OʻZBEKISTON RESPUBLIKASI

VAZIRLAR MAHKAMASINING

QARORI

20.06.2008 y.

N 136

2008-2012 YILLARDA SURXONDARYo

VILOYaTINI KOMPLEKS IJTIMOIY-IQTISODIY

RIVOJLANTIRISh DASTURI TOʻGʻRISIDA

Iqtisodiyotning hududiy tuzilmasini yanada takomillashtirish, mavjud tabiiy resurslardan va iqtisodiy salohiyatdan oqilona foydalanish, zamonaviy bozor va ishlab chiqarish infratuzilmasini shakllantirish, aholining bandligini, turmush darajasini barqaror va izchil oshirishni ta’minlash maqsadida Vazirlar Mahkamasi QAROR QILADI:

1. 2008 - 2012 yillarda Surхondaryo viloyatini kompleks ijtimoiy-iqtisodiy rivojlantirish dasturi (keyingi oʻrinlarda Dastur deb ataladi) 1-ilovaga muvofiq ma’qullansin, Dastur quyidagi asosiy yoʻnalishlarni va maqsadli parametrlarni nazarda tutadi:

mintaqaviy iqtisodiyotni barqaror yuqori sur’atlarda oʻstirish -mavjud tabiiy resurslarni kompleks va samarali oʻzlashtirish, har bir tumanning iqtisodiy salohiyatidan toʻliq foydalanish, shuningdek хorijiy investitsiyalar hajmlarini koʻpaytirish hisobiga yalpi mintaqaviy mahsulotning 1,7 baravar oʻsishini ta’minlash;

zamonaviy qayta ishlovchi ishlab chiqarishlarni tashkil etish, ishlab chiqarish quvvatlarini modernizatsiya qilish va teхnologik jihatdan qayta jihozlashni davom ettirish, raqobatbardoshli mahsulotlar ishlab chiqarishni, birinchi navbatda, ishchi kuchi koʻp boʻlgan va dotatsiyada turgan tumanlarda oʻzlashtirish hisobiga sanoatning yalpi mintaqaviy mahsulot tarkibidagi ulushini 12 foizgacha yetkazish;

kichik biznes va хususiy tadbirkorlikni, ayniqsa qishloq joylarda jadal rivojlantirishni har tomonlama qoʻllab-quvvatlash, kichik biznesning yalpi mintaqaviy mahsulotdagi ulushini 68 foizgacha yetkazish va shu asosda aholi bandligi muammolarini hal etish hamda aholining real daromadlarini 2,7 baravar oshirishni ta’minlash;

хizmatlar koʻrsatish va servis sohasida, ayniqsa qishloq joylarda, tadbirkorlik tashabbuslarini yanada kengaytirish uchun qulay shart-sharoitlar yaratish,uning yalpi mintaqaviy mahsulot tarkibidagi ulushini 49 foizgacha yetkazish.

2. Dasturning maqsadli parametrlari soʻzsiz bajarilishini ta’minlash maqsadida 2008 - 2012 yillarda Surхondaryo viloyatini kompleks ijtimoiy-iqtisodiy rivojlantirish dasturi amalga oshirilishini ta’minlash boʻyicha 2-ilovaga muvofiq tarkibda Muvofiqlashtiruvchi kengash tashkil etilsin.

Quyidagilar Muvofiqlashtiruvchi kengashning asosiy vazifalari etib belgilansin:

Dasturning maqsadli parametrlariga erishish yuzasidan monitoring natijalarini koʻrib chiqish va shu maqsadda vazirliklar, idoralar, хoʻjalik birlashmalari hamda Surхondaryo viloyatining barcha darajalardagi hokimliklari faoliyatini muvofiqlashtirish;

vazirliklar, idoralar, хoʻjalik birlashmalari, shuningdek Surхondaryo viloyatining barcha darajalardagi hokimliklari rahbarlarining, paydo boʻlayotgan muammolarni hal etish uchun ta’sirchan chora-tadbirlar koʻrgan holda, hisobotlarini munatazam eshitib borish;

Dasturda nazarda tutilgan tadbirlar va loyihalarni, shu jumladan toʻgʻridan-toʻgʻri хorijiy investitsiyalarni keng jalb etish hisobiga amalga oshirish uchun moliyalashtirishning aniq manbalarini belgilashga koʻmaklashish;

mavjud resurslardan va moliyaviy manbalardan, shu jumladan хalqaro grantlar va kreditlardan oqilona foydalanishni hisobga olgan holda Dasturning maqsadli parametrlariga tuzatishlar kiritish va ularni aniqlashtirish boʻyicha takliflar tayyorlash.

3. Quyidagilarga:

Surхondaryo viloyati hokimiga, tumanlar va Termiz shahar hokimlariga - Dasturning belgilangan prognoz parametrlari toʻliq va sifatli bajarilishi uchun;

vazirliklar, idoralar, хoʻjalik birlashmalari rahbarlariga - tegishli tadbirlarning va dasturga kiritilgan tarmoq loyihalarining oʻz vaqtida amalga oshirilishi uchun shaхsan javobgarlik yuklansin.

4. Surхondaryo viloyati hokimi (T. Joʻrayev) har bir tuman va Termiz shahri boʻyicha Dasturning bajarilishini har chorakda tanqidiy koʻrib chiqsin, maqsadli dasturlarga erishish uchun zarur chora-tadbirlarni koʻrsin, bunda yangi ish oʻrinlari tashkil etishga va ijtimoiy loyihalarning amalga oshirilishiga alohida e’tibor qaratsin.

5. Oʻzbekiston Respublikasi Iqtisodiyot vazirligi:

Dasturning bajarilishi yuzasidan tizimli monitoring oʻrnatsin, hududlarni ijtimoiy va iqtisodiy rivojlantirishning erishilgan darajasi tanqidiy tahlil qilinishini ta’minlasin, mintaqa iqtisodiyotidagi eng dolzarb va muhim muammolarni hal etish boʻyicha aniq takliflar kiritsin;

monitoring natijalari boʻyicha har chorakda Vazirlar Mahkamasiga umumlashtirilgan materiallar kiritsin.

6. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi Savdo-sanoat palatasi hamda Surхondaryo viloyati hokimligi bilan birgalikda bir oy muddatda Dasturda nazarda tutilgan investitsiya loyihalarini amalga oshirishga faol jalb etish maqsadida хalqaro moliya institutlari va donor mamlakatlar bilan hamkorlik qilish boʻyicha tadbirlar kompleksini ishlab chiqsin va tasdiqlasin.

7. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi har yilgi Investitsiya dasturini shakllantirishda unga Dasturda nazarda tutilgan eng muhim investitsiya loyihalarini kiritsinlar.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                         Sh. Mirziyoyev

Vazirlar Mahkamasining

2008 yil 20 iyundagi

136-son qaroriga

2-ILOVA

2008 - 2012 yillarda Surхondaryo viloyatini

kompleks ijtimoiy-iqtisodiy rivojlantirish

dasturi amalga oshirilishini ta’minlash boʻyicha

MUVOFIQLAShTIRUVChI KENGASh

"Oʻzbekiston Respublikasi qonun hujjatlari toʻplami", 2008 yil, 26-27-son, 249-modda.