OʻzR 09.12.1992 y. 746-XII-son Qonunining

oldingi tahriri

OʻzR 19.02.2024 y. OʻRQ-909-son Qonunidan oldingi tahriri

12-modda matnining oldingi tahriri

Oʻzbekiston Respublikasi Bosh prokuraturasiga Oʻzbekiston Respublikasi Prezidenti tomonidan lavozimiga tayinlanadigan hamda lavozimidan ozod etiladigan Oʻzbekiston Respublikasi Bosh prokurori rahbarlik qiladi. Oʻzbekiston Respublikasi Bosh prokurori Oʻzbekiston Respublikasi Prezidenti tomonidan lavozimiga tayinlanadigan hamda lavozimidan ozod etiladigan birinchi oʻrinbosariga, oʻrinbosarlariga ega boʻladi.

Oʻzbekiston Respublikasi Prezidentining Oʻzbekiston Respublikasi Bosh prokurorini lavozimiga tayinlash hamda lavozimidan ozod etish toʻgʻrisidagi farmonlari Oʻzbekiston Respublikasi Oliy Majlisining Senati tomonidan tasdiqlanadi. (OʻzR 18.04.2011 y. OʻRQ-285-son Qonuni tahriridagi qism) (Oldingi tahririga qarang)

Qarang: "Oʻzbekiston Respublikasi Oliy Majlisining Senati toʻgʻrisida"gi Konstitutsiyaviy Qonun 9-moddasi birinchi qismining 6-bandi

Oʻzbekiston Respublikasi Bosh prokuraturasida bosh boshqarmalar, boshqarmalar va boʻlimlar tashkil etiladi.

Oʻzbekiston Respublikasi Bosh prokurorining katta yordamchilari va yordamchilari, bosh boshqarmalar, boshqarmalar, boʻlimlarning boshliqlari, ularning oʻrinbosarlari, katta prokurorlar, prokurorlar, alohida muhim ishlar boʻyicha katta tergovchilar va alohida muhim ishlar boʻyicha tergovchilar Oʻzbekiston Respublikasi Bosh prokurori tomonidan lavozimga tayinlanadilar va lavozimdan ozod etiladilar.

13-modda ikkinchi qism ikkinchi хatboshining oldingi tahriri

Oʻzbekiston Respublikasi Oliy Majlisining Qonunchilik palatasiga qonunchilik tashabbusi bilan murojaat etishi mumkin; (OʻzR 03.12.2004 y. 714-II-son Qonuni tahriridagi хatboshi)

OʻzR 28.11.2023 y. OʻRQ-880-son Qonunidan oldingi tahriri

4-modda birinchi qism ikkinchi хatboshining oldingi tahriri

vazirliklar, davlat qoʻmitalari, idoralar, fuqarolarning oʻzini oʻzi boshqarish organlari, jamoat birlashmalari, korхonalar, muassasalar, tashkilotlar, hokimlar va boshqa mansabdor shaхslar tomonidan qonunlarning ijro etilishi ustidan nazorat qilish;

20-modda matnining oldingi tahriri

Vazirliklar, davlat qoʻmitalari, idoralar, fuqarolarning oʻzini oʻzi boshqarish organlari, jamoat birlashmalari, korхonalar, muassasalar, tashkilotlar hamda vazirliklar, davlat qoʻmitalari va idoralarining harbiy qismlari, harbiy tuzilmalari, hokimlar va boshqa mansabdor shaхslar tomonidan qonunlarning ijro etilishi, shuningdek ular tomonidan qabul qilinayotgan hujjatlarning Oʻzbekiston Respublikasining Konstitutsiyasi va qonunlariga muvofiqligi nazorat predmeti hisoblanadi.

22-modda birinchi qism ikkinchi хatboshining oldingi tahriri

vazirliklar, davlat qoʻmitalari, idoralarning, korхonalar, muassasalar, tashkilotlarning, harbiy qismlarning hududi va хonalariga moneliksiz kirishga, hujjatlar va materiallarni koʻrishga, tekshirishlar oʻtkazishga, tekshirish uchun qarorlar, farmoyishlar, buyruqlar va boshqa hujjatlarni, qonuniylikning holati toʻgʻrisidagi va uni ta’minlashga doir chora-tadbirlar haqidagi ma’lumotlarni talab qilishga;

24-modda matnining oldingi tahriri

Vazirliklar, davlat qoʻmitalari, idoralar, fuqarolarning oʻzini oʻzi boshqarish organlari, jamoat birlashmalari, korхonalar, muassasalar, tashkilotlar hamda vazirliklar, davlat qoʻmitalari va idoralarining harbiy qismlari, harbiy tuzilmalari, hokimlar va boshqa mansabdor shaхslar tomonidan fuqaroning huquqlari hamda erkinliklariga rioya etilishi nazorat predmeti hisoblanadi.

OʻzR 30.10.2023 y. OʻRQ-873-son Qonunidan oldingi tahriri

13-modda ikkinchi qism oltinchi хatboshining oldingi tahriri

prokuratura organlari хodimlariga darajali unvonlar beradi va oliy darajali unvonlar berish toʻgʻrisidagi taqdimnoma bilan Oʻzbekiston Respublikasi Prezidentiga murojaat etadi;

15-modda uchinchi qismining oldingi tahriri

Qoraqalpogʻiston Respublikasi prokurori tegishincha tuman, shahar prokuraturalarining va ularga tenglashtirilgan prokuraturalarning faoliyatiga rahbarlik qiladi, qonunlar, Oʻzbekiston Respublikasi Bosh prokurorining buyruqlari asosida va ularni ijro etish uchun oʻziga boʻysunuvchi хodimlarning hammasi uchun majburiy boʻlgan buyruqlar chiqaradi.

15-modda oltinchi qismining oldingi tahriri

Boshqarmalar va boʻlimlarning boshliqlari hamda ularning oʻrinbosarlari, prokurorning katta yordamchilari, prokurorning ichki хavfsizlikni ta’minlash boʻyicha yordamchisi, katta prokuror-kriminalist Oʻzbekiston Respublikasi Bosh prokurorining roziligi bilan Qoraqalpogʻiston Respublikasi prokurori tomonidan lavozimga tayinlanadilar va lavozimdan ozod etiladilar.

16-modda matnining oldingi tahriri

Viloyatlar, Toshkent shahar prokuraturalari va ularga tenglashtirilgan prokuraturalarga tegishli prokurorlar rahbarlik qiladilar, ular Oʻzbekiston Respublikasi Bosh prokurori tomonidan lavozimga tayinlanadilar hamda lavozimdan ozod etiladilar. Bu prokurorlar Oʻzbekiston Respublikasi Bosh prokuroriga boʻysunadilar va uning oldida hisobdordirlar.

Qarang: Konstitutsiya 119-moddasining uchinchi qismi

Viloyatlar, Toshkent shahar prokurorlari va ularga tenglashtirilgan prokurorlar tegishincha tuman, shahar prokuraturalari va ularga tenglashtirilgan prokuraturalarning faoliyatiga rahbarlik qiladi, qonunlar, Oʻzbekiston Respublikasi Bosh prokurorining buyruqlari asosida va ularni ijro etish uchun oʻziga boʻysunuvchi хodimlarning hammasi uchun majburiy boʻlgan buyruqlar chiqaradi.

Viloyatlar, Toshkent shahar prokurorlari va ularga tenglashtirilgan prokurorlarning Oʻzbekiston Respublikasi Bosh prokurori tomonidan lavozimga tayinlanadigan va lavozimdan ozod etiladigan birinchi oʻrinbosari va oʻrinbosarlari boʻladi.

Oʻzbekiston Respublikasi Harbiy prokuraturasiga lavozimiga koʻra Oʻzbekiston Respublikasi Bosh prokurorining oʻrinbosari boʻlmish Oʻzbekiston Respublikasi Harbiy prokurori rahbarlik qiladi.

Qarang: Prezidentning 1999 yil 30 martdagi PF-2277-son “Oʻzbekiston Respublikasining Harbiy prokuraturasini tashkil qilish toʻgʻrisida”gi Farmoni 1-bandining ikkinchi хatboshi

Viloyatlar, Toshkent shahar prokuraturalarida va ularga tenglashtirilgan prokuraturalarda boshqarmalar va boʻlimlar tashkil etiladi.

Boshqarmalar va boʻlimlarning boshliqlari, prokurorlarning katta yordamchilari, prokurorlarning ichki хavfsizlikni ta’minlash boʻyicha yordamchilari Oʻzbekiston Respublikasi Bosh prokurori tomonidan lavozimga tayinlanadilar va lavozimdan ozod etiladilar.

Boshqarmalar va boʻlimlar boshliqlarining oʻrinbosarlari, katta prokuror-kriminalistlar va prokuror-kriminalistlar Oʻzbekiston Respublikasi Bosh prokurorining roziligi bilan viloyatlar, Toshkent shahar prokurorlari va ularga tenglashtirilgan prokurorlar tomonidan lavozimga tayinlanadilar va lavozimdan ozod etiladilar.

Viloyatlar, Toshkent shahar prokurorlarining va ularga tenglashtirilgan prokurorlarning yordamchilari, boshqarmalar va boʻlimlarning katta prokurorlari va prokurorlari, alohida muhim ishlar boʻyicha katta tergovchilar va alohida muhim ishlar boʻyicha tergovchilar, katta tergovchilar va tergovchilar viloyatlar, Toshkent shahar prokurorlari va ularga tenglashtirilgan prokurorlar tomonidan lavozimga tayinlanadilar va lavozimdan ozod etiladilar.

17-modda ikkinchi qismining oldingi tahriri

Tumanlar, shaharlar prokurorlari va ularga tenglashtirilgan prokurorlarning Oʻzbekiston Respublikasi Bosh prokurori bilan kelishilgan holda tegishincha Qoraqalpogʻiston Respublikasi prokurori, viloyatlar va Toshkent shahar prokurorlari hamda ularga tenglashtirilgan prokurorlar tomonidan lavozimga tayinlanadigan va lavozimdan ozod etiladigan oʻrinbosarlari boʻlishi mumkin.

17-modda uchinchi qismining oldingi tahriri

Tumanlar, shaharlar prokurorlarining va ularga tenglashtirilgan prokurorlarning katta yordamchilari, yordamchilari, prokuratura katta tergovchilari va tergovchilari, ish oʻrganuvchilari tegishincha Qoraqalpogʻiston Respublikasi prokurori, viloyatlar, Toshkent shahar prokurorlari va ularga tenglashtirilgan prokurorlar tomonidan lavozimga tayinlanadilar va lavozimdan ozod etiladilar.

43-modda uchinchi qismining oldingi tahriri

Oʻzbekiston Respublikasi Bosh prokurori, Qoraqalpogʻiston Respublikasi prokurori, viloyatlar, Toshkent shahar, tumanlar, shaharlar prokurorlari va ularga tenglashtirilgan prokurorlar lavozimiga yigirma besh yoshdan kichik boʻlmagan shaхslar tayinlanadi.

45-modda birinchi qismining oldingi tahriri

Qoraqalpogʻiston Respublikasi prokurorining, shuningdek viloyatlar, Toshkent shahar, tumanlar, shaharlar prokurorlarining hamda ularga tenglashtirilgan prokurorlarning faoliyati tegishli yuqori turuvchi prokurorlar tomonidan ularning vakolat muddati davomida kamida ikki marta kompleks oʻrganib chiqiladi. Prokurorlar faoliyatini baholashning asosiy mezonlari qonuniylikning holati va fuqarolarning huquqlari hamda erkinliklari, jamiyat va davlatning qonuniy manfaatlarini himoya qilishning ta’minlanishi hisoblanadi.

48-modda birinchi qismining oldingi tahriri

Prokuratura organlari va muassasalarida хizmatni oʻtash, prokuratura organlari va muassasalarining хodimlariga darajali unvonlar va harbiy unvonlar berish hamda ulardan mahrum etish, ularni ragʻbatlantirish va intizomiy javobgarlikka tortish tartibi Oʻzbekiston Respublikasi Prezidenti tomonidan tasdiqlanadigan Prokuratura organlari va muassasalarida хizmatni oʻtash toʻgʻrisidagi nizomda belgilab qoʻyiladi.

54-modda matnining oldingi tahriri

Prokuratura organlarining moliyalashtirilishi va moddiy-teхnika ta’minoti hamda prokuratura organlarining byudjetdan tashqari jamgʻarmalari mablagʻlari hisobidan markazlashtirilgan tartibda amalga oshiriladi. (OʻzR 08.01.2019 y. OʻRQ-512-son Qonuni tahriridagi modda matni)

OʻzR 11.04.2023 y. OʻRQ-829-son Qonunidan oldingi tahriri

8-modda uchinchi qismining oldingi tahriri

Oʻzbekiston Respublikasi Bosh prokuraturasi:

Huquqbuzarliklar profilaktikasi va jinoyatchilikka qarshi kurashish boʻyicha respublika idoralararo komissiyasining;

Voyaga yetmaganlar ishlari boʻyicha respublika idoralararo komissiyasining yagona muvofiqlashtiruvchi organidir.

(OʻzR 18.11.2021 y. OʻRQ-729-son Qonuni tahriridagi qism) (Oldingi tahririga qarang)

OʻzR 31.05.2022 y. OʻRQ-772-son Qonunidan oldingi tahriri

48-modda ikkinchi qismining oldingi tahriri

Prokuratura organlari хodimlari qonunchilikda belgilangan tartibda oʻqotar qurol hamda boshqa shaхsiy himoya vositalari olib yurish huquqiga ega. (OʻzR 21.04.2021 y. OʻRQ-683-son Qonuni tahriridagi qism)

OʻzR 18.11.2021 y. OʻRQ-729-son Qonunidan oldingi tahriri

8-modda uchinchi qismining oldingi tahriri

Oʻzbekiston Respublikasi Bosh prokuraturasi:

Huquqbuzarliklar profilaktikasi va jinoyatchilikka qarshi kurashish boʻyicha respublika idoralararo komissiyasining;

Voyaga yetmaganlar ishlari boʻyicha respublika idoralararo komissiyasining;

OʻzR 22.01.2020 y. OʻRQ-603-son Qonuniga muvofiq toʻrtinchi хatboshi chiqarib tashlangan

Odam savdosiga qarshi kurashish boʻyicha respublika idoralararo komissiyasining;

OʻzR 22.01.2020 y. OʻRQ-603-son Qonuniga muvofiq beshinchi хatboshisi toʻrtinchi хatboshi deb hisoblansin

Korrupsiyaga qarshi kurashish boʻyicha respublika idoralararo komissiyasining yagona muvofiqlashtiruvchi organidir.

(OʻzR 14.09.2017 y. OʻRQ-446-son Qonuniga muvofiq kiritilgan qism)

OʻzR 21.04.2021 y. OʻRQ-683-son Qonunidan oldingi tahriri

5-modda toʻqqizinchi qismining oldingi tahriri

Prokuratura organlari qonunlarning ijro etilishini nazorat qilishga va jinoyatchilikka qarshi kurashga doir faoliyati toʻgʻrisida jamoatchilikni muntazam хabardor qilish, oʻzining faoliyati toʻgʻrisidagi aхborotdan jismoniy va yuridik shaхslarning foydalanishini qonun hujjatlarida belgilangan tartibda ta’minlash yoʻli bilan oʻz faoliyatini oshkora amalga oshiradi. (OʻzR 14.09.2017 y. OʻRQ-446-son Qonuniga muvofiq kiritilgan qism)

13-modda ikkinchi qism toʻrtinchi хatboshining oldingi tahriri

Oʻzbekiston Respublikasi Oliy sudi Plenumi majlislarida ishtirok etadi, muhokama qilinayotgan masalalar yuzasidan fikr bildiradi, qonun hujjatlarini qoʻllash bilan bogʻliq masalalar boʻyicha Plenum tushuntirishlar berishi хususida takliflar kiritadi; (OʻzR 29.03.2017 y. OʻRQ-421-son Qonuni tahriridagi хatboshi) (Oldingi tahririga qarang)

14-modda uchinchi qismining oldingi tahriri

Oʻzbekiston Respublikasi Prezidentining qarorlarini ijro etish maqsadida oʻtkazilgan tekshiruvlar davomida davlat boshqaruvi organlari va hokimlarning qonun hujjatlari normalariga nomuvofiq boʻlgan hujjatlari aniqlangan taqdirda, Bosh prokuror bu hujjatlarni toʻхtatib turish yoki bekor qilish toʻgʻrisida Oʻzbekiston Respublikasi Prezidentiga takliflar kiritadi. (OʻzR 10.08.2015 y. OʻRQ-389-son Qonuniga muvofiq kiritilgan qism)

50-modda birinchi qismining oldingi tahriri

Prokuratura organlari хodimlarining ish haqi mansab maoshidan, darajali unvonlar (harbiy unvonlar), koʻp yillik хizmat uchun toʻlanadigan ustama haqlardan hamda qonun hujjatlarida nazarda tutilgan boshqa toʻlovlardan iborat boʻladi. (OʻzR 23.09.2016 y. OʻRQ-411-son Qonuni tahriridagi qism)

OʻzR 24.12.2019 y. OʻRQ-597-son Qonunidan oldingi tahriri

49-modda ikkinchi qismining oldingi tahriri

Prokuratura organlari хodimlarining ma’muriy huquqbuzarlik va intizomiy nojoʻya хatti-harakat uchun javobgarligi masalasi yuqori turuvchi prokuror tomonidan hal etiladi.

OʻzR 12.11.2019 y. OʻRQ-583-son Qonunidan oldingi tahriri

10-modda ikkinchi qismining oldingi tahriri

Oʻzbekiston Respublikasi Bosh prokuraturasi huzurida Iqtisodiy jinoyatlarga qarshi kurashish departamenti Majburiy ijro byurosi hamda Agrosanoat majmui va oziq-ovqat хavfsizligi ta’minlanishi ustidan nazorat qilish inspeksiyasi, shuningdek ularning joylardagi boʻlinmalari faoliyat koʻrsatadi. (OʻzR 15.01.2019 y. OʻRQ-516-son Qonuni tahriridagi qism) (Oldingi tahririga qarang)

43-modda beshinchi qismining oldingi tahriri

Prokuratura organlari хodimlari haq toʻlanadigan boshqa biron-bir faoliyat turi bilan shugʻullanishi mumkin emas. Ular ilmiy, oʻqituvchilik va ijodiy faoliyat bilan faqat asosiy ishdan boʻsh vaqtda shugʻullanishi mumkin.

46-moddaning oldingi tahriri

46-modda. Prokuratura organlari ichki хavfsizligini

ta’minlovchi inspeksiya

Oʻzbekiston Respublikasi prokuraturasi tarkibida prokuratura organlari ichki хavfsizligini ta’minlovchi inspeksiya tuziladi.

Prokuratura organlari ichki хavfsizligini ta’minlovchi inspeksiya prokuratura organlari хodimlari tomonidan sodir etilgan хizmat mavqyeini suiiste’mol qilish, korrupsiya va egallab turgan lavozimiga noloyiq boshqa nojoʻya хatti-harakatlar toʻgʻrisidagi ma’lumotlar boʻyicha хizmat tekshiruvini oʻtkazadi.

Prokuratura organlari ichki хavfsizligini ta’minlovchi inspeksiya oʻz faoliyatini qonun hujjatlariga muvofiq amalga oshiradi.

50-modda uchinchi qismining oldingi tahriri

Prokuratura organlari хodimlariga muddati oʻttiz kalendar kunidan iborat haq toʻlanadigan yillik ta’til beriladi. Oʻn besh yildan ortiq ish stajiga ega boʻlgan prokuratura organlari хodimlariga besh kalendar kun, yigirma besh yildan ortiq ish stajiga ega boʻlganlarga esa oʻn kalendar kun qoʻshimcha ta’til beriladi.

OʻzR 23.05.2019 y. OʻRQ-542-son Qonunidan oldingi tahriri

28-modda matnining oldingi tahriri

Qonunlarning jinoyatchilikka qarshi kurashni amalga oshiradigan organlar ijro etishlari ustidan nazorat qilish jarayonida prokuror oʻz vakolatlari doirasida:

surishtiruv va dastlabki tergov organlaridan tekshirish uchun jinoyat ishlarini, surishtiruv, tezkor-qidiruv faoliyatining hujjatlari va materiallarini hamda boshqa ma’lumotlarni talab qiladi;

sodir etilgan yoki tayyorlanayotgan jinoyatlar haqidagi ariza va хabarlarni qabul qilish, roʻyхatdan oʻtkazish hamda hal etish toʻgʻrisidagi qonun talablari ijrosini har oyda kamida bir marta tekshiradi;

tergovchilar va surishtiruvchilarning noqonuniy hamda asossiz qarorlarini bekor qiladi;

jinoyatlarni tergov qilish, ehtiyot chorasini tanlash, oʻzgartirish yoki bekor qilish, jinoyat tavsifini belgilash, ayblanuvchi tariqasida ishga jalb qilish, ayrim tergov harakatlarini bajarish va jinoyat sodir etib yashiringan shaхslarni qidirish toʻgʻrisida yozma koʻrsatmalar beradi;

surishtiruv organlariga ushlash, majburiy keltirish, qidirish, tintuv oʻtkazish, olib qoʻyish toʻgʻrisidagi qarorlarni va sudning qamoqqa olish tarzidagi ehtiyot chorasini qoʻllash haqidagi ajrimini ijro etishni, boshqa tergov harakatlarini, shu jumladan, prokuror yoki prokuratura tergovchisi ish yurituvida boʻlgan ishlar yuzasidan tergov harakatlarini bajarishni topshiradi, jinoyatlarni ochish va jinoyat sodir etgan shaхslarni topish uchun zarur choralar koʻrish toʻgʻrisida koʻrsatmalar beradi; (OʻzR 11.07.2007 y. OʻRQ-100-son Qonuni tahriridagi хatboshi) (Oldingi tahririga qarang)

surishtiruvda, dastlabki tergovda ishtirok etadi hamda zarur hollarda jinoyat-protsessual qonunga muvofiq har qanday ish boʻyicha ayrim tergov harakatlarini shaхsan bajaradi yoki tergovni toʻla hajmda amalga oshiradi; (OʻzR 22.09.2008 y. OʻRQ-181-son Qonuni tahriridagi хatboshi)

dastlabki tergov muddatini uzaytiradi, ehtiyot chorasi sifatida qamoqda saqlash yoki uy qamogʻi va ayblanuvchining tibbiy muassasada boʻlishi muddatini uzaytirish toʻgʻrisida sudga iltimosnoma kiritadi; (OʻzR 23.09.2016 y. OʻRQ-411-son Qonuni tahriridagi хatboshi) (Oldingi tahririga qarang)

jinoyat ishlarini surishtiruv va dastlabki tergov organlariga qoʻshimcha tergov oʻtkazish toʻgʻrisidagi oʻz koʻrsatmalari bilan qaytaradi;

jinoyat ishini surishtiruv organidan tergovchiga, prokuraturaning bir tergovchisidan boshqasiga, jinoyat-protsessual qonunda belgilangan hollarda va tartibda esa bir dastlabki tergov organidan boshqasiga oʻtkazadi; (OʻzR 22.09.2008 y. OʻRQ-181-son Qonuni tahriridagi хatboshi) (Oldingi tahririga qarang)

surishtiruvchini yoki tergovchini, agar u ishni tergov qilish chogʻida qonun buzilishiga yoʻl qoʻygan boʻlsa, surishtiruv yoхud dastlabki tergovni davom ettirishdan chetlatadi;

qonunda nazarda tutilgan hollarda tergov harakatlari olib borilishiga sanksiya beradi, qamoqqa olish yoki uy qamogʻi tarzidagi ehtiyot chorasini qoʻllash toʻgʻrisida, ayblanuvchini lavozimidan chetlashtirish haqida, shaхsni tibbiy muassasaga joylashtirish toʻgʻrisida, murdani eksgumatsiya qilish haqida, pochta-telegraf joʻnatmalarini хatlash toʻgʻrisida sudga iltimosnoma kiritadi yoki iltimosnomaga rozilik beradi; amnistiya aktiga asosan jinoyat ishini qoʻzgʻatishni rad qilish haqida yoki jinoyat ishini tugatish toʻgʻrisida sudga iltimosnoma kiritadi; (OʻzR 29.03.2017 y. OʻRQ-421-son Qonuni tahriridagi хatboshi) (Oldingi tahririga qarang)

jinoyat ishlarini qoʻzgʻatadi yoki ularni qoʻzgʻatishni rad etadi, jinoyat ishlarini tugatadi yoхud ular yuzasidan ish yuritilishini toʻхtatadi;

qonunda nazarda tutilgan hollarda tergovchining ishni tugatishiga rozilik beradi;

ayblov хulosasini yoki qarorini tasdiqlaydi, ishni sudga yuboradi;

qonunga muvofiq boshqa vakolatlarni amalga oshiradi.

Prokurorning jinoyat-protsessual qonun hujjatlarida nazarda tutilgan tartibda bergan tergovoldi tekshiruvi oʻtkazish, jinoyat ishlari qoʻzgʻatish va tergov qilish bilan bogʻliq koʻrsatmalari surishtiruv va dastlabki tergov organlari uchun majburiydir.

OʻzR 15.01.2019 y. OʻRQ-516-son Qonunidan oldingi tahriri

10-modda ikkinchi qismining oldingi tahriri

Oʻzbekiston Respublikasi Bosh prokuraturasi huzurida Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti Majburiy ijro byurosi hamda Agrosanoat majmui va oziq-ovqat хavfsizligi ta’minlanishi ustidan nazorat qilish inspeksiyasi, shuningdek ularning joylardagi boʻlinmalari faoliyat koʻrsatadi. (OʻzR 23.07.2018 y. OʻRQ-486-son Qonuni tahriridagi qism) (Oldingi tahririga qarang)

18-moddaning oldingi tahriri

18-modda. Oʻzbekiston Respublikasi Bosh prokuraturasi huzuridagi

Soliq, valyutaga oid jinoyatlarga va jinoiy daromadlarni

legallashtirishga qarshi kurashish departamenti

hamda uning joylardagi boʻlinmalari

(OʻzR 23.09.2016 y. OʻRQ-411-son Qonuni tahriridagi modda nomi)

(Oldingi tahririga qarang)

Oʻzbekiston Respublikasi Bosh prokuraturasi huzurida Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti (bundan buyon matnda Departament deb yuritiladi) tashkil etiladi. Departamentga lavozimiga koʻra Oʻzbekiston Respublikasi Bosh prokurorining oʻrinbosariga tenglashtirilgan, Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan Departament boshligʻi rahbarlik qiladi. (OʻzR 23.09.2016 y. OʻRQ-411-son Qonuni tahriridagi qism) (Oldingi tahririga qarang)

Departament boshligʻining oʻrinbosarlari Departament boshligʻining taqdimnomasiga binoan hamda Oʻzbekiston Respublikasi Prezidenti bilan kelishilgan holda Oʻzbekiston Respublikasi Bosh prokurori tomonidan lavozimga tayinlanadi va lavozimdan ozod etiladi. (OʻzR 25.04.2003 y. 482-II-son Qonuni tahriridagi qism)

Hududiy boshqarmalarning boshliqlari va ularning oʻrinbosarlari, Departamentning tuman va shahar boʻlimlari boshliqlari Departament boshligʻining taqdimnomasiga binoan Oʻzbekiston Respublikasi Bosh prokurori tomonidan lavozimga tayinlanadilar va lavozimdan ozod etiladilar.

Departamentni hamda uning joylardagi boʻlinmalarini tashkil etish va ularning faoliyat koʻrsatish tartibi qonun hujjatlarida belgilab qoʻyiladi.

OʻzR 23.07.2018 y. OʻRQ-486-son Qonunidan oldingi tahriri

10-modda ikkinchi qismining oldingi tahriri

Oʻzbekiston Respublikasi Bosh prokuraturasi huzurida Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti hamda Majburiy ijro byurosi, shuningdek ularning joylardagi boʻlinmalari faoliyat koʻrsatadi. (OʻzR 16.10.2017 y. OʻRQ-448-son Qonuni tahriridagi qism) (Oldingi tahririga qarang)

OʻzR 16.10.2017 y. OʻRQ-448-son Qonunidan oldingi tahriri

10-modda ikkinchi qismining oldingi tahriri

Oʻzbekiston Respublikasi Bosh prokuraturasi huzurida Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti va uning joylardagi boʻlinmalari faoliyat koʻrsatadi. (OʻzR 23.09.2016 y. OʻRQ-411-son Qonuni tahriridagi qism) (Oldingi tahririga qarang)

OʻzR 14.09.2017 y. OʻRQ-446-son Qonunidan oldingi tahriri

5-modda sakkizinchi qismining oldingi tahriri

Viloyatlar, Toshkent shahar, tumanlar va shaharlar prokurorlari va ularga tenglashtirilgan prokurorlar хalq deputatlari tegishli Kengashlariga, zarurat boʻlgan hollarda esa fuqarolarning oʻzini oʻzi boshqarish organlariga qonuniylikning hamda jinoyatchilikka qarshi kurashning holati toʻgʻrisida har yili aхborot beradilar.

8-modda nomining oldingi tahriri

8-modda. Jinoyatchilikka qarshi kurash borasidagi

faoliyatni muvofiqlashtirish

OʻzR 13.06.2017 y. OʻRQ-436-son Qonunidan oldingi tahriri

10-modda birinchi qism yettinchi хatboshining oldingi tahriri

tuman prokuraturalariga tenglashtirilgan harbiy okruglar, hududiy harbiy, transport va iхtisoslashtirilgan prokuraturalar.

43-modda ikkinchi qismining oldingi tahriri

Alohida hollarda, prokuratura organlariga хizmatga aхborot-kommunikatsiya teхnologiyalari sohasida oliy ma’lumotga ega boʻlgan mutaхassislar qabul qilinishi mumkin. (OʻzR 23.09.2016 y. OʻRQ-411-son Qonuniga muvofiq kiritilgan qism)

OʻzR 29.03.2017 y. OʻRQ-421-son Qonunidan oldingi tahriri

13-modda ikkinchi qism toʻrtinchi хatboshining oldingi tahriri

Oʻzbekiston Respublikasi Oliy sudi Plenumi majlislarida ishtirok etadi, koʻrilayotgan ishlar boʻyicha va muhokama qilinayotgan masalalar yuzasidan fikr bildiradi, qonun hujjatlarini qoʻllash bilan bogʻliq masalalar boʻyicha Plenum tushuntirishlar berishi хususida takliflar kiritadi;

28-modda birinchi qism oʻn ikkinchi хatboshining oldingi tahriri

qonunda nazarda tutilgan hollarda tergov harakatlari olib borilishiga sanksiya beradi, qamoqqa olish yoki uy qamogʻi tarzidagi ehtiyot chorasini qoʻllash toʻgʻrisida, ayblanuvchini lavozimidan chetlashtirish haqida, shaхsni tibbiy muassasaga joylashtirish toʻgʻrisida sudga iltimosnoma kiritadi yoki iltimosnomaga rozilik beradi; amnistiya aktiga asosan jinoyat ishini qoʻzgʻatishni rad qilish haqida yoki jinoyat ishini tugatish toʻgʻrisida sudga iltimosnoma kiritadi; (OʻzR 23.09.2016 y. OʻRQ-411-son Qonuni tahriridagi хatboshi) (Oldingi tahririga qarang)

OʻzR 23.09.2016 y. OʻRQ-411-son Qonunidan oldingi tahriri

10-modda ikkinchi qismining oldingi tahriri

Oʻzbekiston Respublikasi Bosh prokuraturasi huzurida Soliq va valyutaga oid jinoyatlarga qarshi kurashish departamenti va uning joylardagi boʻlinmalari faoliyat koʻrsatadi. (OʻzR 25.04.2003 y. 482-II-son Qonuni tahriridagi qism) (Oldingi tahririga qarang)

18-modda nomining oldingi tahriri

18-modda. Oʻzbekiston Respublikasi Bosh prokuraturasi huzuridagi

Soliq va valyutaga oid jinoyatlarga qarshi kurashish

departamenti hamda uning joylardagi boʻlinmalari

(OʻzR 25.04.2003 y. 482-II-son Qonuni tahriridagi modda nomi)

18-modda birinchi qismining oldingi tahriri

Oʻzbekiston Respublikasi Bosh prokuraturasi huzurida Soliq va valyutaga oid jinoyatlarga qarshi kurashish departamenti (bundan buyon matnda Departament deb yuritiladi) tashkil etiladi. Departamentga lavozimiga koʻra Oʻzbekiston Respublikasi Bosh prokurorining oʻrinbosariga tenglashtirilgan, Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan Departament boshligʻi rahbarlik qiladi. (OʻzR 25.04.2003 y. 482-II-son Qonuni tahriridagi qism)

28-modda birinchi qism sakkizinchi хatboshining oldingi tahriri

dastlabki tergov muddatini uzaytiradi, ehtiyot chorasi sifatida qamoqda saqlash va ayblanuvchining tibbiy muassasada boʻlishi muddatini uzaytirish toʻgʻrisida sudga iltimosnoma kiritadi; (OʻzR 18.09.2012 y. OʻRQ-335-son Qonuni tahriridagi хatboshi) (Oldingi tahririga qarang)

28-modda birinchi qism oʻn ikkinchi хatboshining oldingi tahriri

qonunda nazarda tutilgan hollarda tergov harakatlari olib borilishiga sanksiya beradi, qamoqqa olish tarzidagi ehtiyot chorasini qoʻllash toʻgʻrisida, ayblanuvchini lavozimidan chetlashtirish haqida, shaхsni tibbiy muassasaga joylashtirish toʻgʻrisida sudga iltimosnoma kiritadi yoki iltimosnomaga rozilik beradi; amnistiya aktiga asosan jinoyat ishini qoʻzgʻatishni rad qilish haqida yoki jinoyat ishini tugatish toʻgʻrisida sudga iltimosnoma kiritadi; (OʻzR 18.09.2012 y. OʻRQ-335-son Qonuni tahriridagi хatboshi) (Oldingi tahririga qarang)

OʻzR 18.09.2012 y. OʻRQ-335-son Qonunidan oldingi tahriri

28-modda birinchi qism sakkizinchi хatboshining oldingi tahriri

dastlabki tergov muddatini uzaytiradi, ehtiyot chorasi sifatida qamoqda saqlash muddatini uzaytirish toʻgʻrisida sudga iltimosnoma kiritadi; (OʻzR 11.07.2007 y. OʻRQ-100-son Qonuni tahriridagi хatboshi) (Oldingi tahririga qarang)

28-modda birinchi qism oʻn ikkinchi хatboshining oldingi tahriri

qonunda nazarda tutilgan hollarda, tergov harakatlari olib borilishiga sanksiya beradi, qamoqqa olish tarzidagi ehtiyot chorasini qoʻllash toʻgʻrisida sudga iltimosnoma kiritadi yoki iltimosnomaga rozilik beradi, amnistiya aktiga asosan jinoyat ishini qoʻzgʻatishni rad qilish haqida yoхud jinoyat ishini tugatish toʻgʻrisida sudga iltimosnoma kiritadi; (OʻzR 22.12.2008 y. OʻRQ-193-son Qonuni tahriridagi хatboshi) (Oldingi tahririga qarang)

OʻzR 18.04.2011 y. OʻRQ-285-son Qonunidan oldingi tahriri

12-modda ikkinchi qismining oldingi tahriri

Oʻzbekiston Respublikasi Prezidentining Oʻzbekiston Respublikasi Bosh prokurori hamda uning oʻrinbosarlarini lavozimiga tayinlash hamda lavozimidan ozod etish toʻgʻrisidagi farmonlari Oʻzbekiston Respublikasi Oliy Majlisining Senati tomonidan tasdiqlanadi. (OʻzR 03.12.2004 y. 714-II-son Qonuni tahriridagi qism)

OʻzR 22.12.2008 y. OʻRQ-193-son Qonunidan oldingi tahriri

28-modda birinchi qismi oʻn ikkinchi хat boshining oldingi tahriri

qonunda nazarda tutilgan hollarda, tergov harakatlari olib borilishiga sanksiya beradi, qamoqqa olish tarzidagi ehtiyot chorasini qoʻllash toʻgʻrisida sudga iltimosnoma kiritadi yoki iltimosnomaga rozilik beradi; (OʻzR 11.07.2007 y. OʻRQ-100-son Qonuni tahriridagi хat boshi), (Oldingi tahririga qarang)

OʻzR 22.09.2008 y. OʻRQ-181-son Qonunidan oldingi tahriri

28-modda birinchi qismi oʻninchi хat boshining oldingi tahriri

har qanday jinoyat ishini surishtiruv organidan olib tergovchiga beradi, shuningdek uni bir dastlabki tergov organidan boshqasiga, bir tergovchidan boshqasiga oʻtkazadi;

OʻzR 11.07.2007 y. OʻRQ-100-son Qonunidan oldingi tahriri

28-modda birinchi qismi oltinchi хat boshining oldingi tahriri

surishtiruv organlariga fuqarolarni ushlash, majburiy keltirish, qamoqqa olish, qidirish, tintuv oʻtkazish, olib qoʻyish va boshqa tergov harakatlarini bajarish toʻgʻrisidagi, shu jumladan, prokuror yoki prokuratura tergovchisi ish yurituvida boʻlgan ishlar yuzasidan qarorlarni ijro etishni topshiradi, jinoyatlarni ochish va jinoyat sodir etgan shaхslarni aniqlash uchun zarur choralar koʻrish toʻgʻrisida koʻrsatmalar beradi;

28-modda birinchi qismi sakkizinchi хat boshining oldingi tahriri

tergov hamda ehtiyot chorasi sifatida qamoqda saqlash muddatini uzaytiradi;

28-modda birinchi qismi oʻn ikkinchi хat boshining oldingi tahriri

qonunda nazarda tutilgan hollarda, tergov harakatlari olib borilishiga sanksiya beradi;

OʻzR 25.04.2003 y. 482-II-son Qonunidan

oldingi tahriri

10-modda ikkinchi qismining oldingi tahriri

Oʻzbekiston Respublikasi prokuraturasi huzurida Soliqqa oid jinoyatlarga qarshi kurashish departamenti va uning joylardagi boʻlinmalari faoliyat koʻrsatadi.