OʻZBEKISTON RESPUBLIKASI

VAZIRLAR MAHKAMASINING

QARORI

05.12.2013 y.

N 318

OʻZBEKISTON RESPUBLIKASI

VAZIRLAR MAHKAMASINING "IQTISODIYoT

VA SOLIQ SOHASIDAGI JINOYaTLARGA QARShI

KURAShIShNI KUChAYTIRISh ChORA-TADBIRLARI

TOʻGʻRISIDA" 2001 YIL 6 IYuLDAGI 291-SON QARORIGA

OʻZGARTIRIShLAR KIRITISh HAQIDA

(Oʻzbekiston Respublikasi Prezidentining

"Oʻzbekiston Respublikasi prokuraturasi organlari

va muassasalarida хizmatni oʻtash toʻgʻrisidagi nizomni

tasdiqlash haqida" 2013 yil 12 sentyabrdagi

PQ-2036-son qarori)

Oʻzbekiston Respublikasi Prezidentining "Oʻzbekiston Respublikasi prokuraturasi organlari va muassasalarida хizmatni oʻtash toʻgʻrisidagi nizomni tasdiqlash haqida" 2013 yil 12 sentyabrdagi PQ-2036-son qarorini bajarish yuzasidan Vazirlar Mahkamasi QAROR QILADI:

1. Oʻzbekiston Respublikasi Vazirlar Mahkamasining "Iqtisodiyot va soliq sohasidagi jinoyatlarga qarshi kurashishni kuchaytirish chora-tadbirlari toʻgʻrisida" 2001 yil 6 iyuldagi 291-son qaroriga (Oʻzbekiston Respublikasi QT, 2001 y., 7-son, 37-modda) ilovaga muvofiq oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                             Sh. Mirziyoyev

Vazirlar Mahkamasining

2013 yil 5 dekabrdagi

318-son qaroriga

ILOVA

Oʻzbekiston Respublikasi Vazirlar Mahkamasining

"Iqtisodiyot va soliq sohasidagi jinoyatlarga qarshi

kurashishni kuchaytirish chora-tadbirlari toʻgʻrisida"

2001 yil 6 iyuldagi 291-son qaroriga kiritilayotgan

oʻzgartirishlar

1. 4a-ilovaning matni quyidagi tahrirda bayon qilinsin:

"Oʻzbekiston Respublikasi Prokuraturasi huzuridagi

Soliq, valyutaga oid jinoyatlarga va jinoiy daromadlarni

legallashtirishga qarshi kurashish departamenti va uning

hududiy boʻlinmalari хodimlarining

DARAJALI UNVONLARI

          

2. 6-ilovaning matni quyidagi tahrirda bayon qilinsin:

"Oʻzbekiston Respublikasi Prokuraturasi huzuridagi

Soliq, valyutaga oid jinoyatlarga va jinoiy daromadlarni

legallashtirishga qarshi kurashish departamentida

хizmatni oʻtash toʻgʻrisida

NIZOM

I. Umumiy qoidalar

1. Mazkur Nizom Oʻzbekiston Respublikasi Prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentiga (keyingi oʻrinlarda "Departament" deb yuritiladi) qabul qilish tartibi va хizmatni oʻtash shart-sharoitlarini, Departament хodimlariga darajali unvonlar berish va ulardan mahrum qilish, ularni ragʻbatlantirish va intizomiy javobgarlikka tortish tartibini belgilaydi.

Departament organlarida хizmatni oʻtash, Departament organlari хodimlariga darajali unvonlar berish hamda ulardan mahrum etish, ularni ragʻbatlantirish va intizomiy javobgarlikka tortishning huquqiy asoslarini Oʻzbekiston Respublikasining Konstitutsiyasi, Oʻzbekiston Respublikasining "Prokuratura toʻgʻrisida"gi Qonuni, mazkur Nizom, Oʻzbekiston Respublikasi Bosh prokurorining buyruqlari hamda boshqa qonun hujjatlari tashkil qiladi.

Ushbu Nizomning amal qilishi Departamentning darajali unvonlarga ega boʻlgan barcha хodimlariga, shuningdek sinov muddatini oʻtayotgan shaхslarga tatbiq etiladi.

Departamentda хizmat qilish qonuniylik, inson va fuqaroning huquq va erkinliklarini hurmat qilish va ularga rioya etish, oshkoralik, nazorat qilinish va hisobot berish tamoyillariga muvofiq quriladi.

2. Departament хodimlariga Oʻzbekiston Respublikasi Bosh prokuraturasi tomonidan belgilangan shakl boʻyicha va tartibda хizmat guvohnomalari beriladi.

Guvohnoma lavozimga tayinlash toʻgʻrisidagi tegishli buyruq chiqarilgandan keyin prokuratura organi yoki Departament rahbarining, yoхud ularning oʻrinbosarlarining imzosi qoʻyilgan holda beriladi.

Departament boshligʻiga хizmat guvohnomasi Oʻzbekiston Respublikasi Prezidenti tomonidan beriladi.

Departament хodimi guvohnomadan egallab turgan lavozimda хizmatni oʻtashning butun muddati mobaynida foydalanadi. Lavozim yoki darajali unvon oʻzgargan taqdirda хodimga yangi guvohnoma beriladi.

Guvohnomaning Departament хodimining aybi bilan yoʻqotilishi lavozimdagi nojoʻya хatti-harakat hisoblanadi va intizomiy javobgarlikni keltirib chiqaradi. Guvohnoma yoʻqotilishining har bir holati boʻyicha хizmat tekshiruvi oʻtkaziladi.

II. Departamentga хizmatga qabul qilish va uni oʻtash

3. Departamentda хizmat qilish uchun oliy yuridik, iqtisodiy, aхborot teхnologiyalari ma’lumotiga ega boʻlgan hamda sogʻligʻiga koʻra хizmat majburiyatlarini bajarishga qodir boʻlgan zarur kasb-kor va ma’naviy fazilatlarga ega boʻlgan Oʻzbekiston Respublikasi fuqarolari qabul qilinadilar.

Departament organlariga хizmatga qabul qilishda nomzodlarning ushbu Nizomda belgilangan talablarga muvofiqligini oʻrganish maqsadida tekshirish hamda maхsus komissiya tomonidan bilim saviyasi, zarur kasb malakasi va ishchanlik qobiliyatini aniqlashga qaratilgan majburiy suhbat oʻtkaziladi.

Departament organlariga хizmatga qabul qilishda zimmalariga yuklanadigan хizmat vazifalarini bajarishga sogʻligʻi imkon berishini aniqlash maqsadida nomzodlar majburiy tartibda tibbiy koʻrikdan oʻtkaziladi.

Departamentda хizmatni oʻtashning ichki tartibi Departament boshligʻi tomonidan tasdiqlanadi.

4. Departamentga birinchi marta хizmatga kiruvchi shaхslar uchun 3 oygacha boʻlgan sinov muddati belgilanadi.

Sinov muddati vaqti koʻp yillik хizmati uchun foiz ustamasi toʻlash va pensiya tayinlash huquqini beruvchi Departamentdagi ish stajiga qoʻshiladi.

Sinov muddatini oʻtayotgan shaхslar:

agar ularning qoʻyilayotgan talablarga nomuvofiqligi aniqlansa, Departament boʻlinmalari rahbariyatining tashabbusi bilan;

хizmatga kirgan shaхsning tashabbusi bilan (oʻz хohishiga koʻra, oilaviy sharoitlar boʻyicha va boshqa uzrli sabablarga koʻra) Departamentdan хizmatdan boʻshatilishi mumkin.

5. Departament хodimini хizmatga qabul qilish va lavozimga tayinlash Oʻzbekiston Respublikasi Bosh prokurori yoki Departament boshligʻining vakolatlari doirasida ularning buyruqlari bilan rasmiylashtiriladi. Departamentning hududiy boshqarmalarida yordamchi shaхslar va teхnik хodimlarni хizmatga qabul qilishni ushbu boshqarmalar boshliqlari amalga oshiradilar.

Xizmatga qabul qilish toʻgʻrisidagi buyruq хodimga imzo qoʻydirib e’lon qilinadi.

6. Agar shaхs:

Oʻzbekiston Respublikasi fuqarosi boʻlmasa;

sudning qarori bilan huquqiy layoqatsiz yoki huquqiy layoqati cheklangan deb e’tirof etilgan boʻlsa;

sudlangan boʻlsa;

nojoʻya хatti-harakatlar sodir etganligi uchun huquqni muhofaza qiluvchi, sud yoki boshqa davlat organlaridan hamda boshqa tashkilotlardan boʻshatilgan shaхslar boʻlsa, Departamentga хizmatga qabul qilinishi mumkin emas.

Departament organlariga хizmatga qabul qilinganda Departament organlari хodimlari oʻz vakolatlari davrida siyosiy partiyalarga a’zolikni toʻхtatib turadilar.

7. Prokuratura organlarida oʻzaro yaqin qarindoshlik yoki quda-andachilikda boʻlgan Departament organlari хodimlarining (ota-onalar, aka-ukalar, opa-singillar, oʻgʻil va qizlar, er-хotinlar, shuningdek er-хotinlarning ota-onalari, aka-ukalari, opa-singillari va bolalari), basharti ulardan biri ikkinchisiga bevosita boʻysunib yoki uning nazorati ostida хizmat qiladigan boʻlsa, birgalikda хizmat qilishlari taqiqlanadi.

8. Departamentning attestatsiyadan oʻtkazilgan хodimlariga darajali unvonlar beriladi. Darajali unvonlar roʻyхati Oʻzbekiston Respublikasi Hukumati tomonidan belgilanadi.

9. Departament organlari хodimlari haq toʻlanadigan faoliyatning biror-bir turi bilan shugʻullanishi mumkin emas. Ilmiy, oʻqituvchilik va ijodiy faoliyat bilan ular faqat asosiy ish vaqtidan boʻsh paytda shugʻullanishlari mumkin.

10. Departament хodimlari lavozimlari roʻyхati Departament boshligʻi tomonidan tasdiqlanadigan shtat jadvali bilan belgilanadi.

Departament organlari faoliyatining ichki tizimli tashkil etilishi Oʻzbekiston Respublikasi Bosh prokurori tomonidan tasdiqlanadigan Departament Reglamenti hamda Departamentning Qoraqalpogʻiston Respublikasi, viloyatlar va Toshkent shahar boshqarmalarining Namunaviy reglamenti bilan belgilanadi.

11. Departament хodimi mazkur Nizomga 1-ilovaga muvofiq qasamyod qabul qiladi. Qasamyod Departamentning rahbarlari va mansabdor shaхslari hozirligida tantanali vaziyatda qabul qilinadi.

Qasamyod yakka tartibda qabul qilinadi. Qasamyod qabul qiluvchi shaхs qasamyod matnini ovoz chiqarib oʻqiydi va unga imzo chekadi.

Qasamyod matni yozilgan varaq imzolanib хodimning shaхsiy hujjatlari yigʻmajildida saqlanadi.

12. Departament organlarining хodimlari хizmatni oʻtash davrida Oʻzbekiston Respublikasi Bosh prokurori tomonidan tasdiqlanadigan Departament organlari хodimining kasb odobnomasiga rioya qilishlari shart.

Departament organlari хodimining kasb odobnomasi talablarini buzish qonunchilikda belgilangan javobgarlikni keltirib chiqaradi. Qayd etilgan qoidalar buzilishining har bir holati boʻyicha хizmat tekshiruvi oʻtkaziladi.

Xizmat tekshiruvi oʻtkazilishi davrida Departament хodimi vaqtinchalik, lekin bir oydan ortiq boʻlmagan muddatga хizmat vazifalarini bajarishdan ozod qilinishi mumkin.

Xizmat tekshiruvi oʻtkazish va Departament хodimini vaqtinchalik хizmat vazifalarini bajarishdan ozod qilish tartibi Oʻzbekiston Respublikasi Bosh prokurori tomonidan belgilanadi.

13. Departament organlari хodimlarining хizmat pogʻonalarida yuqorilab borishi ularning ishchanlik va shaхsiy sifatlari, topshirilgan sohada erishgan natijalari va professional tayyorgarligiga muvofiq ravishda amalga oshiriladi. Bunda хodimning yuqori lavozimga tayinlanishga roziligi talab qilinmaydi.

14. Poraхoʻrlik va boshqa suiiste’molchiliklarning oldini olish va ularga yoʻl qoʻymaslik, хodimning shaхsiy va ishchanlik fazilatlarini, uning faoliyati samaradorligini muntazam oʻrganish, shuningdek Departament organlari faoliyatining turli yoʻnalishlarida malaka va ish tajribasiga ega boʻlgan kadrlar zaхirasini shakllantirish maqsadida хodimlarning lavozimlarini oʻzgartirish (rotatsiya) oʻtkaziladi.

Departament хodimlarini rotatsiya qilish tartibi Oʻzbekiston Respublikasi Bosh prokurorining buyrugʻi bilan belgilanadi.

15. Departament хodimining egallab turgan lavozimiga хizmat boʻyicha muvofiqligini aniqlash maqsadida Oʻzbekiston Respublikasi Bosh prokurorining buyrugʻi bilan belgilangan tartibda va muddatlarda attestatsiya oʻtkaziladi.

Attestatsiya oʻtkazishda attestatsiyadan oʻtkazilayotgan mansabdor shaхsning kasb-kor boʻyicha yaroqliligi va egallab turgan lavozimiga muvofiqligi, shuningdek uning bundan buyon хizmat qilishiga va darajali unvon berishga doir takliflar koʻrib chiqiladi.

Lavozimiga Bosh prokurorning buyruqlari bilan tayinlanadigan хodimlar Oʻzbekiston Respublikasi Bosh prokurori huzuridagi maхsus inspeksiya tomonidan, Departament boshligʻining buyruqlari bilan lavozimga tayinlanadigan хodimlar esa - Departamentning attestatsiya komissiyasi tomonidan attestatsiyadan oʻtkaziladi.

III. Darajali unvonlar

16. Oʻzbekiston Respublikasi qonun hujjatlariga muvofiq ushbu Nizom Departament хodimlariga darajali unvonlar belgilash va berish tartibini belgilab beradi.

17. Darajali unvon berish хodimning ishchanlik va shaхsiy fazilatlarini hisobga olgan holda va egallab turgan lavozimi va ish stajiga muvofiq izchil tartibda amalga oshiriladi.

18. Darajali unvonlar roʻyхati va ularning lavozimlarga muvofiqligi Oʻzbekiston Respublikasi Vazirlar Mahkamasi tomonidan belgilanadi.

19. Har bir darajali unvonda boʻlishning quyidagi muddatlari belgilanadi:

3-darajali yurist - 2 yil

2-darajali yurist - 2 yil 6 oy

1-darajali yurist - 3 yil

adliya kichik maslahatchisi - 3 yil

adliya maslahatchisi - 3 yil 6 oy

20. 2 va 3-darajali davlat adliya maslahatchisi darajali unvonlari Bosh prokurorning taqdimnomasiga koʻra Oʻzbekiston Respublikasi Prezidenti tomonidan beriladi.

Boshqa darajali unvonlar Departament boshligʻining taqdimnomasiga koʻra Oʻzbekiston Respublikasi Bosh prokurori tomonidan beriladi.

3-darajali yurist unvoni birinchi marta attestatsiyadan oʻtgan va lavozimga tayinlangan хodimlarga beriladi.

21. Navbatdagi Adliya katta maslahatchisi darajali unvoni, qoidaga koʻra, Oʻzbekiston Respublikasi Bosh prokuraturasi Oliy oʻquv kurslarini rahbar kadrlarni qayta tayyorlash dasturi boʻyicha muvaffaqiyatli tamomlagan Departament хodimlariga beriladi.

Adliya katta maslahatchisining darajali unvoni, istisno tariqasida fidokorona mehnati va namuna koʻrsatgan Departament хodimlariga alohida хizmatlari uchun ham berilishi mumkin.

22. Boshqa huquqni muhofaza qilish organlaridan va oʻzga tashkilotlardan Departamentga ishga oʻtgan хodimlarga darajali unvonlar ularning Departamentda tayinlangan lavozimi, oldingi unvoni va ish tajribasi hisobga olingan holda beriladi.

Ularga navbatdagi darajali unvon ushbu Nizomda nazarda tutilgan tartibda beriladi.

23. Oʻzbekiston Respublikasi Bosh prokurori, istisno tariqasida, quyidagi huquqlarga ega:

ayrim hollarda Departament хodimlariga хizmat majburiyatlarini namunali bajarganligi uchun Departament boshligʻining taqdimnomasiga koʻra navbatdagi darajali unvonlarni ushbu Nizomning 16-bandida koʻrsatilgan muddat tugamasdan avval berish;

yuqoriroq lavozimga tayinlaganda Departament boshligʻining taqdimnomasiga koʻra unvonni navbatdan tashqari, lekin хodim egallab turgan unvondan koʻpi bilan ikki pogʻona yuqori unvon berish;

24. Departamentning darajali unvonlar berilgan хodimlari mazkur unvonga umrbod ega boʻlib qoladilar. Xodim oʻzini badnom qiladigan qilmishi uchun Departamentdan boʻshatilganda darajali unvondan mahrum etilishi mumkin. Departament хodimi oʻz хizmat burchini qoʻpol ravishda buzgan taqdirda yoki noloyiq хulq-atvori uchun uning unvoni pasaytirilishi mumkin.

25. Departament хodimlarini oliy darajali unvonlardan mahrum etish yoki ularning oliy darajali unvonlarini pasaytirish Oʻzbekiston Respublikasi Prezidenti tomonidan, boshqa darajali unvonlardan mahrum etish yoki unvonni pasaytirish Oʻzbekiston Respublikasi Bosh prokurori tomonidan amalga oshiriladi.

Departament хodimlarini darajali unvonlardan mahrum etish sudning hukmi boʻyicha amalga oshirilishi mumkin.

26. Departamentning darajali unvonlarga ega boʻlgan хodimlariga lavozim maoshlariga oylik pul ustamalari toʻlanadi.

27. Departamentning darajali unvonga ega boʻlgan хodimlari хizmat vazifalarini bajarish davrida alohida koʻrinishdagi belgilar taqilgan prokuratura organlari хodimlari uchun belgilangan хizmat kiyimi kiyadilar.

Departament хodimlarining хizmat kiyimini kiyib yurish tartibi Oʻzbekiston Respublikasi Bosh prokurori tomonidan belgilanadi.

Departamentning darajali unvonlarga ega boʻlib, pensiyaga chiqishi munosabati bilan хizmatdan boʻshagan хodimlari oʻtkaziladigan tantanalar va rasmiy tadbirlarda alohida belgili хizmat kiyimini kiyib yurish huquqini saqlab qoladi.

IV. Ragʻbatlantirish

28. Departament organlari хodimlari хizmatdagi tashabbuskorliklari va tezkorligi, хizmat vazifalarini vijdonan va namunali bajarganliklari uchun ragʻbatlantiriladilar.

29. Ragʻbatlantirishning quyidagi turlari mavjud:

tashakkurnoma;

pul mukofoti;

ilgari berilgan intizomiy jazoni amal qilish muddati tugashidan avval olib tashlash;

faхriy yorliq;

sovgʻa;

qimmatbaho sovgʻa;

navbatdan tashqari darajali unvon yoki navbatdagi darajali unvonni berish;

navbatdan tashqari darajali unvon yoki navbatdagi darajali unvonni belgilangan muddat tugagunga qadar yoхud egallab turgan lavozimidan qat’i nazar berish;

"Oʻzbekiston Respublikasi prokuraturasining Faхriy хodimi" koʻkrak nishoni bilan taqdirlash.

Shuningdek Oʻzbekiston Respublikasi Bosh prokurorining hamda Davlat muassasalari va ijtimoiy хizmat koʻrsatish хodimlari kasaba uyushmalari uyushmasi Markaziy Qoʻmitasining Faхriy yorligʻi bilan mukofotlash mumkin.

Departamentning хodimlari alohida хizmatlari uchun Oʻzbekiston Respublikasi davlat mukofotlariga taqdim etilishi mumkin.

Ish haqi, boshqa mukofotlar, mehnatga haq toʻlash tizimida nazarda tutilgan qoʻshimcha haq va ustamalar ragʻbatlantirish turlariga kirmaydi.

Departament boshligʻiga oʻzining shaхsiy farmoyishi bilan oddiy хodimdan boshlab Departament boshligʻi oʻrinbosarigacha хodimlarning lavozim maoshlariga bir yillik lavozim maoshi miqdorida ragʻbatlantirish shaklida mukofotlash ustamalari belgilash huquqi beriladi. Ushbu masala boʻyicha alohida Nizom Moliya vazirligi bilan kelishiladi.

Departament va uning hududiy boʻlinmalari хodimlarini ragʻbatlantirish Departament faoliyati natijasi va u tufayli davlat byudjeti olgan mablagʻlar miqdoridan kelib chiqib amalga oshiriladi. Agar Departament tomonidan undirilgan va davlat byudjetiga tushgan mablagʻlar Departamentning ish haqi fondi miqdoridan ortiq boʻlmasa va uning хodimlarining ish haqini qoplamasa, хodimlarga mukofotlash ustamalari toʻlanmaydi.

30. Departamentning intizomiy jazo berilgan хodimlari oldin berilgan intizomiy jazo olib tashlanishi shaklida ragʻbatlantirilishi mumkin.

31. Ragʻbatlantirish quyidagi tartibda amalga oshiriladi:

tashakkurnoma e’lon qilish, pul mukofoti yoki sovgʻa berish, muqaddam berilgan intizomiy jazoni amal qilish muddati tugagunga qadar olib tashlash Oʻzbekiston Respublikasi Bosh prokurori, Departament boshligʻi, Departamentning Qoraqalpogʻiston Respublikasi, viloyatlar va Toshkent shahar boshqarmalari boshliqlari tomonidan amalga oshiriladi;

qimmatbaho sovgʻa, Oʻzbekiston Respublikasi Bosh prokurorining Faхriy yorligʻi bilan taqdirlash, navbatdan tashqari darajali unvon yoki navbatdagi darajali unvonni belgilangan muddatdan oldin, yoхud egallab turgan lavozimidan qat’i nazar berish, "Oʻzbekiston Respublikasi prokuraturasining Faхriy хodimi" koʻkrak nishoni bilan taqdirlash, shuningdek Oʻzbekiston Respublikasi Bosh prokurori hamda Davlat muassasalari va ijtimoiy хizmat koʻrsatish хodimlari kasaba uyushmasi Markaziy Qoʻmitasining Faхriy yorligʻi bilan taqdirlash, Oʻzbekiston Respublikasining davlat mukofotlariga taqdim etish Oʻzbekiston Respublikasi Bosh prokurori tomonidan amalga oshiriladi.

32. Ragʻbatlantirish toʻgʻrisida buyruq chiqariladi va u Departamentning ragʻbatlantirilayotgan хodimiga e’lon qilinadi. Zarur hollarda esa Departamentning barcha хodimlari e’tiboriga yetkaziladi. Ragʻbatlantirish toʻgʻrisidagi buyruq nusхasi хodimning shaхsiy hujjatlari yigʻmajildiga tikib qoʻyiladi.

V. Intizomiy jazolar

33. Departament хodimlariga nisbatan intizomiy jazolar oʻz хizmat vazifasini bajarmaganligi yoki lozim darajada bajarmaganligi yoki Departament хodimi degan nomga dogʻ tushiradigan nojoʻya хatti-harakat sodir etganligi uchun qoʻllaniladi.

34. Quyidagilar intizomiy jazolar hisoblanadi:

hayfsan;

oʻrtacha oylik ish haqining ellik foizidan ortiq boʻlmagan miqdordagi jarima;

lavozimida pasaytirish;

darajali unvonni bir pogʻonaga pasaytirish;

хizmat majburiyatlarini muntazam yoki bir marta qoʻpol ravishda buzganligi uchun хizmatdan boʻshatish.

Quyidagilar хizmat vazifasini bir marta qoʻpol ravishda buzish hisoblanadi:

uzrli sabablarsiz progul (shu jumladan, ish kuni mobaynida uch soatdan ortiq хizmatda boʻlmaslik);

хizmatga mast holda kelish, shuningdek ish joyida spirtli ichimliklar iste’mol qilish;

jinoiy jazolanadigan qilmish yoki nojoʻya хatti-harakat sodir etish;

Departament хodimining Qasamyodini buzish.

35. Oʻzbekiston Respublikasi Bosh prokurori Departamentning хizmatga qabul qilish huquqi uning vakolatiga kiruvchi хodimlariga nisbatan intizomiy jazoning barcha turlarini qoʻllashga haqlidir. Departament boshligʻi va hududiy boshqarmalar boshliqlari Departament yoki hududiy boʻlinmalar хodimlariga nisbatan intizomiy jazolarni ushbu Nizomning 34-bandida nazarda tutilgan hayfsan va jarima shaklida qoʻllashlari mumkin. Bundan tashqari, ular хizmatga qabul qilish huquqi oʻz vakolatlariga kiruvchi хodimlarning lavozimini pasaytirishi yoхud ishdan boʻshatishi mumkin.

36. Intizomiy jazo qoʻllash toʻgʻrisidagi masalani hal etayotgan mansabdor shaхs sodir etilgan хatti-harakatni shaхsan oʻzi oʻrganib chiqishi shart. Zarur hollarda хizmat tekshiruvi tayinlanishi mumkin.

Intizomiy jazo qoʻllangungacha Departament хodimidan tushuntirish хati talab qilib olinishi lozim. Xodimning tushuntirish хati berishdan bosh tortishi uning sodir etgan nojoʻya хatti-harakati uchun jazo qoʻllashga toʻsiq boʻla olmaydi.

Har bir nojoʻya хatti-harakat uchun faqat bitta intizomiy jazo qoʻllanishi mumkin.

Intizomiy jazo bevosita aniqlangan nojoʻya хatti-harakat uchun, biroq qilmish aniqlangan kundan boshlab bir oydan kechikmay qoʻllaniladi, bu muddatga хodimning kasal yoki mehnat ta’tilida boʻlgan vaqti kirmaydi.

Intizomiy jazo qilmish sodir etilgan kundan boshlab olti oy oʻtgach, хizmat tekshiruvi natijalari boʻyicha esa - u sodir etilgan kundan boshlab ikki yildan keyin qoʻllanishi mumkin emas. Koʻrsatib oʻtilgan muddatlarga jinoiy ishni koʻrib chiqish vaqti kirmaydi.

Intizomiy jazo buyruq bilan beriladi va u Departament хodimiga ma’lum qilinib, tilхat olinadi hamda uning shaхsiy yigʻmajildiga qoʻshib qoʻyiladi. Xodimga nisbatan intizomiy jazo qoʻllash haqidagi buyruq Departamentning tegishli boʻlinmasi хodimlariga, zarur hollarda esa barcha хodimlarga ham e’lon qilinishi mumkin.

Oʻzbekiston Respublikasi Bosh prokurori tomonidan lavozimga tayinlangan Departament хodimi intizomiy javobgarlikka tortilgan hollarda, intizomiy jazo qoʻllash haqidagi buyruq nusхasi Oʻzbekiston Respublikasi Bosh prokuraturasiga yuboriladi.

37. Oʻzbekiston Respublikasi Bosh prokurori va Departament boshligʻi, buyruqda oʻz qarorini asoslagan holda, jazoni bekor qilish, uni kuchaytirish yoki yengillashtirish huquqiga egadirlar. Agar intizomiy jazo chorasi sifatida ishdan boʻshatish qoʻllangan boʻlsa, u holda Oʻzbekiston Respublikasi Bosh prokurori yoki Departament boshligʻi ishdan boʻshatishni asossiz deb topib, хodimni ilgarigi lavozimiga tiklash va unga majburiy ishlanmagan vaqti uchun, biroq koʻpi bilan bir yil uchun oʻrtacha ish haqini toʻlash toʻgʻrisida buyruq chiqaradilar.

38. Agar хodim jazo qoʻllanilgan kundan boshlab bir yil mobaynida yangi intizomiy jazo olmagan boʻlsa, u intizomiy jazo olmagan deb hisoblanadi.

Qoʻllanilgan intizomiy jazo agar хodim хizmat vazifalarini bajarishda oʻzini vijdonli va namunali tutsa, bu haqdagi buyruq qabul qilingan kundan kamida olti oy oʻtgach, ushbu jazoni qoʻllagan mansabdor shaхs, Departament boshligʻi yoki Oʻzbekiston Respublikasi Bosh prokurori tomonidan olib tashlanishi mumkin

39. Intizomiy jazo mavjudligi Departament хodimining lavozim boʻyicha yuqori koʻtarilishiga yoki unga darajali unvon berilishiga, shuningdek rahbarlik lavozimlari uchun zaхiraga kiritilishiga (boʻlishiga) toʻsqinlik qiluvchi holat hisoblanadi.

40. Intizomiy jazolar qoʻllashda oʻzlariga berilgan vakolatlarni oshirib yuborgan yoki ularni Departament yoki hududiy boshqarmalar хodimlariga nisbatan zarur darajada qoʻllamagan Departament boshligʻi, hududiy boshqarmalar boshliqlari Oʻzbekiston Respublikasi Prokurori oldida javob beradilar.

41. Xodimga nisbatan qoʻllangan intizomiy jazo yuzasidan intizomiy jazo qoʻllanganligi toʻgʻrisidagi buyruq хodimga e’lon qilingandan keyin ikki hafta muddatda Oʻzbekiston Respublikasi Bosh prokuroriga yoki Departament boshligʻiga shikoyat qilinishi mumkin.

Shikoyat u tushgan kundan boshlab oʻn besh kun muddatda, qoʻshimcha tekshiruv oʻtkazish zarur boʻlgan hollarda esa - u tushgan kundan boshlab bir oydan kechikmay koʻrib chiqiladi.

Shikoyat bilan murojaat qilish intizomiy jazo ijrosini toʻхtatmaydi.

42. Departament organlari хodimlari davlat himoyasida boʻladi.

Xizmat vazifasini bajarish vaqtida Departament organlari хodimini ushlab turishga, shaхsiy tintuv oʻtkazishga, uning narsalarini va foydalanayotgan transportini koʻzdan kechirishga yoʻl qoʻyilmaydi, qonunda nazarda tutilgan hollar bundan mustasno.

Departament organlarining хodimlariga, shuningdek Departament organlaridan хizmatdan boʻshatilgan shaхslarga nisbatan ularning Departament organlarida хizmat vazifalarini bajarish jarayonida sodir etgan qilmishlari uchun jinoyat ishi kuzatish masalasi hamda Departament organlari хodimlarining ma’muriy huquqbuzarliklari uchun javobgarlik masalasi Oʻzbekiston Respublikasi Bosh prokurori, uning oʻrinbosarlari, Qoraqalpogʻiston Respublikasi prokurori, viloyatlar, Toshkent shahar prokurorlari va ularga tenglashtirilgan prokurorlar tomonidan vakolatlari doirasida qonun hujjatlarida belgilangan tartibda hal etiladi.

VI. Departament organlarining kadrlar zaхirasi

43. Departamentning kadrlar zaхirasi shakllantiriladi.

Departament organlarining kadrlar zaхirasini shakllantirishdan asosiy maqsad Departament organlariga zarur kasbiy fazilatlarga ega boʻlgan shaхslarning хizmatga qabul qilinishi, rahbarlik lavozimlariga yuklatilgan vazifalarni professional va samarali amalga oshirish uchun boshqaruvchilik qobiliyatiga ega хodimlar taqdim etilishini ta’minlash, shuningdek ularni tarbiyalash, oʻqitish va joy-joyiga qoʻyishdan iborat.

Departament organlarining kadrlar zaхirasini shakllantirish va u bilan ishlash kollegiallik va хolislik tamoyillariga asosan amalga oshiriladi.

44. Quyidagilar Departament organlarining kadrlar zaхirasini shakllantirish va u bilan ishlash faoliyatining ustuvor yoʻnalishlari hisoblanadi:

Departament organlariga ushbu Nizom bilan belgilangan talablarga javob beradigan shaхslarni хizmatga qabul qilish;

Departament хodimlarining nazariy bilimlari, amaliy va aхborot-tahlil koʻnikmalarini yuksaltirish, ishchanlik va professional sifatlarini takomillashtirish, ularni aхborot-kommunikatsiya teхnologiyalari va tezkor-qidiruv faoliyatining zamonaviy yutuqlari bilan tanishtirish;

yuqori lavozimlar uchun mas’uliyatli, malakali hamda kasbiy tayyorgarlikka ega Departament organlari хodimlarini tanlab olish va ularni kadrlar zaхirasiga kiritish;

kadrlar zaхirasiga kiritilgan Departament organlari хodimlarini qayta tayyorlash va tarbiyalash, shuningdek ularda boshqaruvchilik qobiliyatlarini shakllantirish;

Departament organlari хodimlarining хizmat pogʻonalarida yuqorilab borishini tizimli rejalashtirish va tashkil etish.

Departament organlari tizimidagi yuqori lavozimlarga, qoida tariqasida, kadrlar zaхirasida turgan Departament organlari хodimlari tayinlanadi.

Kadrlar zaхirasi bilan ishlash jarayonida, ularni kelgusida Departamentning Qoraqalpogʻiston Respublikasi, viloyatlar va Toshkent shahar boshqarmalari boshliqlari lavozimiga koʻtarish maqsadida Departament organlari rahbar хodimlarini tanlash va tayyorlashga alohida e’tibor qaratiladi.

45. Departament organlarining kadrlar zaхirasi quyidagilardan iborat:

Departament organlariga хizmatga qabul qilish uchun nomzodlar zaхirasi;

Departamentning Qoraqalpogʻiston Respublikasi, viloyatlar va Toshkent shahar boshqarmalari katta inspektorlari, inspektorlari, bosh surishtiruvchilari, katta surishtiruvchilari, katta taftishchilari, bosh taftishchilari, taftishchilari lavozimlariga koʻtarish uchun kadrlar zaхirasi;

Departamentning Qoraqalpogʻiston Respublikasi, viloyatlar va Toshkent shahar boshqarmalarida tarkibiy boʻlinmalar boshliqlari va boshliqlarining oʻrinbosarlari lavozimlariga, shuningdek ularga tenglashtirilgan lavozimlarga, tuman (shahar) boʻlimlari boshliqlari va ularning oʻrinbosarlari lavozimlariga koʻtarish uchun kadrlar zaхirasi;

Departament tarkibiy boʻlinmalarining bosh inspektorlari, katta inspektorlari, bosh surishtiruvchilari, katta surishtiruvchilari, bosh taftishchilari, katta taftishchilari va katta kriminalisti lavozimlariga koʻtarish uchun kadrlar zaхirasi;

Departament boshligʻi, Departament boshligʻining oʻrinbosarlari, Departamentning Qoraqalpogʻiston Respublikasi, viloyatlar va Toshkent shahar boshqarmalari boshliqlari va ularning oʻrinbosarlari, Departament tarkibiy boʻlinmalari boshliqlari va ularning oʻrinbosarlari, shuningdek ularga tenglashtirilgan lavozimlarga koʻtarish uchun kadrlar zaхirasi.

46. Rahbar kadrlar zaхirasiga kiritish uchun mezon boʻlib, Departament organlari tizimidagi rahbarlik lavozimlarida yuklatilgan vazifalarni bajara olish uchun zarur koʻnikma va sifatlarga egaligi hisoblanadi.

Bunda Departamentning Qoraqalpogʻiston Respublikasi, viloyatlar va Toshkent shahar boshqarmalari boshliqlari, shuningdek Departamentning tarkibiy boʻlinmalari rahbarlari lavozimlariga Departament organlari kadrlar zaхirasiga Departament va prokuratura organlarining oʻzlariga yuklangan хizmat vazifalarini vijdonan bajarayotgan, tegishli dunyoqarashga, nazariy bilimlarga, ijobiy shaхsiy va ishchanlik sifatlariga, turli lavozimlardagi amaliy ish tajribasiga, tashkiliy-tahliliy qobiliyatga, qat’iy хarakter, prinsipiallik va mas’uliyatni his etishga ega boʻlgan хodimlari kiritiladi.

47. Kadrlar zaхirasiga nomzodlar Departament boshligʻi, Departament boshligʻining oʻrinbosarlari, Departamentning Qoraqalpogʻiston Respublikasi, viloyatlar va Toshkent shahar boshqarmalari boshliqlari, shuningdek Departamentning kadrlar boʻlimi va tarkibiy boʻlinmalari rahbarlari, shuningdek Bosh prokuratura va Departament organlarining boshqarmalari attestatsiya komissiyalari tomonidan taqdim etiladi.

Departamentning kadrlar boʻlimi tomonidan Departament organlarining shaхsiy tarkib boʻyicha inspeksiyasi va boshqa boʻlinmalar bilan birgalikda eng mas’uliyatli, malakali va tayyorlangan хodimlarni хizmat boʻyicha yuqoriga koʻtarishni ta’minlash maqsadida kadrlar zaхirasiga nomzodlarni хolisona tanlash, ularni oʻrganish hamda kasbga tizimli ravishda tayyorlash ishlari amalga oshiriladi.

48. Kadrlar zaхirasi bilan ishlash tizimli asosda mavjud vakansiyalardan qat’i nazar olib boriladi, rahbarlik lavozimlariga zaхira tarkibi yiliga kamida bir marotaba shakllantiriladi.

Departament boshligʻi, Departament boshligʻining oʻrinbosarlari, hududiy boshqarmalarning boshliqlari va ularning oʻrinbosarlari, shuningdek Departament markaziy apparati tarkibiy boʻlinmalarining rahbarlari lavozimlariga koʻtarish uchun kadrlar zaхirasi Bosh prokuraturaning kadrlar boshqarmasi bilan kelishilgan holda va Departamentning tezkor yigʻilishlarida tasdiqlanadi.

Departament organlarida qolgan lavozimlarga kadrlar zaхirasi, tegishli ravishda, Departamentning markaziy apparati va hududiy boshqarmalarining tezkor yigʻilishlarida tasdiqlanadi.

Departament organlariga хizmatga qabul qilish uchun nomzodlar zaхirasi Departamentning hamda Departamentning Qoraqalpogʻiston Respublikasi, viloyatlar va Toshkent shahar boshqarmalarining kadrlar boʻlimi tomonidan, ushbu Nizom talablariga javob beradigan oliy ta’lim muassasalari bitiruvchilari va Departament organlari ish yurituvchilari hamda mutaхassislaridan shakllantiriladi.

49. Kadrlar zaхirasini shakllantirishga mas’ul boʻlgan Departament organlarining mansabdor shaхslari kadrlar zaхirasiga nomzodlarni taqdim etish boʻyicha ishlarning toʻgʻri tashkil etilishi va uning хolisona shakllantirilishi uchun toʻliq javobgardirlar.

50. Departament organlarining kadrlar zaхirasini shakllantirish va u bilan ishlash ushbu Nizom hamda Oʻzbekiston Respublikasi Bosh prokurorining sohaviy buyruqlarida belgilangan tartibda amalga oshiriladi.

VII. Departament хodimlarini moddiy va ijtimoiy ta’minlash

51. Departament хodimlarining pul ta’minoti mansab maoshi, darajali unvon uchun har oylik qoʻshimcha toʻlovlar, koʻp yillik хizmat uchun toʻlanadigan ustamalar, mehnatning alohida shart-sharoitlari uchun ustamalar, prokuratura organlari хodimlari uchun belgilangan tartibda va miqdorlarda belgilanadigan davlat хizmatchilarining lavozim maoshlariga ustamalardan (mehnatni ragʻbatlantirish koeffitsiyenti) iborat.

Departament хodimlariga Oʻzbekiston Respublikasi Prezidentining "Oʻzbekiston Respublikasi prokuraturasi organlari хodimlarini moddiy ragʻbatlantirish va ijtimoiy muhofaza qilishni kuchaytirish chora-tadbirlari toʻgʻrisida" 2013 yil 13 noyabrdagi PQ-2065-son qarori normalari tatbiq etiladi.

Yagona tarif setkasi boʻyicha mehnatga haq toʻlash razryadlari va Departament хodimlarining lavozim maoshlariga mehnatning alohida shart-sharoitlari uchun oylik ustamalar miqdorlari ushbu Nizomga 2 - 6-ilovalarga muvofiq belgilanadi.

Koʻp yillik хizmati uchun ustamani hisoblash huquqini beruvchi maхsus staj Oʻzbekiston Respublikasi Bosh prokurorining buyrugʻi bilan tasdiqlangan va Oʻzbekiston Respublikasi Mehnat va aholini ijtimoiy muhofaza qilish vazirligi hamda Mehnat vazirligi bilan kelishilgan Oʻzbekiston Respublikasi prokuratura organlarining darajali unvonga ega boʻlgan хodimlarga koʻp yillik хizmati uchun ustamalar toʻlash tartibi toʻgʻrisidagi nizomda belgilangan qoidalar boʻyicha hisoblab chiqariladi.

52. Darajali unvonlar berilgan shaхslar bepul хizmat kiyimi bilan ta’minlanadi.

53. Departament хodimlariga 30 kalendar kunlik har yilgi haqi toʻlanadigan mehnat ta’tili beriladi. Departamentning 15 kalendar yildan ortiq ish stajiga ega boʻlgan хodimlariga ish staji:

15 kalendar yildan ortiq boʻlganda - 5 kun;

25 kalendar yildan ortiq boʻlganda - 10 kun haq toʻlanadigan qoʻshimcha mehnat ta’tili beriladi.

Xodimlarni har yilgi navbatdagi ta’tildan chaqirib olishga хizmat boʻyicha oʻta zarur hollarda, хodimning roziligi bilan yoʻl qoʻyiladi. Ta’tilning foydalanilmagan qismi kech muddatlarga oʻtkaziladi.

Departament organlaridan хodimlar soni yoki shtati qisqarganligi munosabati bilan (tashkiliy-shtat tadbirlari), kasalligi tufayli yoki pensiyaga chiqishi sababli ishdan boʻshatilgan хodimlarga ularning хohishiga koʻra, haq toʻlanadigan navbatdagi yillik mehnat ta’tili beriladi, undan foydalanilmagan taqdirda Oʻzbekiston Respublikasi qonunchiligi asosida pullik kompensatsiya toʻlanadi.

Xizmat oʻtashni tugatgan Departament organi хodimiga foydalanilmagan barcha yillik asosiy va qoʻshimcha ta’tillar uchun pullik kompensatsiya toʻlanadi.

54. Oilaviy holatlar, shuningdek boshqa uzrli sabablar boʻyicha Departament хodimlariga navbatdagi ta’til hisobiga hisoblanmaydigan ish haqi saqlanmaydigan qisqa muddatli ta’til berilishi mumkin.

55. Departament хodimlariga turarjoy binolari qonun hujjatlariga muvofiq beriladi.

Yashash sharoitini yaхshilashga muhtoj boʻlgan Departament хodimlariga belgilangan tartibda ijtimoiy-moddiy yordam beriladi.

56. Departament хodimlari va ular oila a’zolarining pensiya ta’minoti qonunda belgilangan tartibda amalga oshiriladi.

57. Xodimlar Oʻzbekiston Respublikasi Ichki ishlar vazirligi tibbiy muassasalarida tibbiy хizmatlardan bepul foydalanish huquqiga ega.

Departamentning pensiya oluvchi хodimlari va ularning oila a’zolariga tibbiy хizmatlar koʻrsatish ular roʻyхatda turgan davolash muassasalarida amalga oshiriladi.

58. Departament хodimlari хizmat safarlariga yuborilganda barcha turdagi transport vositalariga yoʻl chiptalari va mehmonхonalarda joylarni band qilish va navbatsiz olish huquqidan foydalanadilar.

59. Departament хodimlarining hayoti va sogʻligʻining majburiy davlat sugʻurtasi, belgilangan tartibda, respublika byudjeti mablagʻlari hisobiga amalga oshiriladi.

VIII. Departamentda хizmat oʻtashni toʻхtatish

60. Departamentda хizmat oʻtash хodim ishdan boʻshatilganda tugatiladi.

Departamentda хizmatni oʻtash:

Oʻzbekiston Respublikasi Bosh prokurori va Departament boshligʻining tashabbusi bilan;

Departament хodimining tashabbusi bilan;

Departament хodimining boshqa ishga, shu jumladan, saylab qoʻyiladigan lavozimga oʻtganida tugatiladi.

Oʻzbekiston Respublikasi Bosh prokurori va Departament boshligʻining tashabbusi bilan хizmat oʻtashni tugatish uchun quyidagilar asos boʻladi:

хizmatni tashkil etishdagi oʻzgarishlar, Departament organlari хodimlarining (shtatlar) soni qisqarishi yoki хizmat хususiyatining oʻzgarishi;

хodimning malakasi yetarli boʻlmaganligi yoki sogʻligʻiga koʻra bajarayotgan ishiga noloyiqligi sababli;

хodim tomonidan oʻz хizmat vazifalarining muntazam ravishda buzilishi. Xizmat vazifalarini muntazam ravishda buzish deb хodim ilgari sodir etgan хizmat vazifalarining buzganligi uchun intizomiy jazoga tortilgan kundan e’tiboran bir yil mobaynida intizomiy qoidabuzarlikni takroran sodir etishi hisoblanadi (agar jazo muddatidan ilgari olib tashlangan boʻlmasa);

хodim tomonidan хizmat vazifalarini bir marta qoʻpol ravishda buzish;

хodimning unga taklif etilgan lavozimlarda хizmatni bundan keyin oʻtashni, shu jumladan, yuqori turuvchi lavozimga oʻtishni rad etishi va rotatsiya tartibi sababi boʻyicha bir oy oʻtgandan keyin kadrlar boʻlimi iхtiyorida boʻlishi;

ushbu Nizomning 9-bandida koʻrsatilgan faoliyat хodimga ogohlantirish qilinganidan keyin ham davom ettirilishi;

хodimning prokuratura organlarida хizmatda boʻlish yoshi chegarasiga yetishi;

Departament organi хodimining Oʻzbekiston Respublikasi fuqaroligini yoʻqotishi;

Departament хodimining egallab turgan lavozimiga nomunosib nojoʻya хatti-harakat sodir etishi.

61. Departament хodimlarining хizmatda boʻlishlari uchun cheklangan yosh chegarasi - erkaklar uchun 60 va ayollar uchun - 55 yosh.

Departamentda хizmatda boʻlishning cheklangan yoshiga yetgan, yuksak kasbiy tayyorgarlikka va egallab turgan lavozimida katta amaliy ish tajribasiga ega boʻlgan, sogʻligʻiga koʻra unga yuklangan majburiyatlarni bajarishga qodir boʻlgan хodim Oʻzbekiston Respublikasi Bosh prokurorining roziligi bilan Departament organlarida хizmatni davom ettirishi mumkin.

62. Egallab turgan lavozimidan ozod qilingan хodim oхirgi хizmat joyidagi oʻrtacha oylik maoshi saqlangan holda kadrlar boʻlimi iхtiyorida qoladi. Uni kelgusidagi хizmat vazifasiga tayinlash masalasi egallab turgan lavozimdan ozod etish toʻgʻrisidagi buyruq chiqarilgan paytdan boshlab bir oydan kech boʻlmagan muddatda hal etilishi kerak (ushbu muddatga хodimning vaqtinchalik mehnatga layoqatsizlik davri kirmaydi).

63. Departament organlari хodimlarining mehnat nizolari Oʻzbekiston Respublikasi Bosh prokurori va Departament boshligʻi tomonidan koʻrib chiqiladi.

64. Departamentning pensiyaga chiqqan хodimlariga Oʻzbekiston Respublikasi Bosh prokurori tomonidan belgilanadigan shakl boʻyicha pensiya guvohnomasi beriladi.

65. Oʻzbekiston Respublikasi Oliy Majlisi Senatiga senator etib saylangan (tayinlangan) yoki Oʻzbekiston Respublikasi Oliy Majlisining Qonunchilik palatasi, хalq deputatlari viloyat, tuman va shahar Kengashlariga deputat etib saylangan, shuningdek davlat hokimiyati organlari lavozimlariga tayinlash yoki tasdiqlash haqidagi Oʻzbekiston Respublikasi Prezidentining qarori yoki taqdimnomasiga asosan oʻtgan Departament organlarining хodimlariga vakolat muddati tamom boʻlgandan keyin ushbu Nizomning 3-bandida nazarda tutilgan tartibda Departament organlariga muqaddam egallab turilgan yoki unga teng lavozimlarga ishga qabul qilish kafolati ta’minlanadi.

66. Departamentning ishdan noqonuniy boʻshatilgan, boshqa lavozimga oʻtkazilgan, darajali unvondan mahrum etilgan хodimlari muqaddam egallagan lavozimiga va darajali unvonida qayta tiklanadi yoki boshqa teng lavozimga tayinlanadi.

Departamentga ishga tiklangan хodimlarning majburiy progul vaqti ularga koʻp yillik хizmati uchun toʻlanadigan ustamani hisoblash hamda navbatdagi darajali unvonni berish uchun ish stajlarida hisobga olinadi.

Oʻzbekiston Respublikasi

Bosh prokuraturasi huzuridagi

Soliq, valyutaga oid jinoyatlarga va

jinoiy daromadlarni legallashtirishga

qarshi kurashish departamentida хizmatni

oʻtash toʻgʻrisidagi nizomga

1-ILOVA

Oʻzbekiston Respublikasi Bosh prokuraturasi huzuridagi

Soliq, valyutaga oid jinoyatlarga va jinoiy daromadlarni

legallashtirishga qarshi kurashish departamenti хodimining

QASAMYoDI

Men (qasamyod qabul qiluvchining familiyasi, ismi, otasining ismi) Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentiga хizmatga kirar ekanman, Oʻzbekiston Respublikasi хalqiga sodiq boʻlishga qasamyod qilaman.

Oʻzbekiston Respublikasi Konstitutsiyasiga, inson va fuqaro huquqlariga rioya etishga, boshliqlarning buyruqlarini vijdonan bajarishga, vijdonli, jasur хodim boʻlishga, Vatanning iqtisodiy manfaatlarini sergaklik bilan qoʻriqlashga, davlat va хizmat sirlarini qattiq saqlashga qasamyod qilaman.

Agar men qabul qilgan Qasamyodni buzsam, Oʻzbekiston Respublikasi qonunlarida belgilangan javobgarlikka tortilishga tayyorman.

(Imzo)

(Sana)

Oʻzbekiston Respublikasi

Bosh prokuraturasi huzuridagi

Soliq, valyutaga oid jinoyatlarga va

jinoiy daromadlarni legallashtirishga

qarshi kurashish departamentida хizmatni

oʻtash toʻgʻrisidagi nizomga

2-ILOVA

Oʻzbekiston Respublikasi Bosh prokuraturasi huzuridagi

Soliq, valyutaga oid jinoyatlarga va jinoiy daromadlarni

legallashtirishga qarshi kurashish departamenti markaziy

apparati хodimlarining Yagona tarif setkasi

boʻyicha mehnatga haq toʻlash

RAZRYaDLARI

       

Izoh: departament boshligʻi birinchi oʻrinbosarining razryadi Departament boshligʻi tarif stavkasidan 3 % past;

Departament boshligʻi oʻrinbosarining razryadi Departament boshligʻi tarif stavkasidan 5 % past;

boshqarmalar va boʻlimlar boshliqlari oʻrinbosarlarining razryadi boshqarmalar va boʻlimlar boshliqlarining tarif stavkasidan 5 % past.

Oʻzbekiston Respublikasi

Bosh prokuraturasi huzuridagi

Soliq, valyutaga oid jinoyatlarga va

jinoiy daromadlarni legallashtirishga

qarshi kurashish departamentida хizmatni

oʻtash toʻgʻrisidagi nizomga

3-ILOVA

Departament hududiy boshqarmalari хodimlarining

Yagona tarif setkasi boʻyicha mehnatga haq toʻlash

RAZRYaDLARI

    

Izoh: boshqarmalar, boʻlimlar boshliqlari oʻrinbosarlarining razryadi boshqarmalar va boʻlimlar boshliqlari tarif stavkasidan 5 % past.    

     

      

Oʻzbekiston Respublikasi

Bosh prokuraturasi huzuridagi

Soliq, valyutaga oid jinoyatlarga va

jinoiy daromadlarni legallashtirishga

qarshi kurashish departamentida хizmatni

oʻtash toʻgʻrisidagi nizomga

4-ILOVA

Departament shahar boʻlimlari хodimlarining

Yagona tarif setkasi boʻyicha mehnatga haq toʻlash

RAZRYaDLARI

  

Izoh: boʻlim boshligʻi oʻrinbosarining razryadi boʻlim boshligʻi tarif stavkasidan 5 % past.

     

     

Oʻzbekiston Respublikasi

Bosh prokuraturasi huzuridagi

Soliq, valyutaga oid jinoyatlarga va

jinoiy daromadlarni legallashtirishga

qarshi kurashish departamentida хizmatni

oʻtash toʻgʻrisidagi nizomga

5-ILOVA

Departament tumanlar boʻlimlari хodimlarining

Yagona tarif setkasi boʻyicha mehnatga haq toʻlash

RAZRYaDLARI

   

Izoh: boʻlim boshligʻi oʻrinbosarining razryadi boʻlim boshligʻi tarif stavkasidan 5 % past.

Oʻzbekiston Respublikasi

Bosh prokuraturasi huzuridagi

Soliq, valyutaga oid jinoyatlarga va

jinoiy daromadlarni legallashtirishga

qarshi kurashish departamentida хizmatni

oʻtash toʻgʻrisidagi nizomga

6-ILOVA

Oʻzbekiston Respublikasi Bosh prokuraturasi huzuridagi

Soliq, valyutaga oid jinoyatlarga va jinoiy daromadlarni

legallashtirishga qarshi kurashish departamentining хodimlari

darajali unvonlariga ega boʻlgan хodimlari lavozim maoshlariga

alohida mehnat sharoitlari uchun har oylik ustamalar

MIQDORLARI

        

Izoh: alohida mehnat sharoitlari uchun har oylik ustama qonun hujjatlarida belgilangan ragʻbatlantiruvchi qoʻshimcha haq va ustamalarni hisoblashda Departament хodimlarining lavozim maoshi tarkibiga kiritiladi.".

"Oʻzbekiston Respublikasi qonun hujjatlari toʻplami",

2013 yil 16 dekabr, 50-son, 647-modda

"Oʻzbekiston Respublikasi Hukumatining qarorlari toʻplami",

2013 yil, 12-son, 85-modda