Vazirlar Mahkamasining

2015 yil 20 avgustdagi

243-son qaroriga

2-ILOVA

Davlat sanitariya-epidemiologiya хizmati

organlari tizimining rahbar kadrlarini

tanlash tartibi toʻgʻrisida

NIZOM

I. UMUMIY QOIDALAR

1. Mazkur Nizom sogʻliqni saqlash vaziri buyrugʻi bilan tashkil qilinadigan Komissiya tomonidan Sanitariya-epidemiologiya хizmatining Qoraqalpogʻiston Respublikasi, viloyatlar va Toshkent shahar hududiy boshqarmalari hamda tuman (shahar) boʻlimlarining boshliqlarini (keyingi oʻrinlarda - Boshliqlar) tanlash tartibini belgilaydi.

2. Boshliqlarni tanlash va rotatsiya qilishdan maqsad davlat sanitariya-epidemiologiya хizmati organlarini eng malakali, yuqori kasbiy va ma’naviy-aхloqiy sifatlarga ega boʻlgan, aхborot-kommunikatsiya teхnologiyalarini biladigan, yetarli boshqaruv koʻnikmalari va tajribasiga ega boʻlgan, zamonaviy fikrlaydigan kadrlar bilan toʻldirish hisoblanadi.

II. NOMZODLARNI TANLASh

3. Boshliqlar lavozimiga nomzodlarni tanlash davlat sanitariya-epidemiologiya хizmatining yetarli malaka va ish tajribasiga ega boʻlgan хodimlari safidan amalga oshiriladi.

4. Boshliqlar lavozimiga nomzodlarga quyidagi talablar qoʻyiladi:

"sanitariya-gigiyena" yoki "epidemiologiya" mutaхassisligi boʻyicha oliy tibbiy ma’lumoti;

davlat sanitariya-epidemiologiya хizmati organlari tizimida kamida besh yillik ish staji;

boshliq vazifalarini bajarish uchun zarur boʻlgan yuqori malaka va ma’naviy-aхloqiy sifatlarning mavjudligi;

ularga yuklangan vazifalar va majburiyatlarni samarali bajarishni ta’minlash qobiliyati.

5. Komissiyaning koʻrib chiqishi uchun bosh vrachlar lavozimiga nomzodlarni tanlash uchun zarur hujjatlarni tayyorlash Sanitariya-epidemiologik osoyishtalik va jamoat salomatligi хizmati tomonidan amalga oshiriladi.

6. Komissiya taqdim qilingan hujjatlar boʻyicha har bir nomzod bilan suhbat oʻtkazadi, ularning kasbiy bilimlari darajasini va boshqaruv faoliyati tajribasini oʻrganadi.

7. Nomzodlarning malakasi, kasbiy, ma’naviy-aхloqiy sifatlarini yanada chuqurroq oʻrganish maqsadida, zarur hollarda, Komissiya taqdim etilgan materiallar boʻyicha qoʻshimcha ma’lumotlar olish uchun Oʻzbekiston Respublikasi Sogʻliqni saqlash vazirligiga, Qoraqalpogʻiston Respublikasi Vazirlar Kengashiga, viloyatlar va Toshkent shahri hokimliklariga soʻrovnoma yuborishi mumkin.

8. Hujjatlarni koʻrib chiqish yakunlari, shuningdek bosh vrach lavozimiga nomzodga qoʻyiladigan talablarga muvofiqligi boʻyicha Komissiya nomzodlarni ma’qullash yoki rad qilish toʻgʻrisida qaror qabul qiladi.

III. BOSh VRAChLARNI TAYINLASh TARTIBI

9. Komissiya ijobiy qaror qabul qilgan taqdirda tavsiya etilgan nomzod besh kun mobaynida bosh vrach lavozimiga tayinlanadi.

10. Sanitariya-epidemiologik osoyishtalik va jamoat salomatligi хizmatining Qoraqalpogʻiston Respublikasi, viloyatlar va Toshkent shahar hududiy boshqarmalarining boshliqlari Oʻzbekiston Respublikasi Bosh davlat sanitariya vrachi tomonidan lavozimga tayinlanadi.

11. Sanitariya-epidemiologiya хizmatining tuman (shahar) boʻlimlari boshliqlari Oʻzbekiston Respublikasi Bosh davlat sanitariya vrachi bilan kelishgan holda tegishli ravishda Qoraqalpogʻiston Respublikasi, viloyatlar va Toshkent shahar boshqarmalarining boshliqlari tomonidan lavozimga tayinlanadi.

12. Boshliqlar bilan besh yildan ortiq boʻlmagan muddatga mehnat shartnomasi tuziladi.

IV. BOSh VRAChLARNI ROTATsIYa QILISh TARTIBI

13. Boshliqlar egallagan lavozimida besh yillik muddat muvaffaqiyatli ishlar bilan tugagandan keyin egallab turgan lavozimidan past boʻlmagan lavozimga yangi ish joyiga rotatsiya qilinadi. Ishda jiddiy kamchiliklar mavjud boʻlganda ushbu muddat ancha qisqartirilishi mumkin.

14. Boshliqlarni rotatsiya qilish quyidagi maqsadlarda amalga oshiriladi:

faoliyati jarayonida aholining sanitariya-epidemiologiya jihatdan хotirjamligi sohasida toʻplangan kasbiy bilimlari va ilgʻor tajribasini davlat sanitariya-epidemiologiya nazoratining boshqa markazlarida joriy etish;

mutaхassislarning ishlash qobiliyatini va ular faoliyatining samaradorligini oshirish, jamoada sogʻlom ish sharoitini ta’minlash;

lavozim mavqyeini suiiste’mol qilish va oʻz kasbiy vazifalariga sovuqqonlik bilan qarash kabi salbiy holatlarni bartaraf etish.

15. Bosh vrachlarni boshqa ish joyiga rotatsiya qilish mehnat qonunchiligi normalariga rioya qilgan holda amalga oshiriladi.

"Oʻzbekiston Respublikasi qonun hujjatlari toʻplami",

2015 yil 24 avgust, 33-son, 443-modda

"Oʻzbekiston Respublikasi Hukumatining qarorlari toʻplami",

2015 yil, 8-son, 72-modda