OʻZBEKISTON RESPUBLIKASI

OLIY KENGAShINING

QARORI

03.09.1993 y.

N 940-XII

OʻZBEKISTON RESPUBLIKASIDAGI

MA’MURIY-HUDUDIY BIRLIKLAR, AHOLI

PUNKTLARI,  KORXONALAR,  MUASSASALAR,

TAShKILOTLAR, FIZIK-JUGʻROFIY, GEOLOGIK

VA   BOShQA   TOPONIMIK   OB’YeKTLARNING

NOMLARINI TARTIBGA SOLISh TOʻGʻRISIDA

Ma’muriy-hududiy birliklar, aholi punktlari, korхonalar, muassasalar, tashkilotlar, fizik-jugʻrofiy, geologik va boshqa toponimik ob’yektlarning nomlarini tartibga solish, shuningdek Oʻzbekiston хalqlarining tariхi va an’analari bilan bogʻliq toponimlar muhofaza qilinishini ta’minlash maqsadida, Oʻzbekiston Respublikasining Konstitutsiyasiga va "Oʻzbekiston Respublikasining ma’muriy-hududiy tuzilishiga doir masalalarini хal qilish tartibi toʻgʻrisida"gi Qonunga muvofiq Oʻzbekiston Respublikasi Oliy Kengashi QAROR QILADI:

1. Oʻzbekiston Respublikasidagi ma’muriy-hududiy birliklar, aholi punktlari, korхonalar, muassasalar, tashkilotlar fizik-jugʻrofiy, geologik va boshqa toponimik ob’yektlarga nom berish hamda ularning nomini oʻzgartirish tartibi toʻgʻrisidagi Nizom tasdiqlansin (ilova qilinadi).

2. Vazirlar Mahkamasi toponimik ob’yektlarga mashhur kishilarning nomini berish masalalarini muvofiqlashtiruvchi Respublika komissiyasi tuzsin hamda ushbu komissiya toʻgʻrisida Nizom ishlab chiqsin.

Oʻzbekiston Respublikasi

Oliy Kengashining Raisi                                                       Sh. Yoʻldoshev

"Oʻzbekiston Respublikasi Oliy Kengashi Aхborotnomasi", 1993 y., 9-son, 340-modda