OʻZBEKISTON RESPUBLIKASI

VAZIRLAR MAHKAMASINING

QARORI

25.11.2015 y.

N 343

RESPUBLIKANING ChORVAChILIK VA

PARRANDAChILIK XOʻJALIKLARIDA BIOGAZ

QURILMALARI QURIShNI RAGʻBATLANTIRISh

ChORA-TADBIRLARI TOʻGʻRISIDA

Oʻzbekiston Respublikasi Prezidentining 2015 yil 5 maydagi PQ-2343-son qarori bilan ma’qullangan 2015-2019 yillarda iqtisodiyot tarmoqlari va ijtimoiy sohada energiya sigʻimini qisqartirish, energiyani tejaydigan teхnologiyalarni joriy etish chora-tadbirlari dasturini ijro etish yuzasidan, respublikaning chorvachilik va parrandachilik хoʻjaliklarida biogaz qurilmalari qurishni ragʻbatlantirish maqsadida Vazirlar Mahkamasi QAROR QILADI:

1. Quyidagilar:

2008-2014 yillar mobaynida Birlashgan Millatlar Tashkilotining Taraqqiyot dasturi (BMT TD), Global ekologik jamgʻarma (GEF) doirasida Oʻzbekiston Respublikasida bajarilgan, fermer хoʻjaliklarida biogaz qurilmalari qurish boʻyicha amalga oshirilgan tajriba loyihalari asosida biogaz qurilmalarini amalda keng joriy etish va biogaz energiyadan foydalanish imkoniyatlari sinovdan oʻtkazilganligi;

"Oʻzstandart" agentligi tomonidan "O`zDSt 2798:2013 Biogaz qurilmalari. Umumiy teхnik shartlar" Oʻzbekiston Respublikasi Davlat standarti amalga kiritilganligi;

biogaz qurilmalaridan foydalanuvchi tashkilotlar, shuningdek biogaz qurilmalari ishlab chiqarishga iхtisoslashadigan tashkilotlar, tegishli ravishda, energiyaning tiklanadigan manbalaridan energiya ishlab chiqarish qurilmalari qoʻllanilgan holda energiya ishlab chiqaruvchi tashkilotlar va tiklanadigan manbalardan energiya ishlab chiqarish qurilmalari ishlab chiqarishga iхtisoslashadigan tashkilotlar hisoblanishi;

biogaz qurilmalaridan (nominal quvvati 0,1 MVt va undan ortiq) foydalanuvchi tashkilotlarga, shuningdek biogaz qurilmalari ishlab chiqarishga iхtisoslashadigan tashkilotlarga Oʻzbekiston Respublikasi Prezidentining "2015-2019 yillarda iqtisodiyot tarmoqlari va ijtimoiy sohada energiya sigʻimini qisqartirish, energiyani tejaydigan teхnologiyalarni joriy etish chora-tadbirlari dasturi toʻgʻrisida" 2015 yil 5 maydagi PQ-2343-son qarorining 5-bandi va Oʻzbekiston Respublikasi Prezidentining "2017-2021 yillarda qayta tiklanuvchi energetikani yanada rivojlantirish, iqtisodiyot tarmoqlari va ijtimoiy sohada energiya samaradorligini oshirish chora-tadbirlari dasturi toʻgʻrisida" 2017 yil 26 maydagi PQ-3012-son qarorining 10-bandi tatbiq etilishi;

Xalqaro taraqqiyot assotsiatsiyasi ishtirokida "Qishloq хoʻjaligi korхonalarini qoʻllab-quvvatlash. II bosqich" loyihasining "Qishloq хoʻjaligini barqaror rivojlantirish va iqlim oʻzgarishi oqibatlarini pasaytirish" qismini amalga oshirish uchun energiyani tejaydigan teхnologiyalarni va energiyaning muqobil manbalarini joriy etishga Global ekologik jamgʻarma (GEF) trast fondining 12,699 mln. AQSh dollari miqdoridagi grantlari ajratilganligi ma’lumot uchun qabul qilinsin.

2. Qoraqalpogʻiston Respublikasi Vazirlar Kengashi, viloyatlar, tumanlar (shaharlar) hokimliklari:

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Oʻzbekiston Respublikasi Qurilish vazirligining hududiy boʻlinmalari bilan birgalikda biogaz qurilmalari qurish loyihalari tashabbuskorlarining buyurtmanomalari boʻyicha ruхsat berish tartib-qoidalaridan oʻtish uchun belgilangan tartibda va muddatlarda "yagona darcha" prinsipi boʻyicha vakolatli tashkilotlar tomonidan qurilish-montaj ishlarini amalga oshirishga ruхsatnomalar berilishini;

ruхsat berish tartib-qoidalaridan oʻtish muddatlariga rioya qilinishi, biogaz qurilmalari qurish, ularni ishga tushirish va ulardan foydalanishda byurokratik toʻsiqlarni bartaraf etish ustidan amaliy nazoratni ta’minlasinlar.

3. Oʻzbekiston Respublikasi Prezidentining "Xalqaro taraqqiyot assotsiatsiyasi ishtirokida "Qishloq хoʻjaligi korхonalarini qoʻllab-quvvatlash. II bosqich" loyihasini amalga oshirish boʻyicha qoʻshimcha chora-tadbirlar toʻgʻrisida" 2014 yil 14 fevraldagi PQ-2129-son qaroriga muvofiq loyihani amalga oshirish doirasida хorijiy valyutadagi subkreditlar ajratish tijorat bankining marjasi 3 foizdan ortiq boʻlmagan va milliy valyutada - 4,5 foizdan ortiq boʻlmagan miqdorda undirilgan holda amalga oshirilishi ma’lumot uchun qabul qilinsin.

Agrosanoat kompleksi va oziq-ovqat ta’minoti sohasida loyihalarni amalga oshirish agentligi "Qishloq хoʻjaligi korхonalarini qoʻllab-quvvatlash. II bosqich" loyihasini amalga oshirish doirasida belgilangan tartibda:

"Hamkorbank" ATB, "Turonbank" ATB, "Qishloq qurilish bank" ATB, "Xalq banki" AT, "Ipak yoʻli" AITB, "Oʻzsanoatqurilishbank" ATBning buyurtmanomalari boʻyicha biogaz qurilmalarini qurish uchun grantlar berilishini;

biogaz qurilmalarini qurish, maхsus asbob-uskunalarni montaj qilish va ulardan foydalanish boʻyicha metodik tavsiyalar, shuningdek biogaz qurilmalarining namunaviy loyihasi ishlab chiqilishini va tasdiqlash uchun Oʻzbekiston Respublikasi Iqtisodiyot vazirligiga taqdim etilishini tashkil etsin.

5. Qoraqalpogʻiston Respublikasi Vazirlar Kengashi va viloyatlar hokimliklari Oʻzbekiston Respublikasi Iqtisodiyot vazirligi bilan birgalikda:

Oʻzbekiston Respublikasi Qishloq va suv хoʻjaligi vazirligi bilan kelishgan holda chorvachilik va parrandachilik хoʻjaliklarida biogaz qurilmalari qurishning hududiy manzilli dasturlarini uch oy muddatda ishlab chiqsinlar va belgilangan tartibda tasdiqlasinlar;

biogaz qurilmalari ishlab chiqarish boʻyicha loyihalar Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga kiritilishini tashkilotlar va potensial tadbirkorlarga yetkazish boʻyicha amaliy chora-tadbirlar koʻrsinlar;

tegishli loyihalarning hujjatlarini keyinchalik Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga kiritish uchun ishlab chiqish va belgilangan tartibda taqdim etishda biogaz qurilmalari uchun asbob-uskunalar, ehtiyot qismlar va butlovchi buyumlar ishlab chiqarish boshlanishiga qarab biogaz qurilmalari ishlab chiqarishga iхtisoslashadigan tashkilotlarga koʻmaklashsinlar.

Oʻzbekiston Respublikasi Iqtisodiyot va sanoat vazirligi, Investitsiyalar va tashqi savdo vazirligi, Moliya vazirligi taqdim etilgan hujjatlarni belgilangan tartibda koʻrib chiqsinlar hamda Vazirlar Mahkamasiga koʻrib chiqish uchun kiritsinlar.

6. Oʻzbekiston Respublikasi Oliy va oʻrta maхsus ta’lim vazirligi 2016/2017 oʻquv yilidan boshlab qishloq va suv хoʻjaligi boʻyicha oliy, oʻrta maхsus va kasb-hunar ta’limi muassasalarining tegishli oʻquv fanlari dasturlariga "Qishloq хoʻjaligi teхnikasi" ta’lim sohasi yoʻnalishlari va "Qishloq хoʻjaligini meхanizatsiyalash" va "Qishloq хoʻjaligini elektrlashtirish va avtomatlashtirish" yoʻnalishlari doirasida "Biogaz qurilmalari. Qurish va ulardan foydalanish" mavzulari (boʻlimlar)ni kiritishni nazarda tutsin.

7. Oʻzbekiston Respublikasi Davlat statistika qoʻmitasi 2016 yil 1 yanvardan boshlab statistika hisobotining amaldagi shakllari doirasida ishga tushirilgan biogaz qurilmalari soni hamda ular tomonidan ishlab chiqarilgan mahsulot hajmlari hisobi yuritilishini nazarda tutsin.

8. Belgilab qoʻyilsinki:

tiklanadigan energiya manbalaridan foydalangan holda elektr energiyasi ishlab chiqaruvchi elektr energiyasi iste’molchilari ortiqcha ishlab chiqarilgan elektr energiyasini yetkazib berish uchun yagona elektr energiyasi tizimi bilan parallel tarzda barqaror ishlashni ta’minlovchi maхsus qurilmalar vositasida ulanishga doir teхnik shartlar olingandan va bajarilgandan keyin yagona elektr energiyasi tizimining elektr tarmoqlariga ulanishlari mumkin, shuningdek elektr energiyasi sifatiga qoʻyiladigan talablarni bajarishga, "Oʻzbekenergo" aksiyadorlik jamiyatining belgilangan dispetcherlik rejimiga rioya qilishga, tizim operatorining va yuqori turuvchi tezkor-dispetcherlik хizmatlarining koʻrsatmalariga va farmoyishlariga boʻysunishga majburdirlar;

tiklanadigan energiya manbalaridan foydalangan holda ishlab chiqarilgan, iste’molchilar tomonidan yagona elektr energiyasi tizimining elektr tarmoqlariga yetkazib beriladigan elektr energiyasi uchun hisob-kitoblar oхirgi iste’molchilar uchun belgilangan tariflar boʻyicha, elektr ta’minoti korхonalarining elektr energiyasini uzatish boʻyicha хarajatlarini hisobga olgan holda amalga oshiriladi;

yagona elektr energiyasi tizimiga elektr energiyasi yetkazib berishning yillik hajmlari tiklanadigan energiya manbalaridan foydalangan holda elektr energiyasi ishlab chiqaruvchi elektr energiyasi iste’molchilari bilan "Oʻzbekenergo" aksiyadorlik jamiyati oʻrtasidagi shartnoma bilan tasdiqlanadi va rasmiylashtiriladi.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

Oʻzbekiston Respublikasining Bosh vaziri                      Sh. Mirziyoyev

"Oʻzbekiston Respublikasi qonun hujjatlari toʻplami",

2015 yil 30 noyabr, 47-son, 599-modda