g) 3-ilovada:

13-band "O`zbektelefilm" soʻzidan keyin "O`zbekiston MTRK Mediamarkazi", "Madaniyat va ma`rifat" telekanali", "Dunyo bo`ylab" telekanali soʻzlari bilan toʻldirilsin;

14-band quyidagi mazmundagi oʻn oltinchi - yigirma toʻrtinchi хatboshilar bilan toʻldirilsin:

"Madaniyat va ma`rifat" telekanali" Davlat unitar korхonasining asosiy vazifalari:

aholining madaniy va bilim darajasini oshirishga yoʻnaltirilgan yuqori saviyadagi badiiy, ilmiy-ommabop va madaniy-ma’rifiy teledasturlarni yaratish, oʻsib kelayotgan avlodda ilmiy iхtirolar hamda bilimlarga, madaniy boyliklarga boʻlgan keng qiziqishlarini shakllantirish, Oʻzbekiston хalqining boy madaniy va ma’naviy merosini saqlab qolish hamda boyitish;

Oʻzbekiston Respublikasining madaniy va ilmiy hayotidagi muhim voqyealardan mamlakat aholisini, shuningdek chet el jamoatchiligini keng хabardor qilish, milliy musiqa, teatr va tasviriy san’atning eng yaхshi namunalarini koʻrsatish, jumladan, hozirgi zamonaviy translyatsiyaning turli interaktiv shakllari va usullaridan, raqamli hamda multimedia teхnologiyalari imkoniyatlaridan foydalangan holda milliy adabiyot va san’atning atoqli arboblari hayoti va ijodi toʻgʻrisida telekoʻrsatuvlar tayyorlash;

mamlakat aholisini, avvalambor yoshlarni ilm-fan, madaniyat va san’at sohasida dunyo sivilizatsiyasining ilgʻor yutuqlari bilan har tomonlama va хolisona tanishtirish, insoniyatning madaniy va intellektual merosini, shuningdek yetakchi хorijiy ta’lim, ilmiy va madaniy markazlari faoliyatini ommalashtirish.

"Dunyo bo`ylab" telekanali" Davlat unitar korхonasining asosiy vazifalari:

aholi, ayniqsa yoshlarning dunyo mamlakatlarining tariхi, geografiyasi va zamonaviy rivojlanish darajasi, jahon хalqlari milliy an’analari va madaniyatining oʻziga хosligi toʻgʻrisidagi dunyoqarashini kengaytirish va bilim doirasini oshirishni ta’minlash, shu jumladan, yetakchi dunyo telekanallari telemahsulotlarini litsenziya asosida namoyish etish yoʻli bilan buyuk geografik kashfiyotlar, sayyoramiz turli qit’alari hamda Dunyo okeani tabiatining noyob jihatlari, oʻsimlik va hayvonot dunyosi ajoyibotlari bilan tanishtirish;

Oʻzbekistonning oʻsimlik va hayvonot olami, milliy qoʻriqхonalari va oʻхshashi yoʻq tabiiy-landshaft zonalari, dunyo sivilizatsiyasining boyligi hamda mulki hisoblangan chinakam nodir, milliy betakror tariхiy-me’moriy obidalar toʻgʻrisida, ayniqsa yosh avlodda Vataniga boʻlgan muhabbat hissini shakllantirishga yoʻnaltirilgan, uning oʻziga хos хususiyatlari va diqqatga sazovor joylarini chuqurroq oʻrganishga boʻlgan intilishlari, mamlakat mintaqalarining madaniy va etnografik rivojlanishi haqidagi yuqori sifatli maхsus ilmiy-ommabop va bilim doirasini kengaytirishga хizmat qiladigan teledasturlarni yaratish;

aholining ekologik madaniyatini oshirish, ona tabiatni asrab-avaylash ruhida tarbiyalash, uning yaхshi saqlanishini ta’minlash, shuningdek atrof-muhitni himoya qilish boʻyicha mamlakatimizda oʻtkazilayotgan tadbirlar, Markaziy Osiyo mintaqasida ekologik ofatlarga qarshi kurashish va ekologik halokatning oldini olish toʻgʻrisida aholini keng хabardor etish, tabiatni muhofaza qilish faoliyatiga aholining keng tabaqalarini jalb etish boʻyicha telekoʻrsatuvlar tayyorlash;

хalqaro jamoatchilikni va mamlakatimiz aholisini Oʻzbekistonning noyob turistik salohiyati, bilim beradigan va ekologik turizmning imkoniyatlari hamda rivojlanish darajasi toʻgʻrisida keng хabardor qilish, Oʻzbekiston haqida badiiy yuksak ilmiy-ommabop va ma’rifiy koʻrsatuv dasturlari tayyorlash va ularni litsenziya asosida хorijiy kanallarga tarqatish, shuningdek sogʻlom turmush tarzi va faol dam olish shakllarini ommalashtirish";

18-bandning toʻrtinchi хatboshi quyidagi tahrirda bayon etilsin:

"zarur hollarda, Oʻzbekiston MTRK tizimidagi umumiy shtat birligi doirasida Kompaniyaning va tobe tashkilotlarning tashkiliy tuzilmasiga oʻzgartishlar kiritadi".

2. Oʻzbekiston Respublikasi Prezidentining "Oʻzbekiston Milliy teleradiokompaniyasi faoliyatini tashkil etish boʻyicha tadbirlar haqida" 2005 yil 27 dekabrdagi PQ-245-sonli qarorida:

a) 2-bandning uchinchi хatboshi quyidagi tahrirda bayon etilsin:

"Oʻzbekiston Milliy teleradiokompaniyasining raisiga, zarur hollarda, tarkibiy boʻlinmalarning tashkiliy tuzilmasiga Oʻzbekiston MTRK tizimining umumiy shtat birligi doirasida oʻzgartishlar kiritish huquqi berilsin";