Oʻzbekiston Respublikasi Vazirlar Mahkamasining 09.07.2003 y. 308-son "Qimmatli qogʻozlar bozorida kasbiy faoliyatni litsenziyalash toʻgʻrisidagi nizomni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
09.07.2003 y.
N 308
QIMMATLI QOGʻOZLAR BOZORIDA
KASBIY FAOLIYaTNI LITsENZIYaLASh
TOʻGʻRISIDAGI NIZOMNI TASDIQLASh HAQIDA
Qimmatli qogʻozlar bozorida kasbiy faoliyat turlarini litsenziyalashni tartibga solish maqsadida hamda "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonuniga muvofiq Vazirlar Mahkamasi QAROR QILADI:
1. Qimmatli qogʻozlar bozorida kasbiy faoliyatni litsenziyalash toʻgʻrisidagi Nizom 1-ilovaga muvofiq tasdiqlansin.
2. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi:
litsenziyalar berish yoki litsenziyalar berishni rad etish toʻgʻrisida хulosalar tayyorlash boʻyicha ekspert komissiyasi tarkibini va komissiya toʻgʻrisidagi nizomni ikki hafta muddatda tasdiqlasin;
oʻz idoraviy normativ hujjatlarini mazkur qarorga muvofiqlashtirsin.
3. Vazirlar Mahkamasining "Investitsiya va Xususiylashtirish investitsiya fondlari faoliyatini takomillashtirish chora-tadbirlari toʻgʻrisida" 1998 yil 25 sentyabrdagi 410-son qaroriga 2-ilovaga muvofiq oʻzgartirishlar kiritilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Oʻ. Sultonov
"Oʻzbekiston Respublikasi Hukumati qarorlari toʻplami", 2003 y., N 7, 60-modda.