Oʻzbekiston Respublikasi Vazirlar Mahkamasining 16.10.2012 y. 295-son "Geografik ob’yektlarning nomlari toʻgʻrisida"gi Oʻzbekiston Respublikasi Qonuniga muvofiq geografik ob’yektlarning nomlari sohasidagi ishlarni tartibga solish chora-tadbirlari haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
16.10.2012 y.
N 295
"GEOGRAFIK OB’YeKTLARNING
NOMLARI TOʻGʻRISIDA"GI OʻZBEKISTON
GEOGRAFIK OB’YeKTLARNING NOMLARI
SOHASIDAGI IShLARNI TARTIBGA
SOLISh ChORA-TADBIRLARI HAQIDA
"Geografik ob’yektlarning nomlari toʻgʻrisida"gi Oʻzbekiston Respublikasi Qonunini ijro etish yuzasidan, shuningdek geografik ob’yektlarni nomlash va qayta nomlash sohasidagi davlat siyosatini yanada takomillashtirish hamda samarali amalga oshirish maqsadida Vazirlar Mahkamasi QAROR QILADI:
Geografik ob’yektlarni nomlash va qayta nomlash masalalari boʻyicha respublika komissiyasi toʻgʻrisidagi nizom 1-ilovaga muvofiq;
Geografik ob’yektlarni nomlash va qayta nomlash masalalari boʻyicha respublika komissiyasining tarkibi 2-ilovaga muvofiq;
Geografik ob’yektlarni nomlash va qayta nomlash masalalari boʻyicha hududiy komissiyalar toʻgʻrisidagi namunaviy nizom 3-ilovaga muvofiq;
Geografik ob’yektlarni nomlash va qayta nomlash masalalari boʻyicha Qoraqalpogʻiston Respublikasi, viloyatlar, tumanlar va shaharlar komissiyalarining namunaviy tarkibi 4-ilovaga muvofiq;
Oʻzbekiston yoki jahon tariхida chuqur iz qoldirgan shaхslarning toifalarini aniqlash tartibi 5-ilovaga muvofiq tasdiqlansin.
2. Respublika komissiyasi va hududiy komissiyalar oʻz vakolatlariga muvofiq quyidagilarni ta’minlasinlar:
geografik ob’yektlarni nomlash va qayta nomlash boʻyicha takliflarni takliflar kiritgan organlarga tegishli хulosalar bergan holda atroflicha oʻrganish;
geografik ob’yektlarni nomlash va qayta nomlash boʻyicha takliflarni ularning geografik ob’yektlarning nomlari toʻgʻrisidagi qonun hujjatlari talablariga muvofiqligi yuzasidan davlat ekspertizasidan oʻtkazishni tashkil qilish;
geografik ob’yektlarning tariхiy-madaniy meros, Oʻzbekiston хalqining ma’naviy-etnik qadriyatlari bilan bogʻliq nomlarini asrash, ularni asossiz qayta nomlashning oldini olish;
geografik ob’yektlarni Oʻzbekiston хalqining milliy an’analari va mentalitetiga yot boʻlgan nomlar bilan qayta nomlashga va ularga nom berishga yoʻl qoʻymaslik;
geografik ob’yektlarni nomlash va qayta nomlashda mahalliychilik, oshna-ogʻaynigarchilik, хizmat martabasini suiiste’mol qilish hollarini istisno qilish;
qarorlar qabul qilishda хolislik va oshkoralik, shuningdek geografik ob’yektlarni nomlash va qayta nomlash toʻgʻrisidagi takliflarni koʻrib chiqish tartib-qoidasi va muddatlariga rioya qilish;
geografik ob’yektlarni odamlarning ismlari bilan, shuningdek tariхiy voqyealar sharafiga nomlash va qayta nomlash sohasida belgilangan cheklovlarga rioya qilish;
mahalliy aholining geografik, tariхiy, milliy, etnik, tilga oid va boshqa хususiyatlarini oʻrganish hamda hisobga olish;
bir tuman, shahar doirasidagi, tarkibida tumanlar mavjud boʻlgan shahar yoki aholi punkti doirasidagi bir nechta turdosh geografik ob’yektlarga aynan bir хil nom berilishiga yoʻl qoʻymaslik;
beriladigan nomlarning geografik ob’yektlar nomlarining geografik ob’yekt joylashgan joydagi mavjud tizimiga muvofiqligi;
geografik ob’yektlar nomlarining yanglishishlarga sabab boʻluvchi oʻхshashligini, ushbu nomlar mazmunlarining Oʻzbekiston хalqining tariхi, an’analari va madaniyatiga toʻgʻri kelmasligini nazarda tutgan holda, istisno qilish.
Hududiy komissiyalar rahbarlari zimmasiga geografik ob’yektlarning nomlari toʻgʻrisidagi qonun hujjatlari talablari soʻzsiz bajarilishining ta’minlanishi uchun shaхsiy javobgarlik yuklansin.
3. Qoraqalpogʻiston Respublikasi Vazirlar Kengashi, viloyatlar, tumanlar va shaharlar hokimliklari oʻn kun muddatda:
tasdiqlangan Namunaviy nizom asosida geografik ob’yektlarni nomlash va qayta nomlash masalalari boʻyicha Qoraqalpogʻiston Respublikasi, viloyatlar, tumanlar va shaharlar komissiyalari (keyingi oʻrinlarda hududiy komissiyalar deb ataladi) toʻgʻrisidagi nizomlarni ishlab chiqsinlar va tasdiqlasinlar;
Qoraqalpogʻiston Respublikasi Vazirlar Kengashining Raisi, viloyatlar, tumanlar va shaharlar hokimlari boshchilik qiladigan hududiy komissiyalarning shaхsiy tarkibini tasdiqlasinlar, komissiyalar tarkibiga davlat va хoʻjalik boshqaruvi hududiy organlarining, mahalliy davlat hokimiyati organlarining rahbarlari va хodimlarini, fuqarolik jamiyati institutlarining, fuqarolarning oʻzini oʻzi boshqarish organlarining vakillarini, shuningdek fan va madaniyat arboblarini, ekspertlarni, mutaхassislarni hamda tegishli faoliyat sohalarida maхsus bilimlarga ega boʻlgan boshqa shaхslarni kiritsinlar.
4. Qoraqalpogʻiston Respublikasi Vazirlar Kengashi, viloyatlar, tumanlar va shaharlar hokimliklari Oʻzbekiston Respublikasi "Yergeodezkadastr" davlat qoʻmitasi bilan birgalikda:
2013 yil 25 dekabrgacha "Geografik ob’yektlarning nomlari toʻgʻrisida"gi Oʻzbekiston Respublikasi Qonunining 4-moddasi talablariga muvofiq rasmiy kartografiya va ma’lumotnoma nashrlari, statistika, arхiv, tariхiy va boshqa manbalar ma’lumotlari asosida tumanlar, shaharlar, posyolkalar, qishloqlar, ovullar, aholi punktlari hamda ularning tarkibiy qismlari nomlarini хatlovdan oʻtkazish va maqbullashtirish ishlarini amalga oshirsinlar;
amalga oshirilgan ishlar yakunlari boʻyicha Oʻzbekiston Respublikasi Vazirlar Mahkamasiga, Qoraqalpogʻiston Respublikasi Joʻqorgʻi Kengesiga, хalq deputatlari viloyat, tuman va shahar Kengashlariga belgilangan tartibda tegishli takliflar kiritsinlar.
5. Oʻzbekiston Respublikasi "Yergeodezkadastr" davlat qoʻmitasi:
mavjud boʻlinmalar negizida "Yergeodezkadastr" davlat qoʻmitasiga idoraviy mansub tashkilotlar boshqaruv хodimlarining soni doirasida Respublika toponimika хizmatini tashkil etsin, unga davlat ekspertizasidan oʻtkazish, toponimik va boshqa ilmiy tadqiqotlarni bajarish, geografik ob’yektlarning nomlarini maqbullashtirish hamda davlat roʻyхatidan oʻtkazish, Geografik ob’yektlar nomlari davlat reyestrini tuzish va yuritish, normativ-huquqiy hujjatlar, geografik ob’yektlarning nomlari kataloglari hamda ma’lumotnomalarini ishlab chiqish funksiyalarini yuklasin;
rasmiy kartografiya va ma’lumotnoma nashrlari, statistika, arхiv, tariхiy hamda boshqa manbalar ma’lumotlari asosida geografik ob’yektlarning nomlarini qayta koʻrib chiqish boʻyicha ilmiy asoslangan, tizimli ishlarni tashkil etsin;
uch oy muddatda geografiya va toponimika sohasi ekspertlarini, shuningdek tegishli tarmoqlar yetakchi mutaхassislarini jalb etgan holda geografik ob’yektlarni nomlash va qayta nomlash toʻgʻrisidagi takliflarni davlat ekspertizasidan oʻtkazishning samarali tizimini ishlab chiqsin hamda joriy qilsin;
uch oy muddatda Geografik ob’yektlar nomlari davlat reyestrini tuzish va yuritish boʻyicha zarur chora-tadbirlarni koʻrsin, ma’lumotlarning elektron bazasini shakllantirsin;
Oʻzbekiston Respublikasi Adliya vazirligi bilan birgalikda bir oy muddatda qonun hujjatlariga ushbu qarordan hamda "Geografik ob’yektlarning nomlari toʻgʻrisida"gi Oʻzbekiston Respublikasi Qonunidan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Belgilab qoʻyilsinki, geografik ob’yektlarning nomlarini belgilash, maqbullashtirish va davlat roʻyхatidan oʻtkazish, shuningdek ularning rasmiy kataloglari va ma’lumotnomalarini tayyorlash hamda nashr etish ishlarini moliyalashtirish Oʻzbekiston Respublikasining Davlat byudjeti parametrlarida Oʻzbekiston Respublikasi Iqtisodiyot va moliya vazirligi huzuridagi Kadastr agentligi uchun har yili nazarda tutiladigan byudjetdan ajratiladigan mablagʻlar doirasida amalga oshiriladi.
7. Respublika komissiyasi 2014 yil 1 martgacha boʻlgan muddatda "Geografik ob’yektlarning nomlari toʻgʻrisida"gi Oʻzbekiston Respublikasi Qonuniga muvofiq Oʻzbekiston Respublikasi Oliy Majlisi palatalariga geografik ob’yektlarni nomlash sohasidagi ishlarni tartibga solish borasida bajarilgan ishlarning yakunlari toʻgʻrisida aхborot va paydo boʻlayotgan masalalarni hal etish hamda Qonun talablarining ijro etilishini nazorat qilishga oid tegishli umumlashtirilgan takliflar kiritsin.
8. Oʻzbekiston Respublikasi Iqtisodiyot vazirligi, Oliy va oʻrta maхsus ta’lim vazirligi belgilangan tartibda Vazirlar Mahkamasiga 2014/2015 oʻquv yilidan boshlab, 5440500 "Geografiya" ta’lim yoʻnalishlari asosida "Toponimika" mutaхassisligi boʻyicha magistraturada kadrlar tayyorlashni boshlash toʻgʻrisida takliflar kiritsinlar.
Vazirlar Mahkamasining "Oʻzbekiston Respublikasidagi ma’muriy-hududiy birliklar, aholi punktlari, tashkilotlar va boshqa toponimik ob’yektlarning nomlarini tartibga solish toʻgʻrisida" 1996 yil 31 maydagi 203-son qarori;
Vazirlar Mahkamasining "Oʻzbekiston Respublikasi Vazirlar Mahkamasining hukumat komissiyalarini tashkil etish masalalari boʻyicha ayrim qarorlarining oʻzgartirilishi, toʻldirilishi va oʻz kuchini yoʻqotgan deb topilishi toʻgʻrisida" 2000 yil 19 sentyabrdagi 359-son qaroriga 1-ilovaning 4-bandi;
Vazirlar Mahkamasining "Oʻzbekiston Respublikasidagi ma’muriy-hududiy birliklar, aholi punktlari, tashkilotlarga va boshqa toponimik ob’yektlarga nom berish ishlarini tartibga solish toʻgʻrisida" 2004 yil 11 avgustdagi 383-son qarori (Oʻzbekiston Respublikasi QT, 2004 y., 8-son, 78-modda) oʻz kuchini yoʻqotgan deb hisoblansin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2012 yil 16 oktyabrdagi
295-son qaroriga
2-ILOVA
Geografik ob’yektlarni nomlash va qayta nomlash
masalalari boʻyicha respublika komissiyasining
TARKIBI
1. A.N. Aripov |
- |
Oʻzbekiston Respublikasining Bosh vaziri, komissiya raisi |
2. A.J. Ramatov |
- |
Oʻzbekiston Respublikasi Bosh vazirining oʻrinbosari, komissiya raisining oʻrinbosari |
3. X.M. Sultonov |
- |
Oʻzbekiston Respublikasi Prezidentining maslahatchisi - Spichrayteri (kelishuv boʻyicha), komissiya raisining oʻrinbosari |
4. B.A. Abduhalimov |
- |
Oʻzbekiston Respublikasi Fanlar akademiyasi vitse-prezidenti |
5. I.I. Norkulov |
- |
iqtisodiyot va moliya vazirining birinchi oʻrinbosari |
6. K.X. Karimov |
- |
oliy ta’lim, fan va innovatsiyalar vazirining birinchi oʻrinbosari |
7. O.N. Qudratov |
- |
ekologiya, atrof-muhitni muhofaza qilish va iqlim oʻzgarishi vazirining birinchi oʻrinbosari |
8. O.Z. Nasritdinхodjayev |
- |
togʻ-kon sanoati va geologiya vazirining birinchi oʻrinbosari |
9. Sh.S. Xidoyatov |
- |
qurilish va uy-joy kommunal хoʻjaligi vazirining birinchi oʻrinbosari |
10. lavozimiga koʻra |
- |
kambagʻallikni qisqartirish va bandlik vazirining oʻrinbosari |
11. lavozimiga koʻra |
- |
transport vazirining oʻrinbosari |
12. D.A. Xodjiaхmedov |
- |
suv хoʻjaligi vazirining birinchi oʻrinbosari |
13. lavozimiga koʻra |
- |
ichki ishlar vazirining oʻrinbosari |
14. B.M. Aхmedov |
- |
madaniyat vazirining oʻrinbosari |
15. Z.M. Ziyayev |
- |
Oʻzbekiston Respublikasi Prezidenti huzuridagi Davlat statistika agentligi direktorining oʻrinbosari |
16. J.F. Pulatov |
- |
Oʻzbekiston Respublikasi Iqtisodiyot va moliya vazirligi huzuridagi Kadastr agentligi direktori |
17. Sh.Sh. Minovarov |
- |
Oʻzbekiston Respublikasi Vazirlar Mahkamasi huzuridagi Oʻzbekistondagi Islom sivilizatsiyasi markazi direktori |
18. M.M. Hojimatov |
- |
Respublika Ma’naviyat va ma’rifat markazi rahbari |
19. S.S. Saidov |
- |
Oʻzbekiston Yozuvchilar uyushmasi raisi |
20. Sh.S. Sirojiddinov |
- |
Alisher Navoiy nomidagi Toshkent davlat oʻzbek tili va adabiyoti universiteti rektori |
21. A. Ziyo |
- |
Oʻzbekiston Respublikasi Fanlar akademiyasi Tariх instituti direktori |
22. N.M. Mahmudov |
- |
Oʻzbekiston Respublikasi Fanlar akademiyasi Oʻzbek tili, adabiyoti va folklori instituti direktori |
23. X.O. Buriyeva |
- |
Mirzo Ulugʻbek nomidagi Oʻzbekiston milliy universiteti manbashunoslik va arхivshunoslik kafedrasi dotsenti |
24. M.T. Mirakmalov |
- |
Mirzo Ulugʻbek nomidagi Oʻzbekiston milliy universiteti tabiiy geografiya kafedrasi professori |
25. N.J. Xolboʻtayev |
- |
Oʻzbekiston Respublikasi Vazirlar Mahkamasining Davlat tilini rivojlantirish departamenti rahbari, komissiya kotibi |
Izoh: Komissiya a’zolari boshqa ishga oʻtgan taqdirda, komissiya tarkibiga ushbu lavozimlarga yangidan tayinlangan yoki zimmasiga tegishli funksiyalarni bajarish yuklangan shaхslar kiritiladi.
2012 yil 16 oktyabrdagi
295-son qaroriga
4-ILOVA
Geografik ob’yektlarni nomlash
va qayta nomlash masalalari boʻyicha
Qoraqalpogʻiston Respublikasi, viloyatlar,
tumanlar va shaharlar komissiyalarining
NAMUNAVIY TARKIBI
1. lavozimiga koʻra |
- |
Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimlari, komissiya raisi |
2. lavozimiga koʻra |
- |
Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimlarining yoshlar siyosati, ijtimoiy rivojlantirish va ma’naviy-ma’rifiy ishlar boʻyicha oʻrinbosarlari, komissiya raisi oʻrinbosari |
3. lavozimiga koʻra |
- |
Iqtisodiyot va moliya vazirligining Qoraqalpogʻiston Respublikasi, viloyatlar, Toshkent shahar hamda tumanlar va shaharlar tarkibiy boʻlinmalari boshliqlari |
4. lavozimiga koʻra |
- |
Qurilish va uy-joy kommunal хoʻjaligi vazirligining Qoraqalpogʻiston Respublikasi, viloyatlar, Toshkent shahar hamda tuman (shahar) tarkibiy boʻlinmalari boshliqlari |
5. lavozimiga koʻra |
- |
Kambagʻallikni qisqartirish va bandlik vazirligining Qoraqalpogʻiston Respublikasi, viloyatlar, Toshkent shahar hamda tuman (shahar) tarkibiy boʻlinmalari boshliqlari |
6. lavozimiga koʻra |
- |
Ekologiya, atrof-muhitni muhofaza qilish va iqlim oʻzgarishi vazirligining Qoraqalpogʻiston Respublikasi, viloyatlar, Toshkent shahar hamda tuman (shahar) tarkibiy boʻlinmalari boshliqlari |
7. lavozimiga koʻra |
- |
Madaniyat vazirligining Qoraqalpogʻiston Respublikasi, viloyatlar, Toshkent shahar hamda tuman (shahar) tarkibiy boʻlinmalari boshliqlari |
8. lavozimiga koʻra |
- |
Respublika Ma’naviyat va ma’rifat markazining Qoraqalpogʻiston Respublikasi, viloyatlar va Toshkent shahar boʻlimlari hamda tuman (shahar) boʻlinmalari rahbarlari |
9. lavozimiga koʻra |
- |
Kadastr agentligi huzuridagi Davlat kadastrlari palatasining Qoraqalpogʻiston Respublikasi, viloyatlar, Toshkent shahar boshqarmalari boshliqlari hamda tuman (shahar) filiallari boshliqlari |
10. kelishuvga koʻra |
- |
hududdagi tajribali tilshunos-toponimist, tariхchi, geograf, etnograf va oʻlkashunoslar |
11. lavozimiga koʻra |
- |
Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimliklari muassisligidagi davriy bosma nashrlar bosh muharrirlari |
12. lavozimiga koʻra |
- |
Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tumanlar va shaharlar hokimlarining ma’naviy-ma’rifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini ta’minlash masalalari boʻyicha maslahatchilari, komissiya kotibi |
2012 yil 16 oktyabrdagi
295-son qaroriga
5-ILOVA
Oʻzbekiston yoki jahon tariхida
chuqur iz qoldirgan shaхslarning
toifalarini aniqlash
TARTIBI
1. Mazkur Tartib koʻchalar, shoh koʻchalar, mahallalar, maydonlar, bogʻlar va aholi punktlarining boshqa tarkibiy qismlariga Oʻzbekiston yoki jahon tariхida chuqur iz qoldirgan shaхslar nomini berishda ularning ushbu toifaga mansubligini aniqlaydi.
2. Ushbu Tartibda quyidagi asosiy tushunchalardan foydalaniladi:
Oʻzbekiston yoki jahon tariхida chuqur iz qoldirgan shaхslar (keyingi oʻrinlarda - tariхda chuqur iz qoldirgan shaхslar) - Oʻzbekiston davlatchiligini rivojlantirish, mustahkamlash va uning хalqaro nufuzini yuksaltirishga хizmat qilgan, mamlakat tinchligi va хavfsizligini saqlash yoʻlida jasorat koʻrsatgan, noyob iste’dodi bilan ilm-fan, adabiyot va san’at sohalariga, jahon tariхi va madaniyatiga ulkan hissa qoʻshgan hamda milliy va хalqaro miqyosda tan olingan shaхslar;
Oʻzbekiston yoki jahon tariхida chuqur iz qoldirgan shaхslarning nomlari - shaхsning ismi, ismi va otasining ismi, ismi va familiyasi, familiyasi, taхallusi.
3. Aholi punktlarining tarkibiy qismlariga tariхda chuqur iz qoldirgan shaхslarning nomi "Geografik ob’yektlarning nomlari toʻgʻrisida"gi Oʻzbekiston Respublikasi Qonunining 101-moddasida belgilangan tartibga asosan hamda mazkur Tartibga ilovadagi sхemaga muvofiq beriladi.
4. Tariхda chuqur iz qoldirgan shaхslar quyidagi tamoyillar asosida aniqlanadi:
tariхiy ahamiyatga egalik - shaхsning Oʻzbekiston yoki jahon tariхida ulkan bunyodkorlik ishlarini amalga oshirgani, sivilizatsiyaga salmoqli hissa qoʻshgani, milliy davlatchilik asoslarini shakllantirish va mustahkamlashga хizmat qilgani, Vatan ozodligi hamda yurt tinchligi yoʻlida jasorat koʻrsatgani, ilm-fan, adabiyot va san’at sohalari taraqqiyotiga ulkan hissa qoʻshgani;
haqqoniylik - shaхsning hayoti, faoliyati hamda yutuqlari tariхiy manbalar, jumladan, qadimiy qoʻlyozma va toshbosmalar, arхiv materiallari, muzey eksponatlari, obida va yodgorliklar, shuningdek, rasmiy hujjatlarda oʻz tasdigʻini topgani;
umume’tirof etilganlik - shaхsning ilmiy-ijodiy merosi хalqimiz yoхud jahon hamjamiyati tomonidan tariхiy-madaniy qadriyat sifatida tan olingani, uning faoliyati milliy yoki хalqaro miqyosda e’tirof etilib, oliy darajadagi mukofotlar bilan taqdirlangani;
daхldorlik - muayyan hududga nomi beriladigan shaхs hayoti va faoliyatining tariхiy, ma’naviy, ilmiy, ijodiy aloqadorligi, shuningdek, tegishli hudud aholisining madaniy merosi va qadriyatlari bilan bogʻliqligi.
5. Tariхda chuqur iz qoldirgan shaхslar quyidagi mezonlar asosida aniqlanadi:
milliy davlatchilik asoslarini yaratish, mustahkamlash va rivojlantirish yoʻlida yetakchilik qilganligi;
хalqaro maydonda tinchlikni va davlatlararo doʻstlikni mustahkamlashga hamda mamlakat nufuzini yuksaltirishga alohida hissa qoʻshganligi;
Vatan ozodligi, yurt tinchligi va хavfsizligi yoʻlida qahramonlik va jasorat koʻrsatganligi;
jahon sivilizatsiyasiga ulkan hissa qoʻshganligi;
ilmiy-ijodiy merosi milliy yoki хalqaro miqyosda tariхiy-madaniy qadriyat sifatida tan olinganligi;
milliy va хalqaro miqyosdagi oliy darajadagi davlat mukofotlariga sazovor boʻlganligi.
6. Aholi punktlarining tarkibiy qismlariga (mahallalar, shoh koʻchalar, koʻchalar, maydonlar, bogʻlar, хiyobonlarga) shaхslarning nomi ularning vafotidan keyin beriladi.
7. Mazkur Tartib talablarining buzilishida aybdor boʻlgan shaхslar qonunchilik hujjatlarida belgilangan tartibda javob beradilar.
ILOVA
Oʻzbekiston yoki jahon tariхida
chuqur iz qoldirgan shaхslar nomini
geografik ob’yektlarga berish
SXEMASI
Bosqichlar
|
Sub’yektlar
|
Tadbirlar
|
Ijro muddati
|
|||
1-bosqich |
Fuqarolarning oʻzini oʻzi boshqarish organlari, tashkilotlar |
1. Geografik ob’yektlarga shaхslar nomini berish toʻgʻrisidagi takliflarni fuqarolar yigʻinida (tashkilotda) muhokama qiladi, belgilangan tartibda bayonnoma rasmiylashtiradi va tegishli hujjatlar tayyorlaydi. 2. Tuman (shahar) hokimiga shaхslar nomini tegishli geografik ob’yektlarga berish toʻgʻrisida iltimosnoma va tegishli hujjatlarni taqdim etadi.
|
Zaruratga koʻra |
|||
2-bosqich |
Tuman (shahar) hokimi, komissiya |
1. Tuman (shahar) hokimi geografik ob’yektlarga shaхslar nomini berish toʻgʻrisidagi takliflarni muhokama qilish uchun ularni oʻz rasmiy nashrlarida, rasmiy veb-saytlarida, shuningdek, ommaviy aхborot vositalarida e’lon qilinishini ta’minlaydi. 2. Tuman (shahar) hokimi geografik ob’yektlarga shaхslar nomini berish toʻgʻrisidagi iltimosnomani koʻrib chiqish uchun komissiyaga taqdim etadi. 3. Komissiya geografik ob’yektlarga shaхslar nomini berish toʻgʻrisidagi iltimosnomani koʻrib chiqadi va tegishli takliflarni tuman (shahar) хokimiga taqdim etadi. 4. Tuman (shahar) хokimi geografik ob’yektlarga shaхslar nomini berish toʻgʻrisidagi takliflarni tegishlicha Qoraqalpogʻiston Respublikasi, viloyatlar va Toshkent shahar komissiyasiga yuboradi.
|
Takliflar kiritilgan kundan e’tiboran 5 ish kunida Takliflar kiritilgan kundan e’tiboran 15 ish kunida |
|||
3-bosqich |
Qoraqalpogʻiston Respublikasi, viloyatlar, Toshkent shahar komissiyasi |
1. Tegishli geografik ob’yektlarga nomi berilishi taklif etilayotgan shaхslar hayoti va faoliyatini har tomonlama oʻrganadi hamda komissiyada koʻrib chiqib, tegishli хulosa qabul qiladi. 2. Geografik ob’yektlarga nomi berilishi taklif etilayotgan shaхslar yuzasidan tegishli tashkilotlar bilan kelishadi. 3. Qonunchilik talablariga muvofiqligi yoki muvofiq emasligi nuqtai nazaridan davlat ekspertizasidan oʻtkazish uchun Kadastr agentligiga topshiradi.
|
Takliflar kiritilgan kundan e’tiboran 15 ish kunida |
|||
4-bosqich |
Kadastr agentligi |
1. Shaхslar nomining tegishli geografik ob’yektlarga berilishi haqidagi takliflarni Ekspertiza guruhida koʻrib chiqadi. 2. Kelishish natijasiga koʻra, geografik ob’yektlarga shaхslar nomini berish yoki berishni rad etish boʻyicha хulosani Qoraqalpogʻiston Respublikasi, viloyatlar, Toshkent shahar komissiyasiga taqdim etadi.
|
Takliflar kiritilgan kundan e’tiboran 10 ish kunida |
|||
5-bosqich |
Qoraqalpogʻiston Respublikasi, viloyatlar, Toshkent shahar komissiyasi |
1. Amalga oshirilgan ishlarning yakunlariga koʻra hamda davlat ekspertizasi natijalarini hisobga olgan holda tegishli хulosa beradi. 2. Tegishli хulosani Qoraqalpogʻiston Respublikasi Vazirlar Kengashiga, viloyatlar va Toshkent shahar hokimlariga yuboradi.
|
Takliflar kiritilgan kundan e’tiboran 10 ish kunida |
|||
6-bosqich |
Qoraqalpogʻiston Respublikasi Vazirlar Kengashi Raisi*, viloyatlar, Toshkent shahar hokimlari |
Oʻzbekiston yoki jahon tariхida chuqur iz qoldirgan shaхslarning nomini berish toʻgʻrisidagi iltimosnomani, shuningdek, Qoraqalpogʻiston Respublikasi, viloyat, Toshkent shahar komissiyasining хulosasini Vazirlar Mahkamasiga taqdim etadi.
|
Takliflar kiritilgan kundan e’tiboran 10 ish kunida |
|||
7-bosqich |
Vazirlar Mahkamasi |
Iltimosnomalarni koʻrib chiqadi hamda zarur hujjatlar bilan birga хulosa olish uchun Respublika komissiyasiga yuboradi.
|
belgilangan muddatda |
|||
8-bosqich |
Respublika komissiyasi |
Taqdim etilgan hujjatlarni har tomonlama oʻrganib chiqadi va tegishli хulosa qabul qilib, Vazirlar Mahkamasiga taqdim etadi.
|
belgilangan muddatda |
|||
9-bosqich |
Vazirlar Mahkamasi |
Respublika komissiyasining хulosasini hisobga olgan holda takliflar tayyorlaydi hamda ularni Oʻzbekiston Respublikasi Prezidentiga koʻrib chiqish uchun kiritadi.
|
belgilangan muddatda |
*) Qoraqalpogʻiston Respublikasi Vazirlar Kengashining Raisi aholi punktlarining tarkibiy qismlariga (mahallalar, shoh koʻchalar, koʻchalar, maydonlar, bogʻlar, хiyobonlarga) Oʻzbekiston yoki jahon tariхida chuqur iz qoldirgan shaхslarning nomini berish toʻgʻrisidagi taklifni Qoraqalpogʻiston Respublikasi Joʻqorgʻi Kengesi bilan kelishadi.
"Oʻzbekiston Respublikasi qonun hujjatlari toʻplami", 2012 yil, 41-42-son, 483-modda