Oʻzbekiston Respublikasi Vazirlar Mahkamasining 09.07.2003 y. 310-son "Neft, gaz hamda gaz kondensatini qazib chiqarish, qayta ishlash va sotish, magistral gaz quvurlari, neft quvurlari va neft mahsulotlari quvurlarini loyihalashtirish, qurish, ulardan foydalanish va ularni ta’mirlash boʻyicha faoliyatni litsenziyalash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
09.07.2003 y.
N 310
NEFT, GAZ HAMDA GAZ KONDENSATINI
QAZIB ChIQARISh, QAYTA IShLASh VA SOTISh,
MAGISTRAL GAZ QUVURLARI, NEFT QUVURLARI
VA NEFT MAHSULOTLARI QUVURLARINI
LOYIHALAShTIRISh, QURISh, ULARDAN
FOYDALANISh VA ULARNI TA’MIRLASh
BOʻYIChA FAOLIYaTNI LITsENZIYaLASh
TOʻGʻRISIDA
"Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 5-moddasiga muvofiq Vazirlar Mahkamasi QAROR QILADI:
1. Quyidagilar:
Neft, gaz hamda gaz kondensatini qazib chiqarish, qayta ishlash va sotish boʻyicha faoliyatni litsenziyalash toʻgʻrisidagi Nizom 1-ilovaga muvofiq;
Magistral gaz quvurlari, neft quvurlari va neft mahsulotlari quvurlarini loyihalashtirish, qurish, ulardan foydalanish va ularni ta’mirlash faoliyatini litsenziyalash toʻgʻrisidagi Nizom 2-ilovaga muvofiq;
Oʻzbekiston Respublikasi Vazirlar Mahkamasining Neft, gaz hamda gaz kondensatini qazib chiqarish, qayta ishlash va sotish, magistral gaz quvurlari, neft quvurlari va neft mahsulotlari quvurlarini loyihalashtirish, qurish, ulardan foydalanish va ularni ta’mirlash boʻyicha faoliyatni litsenziyalash komissiyasi tarkibi 3-ilovaga muvofiq tasdiqlansin.
2. Komissiya:
ikki hafta muddatda Komissiya toʻgʻrisidagi Nizomni ishlab chiqsin va tasdiqlasin;
ikki oy muddatda mazkur qaror kuchga kirgunga qadar berilgan litsenziyalarni хatlovdan oʻtkazsin, ularning amal qilish muddati Neft, gaz hamda gaz kondensatini qazib chiqarish, qayta ishlash va sotish, Magistral gaz quvurlari, neft quvurlari va neft mahsulotlari quvurlarini loyihalashtirish, qurish, ulardan foydalanish va ularni ta’mirlash boʻyicha faoliyatni litsenziyalash toʻgʻrisidagi nizomlarga muvofiqlashtirilishini hamda litsenziatlar bilan litsenziya bitimlari tuzilishini ta’minlasin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov zimmasiga yuklansin.
Oʻzbekiston Respublikasining Bosh vaziri Oʻ. Sultonov
"Oʻzbekiston Respublikasi Hukumati qarorlari toʻplami", 2003 y., N 7, 61-modda.