Oʻzbekiston Respublikasi Prezidenti huzuridagi Vazirlar Mahkamasining 26.10.1992 y. 494-son "Orol" ilmiy-tadqiqiy muvofiqlashtirish markazining Nukus boʻlimini qayta tashkil qilish toʻgʻrisida"gi Qarori
OʻZBEKISTON RESPUBLIKASI
PREZIDENTI HUZURIDAGI
VAZIRLAR MAHKAMASINING
QARORI
26.10.1992 y.
N 494
"OROL" ILMIY-TADQIQIY
MUVOFIQLAShTIRISh MARKAZINING
NUKUS BOʻLIMINI QAYTA TAShKIL
QILISh TOʻGʻRISIDA
Orolboʻyi mintaqasida sodir boʻlayotgan jarayonlarni jadal va chuqur oʻrganish hamda ularning qonuniyatlarini aniqlash asosida Orolboʻyi ekologiyasi muammolariny hal qilish uchun mavjud ilmiy potensialdan samarali foydalanish maqsadida Vazirlar Mahkamasi QAROR QILADI:
1. "Orol" ilmiy-tadqiqiy muvofiqlashtirish markazining Nukus boʻlimi Oʻzbekiston Respublikasi Fanlar akademiyasining Qoraqalpogʻiston boʻlimi tarkibida Orolboʻyi ekologiya muammolari boʻlimi etib qayta tashkil qilinsin.
2. Moliya vazirligi Orolboʻyi ekologiya muammolari boʻlimining 1992 yil oхiriga qadar ishlashini Oʻzbekiston Respublikasi Fanlar akademiyasi taqdim etgan hisob-kitoblarga muvofiq ta’minlash uchun mablagʻ ajratsin.
3. Fan va teхnika davlat qoʻmitasi, Fanlar akademiyasi 1993 yilga va undan keyingi yillarga moʻljallangan davlat ilmiy-teхnikaviy dasturlari doirasida Orolboʻyi ekologiya muammolari boʻlimining ilmiy-tadqiqot ishlari mavzularini koʻzda tutsin.
4. Ushbu qarorning bajarilishini nazorat qilish Oʻzbekiston Respublikasi Bosh vaziri oʻrinbosari oʻrtoq M.Q. Qoraboyev zimmasiga yuklatilsin.
Oʻzbekiston Respublikasining Bosh vaziri A. Mutalov