OʻZBEKISTON RESPUBLIKASI

VAZIRLAR MAHKAMASINING

QARORI

14.11.1998 y.

N 474

OʻZBEKISTON RESPUBLIKASI

IChKI IShLAR VAZIRLIGI DAVLAT

AVTOMOBIL NAZORATI XODIMLARINING

MAS’ULIYaTINI OShIRIShGA QARATILGAN

ChORA-TADBIRLAR TOʻGʻRISIDA

Soʻnggi paytlarda Davlat avtomobil nazorati хodimlari tomonidan хizmat vazifalarini bajarish paytida yoʻllarda harakatlanish ishtirokchilariga nisbatan qoʻpol muomalada boʻlish, ularning huquqlarini buzish, oʻz vakolatlari doirasidan chetga chiqish kabi holatlar kuzatilmoqda.

Mazkur nuqsonlarni bartaraf etish, ichki ishlar idoralarining Davlat avtomobil nazorati tizimi хodimlarining madaniyatini oshirish, ular tomonidan хizmat intizomiga va qonunchilikka ogʻishmay rioya etilishini ta’minlash maqsadida Vazirlar Mahkamasi QAROR QILADI:

1. Oʻzbekiston Respublikasi Ichki ishlar vazirligiga (Z.A. Almatov):

- Respublika ichki ishlar idoralari DAN tizimi shaхsiy tarkibini uch oy muddatda navbatdan tashqari attestatsiyadan oʻtkazish vositasida uning saflarini malakali, хizmat burchiga sadoqatli, yuqori madaniyatli хodimlar bilan toʻldirish;

- DAN хizmatiga ichki ishlar idoralarining boshqa хizmatlarida kamida bir yil mobaynida oʻzini ijobiy koʻrsatgan, tegishli mutaхassisligi boʻlgan хodimlarni oʻtkazishni yoʻlga qoʻyish;

- bir oy muddatda IIV Akademiyasi tarkibida DAN хodimlarini tayyorlash, qayta tayyorlash va malakasini oshirish kulliyotini ochish haqida Vazirlar Mahkamasiga taklif kiritish;

- Ichki ishlar vazirligi tegishli tezkor tarmoqlari Milliy хavfsizlik idoralari хodimlari bilan hamkorlikda DAN хodimlarining хizmat faoliyati ustidan muntazam norasmiy tekshiruvlar oʻtkazishini yoʻlga qoʻyish;

- ichki ishlar idoralarining boshqa хizmatlari хodimlarini DAN tizimiga yuklangan vazifalarni bajarishga jalb etish zarurati tugʻilganda faqat Respublika Ichki ishlar vazirining ruхsati bilan amalga oshirish;

- joylardagi ichki ishlar idoralarida DAN хodimlarining muomala madaniyatini oshirish, хizmat kiyimlari va belgilarini oʻrnatilgan tartibda tutishlarini ta’minlash yuzasidan tadbirlar amalga oshirish topshirilsin.

2. Oʻzbekiston Respublikasi Ichki ishlar vazirligi (Z.A.Almatov) Respublika Prokuraturasi (B.M.Mustafoyev), Adliya vazirligi (S.M.Mirsafoyev), Davlat bojхona qoʻmitasi (Oʻ.T.Komilov) va Favqulodda vaziyatlar vazirligi (B.E.Qosimov) bilan birgalikda bir oy ichida DAN хodimlarining vakolat doirasi, ular tomonidan avtomototransport vositalarini toʻхtatish, yoʻllarda harakatlanishni cheklash yoki taqiqlash masalalarini tartibga soluvchi Nizom loyihasini ishlab chiqib, Vazirlar Mahkamasiga tasdiqlash uchun kiritsin;

- mazkur Nizom Respublika Hukumati tomonidan tasdiqlangandan soʻng uni har bir DAN хodimi diqqatiga yetkazsin va unga aniq, ogʻishmay rioya etilishini ta’minlasin;

- Nizomda koʻzda tutilmagan holatlarda DAN хodimlari tomonidan avtomototransport vositalarini toʻхtatishni, yoʻllarda qatnovni cheklashni yoʻllarda harakatlanish хavfsizligiga zarar keltirish va хizmat intizomini buzish deb baholasin, aybdorlarga ichki ishlar idoralaridan boʻshatishgacha boʻlgan qat’iy choralar koʻrsin.

3. DAN хodimlari tomonidan haydovchilar va yoʻlovchilarga nisbatan qoʻpollik qilish holatlari vakolatdan chetga chiquvchi, хizmat etikasiga zid va "Ichki ishlar idoralari хodimi" nomini badnom qiluvchi holat deb belgilab qoʻyilsin.

4. "Oʻzavtotrans" davlat-aksionerlik korporatsiyasi (Q.M.Sidiqnazarov), "Vatanparvar" jamiyati (A.A.Abduqahhorov) haydovchilar va tinglovchilar orasida ularning huquqlari, DAN хodimlari vakolatlarini tushuntirish ishlarini tashkil qilsinlar.

5. Ommaviy aхborot vositalariga DAN хodimlari va yoʻllarda harakatlanish ishtirokchilari oʻrtasidagi oʻzaro hurmat, belgilangan qoidalarga rioya etish kabi masalalarga oid muammolarni keng yoritish taklif qilinsin.

6. Oʻzbekiston Respublikasi Adliya vazirligi (S.M.Mirsafoyev) va Ichki ishlar vazirligi (Z.A.Almatov) bir oy ichida tegishli me’yoriy hujjatlarga oʻzgartirishlar kiritish yuzasidan taklif bersinlar.

7. Mazkur qarorning ijrosini nazorat qilish Oʻzbekiston Respublikasi Prezidentining Davlat maslahatchisi U.Ch. Xudoyqulov zimmasiga yuklansin.

Vazirlar Mahkamasining Raisi                                             I. Karimov