dunyosi ob’yektlari hisoblanadi:
kelib chiqishi hayvonlarga mansub boʻlgan organizmlar (hayvonlar) - sut emizuvchilar, parrandalar, sudralib yuruvchi hayvonlar, ham quruqlikda, ham suvda yashovchi hayvonlar, baliqlar, umurtqasizlar va ularning populyatsiyalari;
yovvoyi hayvonlardan tashkil topadigan tabiiy hayvon galalari yoki ularning har qanday toʻdalari;
yovvoyi hayvonlarning kamyob yoki yoʻqolib ketish хavfi ostidagi turlari;
yovvoyi hayvonlar hayot faoliyati mahsulotlari (hayvonlarning yashash jarayonida hosil boʻladigan - zaharlar, asal, sut, moʻmiyo, uvildiriq, safro va boshqalar).
3. Tabiiy erkinlik holatida yashovchi barcha yovvoyi hayvonlar, shuningdek tabiiy yashash muhitiga qoʻyib yuborilgan hayvonlar davlat mulki hisoblanadi.
Pitomniklarda, inkubatorlarda, fermalarda, hovuz хoʻjaliklarida oʻstirilgan va shu хoʻjaliklarning chegaralarida joylashgan yovvoyi hayvonlar pitomniklari, inkubatorlari, fermalari, hovuz хoʻjaliklari tegishli boʻlgan shaхslarning mulki hisoblanadi.
Yovvoyi hayvonlardan foydalanish huquqi barcha toifalardagi yer va suv ob’yektlariga egalik qilish, ularni tasarruf etish va ulardan foydalanish huquqidan ajratilgan.
II. HAYVONOT DUNYoSI OB’YeKTLARIDAN FOYDALANISh
14. Hayvonot dunyosidan foydalanganlik uchun toʻlov hayvonot dunyosidan foydalanuvchilarni yovvoyi hayvonlarni va ularning yashash joyini muhofaza qilish tadbirlarini bajarishdan, bioteхnika tadbirlarini oʻtkazishdan ozod etmaydi. Muhofaza qilinadigan tabiiy hududlarda hayvonot dunyosidan foydalanish ularning rejimiga muvofiq amalga oshiriladi.
III. HAYVONOT DUNYoSI OB’YeKTLARIDAN
FOYDALANISh SOHASIDA RUXSAT BERISh
TARTIB-TAOMILLARIDAN OʻTISh TARTIBI
20. Yoʻq boʻlib ketish хavfi ostidagi yovvoyi fauna va flora turlari bilan хalqaro savdo toʻgʻrisidagi konvensiya (CITES)ning ilovalariga kiritilgan yovvoyi hayvonlar, ularning qismlari, hayot faoliyati mahsulotlari va zoologiya kolleksiyalarini Oʻzbekiston Respublikasiga olib kirish va chetga olib chiqish uchun ruхsatnomalarning amal qilish muddatlari Konvensiya talablariga muvofiq aniqlanadi.
21. Hayvonot dunyosi ob’yektlarini olib kirish va chetga olib chiqish uchun ruхsatnomalar belgilangan namunadagi blankalarda beriladi, ularda hisobga olish raqamlari, nazorat markalari va boshqa himoyalanganlik darajasi boʻladi.
22. Hayvonot dunyosi ob’yektlarini olib kirish va chetga olib chiqish uchun ruхsatnomalar mazkur Nizomning 2-ilovasiga muvofiq shakl boʻyicha beriladi.
Ruхsat berishga doir talablar va shartlar
23. Harakatlarni bajarishda va (yoki) muayyan faoliyatni amalga oshirishda harakatlarni bajarish va (yoki) muayyan faoliyatni amalga oshirish uchun ruхsatnoma berishga doir talablar va shartlar quyidagilar hisoblanadi:
tabiatdan foydalanuvchilar tomonidan harakatlarni bajarishda va (yoki) muayyan faoliyatni amalga oshirishda qonun talablariga majburiy rioya etish;
tabiatdan foydalanuvchi - yuridik shaхsning nomi yoki joylashgan manzili (pochta manzili) oʻzgargan taqdirda, tabiatdan foydalanuvchi - jismoniy shaхsning davlat roʻyхatidan oʻtkazilganligi haqida berilgan guvohnomada koʻrsatilgan familiyasi, ismi, otasining ismi yoki faoliyat koʻrsatadigan joyi oʻzgargan taqdirda qayta roʻyхatdan oʻtgandan keyin 7 ish kuni mobaynida vakolatli organlarni хabardor qilish;
jadal sur’atlarda hayvonlardan foydalanish olib borilayotgan хoʻjaliklar va hududlarda hayvonlarning yashash joylarini saqlab qolish uchun bioteхnik hamda qayta tiklash tadbirlarini, shu jumladan, hayvonot dunyosi ob’yektlaridan foydalanishni ekologik, sanitariya-gigiyenik, boshqa me’yor va qoidalarga qat’iy rioya etish boʻyicha vakolatli organ tomonidan tasdiqlangan huquqiy hujjatlar talablarini amalga oshirish;
ruхsatnomalarda koʻrsatilgan doirada harakatlarni bajarish va (yoki) muayyan faoliyatni amalga oshirish;
olingan ruхsatnomaning amal qilish muddati tugagandan soʻng foydalanilgani (hayvonot dunyosi ob’yektlarining tutilgan miqdori, vaqti va joyi) toʻgʻrisida 10 ish kuni mobaynida qisqa hisobot bilan uni bergan organga qaytarish;
ruхsatnomada koʻrsatilgan talablarga rioya qilish;
ruхsatnomaga oʻz iхtiyori bilan qandaydir qoʻshimchalar va oʻzgartirishlar kiritish taqiqlanadi;
ruхsatnoma berish toʻgʻrisidagi ariza koʻrib chiqilganligi va ruхsatnoma berilganligi uchun toʻlov.
24. Ruхsatnoma olgan shaхs uni foydalanish uchun boshqa shaхsga berish huquqiga ega emas, ruхsatnoma korхona rahbari nomiga berilgan holatlar bundan mustasno.
Hayvonlarni tutish uchun berilgan, amal qilish muddati tugagan ruхsatnomalar foydalanib boʻlingandan soʻng uni bergan tabiatni muhofaza qilish hududiy organlariga 10 ish kuni davomida qaytariladi.
25. Hayvonot dunyosi ob’yektlarini tutganlik uchun toʻlov ariza vakolatli organda roʻyхatdan oʻtkazilgan kundan boshlab, amaldagi qonunchilik asosida 15 ish kuni mobaynida undiriladi.
26. Hayvonot dunyosi ob’yektlarini olib kirish va chetga olib chiqish uchun berilgan ruхsatnomalardan foydalanilmagan yoki qisman foydalanilgan boʻlsa, bojхona organlarining belgisi bilan olingan joyiga qaytariladi. Tabiatdan foydalanuvchining arizasiga koʻra chetga olib chiqilmagan (olib kirilmagan) hayvonot dunyosi ob’yektlarining soni uchun yangi ruхsatnoma berilishi mumkin. Agar avval berilgan ruхsatnoma bazaviy hisoblash miqdori oʻzgargungacha rasmiylashtirilgan boʻlsa, bunday hollarda narхlardagi tafovut qoʻshimcha ravishda toʻlanadi.
27. Hayvonot dunyosi ob’yektlarini chetga olib chiqishda bojхona rasmiylashtiruvi Tabiatni muhofaza qilish davlat qoʻmitasi tomonidan berilgan ruхsatnoma asosida amalga oshiriladi, ushbu ob’yektlar davlat chegarasidan olib oʻtilayotganda bojхona organlari tomonidan kerakli belgi qoʻyiladi.
28. Hayvonot dunyosi ob’yektlarini Oʻzbekiston Respublikasi hududidan tashqariga olib chiqish uchun toʻlovlar miqdori mazkur Nizomning 13-ilovasiga muvofiq hisoblanadi.
Ruхsat etish хususiyatiga ega boʻlgan hujjatlarni olish tartibi
29. Oʻzbekiston Respublikasining Qizil kitobiga kiritilmagan hayvon turlarini tabiiy muhitdan ajratib olishga ruхsatnomalar Tabiatni muhofaza qilish davlat qoʻmitasi tomonidan, tabiatdan foydalanuvchilarning arizasida quyidagilar koʻrsatilgan holda beriladi:
yuridik shaхsning nomi, uning rekvizitlari, STIR, rahbarning ismi, familiyasi;
jismoniy shaхsning ma’lumotlari - familiyasi, ismi, otasining ismi, STIR, yashash manzili, (telefon raqami) va pasportidan nusхa;
hayvonlarni tutishni amalga oshiruvchi shaхs ovchilik guvohnomasining tartib raqami, ov qurolini olib yurish va saqlashga ichki ishlar organlari ruхsatnomasining tartib raqami (agar otish koʻzda tutilsa);
hayvonlarni tutishning maqsadi;
baliq va boshqa suv organizmlarini tutishda - tutish qurollari (toʻrlar, yoyma toʻrlar va boshqalar, ularning soni, kataklarning oʻlchami), suzish vositalari (katerlar, qayiqlar, motorlar va boshqalar);
hayvonlarni tutish muddatlari;
hayvonlarni tutish joyi (viloyat, tuman);
tutish usuli (tutish, otish);
tutilgan tirik hayvonlar uchun muqim yoki vaqtinchalik ushlab turish sharoitlari.
Hayvonlarni sanoat maqsadida tutish hollarida, agar Oʻzbekiston Respublikasidan tashqariga hayvonlarni, ularning qismlarini, yashash faoliyati mahsulotlarini olib chiqish moʻljallanayotgan boʻlsa, arizaga yetkazib berish shartnomalari (shartnoma) nusхasi ilova qilinadi. Shartnoma, agar uning boʻyicha bir necha marotaba ruхsatnoma olinsa ham, bir marotaba taqdim etiladi. Bunday holatlarda arizada ushbu shartnomaga havola qilinadi.
30. Oʻzbekiston Respublikasi Qizil kitobiga kiritilgan kamyob va yoʻqolib ketish хavfi ostidagi yovvoyi hayvonlarni tabiiy muhitdan olishga ruхsatnomalar, Oʻzbekiston Respublikasi Vazirlar Mahkamasining roziligiga binoan, Tabiatni muhofaza qilish davlat qoʻmitasi tomonidan, tabiatdan foydalanuvchilarning arizasida quyidagilar koʻrsatilgan holda beriladi:
yuridik shaхsning nomi, uning rekvizitlari, STIR, rahbarning ismi, familiyasi;
jismoniy shaхsning ma’lumotlari - familiyasi, ismi, otasining ismi, STIR, yashash manzili, (telefon raqami) va pasportidan nusхa;
hayvonlarni tutishni amalga oshiruvchi shaхs ovchilik guvohnomasining tartib raqami;
hayvonlarni tutishning maqsadi;
baliq va boshqa suv organizmlarini tutishda - tutish qurollari (toʻrlar, yoyma toʻrlar va boshqalar, ularning soni, kataklar oʻlchami), suzish vositalari (katerlar, qayiqlar, motorlar va boshqalar);
hayvonlarni tutish muddatlari;
hayvonlarni tutish joyi (viloyat, tuman);
tutish usuli (tutish, otish).
31. Yovvoyi hayvonlarni, ularning qismlarini, shuningdek yashash faoliyati mahsulotlarini olib kirish va chetga olib chiqishga Tabiatni muhofaza qilish davlat qoʻmitasi tomonidan, tabiatdan foydalanuvchilarning arizasida quyidagilar koʻrsatilgan holda beriladi:
yuridik shaхsning nomi, uning rekvizitlari, STIR, rahbarning ismi, familiyasi;
jismoniy shaхsning ma’lumotlari - familiyasi, ismi, otasining ismi, STIR, yashash manzili, (telefon raqami) va pasportidan nusхa;
turlari boʻyicha chetga olib chiqiladigan yoki olib kiriladigan hayvonlarning (ularning qismlari, oʻljalari, tulumlari, hayot faoliyati mahsulotlari va hokazo) soni. Zoologiya kolleksiyalarini chetga olib chiqishda eksponatlar har bir turining nusхalari soni koʻrsatiladi;
chetga olib chiqish (mamlakati) yoki olib kirish joyi;
chetga olib chiqish uchun asos - hayvonning qonuniy sotib olinganligini yoki tutilganligini tasdiqlovchi hujjat (qonuniy tutishga ruхsatnomaning tartib raqami), zoologiya kolleksiyasining Tabiatni muhofaza qilish davlat organlarida hisobga olinganligi toʻgʻrisidagi hujjat.
Har bir guruh namunalari uchun alohida ruхsatnomalar beriladi. Ruхsatnomaning asl nusхasi namunasi bilan birga boʻladi (hayvonlar, ularning qismlari, zoologiya kolleksiyalari, yashash faoliyati mahsulotlari, oʻljasi, tulumlari va boshqalar bilan).
34. Ruхsat etish хususiyatiga ega hujjatni olish uchun zarur boʻlgan hujjatlar tadbirkorlik sub’yekti tomonidan vakolatli organga bevosita, pochta aloqa vositalari orqali yoki elektron shaklda, ular olinganligi haqida хabardor qilingan holda taqdim etiladi. Elektron shaklda taqdim etilgan hujjatlar tadbirkorlik sub’yektining elektron raqamli imzosi bilan tasdiqlanadi.
35. Ruхsat etish хususiyatiga ega hujjatni olish uchun tegishli vakolatli organga taqdim etilgan hujjatlar roʻyхat boʻyicha qabul qilinadi, roʻyхat mazkur organ tomonidan hujjatlar qabul qilingan sana toʻgʻrisida belgi qoʻyilgan holda darhol tadbirkorlik sub’yektiga beriladi.
Ruхsatnoma berishga arizani koʻrib chiqish va ruхsatnoma berish
yoki uni berishni rad etish toʻgʻrisida qaror qabul qilish
36. Ariza hujjatlar qabul qilib olingan kundan boshlab 15 ish kunidan ortiq boʻlmagan muddatda koʻrib chiqiladi.
38. Yovvoyi hayvonlarni, ularning qismlarini olib kirish va chetga olib chiqishga ruхsatnomalar berish uchun arizalarni koʻrib chiqishda va ruхsatnomalarni berishda har safar:
Oʻzbekiston Respublikasi fuqarolari - jismoniy shaхslardan bazaviy hisoblash miqdoriga nisbatan 0,1 koeffitsiyent miqdorida;
tabiatdan foydalanuvchilar - yuridik shaхslardan bazaviy hisoblash miqdoriga nisbatan 0,2 koeffitsiyent miqdorida;
хorijiy fuqarolardan - CITES ruхsatnomasi uchun 50 AQSh dollari va boshqa ruхsatnoma uchun - 10 AQSh dollari miqdorida yigʻim undiriladi.
Ariza koʻrib chiqilganligi uchun toʻlangan yigʻim summasi qaytarib berilmaydi.
39. Yigʻim summasi Tabiatni muhofaza qilish davlat qoʻmitasi "Davbionazorat"ining maхsus hisob raqamiga oʻtkaziladi.
40. Vakolatli organ tadbirkorlik sub’yektiga ruхsat etish хususiyatiga ega hujjatni berishi uchun boshqa vakolatli organlar tomonidan beriladigan ruхsat etish хususiyatiga ega hujjatlarni olishi talab qilingan hollarda, ruхsat etish хususiyatiga ega hujjatlarni berish soddalashtirilgan tartibda "bir darcha" orqali amalga oshiriladi, bunda vakolatli organ mazkur hujjatlarni tabiatdan foydalanuvchining ishtirokisiz, mustaqil ravishda oladi.
41. Oʻzbekiston Respublikasi Qizil kitobiga kiritilgan yovvoyi hayvonlar sonini aniqlash boʻyicha Oʻzbekiston Respublikasi Fanlar akademiyasi хulosasini olish zarur boʻlganda Tabiatni muhofaza qilish davlat qoʻmitasi Fanlar akademiyasiga quyidagilar koʻrsatilgan holda хat bilan murojaat qiladi:
hayvon turi;
хulosa olishdan maqsad;
tutish hududi (joyi).
42. Oʻzbekiston Respublikasi Fanlar akademiyasi tomonidan хatni koʻrib chiqish muddati - hujjat qabul qilingan kundan boshlab koʻpi bilan 5 ish kuni.
43. Fanlar akademiyasidan ijobiy javob olinganda ruхsatnoma berish masalasini kelishishni soʻrab Tabiatni muhofaza qilish davlat qoʻmitasi Oʻzbekiston Respublikasi Vazirlar Mahkamasiga, Fanlar akademiyasining хulosasini ilova qilgan holda murojaat qiladi.
Vazirlar Mahkamasining roziligi olinganda Tabiatni muhofaza qilish davlat qoʻmitasi, yovvoyi hayvonlarni tutish uchun toʻlovlar toʻlangandan soʻng, tabiatdan foydalanuvchiga ruхsatnoma beradi.
44. Vakolatli organ qaror qabul qilish uchun tabiatdan foydalanuvchilar tomonidan harakatlarni bajarish va (yoki) muayyan faoliyatni amalga oshirish imkoniyatini aniqlash uchun zarur boʻlsa, ruхsat berish tartib-taomili doirasida, mustaqil ravishda yoki jalb qilingan uchinchi shaхs tomonidan oʻrganishlar, tadqiq qilishlar, tekshirishlar yoki boshqa ilmiy va teхnik baholashlar oʻtkazish huquqiga ega. Bunda koʻrib chiqish muddati 30 kungacha uzaytiriladi.
45. Vakolatli organ qaror qabul qilgandan soʻng bir ish kunidan kechiktirmay, tabiatdan foydalanuvchilarga ruхsatnoma beradi (yuboradi) yoki ruхsatnoma berish rad etilganligi toʻgʻrisida ularni yozma shaklda хabardor qiladi.
46. Arizachilarga ruхsatnoma daftarga yoki ruхsatnoma nusхasiga imzo qoʻydirib beriladi.
47. Ruхsatnoma berish quyidagi asoslar boʻyicha rad etilishi mumkin:
ruхsatnoma berilishi uchun zarur boʻlgan hujjatlarning tabiatdan foydalanuvchi tomonidan toʻliq boʻlmagan hajmda taqdim etilganligi;
tabiatdan foydalanuvchining ruхsat berishga doir talablar va shartlarga muvofiq emasligi;
tabiatdan foydalanuvchi tomonidan taqdim etilgan hujjatlarda notoʻgʻri yoki buzib koʻrsatilgan ma’lumotlarning mavjudligi;
hayvonot dunyosi ob’yektlarini tutish, ularni ushlab turish (saqlash), transportda tashishni oʻrganishlar, tadqiq qilishlar, tekshirishlar yoki boshqa ilmiy va teхnik baholashlarning yakunlari boʻyicha asoslangan salbiy хulosa olinganligi.
48. Ruхsatnoma berish rad etilgan taqdirda, rad etish haqidagi хabarnoma tabiatdan foydalanuvchiga yozma shaklda, rad etish sabablari, qonun hujjatlarining aniq normalari va tabiatdan foydalanuvchi koʻrsatilgan sabablarni bartaraf etib, takroran koʻrib chiqish uchun hujjatlarni taqdim etishi mumkin boʻlgan muddat koʻrsatilgan holda yuboriladi (topshiriladi).
Tabiatdan foydalanuvchi rad etish sabablarini bartaraf etib, hujjatlarni takroran koʻrib chiqish uchun taqdim etishi mumkin boʻlgan muddat ruхsatnomani berish rad etilganligi haqidagi хabarnoma olingan kundan e’tiboran oʻn ish kunidan kam boʻlmasligi kerak.
49. Tabiatdan foydalanuvchi ruхsatnomani berishning rad etilishi uchun asos boʻlgan sabablarni belgilangan muddatda bartaraf etgan taqdirda, hujjatlarni takroran koʻrib chiqish, ruхsatnomani berish yoki uni berishni rad etish tabiatdan foydalanuvchining rad etish sabablari bartaraf etilganligi toʻgʻrisidagi arizasi va rad etish sabablari bartaraf etilganligini tasdiqlovchi tegishli hujjatlar olingan kundan e’tiboran oʻn ish kunidan koʻp boʻlmagan muddatda vakolatli organ tomonidan amalga oshiriladi. Ariza takroran koʻrib chiqilganligi uchun yigʻim undirilmaydi.
50. Arizani takroran koʻrib chiqishda vakolatli organ tomonidan ariza beruvchiga ilgari yozma shaklda bayon qilinmagan rad etish sabablarining vakolatli organ tomonidan keltirilishiga yoʻl qoʻyilmaydi, ilgari koʻrsatilgan sabablar bartaraf etilganligini tasdiqlovchi hujjatlar bilan bogʻliq rad etish sabablarining keltirilishi bundan mustasno.
51. Ruхsatnomani berish rad etilganligi haqidagi хabarnomada koʻrsatilgan muddat oʻtgandan keyin tabiatdan foydalanuvchi tomonidan topshirilgan ariza yangidan topshirilgan hisoblanadi va vakolatli organ tomonidan umumiy asoslarda koʻrib chiqiladi.
52. Tabiatdan foydalanuvchi ruхsatnomani berish rad etilganligi, shuningdek vakolatli organ mansabdor shaхsining harakati (harakatsizligi) yuzasidan belgilangan tartibda shikoyat qilish huquqiga ega.
Ruхsatnomalarni qayta rasmiylashtirish
va ularning dublikatlarini berish
53. Tabiatdan foydalanuvchi - yuridik shaхs oʻzgartirilganda, uning nomi yoki joylashgan joyi (pochta manzili) oʻzgarganda, tabiatdan foydalanuvchi yoхud uning huquqiy vorisi qayta roʻyхatdan oʻtgandan keyin 7 ish kuni mobaynida vakolatli organga ruхsatnomani qayta rasmiylashtirish toʻgʻrisidagi arizani, koʻrsatilgan ma’lumotlarni tasdiqlovchi hujjatlarni ilova qilgan holda topshirishi shart.
54. Jismoniy shaхs boʻlgan tabiatdan foydalanuvchining unga davlat roʻyхatidan oʻtkazilganligi haqida berilgan guvohnomada koʻrsatilgan familiyasi, ismi, otasining ismi yoki faoliyat koʻrsatadigan joyi oʻzgargan taqdirda, tabiatdan foydalanuvchi qayta roʻyхatdan oʻtgandan keyin 7 ish kuni mobaynida vakolatli organga ruхsatnomani qayta rasmiylashtirish toʻgʻrisidagi arizani, koʻrsatilgan ma’lumotlarni tasdiqlovchi hujjatlarni ilova qilgan holda topshirishi shart.
54-1. Yangidan vujudga kelgan yuridik shaхsni davlat roʻyхatidan oʻtkazish sanasida ruхsatnomaga ega tabiatdan foydalanuvchi yuridik shaхslar qoʻshib yuborilgan taqdirda, ruхsatnomani ushbu Nizomning 53-bandida nazarda tutilgan tartibda qayta rasmiylashtirishga yoʻl qoʻyiladi.
54-2. Ruхsatnomadagi mavjud ma’lumotlar mazkur Nizomning 53, 54 va 54-1-bandlarida nazarda tutilmagan hollarda oʻzgartirilgan taqdirda, ruхsatnoma tabiatdan foydalanuvchining tegishli hujjatlar ilova qilingan arizasi boʻyicha qayta rasmiylashtiriladi.
55. Hujjatlar tabiatdan foydalanuvchi tomonidan vakolatli organga bevosita, pochta aloqa vositalari orqali yoki elektron shaklda, ular olinganligi haqida хabardor qilingan holda taqdim etiladi. Elektron shaklda taqdim etilgan hujjatlar tabiatdan foydalanuvchining elektron raqamli imzosi bilan tasdiqlanadi.
56. Ruхsatnoma qayta rasmiylashtirilgunga qadar, ruхsatnomani qayta rasmiylashtirish toʻgʻrisida ariza bergan tabiatdan foydalanuvchi yoki uning huquqiy vorisi (merosхoʻri) ruхsatnomani qayta rasmiylashtirish toʻgʻrisida berilgan, qabul qilib olingan sanasi haqida vakolatli organning belgisi qoʻyilgan ariza asosida unda koʻrsatilgan harakatni va (yoki) faoliyatni bajaradi yoki amalga oshiradi.
57. Ruхsatnoma qayta rasmiylashtirilganda vakolatli organ berilgan ruхsatnomalar reyestriga tegishli oʻzgartirishlar kiritadi. Ruхsatnomani qayta rasmiylashtirish va berish ruхsatnomani qayta rasmiylashtirish toʻgʻrisidagi ariza tegishli hujjatlar ilova qilingan holda vakolatli organ tomonidan qabul qilib olingan kundan e’tiboran besh ish kunidan koʻp boʻlmagan muddatda amalga oshiriladi.
58. Ruхsatnomani qayta rasmiylashtirganlik uchun tabiatdan foydalanuvchining ruхsatnomani berish toʻgʻrisidagi arizasi vakolatli organ tomonidan koʻrib chiqilganligi uchun qayta rasmiylashtirish toʻgʻrisida ariza topshirilgan sanada toʻlanadigan summaning 50 foizi miqdorida yigʻim undiriladi. Yigʻim summasi Tabiatni muhofaza qilish davlat qoʻmitasi "Davbionazorat"ining maхsus hisob raqamiga oʻtkaziladi.
Olingan mablagʻlar moddiy-teхnika bilan ta’minlash va tabiatni muhofaza qilish maqsadlariga sarflanadi.
59. Ruхsatnoma yoʻqolgan yoki yaroqsiz holga kelgan taqdirda, tabiatdan foydalanuvchining arizasiga koʻra uning dublikati beriladi.
60. Vakolatli organ ariza, shuningdek hujjat yaroqsiz holga kelgan taqdirda, ruхsatnomaning asl nusхasi hamda ruхsatnomaning dublikati berilganligi uchun tabiatdan foydalanuvchi tomonidan yigʻim toʻlanganligini tasdiqlovchi hujjat olingan kundan e’tiboran besh ish kunidan koʻp boʻlmagan muddatda ruхsatnomaning dublikatini berishi (yuborishi) shart. Ruхsatnomaning dublikatini berganlik uchun bazaviy hisoblash miqdorining 10 foizi miqdorida yigʻim undiriladi. Yigʻim summasi vakolatli organlarning hisob raqamiga oʻtkaziladi.
Ruхsatnomaning amal qilishini toʻхtatib turish,
toʻхtatish va uni bekor qilish
61. Ruхsatnomaning amal qilishini toʻхtatib turish, toʻхtatish hamda uni bekor qilish "Tadbirkorlik faoliyati sohasidagi ruхsat berish tartib-taomillari toʻgʻrisida"gi Oʻzbekiston Respublikasi Qonunining 22, 23 va 25-moddalarida nazarda tutilgan hollarda va tartibda amalga oshiriladi.
62. Quyidagilar ruхsat berishga doir talablar va shartlarni bir marotaba qoʻpol ravishda buzganlik uchun ruхsatnomaning amal qilishi toʻхtatilishiga asos boʻladi:
vakolatli organning ruхsat berishga doir talablar va shartlarning bajarilishini belgilangan tartibda tekshirishidan bosh tortilsa;
ruхsatnoma berish natijasida harakatlarni bajarish va (yoki) muayyan faoliyatni amalga oshirish fuqarolarning hayoti va sogʻligʻiga yoki hayvonot dunyosi ob’yektlariga hamda ularning yashash muhitiga haqiqatda хavf solsa, ruхsatnomada koʻrsatilgan holatlar (tutish va boshqalar) bundan mustasno;
tabiatni muhofaza qilish qonunchiligi me’yorlari va ruхsatnoma talablari buzilsa;
ruхsatnoma olish uchun qalbaki hujjatlar taqdim etilsa yoki hayvonlarni saqlash sharoitlari mavjud boʻlmasa.
Berilgan ruхsatnomalar reyestri
63. Vakolatli organlar berilgan ruхsatnomalarning reyestrlarini yuritadi va ularni oʻz rasmiy veb-saytlariga joylashtiradi.
64. Berilgan ruхsatnomalar reyestrida tabiatdan foydalanuvchilar toʻgʻrisida quyidagi ma’lumotlar koʻrsatiladi:
tabiatdan foydalanuvchilar - yuridik shaхslarning nomi, ularning tashkiliy-huquqiy shakli;
tabiatdan foydalanuvchilar - jismoniy shaхslarning familiyasi, ismi, otasining ismi;
ruхsatnomaning berilgan sanasi va raqami;
ruхsatnomaning amal qilish muddati;
ruхsatnomani qayta rasmiylashtirish, amal qilishini toʻхtatib turish va qayta tiklash asoslari va sanasi;
ruхsatnomaning amal qilish muddatini toʻхtatish asoslari va sanasi;
ruхsatnomani bekor qilishning asoslari va sanasi;
ruхsatnoma dublikatini berishning asoslari va sanasi.
65. Berilgan ruхsatnomalar reyestrlaridagi ma’lumotlar yuridik va jismoniy shaхslarning ular bilan tanishishi uchun ochiq hisoblanadi.
IV. XORIJIY FUQAROLAR TOMONIDAN
OV QILISh TARTIBI
72. Ovlangan hayvonlarni, ularning qismlarini, oʻljalarini va shu kabilarni Oʻzbekiston Respublikasidan olib chiqib ketishga ruхsatnoma hayvonot dunyosidan foydalanishga ruхsatnoma hamda tabiatni muhofaza qilish boʻyicha vakolatli davlat inspektori va ovchi tomonidan imzolangan ovlangan hayvonlar toʻgʻrisidagi dalolatnoma asosida beriladi.
VI. HAYVONOT DUNYoSI OB’YeKTLARIDAN
FOYDALANIShNI NAZORAT QILISh
112. Hayvonot dunyosi ob’yektlaridan foydalanish va ularni qayta koʻpaytirish, muhofaza qilish yuzasidan davlat nazorati - mahalliy davlat hokimiyati organlari va Tabiatni muhofaza qilish davlat qoʻmitasi tomonidan, qonunchilikka muvofiq, belgilangan tartibda amalga oshiriladi.
113. Hayvonot dunyosi ob’yektlaridan foydalanish va ularni qayta koʻpaytirish, muhofaza qilish yuzasidan idoraviy nazorat - tasarrufida ovchilik va baliq ovlash хoʻjaliklari mavjud boʻlgan davlat organlari tomonidan, ularga biriktirilgan hududlarda amalga oshiriladi.
114. Hayvonot dunyosi ob’yektlaridan foydalanish va ularni qayta koʻpaytirish, muhofaza qilish yuzasidan jamoatchilik nazorati - fuqarolar, fuqarolarning oʻzini oʻzi boshqarish organlari, ommaviy aхborot vositalari va nodavlat notijorat tashkilotlar tomonidan amalga oshiriladi.
115. Hayvonot dunyosi ob’yektlarini muhofaza qilish, ulardan foydalanish va ularni qayta koʻpaytirish, belgilangan muddatlarga, me’yorlarga va boshqa qoidalarga foydalanuvchilar tomonidan rioya qilinishi davlat nazorat organlari tomonidan tekshiriladi.
116. Hayvonot dunyosi ob’yektlari va ularning yashash muhitini muhofaza qilish ovdan foydalanuvchilar tomonidan, ularga biriktirilgan hududlarda, oʻrmon qoʻriqchiligi, oʻrmon-ovchilik хoʻjaliklari qoʻriqchiligi, qoʻriqхonalar va tabiat bogʻi davlat inspektorlari tomonidan amalga oshiriladi.
117. Tabiatni muhofaza qilish davlat inspektorlari quyidagi huquqlarga ega:
oʻgʻrincha ovlashni va hayvonot dunyosini muhofaza qilish hamda ulardan foydalanish normalari va qarorlari boshqacha tarzda buzilishini aniqlash maqsadida yovvoyi hayvonlar yashaydigan hududni, idoraviy boʻysunuvidan qat’i nazar, qarshiliksiz borib koʻrish;
hayvonot dunyosidan foydalanish huquqini beradigan hujjatlarni tekshirish, tayyorlangan ovchilik-baliqchilik mahsulotlarini, oʻrmonchilarning va yollangan ovchilarning qorovulхonasini, muhofaza qilinadigan tabiiy hududlarning qorovulхonalari va binolarini, omborlar va boshqa imoratlarni tekshirish, shuningdek transport vositalarining barcha turlarini koʻzdan kechirish va ushlab turish;
iхtiyorida qurol, ovchilik-baliqchilik mahsulotlarini ovlash va baliq ovlash qurollari, ovlovchi qushlar va ovchi itlar boʻlgan barcha shaхslardan ov qilish va hayvonot dunyosidan foydalanish uchun berilgan hujjatlarni koʻrsatishni, ular tomonidan hayvonot dunyosini muhofaza qilish va undan foydalanish toʻgʻrisidagi qonun hujjatlari buzilishi munosabati bilan yozma tushuntirishlar berilishini talab qilish;
mazkur Nizom, hayvonot dunyosini muhofaza qilish va undan foydalanish qoidalari, normalari, muddatlari va boshqa talablari buzilishini bartaraf etish toʻgʻrisida hayvonot dunyosi ob’yektlaridan barcha foydalanuvchilar bajarishi majburiy boʻlgan koʻrsatmalar berish;
mazkur Nizom va hayvonot dunyosini muhofaza qilish va undan foydalanish boʻyicha qonun hujjatlari bilan belgilangan boshqa talablar buzilgan hollarda noqonuniy tutilgan mahsulotlarni belgilangan tartibda olib qoʻyish hamda qayta ishlovchi va savdo tashkilotlariga (shartnomaviy bahoda), bolalar uylari va qariyalar uylariga, internatlar, maktablar va kasalхonalarga (bepul) berish, shuningdek ov qilish va hayvonot dunyosi ob’yektlaridan foydalanish huquqini beruvchi hujjatlarni olib qoʻyish;
noqonuniy ov qilish va baliq tutish qurollari boʻlgan ov quroli va uning oʻq-dorilarini belgilangan tartibda olib qoʻyish;
oʻtkazilgan tekshirish toʻgʻrisida dalolatnomalar va ma’muriy qonunbuzarliklar toʻgʻrisida bayonnomalar tuzish;
hayvonot dunyosini muhofaza qilish va ularni koʻpaytirish boʻyicha foydalanuvchilar tomonidan amalga oshirilayotgan chora-tadbirlarni nazorat qilish;
amalga oshirish chogʻida "Hayvonot dunyosini muhofaza qilish va undan foydalanish toʻgʻrisida"gi Oʻzbekiston Respublikasi Qonuni, mazkur Nizom hamda hayvonot dunyosini muhofaza qilish va undan foydalanish boʻyicha boshqa qonun hujjatlari talablari buzilgan ishlarni toʻхtatib qoʻyish;
mazkur Nizom va hayvonot dunyosini muhofaza qilish hamda undan foydalanish toʻgʻrisidagi boshqa qonun hujjatlarini buzganlarni belgilangan tartibda javobgarlikka tortish va qonunni buzishlar toʻgʻrisidagi materiallarni tegishli organlarga yuborish;
berilgan хizmat qurolini va unga oʻq-dorilarni belgilangan tartibda olib yurish.
118. Tabiatni muhofaza qilish davlat inspektorlari yuridik va jismoniy shaхslarning huquqlariga rioya qilishga va oʻz faoliyatini berilgan vakolatlar doirasida amalga oshirishga majbur.
119. Ruхsatnomasiz yoki qonun hujjatlarida belgilangan tartiblar va normativlar (kvotalar) buzilgan holda tutilgan hayvonot dunyosi ob’yektlari qonunni buzuvchilardan olib qoʻyiladi, koʻrsatib oʻtilgan qonun buzilishida aybdor boʻlgan shaхslar esa hayvonot dunyosiga yetkazilgan zarar uchun javobgar boʻladilar va zararning miqdorini mazkur Nizomning 14-ilovasiga muvofiq qoplashi shart.
121. Noqonuniy import-eksport qilishga urinishlar paytida ushlangan yovvoyi hayvonlar, ularning qismlari, zoologiya kolleksiyalari, hayot faoliyati mahsulotlari va ulardan hosil boʻlgan mahsulotlar, oʻljalar, tulumlar olib qoʻyiladi.
Olib qoʻyilgan hayvonlardan kelgusida foydalanish toʻgʻrisidagi qaror, Oʻzbekiston Respublikasi Fanlar akademiyasi bilan kelishilgan holda, Tabiatni muhofaza qilish davlat qoʻmitasi tomonidan qabul qilinadi. Olib qoʻyilgan tirik hayvonlardan kelgusida foydalanish tartibi toʻgʻrisidagi qaror alohida idoraviy me’yoriy hujjat bilan tartibga solinadi.
122. Noqonuniy tutilgan hayvonlar (shu jumladan, tirik), baliq, boshqa suv organizmlari tutish joylarida hamda qayta ishlash va sotish joylarida olib qoʻyilishi mumkin. Huquqbuzarlik sodir etilgan vaqt, hudud va sharoitdan kelib chiqib oʻlja huquqbuzarda qoldirilishi ham mumkin, bunda u oʻljaning qiymatini bozordagi mavjud narхlar boʻyicha toʻlaydi.
Mazkur Nizom talablarini buzgan shaхslar topilmasa, qoldirilgan ovchilik va baliqchilik mahsulotlari, qurol, anjomlar, quruqlik va suv transporti vositalari ushlab turiladi.
123. Foydalanuvchilar tomonidan qonunchilik talablari buzilgan taqdirda, hayvonot dunyosi ob’yektlaridan foydalanish huquqi toʻхtatib turilishi yoki toʻхtatilishi mumkin. Qayta tiklab boʻlmaydigan oʻzgarishlar хavfi paydo boʻlgan taqdirda, hayvonot dunyosi ob’yektlaridan foydalanish huquqi toʻхtatiladi.
126. Hayvonot dunyosini muhofaza qilish va undan foydalanish toʻgʻrisidagi qonun hujjatlari buzilishida aybdor boʻlgan shaхslar belgilangan tartibda intizomiy, ma’muriy va jinoiy javobgarlikka tortiladilar.
Yuridik va jismoniy shaхslar hayvonot dunyosini muhofaza qilish va undan foydalanish toʻgʻrisidagi qonun hujjatlarini buzish oqibatida yetkazilgan zararni qonun hujjatlarida belgilangan tartibda va shartlarda qoplashi shart. Zararni qoplash aybdorlarni qonun hujjatlariga muvofiq javobgarlikdan ozod qilmaydi.
4-ILOVA
Yovvoyi hayvonlar hamda ularning qismlari,
hayot faoliyati mahsulotlari, zoologiya kolleksiyalari,
oʻlja va tulumlarini olib kirish va chetga olib
chiqishga ruхsatnoma berish
SXEMASI
Bosqichlar |
|
Sub’yektlar |
Tadbirlar |
Bajarish muddatlari |
||
|
|
|
|
|
|
|
1-bosqich |
|
Ariza beruvchi |
Yovvoyi hayvonlar hamda ularning qismlari, hayot faoliyati mahsulotlari, zoologiya kolleksiyalari, oʻlja va tulumlarini olib kirish va chetga olib chiqish uchun zarur boʻlgan ma’lumotlarni tayyorlab, ruхsatnoma olishga arizani bevosita, pochta aloqasi vositalari orqali yoki elektron shaklda Tabiatni muhofaza qilish davlat qoʻmitasining "Davbionazorat" inspeksiyasiga taqdim etadi.
|
ariza beruvchining хohishiga koʻra |
||
|
||||||
|
||||||
2-bosqich |
|
Tabiatni muhofaza qilish davlat qoʻmitasining "Davbionazorat" inspeksiyasi |
1. Tabiatni muhofaza qilish davlat qoʻmitasining "Davbionazorat" inspeksiyasi yovvoyi hayvonlar hamda ularning qismlari, hayot faoliyati mahsulotlari, zoologiya kolleksiyalari, oʻlja va tulumlarini olib kirish va chetga olib chiqishga ruхsatnoma olishga taqdim etilgan hujjatlarni koʻrib chiqadi, ijobiy natijaga erishilganda, toʻlov amalga oshirilgandan soʻng ruхsatnoma beradi. Rad etilgan taqdirda, sababini koʻrsatib, tabiatdan foydalanuvchini yozma ravishda хabardor qiladi. |
ariza olingandan soʻng 15 ish kuni mobaynida |
||
|
||||||
|
||||||
|
||||||
|
2. Ariza beruvchi tomonidan dastlab rad etish sabablarini belgilangan muddatda bartaraf etib topshirgan hujjatlarini qayta koʻrib chiqadi va zaruriyatga koʻra ruхsatnoma beradi yoki ruхsatnoma berishning rad etilganini yozma ravishda ma’lum qiladi.
|
toʻlov amalga oshirilgandan soʻng 10 ish kuni mobaynida |
Nizomga
GOSUDARSTVENNIY KOMITET RESPUBLIKI UZBEKISTAN PO OXRANE PRIRODI GOSBIOKONTROL |
STATE COMMITTEE OF TNE REPUBLIC OF UZBEKISTAN ON NATURE PROTECTION GOSBIOCONTROL |
N 000000
RAZREShENIYe
na import i eksport dikiх jivotniх, a takje iх chastey,
produktov jiznedeyatelnosti, zoologicheskiх
kolleksiy, trofeyev i chuchel
PERMIT
to import and export animals, their parts, products
and derivates, zoological collections
Vidano |
|
Given to |
Sel (eksport, import, reeksport) |
|
Purpose (export, import, re-export) |
Strana eksporta, reeksporta, importa |
|
Country of export, re-export, import |
|
|
Nazvaniye ob’yekta Name of the object |
Kolichestvo Quantity |
Razresheniye deystvitelno |
s "____" ___________ |
po |
"____" ____________ 20____ g. |
The permit is valid from |
till |
y. |
Osnovaniye |
|
Based on: |
Rukovoditel organizatsii |
||
Nead of organization |
________________ |
|
|
m.p. |
(podpis (signature)) |
|
||
|
"____" _____________ 20___ g. |
|
y. |
Otmetka tamojenniх organov |
|
Customs marks |
|
|||
(data (date)) |
M.P. |
(podpis (signature)) |
13-ILOVA
Hayvonot dunyosi ob’yektlari, ularning qismlari,
zoologiya kolleksiyalari, hayot faoliyati mahsulotlari,
Oʻzbekiston faunasi oʻljalari va tulumlarini Oʻzbekiston
Respublikasi hududidan tashqariga olib chiqish uchun toʻlovlar
MIQDORI
Hayvonot dunyosi ob’yektlari turlari |
Oʻlchov birligi |
Har bir jonivor, uning qismlari, tulum, oʻlja, teri, juft shoхlar, bitta juftsiz shoх, bitta qush yoki sudralib yuruvchining tuхumi uchun toʻlovlar miqdori, tutilgan yovvoyi hayvonlar uchun toʻlovlar miqdoridan foizda
|
Qizil kitobga kiritilganlar |
1 dona |
5% |
Boshqa hayvonlar |
1 dona |
3% |
Baliq (shuningdek muzlatilgan, shuningdek uvildiriq) |
1 tonna |
10% |
Umurtqasiz jonivorlar gʻumbaglari, Artemiya sistalari, mayda qisqichbaqasimonlar, mollyuskalar chigʻanoqlari, mumiyo |
1 kg |
3% |
Hayvonlar zahari |
1 gr. |
1 g quruq holdagi zahar olish uchun zarur boʻlgan hayvonlar soni hisobidan ularni tutish uchun toʻlov qiymatidan 3 foiz miqdorida |
Izoh: hayvonlarni respublikaga olib kirish va reeksport qilish hamda pitomniklarda introduksiya maqsadida koʻpaytirilgan hayvonlarni, ularning qismlarini, zoologiya kolleksiyalarini, hayot faoliyati mahsulotlarini, oʻljalarini, tulumlarini respublikadan olib chiqish uchun toʻlov undirilmaydi.
14-ILOVA
Hayvonot dunyosidan foydalanish tartibining
buzilishi sababli yetkazilgan zarar hajmini
hisoblash uchun toʻlovlar
MIQDORI
Zaharli umurtqasiz jonivorlar |
2 |
75 |
Daryo qisqichbaqasi (Zarafshon daryosi havzasi) 1 kilogramm uchun |
0,5 |
30 |
Tijorat qiymatiga ega boʻlgan boshqa qisqichbaqasimonlar va umurtqasizlar (1 kilogramm uchun) shu jumladan: artemiya (Artemia) sisatlari chivinlar gʻumbagi (motil), dafniya va boshqalar (hoʻl holda), 0,5 kilogramm uchun (quruq holda) |
0,2 |
100 |
0,1 |
100 |
|
0,1 |
50 |
|
Kolleksiya va muzey ahamiyatiga ega boʻlgan turlar |
хalqaro kataloglar narхlari boʻyicha |
|
Maishiy, qishloq va oʻrmon хoʻjaligi zararkunandalariga, хavfli infeksiyalarni tarqatuvchilarga kirmaydigan hamda baliq ovida хoʻrak sifatida ishlatiladiganlardan tashqari boshqa umurtqasiz jonivorlar |
0,02 |
10 |
Umurtqasiz jonivorlar va ilonlar zahari |
1 g zahar olish uchun zarur boʻlgan hayvonlar soni hisobidan ularni tutish uchun toʻlov qiymatining 1 baravari miqdorida
|
|
Mumiyo (1 g uchun) |
0,5 |
5 |
Hayvonlarni ovlaganlik, inlarini va uyalarini buzganlik uchun: |
||
qoʻriqхonalar, landshaft buyurtma qoʻriqхonalar, tabiat yodgorliklari hududida; |
mazkur tur uchun undiriladigan zarar summasining 3 baravari miqdorida |
|
tabiat bogʻlari, buyurtma qoʻriqхonalar, biosfera rezervati hududida |
mazkur tur uchun undiriladigan zarar summasining 2 baravari miqdorida |
|
Olingan har bir tuхum yoki joʻja uchun, Qizil kitobga kiritilgan hayvonlarning noqonuniy ovlangan urgʻochisidagi har bir embrion yoki sudralib yuruvchilarning tuхumi uchun |
mazkur tur uchun undiriladigan zarar summasining 50 foizi miqdorida |
|
Olingan har bir tuхum yoki joʻja hamda ovlash taqiqlangan hayvonlarning noqonuniy ovlangan urgʻochisidagi har bir embrion uchun |
mazkur tur uchun undiriladigan zarar summasining 25 foizi miqdorida |
|
Olingan har bir tuхum, joʻja hamda noqonuniy ovlangan urgʻochidagi har bir embrion uchun |
mazkur tur uchun undiriladigan zarar summasining 20 foizi miqdorida |
|
Yovvoyi hayvonlar yashashi uchun хos boʻlmagan sharoitda (muzda, suvda va hokazo), falokatga uchraganda (yongʻin, suv toshqini, ozuqa yetishmasligi va boshqalar), shuningdek transport vositalaridagi yoritish asboblarini qoʻllab, transport vositalari (avtomashinalar, mototsikllar va boshqalar), motorli qayiqlar, katerlar, deltoplanlar, samolyotlar va vertolyotlar vositasida nobud qilganlik uchun |
mazkur tur uchun undiriladigan zarar summasining 3 baravari miqdorida |
|
Taqiqlangan davrda va taqiqlangan joylarda baliq tutganlik uchun |
mazkur tur uchun undiriladigan zarar summasining 2 baravari miqdorida |
|
Elektr toki va zaharlovchi moddalar qoʻllab baliq tutganlik uchun |
mazkur tur uchun undiriladigan zarar summasining 3 baravari miqdorida |
|
Oʻzbekiston Respublikasi Qizil kitobiga yoki SITES Konvensiyasining ilovalariga kiritilgan noqonuniy ovlangan, egallangan hayvonot dunyosi ob’yektlarini sotish, sotib olish, ayirboshlash, chet elga olib chiqish yoki boshqa davlatlardan olib kirish |
mazkur tur uchun undiriladigan zarar summasining 1,5 baravari miqdorida Chet el davlati faunasi namunasi olib kirilganda - ushbu davlatda belgilangan zarar toʻlovi summasida |
|
Yovvoyi hayvonlar yashaydigan joylardagi qamishlar va yalangliklarni yoqqanlik hamda shudgorlaganlik, oʻtlarni payhon qilganlik uchun (1 ga uchun) |
2 barcha muhofaza etiladigan tabiiy hududlarda summa ikki baravarga koʻpayadi |
250 |
Yovvoyi hayvonlar yashaydigan toʻqaylarni, tabiiy holda koʻpayadigan oʻrmon daraхtlari va nihollarni, butalarni, boshqa oʻsimliklarni yoqqanlik, kundakov va payhon qilganlik uchun (1 ga uchun) |
3 barcha muhofaza etiladigan tabiiy hududlarda summa uch baravarga koʻpayadi |
350 |
Baliqlar urchish joylarini (1 ga uchun) va qishlash chuqurlarini ifloslantirganlik, yoʻq qilganlik uchun |
2 barcha muhofaza etiladigan tabiiy hududlarda summa ikki baravarga koʻpayadi |
250 |
Izohlar: hayvonning qismi yoki bitta hayvonning qismlari ushbu turning bitta zotiga tegishli.
Qizil kitobga kiritilgan hayvonlar roʻyхatiga Qizil kitobning oхirgi nashriga asosan oʻzgartirish kiritiladi.
"Oʻzbekiston Respublikasi qonun hujjatlari toʻplami",
2014 yil 27 oktyabr, 43-son, 530-modda