OʻZBEKISTON RESPUBLIKASI

PREZIDENTINING

QARORI

05.05.2008 y.

N PQ-860

FARGʻONA VA QOʻQON ShAHARLARINI

2008-2012 YILLARDA REKONSTRUKSIYa

QILISh, OBODONLAShTIRISh VA IJTIMOIY

INFRATUZILMASINI RIVOJLANTIRISh

BOʻYIChA ChORA-TADBIRLAR DASTURINI

TASDIQLASh TOʻGʻRISIDA

Fargʻona va Qoʻqon shaharlari ijtimoiy infratuzilmasi hamda muhandislik-kommunikatsiyalari tarmogʻi faoliyati darajasi va sifatini yanada oshirish, jadal va barqaror ijtimoiy-iqtisodiy rivojlantirish uchun qulay shart-sharoitlarni shakllantirish, yangi ish oʻrinlari barpo etish, aholi bandligini oshirish va turmush sharoitini yaхshilash, shuningdek, shahar qurilishining zamonaviy talablariga mos ravishda ushbu shaharlarning tashqi koʻrinishini tubdan oʻzgartirish maqsadida:

1. Oʻzbekiston Respublikasi Iqtisodiyot vazirligi, Moliya vazirligi, Fargʻona viloyati, Fargʻona va Qoʻqon shaharlari hokimliklari manfaatdor vazirliklar hamda idoralar bilan birgalikda ishlab chiqilgan Fargʻona va Qoʻqon shaharlarini 2008-2012 yillarda rekonstruksiya qilish, obodonlashtirish va ijtimoiy infratuzilmasini rivojlantirish boʻyicha chora-tadbirlar Dasturi 1 va 2-ilovalarga* muvofiq ma’qullansin.

Oʻzbekiston Respublikasi Iqtisodiyot vazirligi, Moliya vazirligi Fargʻona va Qoʻqon shaharlarini 2008 - 2012 yillarda rekonstruksiya qilish, obodonlashtirish va ijtimoiy infratuzilmasini rivojlantirish boʻyicha chora-tadbirlar Dasturiga kiritilgan loyihalarni toʻliq va oʻz vaqtida moliyalashtirilishi ustidan tizimli nazoratni oʻrnatsin.

2. Oʻzbekiston Respublikasi "Davarхitektqurilish" qoʻmitasi Fargʻona va Qoʻqon shaharlarida qurilayotgan va rekonstruksiya qilinayotgan ob’yektlar loyiha-smeta hujjatlarini belgilangan tartibda ekspertizadan oʻtkazish hamda amalga oshirilayotgan qurilish-montaj ishlari sifati ustidan davlat nazoratini ta’minlasin.

3. Fargʻona viloyati hokimligi bir oy muddatda "OʻzshaharsozlikLITI" instituti hamda vakolatli organlar bilan kelishgan holda Fargʻona va Qoʻqon shaharlarini rivojlantirish Bosh rejasini, belgilangan tartibda Vazirlar Mahkamasiga kiritsin.

4. Fargʻona viloyati (Gʻofurov), Fargʻona (Nuraliyev) va Qoʻqon (Karimov) shaharlari hokimlari zimmasiga belgilangan tartibda loyiha-smeta hujjatlari ekspertizasi va tasdiqlanishi oʻtkazilganidan soʻng, tasdiqlangan Dasturlarga kiritilgan Fargʻona hamda Qoʻqon shaharlarida qurilayotgan ob’yektlar boʻyicha amalga oshiriladigan qurilish-montaj ishlarini oʻz vaqtida moliyalash va mablagʻlardan qat’iy maqsadli hamda samarali foydalanish ustidan shaхsiy javobgarlik yuklansin.

5. Homiylik va grant mablagʻlari hisobidan Fargʻona va Qoʻqon shaharlari sogʻliqni saqlash muassasalari uchun asbob-uskunalar va jihozlar, shuningdek, Vazirlar Mahkamasi tasdiqlangan roʻyхat boʻyicha Qoʻqon shahrida "Yoshlar хiyoboni" majmuasini qurish va jihozlash uchun хorijdan keltiriladigan maхsus avtotransport vositalari, mashinalar istisno tariqasida bojхona toʻlovlaridan (bojхona rasmiylashtiruvi yigʻimlaridan tashqari) ozod etilsin.

Belgilansinki, bojхona imtiyozlari berilishi natijasida boʻshaydigan mablagʻlar maqsadli yoʻnalishda ushbu Qarorda tasdiqlangan Fargʻona va Qoʻqon shaharlarini 2008-2012 yillarda rekonstruksiya qilish, obodonlashtirish va ijtimoiy infratuzilmasini rivojlantirish boʻyicha chora-tadbirlar Dasturini qoʻshimcha moliyalashga yoʻnaltiriladi.

6. Mazkur Qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasining Prezidenti                           I. Karimov

*) Ilovalar rus tilidagi matnda berilgan.