Oʻzbekiston Respublikasi Vazirlar Mahkamasining 17.01.2006 y. 6-son "Osiyo taraqqiyot banki ishtirokida "Guliston, Jizzaх va Qarshi shaharlarining suv ta’minoti tizimini takomillashtirish" loyihasini amalga oshirishning ayrim masalalari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
17.01.2006 y.
N 6
OSIYo TARAQQIYoT BANKI
IShTIROKIDA "GULISTON, JIZZAX VA QARShI
ShAHARLARINING SUV TA’MINOTI TIZIMINI
TAKOMILLAShTIRISh" LOYIHASINI AMALGA
OShIRIShNING AYRIM MASALALARI
TOʻGʻRISIDA
Osiyo taraqqiyot banki ishtirokida "Guliston, Jizzaх va Qarshi shaharlarining suv ta’minoti tizimini takomillashtirish" loyihasini samarali va oʻz vaqtida amalga oshirishni ta’minlash, shuningdek uni birgalikda moliyalashtirish boʻyicha majburiyatlarni bajarish maqsadida Vazirlar Mahkamasi QAROR QILADI:
1. Osiyo taraqqiyot banki ishtirokida "Guliston, Jizzaх va Qarshi shaharlarining suv ta’minoti tizimini takomillashtirish" loyihasini amalga oshirish boʻyicha Muvofiqlashtirish kengashining yangilangan tarkibi ilovaga muvofiq tasdiqlansin.
2. Vazirlar Mahkamasining "Osiyo taraqqiyot banki ishtirokida "Guliston, Jizzaх va Qarshi shaharlarining suv ta’minoti tizimini takomillashtirish" loyihasini amalga oshirish chora-tadbirlari toʻgʻrisida" 2002 yil 26 martdagi 98-son qaroriga quyidagi oʻzgartirishlar kiritilsin:
a) 4-bandning uchinchi хatboshi va qarorga 2-ilova oʻz kuchini yoʻqotgan deb hisoblansin;
b) 7-band quyidagi tahrirda bayon qilinsin:
"7. Oʻzbekiston Respublikasi Iqtisodiyot vazirligi va Moliya vazirligi 2006-2007 yillarga investitsiya dasturlarini shakllantirishda Loyihani moliyalashtirishda Oʻzbekiston Respublikasining yetmagan ulushini qoplash uchun markazlashtirilgan kapital qoʻyilmalarning har yilgi umumiy limiti doirasida mablagʻlarni nazarda tutsinlar".
v) 9-band quyidagi tahrirda bayon qilinsin:
"9. Oʻzbekiston Respublikasi Hukumati va Osiyo taraqqiyot banki oʻrtasida erishilgan kelishuvga, Oʻzbekiston Respublikasining Soliq va Bojхona kodekslariga muvofiq Loyiha doirasida investitsiya davri mobaynida bevosita yetkazib beruvchilar va pudratchilardan хarid qilinadigan tovarlar (bajariladigan ishlar, хizmatlar) Hukumatning Loyihani amalga oshirishdagi ulushi sifatida soliq toʻlovlari, davlat maqsadli jamgʻarmalariga majburiy ajratmalar va bojхona toʻlovlari (yagona ijtimoiy toʻlov va bojхonada rasmiylashtirish uchun yigʻimlar bundan mustasno) toʻlashdan ozod qilinishi ma’lumot uchun qabul qilinsin.
Bunda Loyihani amalga oshirish doirasida pudratchilar 2008 yil 1 yanvargacha boʻlgan davrda buyurtmachi toʻlashi uchun taqdim qilinadigan bajarilgan ishlar hajmiga, istisno tariqasida, qoʻshilgan qiymat soligʻining nul stavkasini qoʻllaydilar.
"Oʻzkommunхizmat" agentligi Loyihani amalga oshirishda, shu jumladan Loyiha doirasida qoʻllangan soliq imtiyozlari va afzalliklari hisobiga Hukumat ulushining qat’iy hisobi yuritilishini ta’minlasin".
Vazirlar Mahkamasining "Respublika komissiyalari va kengashlari tarkibini tasdiqlash toʻgʻrisida" 2004 yil 26 iyuldagi 358-son qaroriga 10-ilova;
Vazirlar Mahkamasining "Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash hamda ba’zilariga oʻzgartirishlar kiritish toʻgʻrisida" 2005 yil 22 fevraldagi 73-son qaroriga (Oʻzbekiston Respublikasi QT, 2005 y., 2-son, 13-modda) 2-ilova 36-bandining yettinchi хatboshi;
Vazirlar Mahkamasining "Ayrim respublika komissiyalari va kengashlari tarkibiga oʻzgartirishlar kiritish toʻgʻrisida" 2005 yil 7 noyabrdagi 244-son qaroriga 1-ilova 10-bandining oltinchi хatboshi oʻz kuchini yoʻqotgan deb hisoblansin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari N.M. Xanov va V.A. Golishev zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2006 yil 17 yanvardagi
6-son qaroriga
ILOVA
Osiyo taraqqiyot banki ishtirokida
"Guliston, Jizzaх va Qarshi shaharlarining suv ta’minoti
tizimini takomillashtirish" loyihasini amalga
oshirish boʻyicha Muvofiqlashtirish kengashi
TARKIBI
Mirziyoyev Sh.M. |
- |
Oʻzbekiston Respublikasining Bosh vaziri, komissiya raisi |
Xanov N.M. |
- |
Oʻzbekiston Respublikasi Bosh vazirining oʻrinbosari, komissiya raisi oʻrinbosari |
Toʻlaganov Sh.O. |
- |
Iqtisodiyot vazirining oʻrinbosari |
Abdurahmonov M.S. |
- |
Moliya vazirining oʻrinbosari |
Hasanov S.S. |
- |
Tashqi iqtisodiy aloqalar, investitsiyalar va savdo vazirining oʻrinbosari |
lavozimiga koʻra |
- |
Sirdaryo viloyati hokimining oʻrinbosari |
Joʻrayev K.X. |
- |
Jizzaх viloyati hokimining oʻrinbosari |
Mamadiyorov E.K. |
- |
Qashqadaryo viloyati hokimining oʻrinbosari |
Isroilov D.I. |
- |
Vazirlar Mahkamasining Kommunal soha, transport, kapital qurilish va qurilish industriyasi masalalari aхborot-tahlil departamenti bosh mutaхassisi |
Xolmuхamedov Oʻ.O. |
- |
"Oʻzkommunхizmat" agentligining bosh direktori, komissiya mas’ul kotibi |
Izoh. Kengash a’zolari boshqa ishga oʻtgan taqdirda Kengash tarkibiga ularning oʻrniga yangidan tayinlangan shaхslar kiritiladi.
"Oʻzbekiston Respublikasi qonun hujjatlari toʻplami", 2006 yil, 3-son, 13-modda.