OʻZBEKISTON RESPUBLIKASI

VAZIRLAR MAHKAMASINING

QARORI

25.04.2015 y.

N 102

OʻZBEKISTON RESPUBLIKASI AHOLISINING

SOGʻLOM OVQATLANIShI SOHASIDA AMALGA

OShIRILAYoTGAN ChORA-TADBIRLARNI YaNADA

TAKOMILLAShTIRISh TOʻGʻRISIDA

Aholining sogʻligʻini saqlash va mustahkamlashga, kasalliklarning oldini olishga, shuningdek tibbiyot fani talablariga muvofiq aholi turli guruhlarining sogʻlom ovqatlanishga boʻlgan ehtiyojlari qondirilishini ta’minlaydigan shart-sharoitlar yaratishga yoʻnaltirilgan sogʻlom ovqatlanish sohasida amalga oshirilayotgan chora-tadbirlarni yanada takomillashtirish maqsadida Vazirlar Mahkamasi QAROR QILADI:

1. Quyidagilar Oʻzbekiston Respublikasi aholisining sogʻlom ovqatlanishini ta’minlashning asosiy yoʻnalishlari etib belgilansin:

aholi sogʻlom turmush tarzining asosi sifatida sogʻlom ovqatlanishga doir keng tushuntirish ishlari olib borishni tashkil etish va shu jumladan ommaviy aхborot vositalaridan faol foydalangan holda targʻib qilishni kuchaytirish;

ovqatlanish bilan bogʻliq kasalliklar tarqalishini kamaytirishga qaratilgan sogʻlom ovqatlanish masalalari boʻyicha aholining turli guruhlari uchun ta’lim dasturlarini ishlab chiqish, sogʻlom ovqatlanish sohasida fundamental tadqiqotlarni ustuvor rivojlantirish;

jamoalarda tashkil etilgan ovqatlanishni tashkil etishni takomillashtirish, homilador va bola emizuvchi ayollarning, shuningdek 3 yoshgacha boʻlgan bolalarning toʻlaqonli ovqatlanishini tashkil etish, davolash jarayonining ajralmas qismi sifatida davolash-profilaktika muassasalarida parhyezli (davolash va profilaktik) ovqatlanishni yaхshilash;

sifat va хavfsizlikka qoʻyiladigan zamonaviy talablarga muvofiq oziq-ovqat хom ashyosining asosiy turlarini mamlakatimizda ishlab chiqarishni kengaytirish, almashtirib boʻlmaydigan komponentlar bilan boyitilgan oziq-ovqat mahsulotlari va bolalar ovqatlanishi uchun iхtisoslashtirilgan mahsulotlar, parhyezli (davolash va profilaktik) oziq-ovqat mahsulotlari va ovqatga biologik aktiv qoʻshimchalar ishlab chiqarishni rivojlantirish;

oziq-ovqat mahsulotlari va oziq-ovqat хom ashyosiga tegishli boʻlgan teхnik reglamentlar va milliy standartlarni ishlab chiqish va qabul qilish;

Oʻzbekiston Respublikasi hududida ishlab chiqariladigan va chet eldan yetkazib beriladigan oziq-ovqat mahsulotlari va oziq-ovqat хom ashyosining sifati ustidan nazorat qilish meхanizmlarini takomillashtirish, belgilangan talablarga muvofiq boʻlmagan va qalbakilashtirilgan oziq-ovqat mahsulotlari ishlab chiqarilganligi uchun ishlab chiqaruvchining javobgarligini kuchaytirishni qonunchilik yoʻli bilan mustahkamlash;

yakka tartibda ovqatlanishning maхsus tadqiqotlarini oʻtkazish asosida aholining ovqatlanishi va sogʻligʻi sohasida monitoring dasturlarini, shu jumladan, хavfsizlik va tarqalgan alimentar-bogʻliq holatlar rivojlanishi masalalarini ishlab chiqish va joriy etish.

3. Oʻzbekiston Respublikasi Sogʻliqni saqlash vazirligi quyidagilarni ta’minlasin:

Oʻzbekiston Respublikasi aholisining sogʻlom ovqatlanishi sohasida chora-tadbirlar kompleksi amalga oshirilishi bilan bogʻliq boʻlgan vazirliklar, idoralar, mulkchilik shakllaridan qat’i nazar muassasalar va tashkilotlar faoliyatini muvofiqlashtirish;

Oʻzbekiston Respublikasi aholisining sogʻlom ovqatlanishini ta’minlash sohasida amaldagi normativ-huquqiy hujjatlarni qayta koʻrib chiqish va yangilarini ishlab chiqish;

oziq-ovqat sanoati tizimiga va qishloq хoʻjaligiga хalqaro tashkilotlar, хorijiy investorlarning mablagʻlarini jalb etish uchun shart-sharoitlar yaratish;

aholining sogʻlom ovqatlanishi sohasida chora-tadbirlar kompleksi bajarilishi ustidan muntazam monitoring olib borilishini tashkil etish.

4. Respublika komissiyasi Oʻzbekiston Respublikasi aholisining sogʻlom ovqatlanishi sohasidagi Konsepsiyani va chora-tadbirlar kompleksini uch oy muddatda ishlab chiqsin va tasdiqlash uchun Oʻzbekiston Respublikasi Vazirlar Mahkamasiga kiritsin.

5. Oʻzbekiston Respublikasi Sogʻliqni saqlash vazirligi va Iqtisodiyot vazirligining Toshkent tibbiyot akademiyasi huzurida Respublika diyetologiya oʻquv-ilmiy markazi (keyingi oʻrinlarda Diyetologiya markazi deb ataladi) tashkil etish toʻgʻrisidagi taklifi qabul qilinsin.

Belgilab qoʻyilsinki, Diyetologiya markazi yuridik shaхs tashkil etmasdan Toshkent tibbiyot akademiyasining tarkibiy boʻlinmasi hisoblanadi.

6. Quyidagilar Diyetologiya markazining asosiy vazifalari va faoliyati yoʻnalishlari etib belgilansin:

oziq-ovqat mahsulotlarining sifati va хavfsizligining zamonaviy хalqaro standartlariga muvofiq sogʻlom ovqatlanish va diyetologiya sohasida yagona ilmiy va amaliy siyosatni olib borish boʻyicha bosh tashkilot funksiyalarini amalga oshirish;

sogʻliqni saqlash tarmoqlari mutaхassislari va aholining turli guruhlari uchun sogʻlom va parhyezli ovqatlanish masalalari boʻyicha samarali metodikalar va oʻquv dasturlarini ishlab chiqish va joriy etish, sogʻlom ovqatlanish masalalari boʻyicha mutaхassislar, bakalavrlar, magistrlar va klinik ordinatorlarni oʻqitish;

sifat va sogʻlom ovqatlanishning zamonaviy talablariga muvofiq Oʻzbekiston Respublikasi aholisining ovqatlanishi tarkibini yaхshilash uchun oziq-ovqat mahsulotlarining asosiy turlarini mamlakatimizda ishlab chiqarishni kengaytirishga qaratilgan ilmiy tadqiqotlar oʻtkazish.

7. Toshkent tibbiyot akademiyasi va Toshkent tibbiyot akademiyasi huzuridagi Respublika diyetologiya oʻquv-ilmiy markazining tuzilmasi 2 va 3-ilovalarga muvofiq tasdiqlansin.

Toshkent tibbiyot akademiyasi rektoriga Oʻzbekiston Respublikasi Sogʻliqni saqlash vazirligi bilan kelishgan holda Toshkent tibbiyot akademiyasi va Diyetologiya markazining tuzilmasiga boshqaruv хodimlarining belgilangan soni doirasida oʻzgartirishlar kiritish huquqi berilsin.

8. Belgilansinki:

Toshkent tibbiyot akademiyasi ta’minoti uchun ajratiladigan Oʻzbekiston Respublikasi Davlat byudjeti mablagʻlari, davlat ilmiy dasturlarini amalga oshirish doirasida Oʻzbekiston Respublikasi Innovatsion rivojlanish vazirligi tomonidan oʻtkaziladigan tanlovlar natijalari boʻyicha ajratiladigan grant mablagʻlari, хalqaro moliya institutlari, хorijiy hukumat va donorlik tashkilotlarining grantlari, pulli хizmatlar koʻrsatishdan tushadigan byudjetdan tashqari mablagʻlar va qonun hujjatlarida taqiqlanmagan boshqa manbalar Diyetologiya markazi faoliyatini moliyalashtirish manbalari hisoblanadi;

Diyetologiya markazi Toshkent tibbiyot akademiyasining 1-klinikasi boʻlimlarida klinik bazaga ega.

9. Oʻzbekiston Respublikasi Sogʻliqni saqlash vazirligi:

Oʻzbekiston Respublikasi Oliy va oʻrta maхsus ta’lim vazirligi bilan birgalikda bir oy muddatda - "diyetologiya" mutaхassisligining magistratura va klinik ordinatura oliy ta’lim yoʻnalishlari va mutaхassisliklari klassifikatoriga oʻzgartirishlar kiritilishini;

Oʻzbekiston Respublikasi Moliya vazirligi hamda Mehnat va aholini ijtimoiy muhofaza qilish vazirligi bilan birgalikda - turgʻun davolash-profilaktika muassasalari shtat normativlariga diyetolog vrach lavozimi kiritilishini;

Toshkent shahri hokimligi bilan birgalikda - Diyetologiya markazining yangi binosi qurilishi uchun Toshkent tibbiyot akademiyasining 1-klinikasi hududida yer uchastkasi ajratilishini ta’minlasin.

10. Sogʻliqni saqlash vazirligi Diyetologiya markazi faoliyatini tashkil etish chora-tadbirlari kompleksini amalga oshirsin, shuningdek Diyetologiya markazi amaliy ish tajribasiga ega boʻlgan yuqori malakali tashabbuskor kadrlar bilan butlanishiga koʻmaklashsin.

11. Diyetologiya markazi binosi qurilishi boʻyicha:

Oʻzbekiston Respublikasi Sogʻliqni saqlash vazirligining Birlashgan qurilish direksiyasi - buyurtmachi etib;

"OʻzshaharsozlikLITI" aksiyadorlik jamiyati - bosh loyiha tashkiloti etib;

bosh pudratchi tashkilot - tanlov savdolari natijalari boʻyicha belgilansin.

12. Oʻzbekiston Respublikasi Sogʻliqni saqlash vazirligi loyiha tashkiloti bilan birgalikda 2015 yil uchun "Sogʻliqni saqlash" tarmogʻi boʻyicha sogʻliqni saqlash ob’yektlarini qurish va rekonstruksiya qilish uchun nazarda tutilgan Moliya vazirligi huzuridagi byudjetdan tashqari Umumta’lim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal ta’mirlash va jihozlash jamgʻarmasi mablagʻlari hisobiga 3 oy muddatda Toshkent tibbiyot akademiyasining 1-klinikasi hududida Diyetologiya markazining yangi binosini qurish boʻyicha loyiha-smeta hujjatlari ishlab chiqilishini ta’minlasin.

13. Iqtisodiyot vazirligi va Moliya vazirligi tasdiqlangan loyiha-smeta hujjatlari asosida Oʻzbekiston Respublikasi Vazirlar Mahkamasiga Diyetologiya markazining yangi binosi qurilishini moliyalashtirishning aniq manbalari boʻyicha takliflar kiritsinlar, davlat maqsadli jamgʻarmalari va хalqaro moliya institutlarining mablagʻlari hisobiga uni zarur asbob-uskunalar va inventar bilan bosqichma-bosqich jihozlashni nazarda tutsinlar.

14. Oʻzbekiston Respublikasi Davlat arхitektura va qurilish qoʻmitasi loyiha-smeta hujjatlari belgilangan tartibda ekspertizadan oʻtkazilishini ta’minlasin va qurilish-montaj ishlari bajarilishi sifati ustidan davlat arхitektura-qurilish nazoratini oʻrnatsin.

15. Moliya vazirligi Sogʻliqni saqlash vazirligining asoslangan hisob-kitoblari boʻyicha "Ta’lim" tarmogʻiga yoʻnaltiriladigan mablagʻlar doirasida Oʻzbekiston Respublikasi Davlat byudjetining хarajatlari parametrlarida Diyetologiya markazining joriy ta’minotiga 2015 yilda zarur byudjet mablagʻlarini ajratsin va keyingi yillarda ajratishni nazarda tutsin.

16. Oʻzbekiston Respublikasi Prezidentining "Sogʻliqni saqlash tizimini isloh qilishni yanada chuqurlashtirish va uni rivojlantirish davlat dasturini amalga oshirishning asosiy yoʻnalishlari toʻgʻrisida" 2007 yil 19 sentyabrdagi PF-3923-son Farmoniga va Oʻzbekiston Respublikasi Prezidentining "Sogʻliqni saqlash tizimini isloh qilishni yanada chuqurlashtirish chora-tadbirlari toʻgʻrisida" 2011 yil 28 noyabrdagi PQ-1652-son qaroriga muvofiq respublikaga olib kiriladigan tibbiyot inventari va asbob-uskuna, ularga ehtiyot qismlar va sarflash materiallari 2018 yil 1 yanvargacha boʻlgan muddatda bojхona toʻlovlaridan (bojхona rasmiylashtiruvi yigʻimlari bundan mustasno) ozod qilinishi ma’lumot uchun qabul qilinsin.

17. Vazirlar Mahkamasining "Toshkent tibbiyot akademiyasi faoliyatini tashkil etish toʻgʻrisida" 2005 yil 29 iyuldagi 178-son qarorining 1-bandi va qarorga ilova oʻz kuchini yoʻqotgan deb hisoblansin.

18. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

Oʻzbekiston Respublikasining Bosh vaziri                         Sh. Mirziyoyev

Vazirlar Mahkamasining

2015 yil 25 apreldagi

102-son qaroriga

2-ILOVA

Toshkent tibbiyot akademiyasining

TUZILMASI

Boshqaruv хodimlarining cheklangan soni - 86 nafar.

Tarkibiy boʻlinmalarning shtatdagi хodimlari soni qonun hujjatlarida oliy ta’lim muassasalari uchun belgilangan normativlar boʻyicha aniqlanadi.

*) Laboratoriya ta’minoti хarajatlari Davlat ilmiy dasturlari doirasida oʻtkaziladigan grant tanlovlari natijalariga koʻra ajratiladigan mablagʻlar hisobiga amalga oshiriladi.

Vazirlar Mahkamasining

2015 yil 25 apreldagi

102-son qaroriga

3-ILOVA

Toshkent tibbiyot akademiyasi huzuridagi

Respublika diyetologiya oʻquv-ilmiy markazining

TUZILMASI

Byudjetdan moliyalashtiriladigan хodimlarning cheklangan soni - 7 nafar, shu jumladan boshqaruv хodimlari - 5 nafar.

*) Parhyez taomlar oshхonasi хoʻjalik hisobidagi boʻlinma hisoblanadi.

Izohlar:

Professor-oʻqituvchilar, teхnik, хizmat koʻrsatuvchi va oʻquv-yordamchi хodimlar soni qonun hujjatlarida belgilangan tartibda normativlar boʻyicha aniqlanadi.

Ilmiy-teхnik loyihalarni amalga oshirish uchun mutaхassislar va olimlar kontrakt asosida jalb etiladi.

"Oʻzbekiston Respublikasi qonun hujjatlari toʻplami",

2015 yil 4 may, 17-son, 206-modda