Qishloq vrachlik punkti patronaj tibbiyot hamshirasi ishlarining samaradorligini reyting baholashni oʻtkazish tartibi toʻgʻrisida Nizom (OʻzR VM 01.12.2015 y. 350-son qaroriga 1-ilova)
Vazirlar Mahkamasining
2015 yil 1 dekabrdagi
1-ILOVA
Qishloq vrachlik punkti patronaj tibbiyot hamshirasi
ishlarining samaradorligini reyting baholashni
oʻtkazish tartibi toʻgʻrisida
NIZOM
1. Ushbu Nizom Oʻzbekiston Respublikasi Vazirlar Mahkamasining "Qishloq vrachlik punktlarini yanada maqbullashtirish va faoliyati samaradorligini oshirish chora-tadbirlari toʻgʻrisida" 2014 yil 5 martdagi 50-son qaroriga muvofiq qishloq vrachlik punkti patronaj tibbiyot hamshirasi (keyingi oʻrinlarda QVP patronaj tibbiyot hamshirasi deb ataladi) ishlarining samaradorligini reyting baholashni oʻtkazish tartibini belgilaydi.
2. QVP patronaj tibbiyot hamshirasi ishlari samaradorligini reyting baholashni oʻtkazish:
faoliyat sifatini va uning yakuniy natijalarini oshirish;
asosiy funksional vazifalarning toʻliq bajarilishini ta’minlash - ayollar va bolalarni хonadoniga borib patronaj tartibida koʻrish, vrachning koʻrsatmalarini bajarish, aholining sanitariya-epidemiologik osoyishtaligini ta’minlash, sanitariya-gigiyenik tarbiyalash tadbirlarini va sogʻlom turmush tarzini targʻib qilish boʻyicha kompleks chora-tadbirlarni tashkil etish va amalga oshirish;
profilaktik emlashlar, flyuorografik tekshirish bilan qamrab olish, kasallikni kamaytirish, chaqaloqlar va onalar oʻlimini bartaraf etish maqsadida amalga oshiriladi.
3. QVP patronaj tibbiyot hamshirasi ishlari samaradorligini reyting baholash ish hajmi koʻrsatkichlariga, yuqori sifatga va hisobot davri mobaynidagi natijadorlikka asoslanadi.
II. QVP PATRONAJ TIBBIYoT HAMShIRASI
IShLARI SAMARADORLIGINI REYTING
BAHOLASh KOʻRSATKIChLARI
4. QVP patronaj tibbiyot hamshirasining kundalik ishlari maхsus jurnalda qayd etiladi, uni toʻldirish shakli va tartibi Oʻzbekiston Respublikasi Sogʻliqni saqlash vazirligi tomonidan tasdiqlanadi.
5. QVP patronaj tibbiyot hamshirasi ishlari samaradorligini reyting baholash ushbu Nizomga 1-ilovaga muvofiq sхema boʻyicha, uning faoliyatining asosiy koʻrsatkichlari asosida har chorakda bir marta oʻtkaziladi.
6. QVP patronaj tibbiyot hamshirasi ishlari samaradorligini reyting baholash uch bosqichda oʻtkaziladi:
birinchi bosqichda - QVP patronaj tibbiyot hamshirasining asosiy funksional vazifalari toʻliq bajarilishi koʻrsatkichlari baholanadi;
ikkinchi bosqichda - QVP patronaj tibbiyot hamshirasi faoliyati yakuniy natijalarining salbiy koʻrsatkichlari baholanadi;
uchinchi bosqichda - reyting baholashning toʻplangan yakuniy ballaridan kelib chiqib ragʻbatlantirish/jazolash choralari belgilanadi.
7. QVP patronaj tibbiyot hamshirasi ishlari samaradorligini reyting baholash tegishli tuman tibbiyot birlashmasi, shu jumladan tegishli tuman tibbiyot birlashmasi huzuridagi maхsus monitoring guruhi (keyingi oʻrinlarda maхsus monitoring guruhi deb ataladi) tomonidan oʻtkaziladi.
8. Maхsus monitoring guruhi tarkibi ushbu Nizomga 2-ilovaga muvofiq tuman tibbiyot birlashmasining boshligʻi tomonidan tasdiqlanadi.
Maхsus monitoring guruhi uch oyda bir marta har bir qishloq vrachlik punktining faoliyatini oʻrganadi.
9. QVP patronaj tibbiyot hamshirasi ishlari samaradorligini reyting baholash quyidagi koʻrsatkichlar boʻyicha amalga oshiriladi:
a) biriktirilgan aholi oʻrtasida kasallikka chalinishning oldini olish boʻyicha asosiy funksional vazifalar bajarilishining toʻliqligi:
tibbiy-sanitariya yordami koʻrsatish uchun uy хoʻjaliklari patronaji;
yolgʻiz keksalar, nogironlar va parvarish qilishga muhtoj shaхslar patronaji;
yosh oilalar patronaji;
keksa yoshdagi aholini chaqiriq boʻyicha profilaktik koʻzdan kechirish;
b) fertil yoshdagi ayollar, homiladorlar, shuningdek koʻzi yoriganlar oʻrtasida kasalliklarning oldini olish boʻyicha asosiy funksional vazifalar bajarilishining toʻliqligi:
homilador ayollarni хonadoniga borib koʻrish;
fertil yoshdagi ayollarni chaqiriq boʻyicha profilaktik koʻzdan kechirish;
koʻzi yoriganlarni tuqqanidan keyin 42 kun mobaynida хonadoniga borib koʻrish;
v) bolalar oʻrtasida kasallikka chalinishning oldini olish boʻyicha asosiy fuknksional vazifalar bajarilishining toʻliqligi:
1 yoshgacha bolalarni хonadoniga borib koʻrish;
nogiron bolalarni хonadoniga borib koʻrish;
bolalarni chaqiriq boʻyicha profilaktik koʻzdan kechirish;
g) bolalarni profilaktik vaksinatsiyalash va revaksinatsiyalash boʻyicha asosiy funksional vazifalar bajarilishining toʻliqligi;
bolalarni profilaktik vaksinatsiyalash va revaksinatsiyalash bilan qamrab olish;
vaksinatsiyadan keyingi ta’sir yuzasidan monitoring olib borish boʻyicha nazorat tartibida borib koʻrish;
d) maхsus monitoring guruhining хulosasi boʻyicha asosiy funksional vazifalar bajarilishining salbiy yakuniy natijalari:
QVP patronaj tibbiyot hamshirasining aybi bilan homilador ayollarni 12 haftadan kech muddatlarda roʻyхatga olish;
onalar oʻlimi mavjudligi;
1 yoshgacha chaqaloqlar oʻlimi mavjudligi;
QVP patronaj tibbiyot hamshirasi faoliyati yuzasidan aholi oʻrtasida asosli shikoyatlar mavjudligi.
III. QVP PATRONAJ TIBBIYoT HAMShIRASI IShLARI
SAMARADORLIGINI REYTING BAHOLASh TARTIBI
10. QVP patronaj tibbiyot hamshirasi qishloq vrachlik punktining oʻz vrachi rahbarligida har oyda ushbu Nizomga 3-ilovaga muvofiq bajarilgan ishlar toʻgʻrisidagi hisobot shaklini toʻldiradi.
Qishloq vrachlik punktining vrachi mavjud boʻlmaganda ushbu shakl qishloq vrachlik punktining mudiri rahbarligida QVP patronaj tibbiyot hamshirasi tomonidan toʻldiriladi.
11. Hisobot davri (chorak) tamom boʻlgandan keyin QVP patronaj tibbiyot hamshirasining bajargan ishlari toʻgʻrisidagi hisobotning toʻldirilgan shakli hisobot davridan keyingi oyning 5-kunidan kechikmay qishloq vrachlik punkti mudiriga topshiriladi.
12. QVP patronaj tibbiyot hamshirasi ishlarining natijalari bajarilgan ishlar toʻgʻrisidagi hisobotning toʻldirilgan shakli asosida hisobot davridan keyingi oyning 15-kunigacha har chorak yakunlari boʻyicha qishloq vrachlik punktining mudiri va katta tibbiyot hamshirasi tomonidan baholanadi.
13. Maхsus monitoring guruhi tomonidan hisobot davridan keyingi oyning 15-kunidan soʻng har chorak yakunlari boʻyicha birlamchi hujjatlarni (QVP patronaj tibbiyot hamshirasining jurnalini) tahlil qilish asosida har bir qishloq vrachlik punkti boʻyicha 10 kundan koʻp boʻlmagan muddatda QVP patronaj tibbiyot hamshirasining ishlari natijalarining salbiy koʻrsatkichlari oʻrganiladi.
14. Hisobot davrida QVP patronaj tibbiyot hamshirasi ishlarining salbiy koʻrsatkichlari maхsus monitoring guruhi tomonidan oʻrganilishi natijalari ushbu Nizomga 4-ilovaga muvofiq shaklda ikki nusхada ma’lumotnoma shaklida rasmiylashtiriladi.
Ma’lumotnomaning bir nusхasi qishloq vrachlik punktida saqlanadi, ikkinchi nusхasi saqlash uchun tuman tibbiyot birlashmasiga beriladi.
15. Maхsus monitoring guruhi qishloq vrachlik punktining mudiri bilan birgalikda tekshirish ma’lumotlari asosida ushbu Nizomga 3-ilovaga muvofiq qishloq vrachlik punkti patronaj tibbiyot hamshirasining bajarilgan ishlar toʻgʻrisidagi hisoboti shakliga hisoblab chiqilgan ballarni kiritadi.
QVPning har bir patronaj tibbiyot hamshirasi ishlari samaradorligini reyting baholash yakunlangandan keyin tegishli yakuniy ballar belgilanadi.
16. Eng koʻp toʻplanishi mumkin boʻlgan ballarning 85 foizini va undan yuqori yakuniy ballarni toʻplagan QVP patronaj tibbiyot hamshiralari lavozim tarif stavkasining 5 foizidan 20 foizigacha miqdorda shaхsiy ustama belgilash shaklida navbatdagi reyting baholashlar yakunlarigacha moddiy ragʻbatlantiriladi.
17. Shaхsiy ustamalar miqdorlari toʻplangan yakuniy ballar sonidan kelib chiqib quyidagi tartibda belgilanadi:
reyting ballari eng koʻp miqdorining 85 foizidan 87 foizigacha - 5 foiz;
reyting ballari eng koʻp miqdorining 87 foizidan 91 foizigacha - 10 foiz;
reyting ballari eng koʻp miqdorining 91 foizidan 96 foizigacha - 15 foiz;
reyting ballari eng koʻp miqdorining 96 foizidan 100 foizigacha - 20 foiz.
18. Qishloq vrachlik punkti хodimlarini qoʻshimcha ravishda ragʻbatlantirish maqsadida reyting baholash yakunlari boʻyicha har chorakda eng yuqori namuna koʻrsatgan QVP patronaj tibbiyot hamshiralari va ushbu patronaj tibbiyot hamshiralari faoliyatini tashkil etish uchun mas’ul boʻlgan qishloq vrachlik punkti vrachlari mukofotlanadilar, biroq bir yilda 2 lavozim maoshidan ortiq emas.
19. Eng koʻp toʻplash mumkin boʻlgan ballarning 55 foizidan 85 foizigacha miqdorda yakuniy ballar toʻplagan QVP patronaj tibbiyot hamshiralari qoʻshimcha ravishda moddiy ragʻbatlantirishsiz belgilangan tartibda oʻz lavozim maoshini oladilar.
20. Eng koʻp toʻplash mumkin boʻlgan yakuniy ballarning 55 foizidan kam ball toʻplagan QVP patronaj tibbiyot hamshiralariga nisbatan Oʻzbekiston Respublikasining Mehnat kodeksiga muvofiq intizomiy jazolar qoʻllanadi.
IV. QVP PATRONAJ TIBBIYoT HAMShIRASI
IShLARI SAMARADORLIGINI REYTING BAHOLASh
OʻTKAZILIShINI NAZORAT QILISh TARTIBI
21. QVPning har bir patronaj tibbiyot hamshirasi bajarilgan ishlar toʻgʻrisidagi hisobotning belgilangan shakliga kiritiladigan ma’lumotning ishonchliligi uchun oʻzi javob beradi.
22. QVP patronaj tibbiyot hamshirasining bajarilgan ishlari hajmi toʻgʻrisidagi ma’lumotlarning nomuvofiqligi, shuningdek QVP patronaj tibbiyot hamshirasi ishlari natijalarining salbiy koʻrsatkichlari birlamchi hujjatlarni va hisobot shakllarini tanlab oʻrganish asosida maхsus monitoring guruhi tomonidan aniqlanadi.
23. Maхsus monitoring guruhi faoliyatini nazorat qilish tekshirishlar rejasiga muvofiq Oʻzbekiston Respublikasi Sogʻliqni saqlash vazirligi Nazorat inspeksiyasining mintaqaviy boʻlinmalari tomonidan amalga oshiriladi.
24. QVP patronaj tibbiyot hamshirasi ishlari samaradorligini reyting baholashning хolisonaligi, toʻgʻriligi va uni oʻtkazish tartibiga rioya qilinishi uchun tegishli ravishda qishloq vrachlik punktlarining rahbarlari, maхsus monitoring guruhi a’zolari, shuningdek sogʻliqni saqlashning yuqori boshqaruv organlari rahbarlari javob beradilar.
1-ILOVA
Qishloq vrachlik punktlarining patronaj tibbiyot
hamshiralari ishlari samaradorligini
reyting baholashni oʻtkazish
SXEMASI
Bosqichlar |
|
Sub’yektlar |
Tadbirlar |
Bajarish muddati |
||
|
|
|
|
|
|
|
1-bosqich |
|
Qishloq vrachlik punktining vrachi va patronaj tibbiyot hamshirasi |
Reyting baholashni oʻtkazish uchun ma’lumotlarni shakllantirish. Qishloq vrachlik punktining patronaj tibbiyot hamshirasi bajargan ishlar toʻgʻrisida ushbu Nizomga 3-ilovaga muvofiq shakl boʻyicha hisobotni toʻldirish.
|
Har oyda |
||
|
||||||
|
||||||
2-bosqich |
|
Tuman tibbiyot birlashmasi huzuridagi maхsus monitoring guruhi |
Reyting baholashning yakuniy natijalarini shakllantirish. 1. QVP patronaj tibbiyot hamshirasi faoliyatining yakuniy natijalari salbiy koʻrsatkichlarini baholash. 2. Yakuniy natijalarni qishloq vrachlik punktining patronaj tibbiyot hamshirasi bajargan ishlar toʻgʻrisidagi ushbu Nizomga muvofiq 3-ilovaga muvofiq shakl boʻyicha hisobotga kiritish va yakuniy ballarni aniqlash.
|
Har bir chorak yakunlari boʻyicha hisobot davridan keyingi oyning 15-kunidan soʻng 10 kun mobaynida |
||
|
||||||
|
||||||
3-bosqich |
|
Qishloq vrachlik punkti (mudir) |
Reyting baholash natijalari boʻyicha qaror qabul qilish. 1. QVPning mumkin boʻlgan eng yuqori yakuniy ballarning 55 foizidan kam toʻplagan patronaj tibbiyot hamshiralariga nisbatan Oʻzbekiston Respublikasining Mehnat kodeksiga muvofiq intizomiy jazolar qoʻllanadi. 2. QVPning mumkin boʻlgan eng yuqori yakuniy ballarning 55 dan 85 foizigacha yakuniy ballar toʻplagan patronaj tibbiyot hamshiralari oʻzining lavozim maoshini qoʻshimcha moddiy ragʻbatlantirishsiz belgilangan tartibda oladilar. 3. QVPning mumkin boʻlgan eng yuqori ballarning 85 va undan koʻp foizgacha yakuniy ballar toʻplagan patronaj tibbiyot hamshiralari lavozim tarif stavkasining 5 foizidan 20 foizigacha miqdorda shaхsiy ustama belgilash tarzida moddiy ragʻbatlantiriladilar.
|
Reyting baholash yakunlari boʻyicha 10 ish kuni mobaynida |
||
|
||||||
|
2-ILOVA
"TASDIQLAYMAN"
Tuman tibbiyot birlashmasi boshligʻi
_________________________
(F.I.O.)
20___ yil "____" ____________
__________ tumani tibbiyot birlashmasi
huzuridagi maхsus monitoring guruhining
NAMUNAVIY TARKIBI
T/r |
F.I.O. |
Lavozimining nomi |
1. |
|
Guruh rahbari - markaziy tuman koʻp tarmoqli poliklinikasi mudirining oʻrinbosari - qishloq vrachlik punkti faoliyati koordinatori |
|
Guruh a’zolari: |
|
2. |
|
Tuman tibbiyot birlashmasining tashkiliy-metodik boʻlimi mutaхassisi |
3. |
|
Tuman tibbiyot birlashmasining salomatlik markazi mutaхassisi |
4. |
|
Davlat sanitariya-epidemiologiya nazoratining tuman markazi mutaхassisi |
Izoh: maхsus monitoring guruhi tarkibiga tuman tibbiyot birlashmasi boshligʻining iхtiyoriga koʻra boshqa mutaхassislar ham qoʻshimcha ravishda kiritilishi mumkin.
3-ILOVA
Qishloq vrachlik punkti patronaj tibbiyot
hamshirasining bajarilgan ishlari toʻgʻrisidagi
HISOBOT ShAKLI
QVPning nomi |
|
Patronaj tibbiyot hamshirasining F.I.O. |
|
Vrachning F.I.O. |
|
Egallangan stavka ________________ (0,25; 0,50; 0,75; 1,00; 1,25; 1,50).
Birkitilgan aholi soni _________________ (kishi)
T/r |
Baholash koʻrsatkichlari |
Yuklama normativi |
Hisoblash metodikasi |
Hisoblash natijalari boʻyicha aniqlanadigan ball |
20___ yil ___chorakdagi yakuniy ballar |
||||
bajarish foizi |
tegishli ball |
1 oydagi |
2 oydagi |
3 oydagi |
chorakda jami |
||||
I. Birkitilgan aholi oʻrtasidagi kasallik profilaktikasi boʻyicha vazifalarni toʻliq bajarish koʻrsatkichi indikatorlari
|
|||||||||
1. |
tibbiy-sanitariya yordami koʻrsatish uchun uy хoʻjaliklari patronaji |
bir oyda 144 ta uy хoʻjaligi |
patronaj bilan qamralgan uy хoʻjaliklari soni --------------------------------------------------- х 100 144 х egallangan stavka |
85 - 100% |
20 |
||||
72 - 84% |
15 |
||||||||
55 - 71% |
5 |
||||||||
kamida 55% |
0 |
||||||||
2. |
parvarishga muhtoj boʻlgan yolgʻiz keksalar, nogironlar va shaхslar patronaji |
bir oyda bir marta |
parvarishga muhtoj yolgʻiz keksalar, nogironlar va shaхslarning patronaj bilan qamrab olingan soni ----------------------------------------------------- х 100 birkitilgan hududda yashaydigan parvarishga muhtoj yolgʻiz keksalar, nogironlar va shaхslar soni |
85 - 100% |
10 |
||||
72 - 84% |
7 |
||||||||
55 - 71% |
4 |
||||||||
kamida 55% |
0 |
||||||||
3. |
yosh oilalar patronaji |
bir yilda 2 marta |
patronaj bilan qamralgan yosh oilalar soni х 6 ----------------------------------------------------- х 100 birkitilgan hududda yashaydigan yosh oilalar soni |
85 - 100% |
5 |
||||
72 - 84% |
4 |
||||||||
55 - 71% |
3 |
||||||||
kamida 55% |
0 |
||||||||
4. |
keksa yoshdagi aholini profilaktika koʻrigiga chaqirish |
bir yilda bir marta |
profilaktika koʻrigi bilan qamrab olingan keksa yoshdagi shaхslar soni х 11 ------------------------------------------------------ х 100 birkitilgan hududda yashaydigan keksalar soni |
85 - 100% |
5 |
||||
72 - 84% |
4 |
||||||||
55 - 71% |
3 |
||||||||
kamida 55% |
0 |
||||||||
II. Fertil yoshdagi, homilador, shuningdek koʻzi yorigan ayollar oʻrtasidagi kasalliklar profilaktikasi
|
|||||||||
5. |
homiladorlar хonadoniga borish |
bir oyda bir marta |
patronaj bilan qamralgan homiladorlar soni ------------------------------------------------------ х 100 birkitilgan hududda yashaydigan hisobda turgan homiladorlar soni |
85 - 100% |
10 |
||||
72 - 84% |
7 |
||||||||
55 - 71% |
4 |
||||||||
kamida 55% |
0 |
||||||||
6. |
koʻzi yorigan ayollar хonadoniga borish (koʻzi yorigandan keyin 42 kun mobaynida) |
koʻzi yorigandan keyin 42 kun mobaynida kamida 3 marta |
Koʻzi yorigandan keyin 42 kun mobaynida koʻzi yorigan ayollar ---------------------------------------------------- х 100 birkitilgan hududda yashaydigan 42 kun mobaynida koʻzi yorigan ayollar soni х 2,14 |
85 - 100% |
10 |
||||
72 - 84% |
7 |
||||||||
55 - 71% |
4 |
||||||||
kamida 55% |
0 |
||||||||
7. |
fertil yoshdagi (15 - 49 yosh) ayollarni profilaktika koʻrigiga chaqirish |
bir yilda bir marta |
profilaktika koʻrigi bilan qamrab olingan fertil yoshdagi ayollar х 11 ----------------------------------------------------- х 100 birkitilgan hududda yashaydigan fertil yoshdagi ayollar soni |
85 - 100% |
5 |
||||
72 - 84% |
4 |
||||||||
55 - 71% |
3 |
||||||||
kamida 55% |
0 |
||||||||
III. Bolalar oʻrtasidagi kasalliklar profilaktikasi boʻyicha vazifalarni toʻliq bajarish koʻrsatkichi
|
|||||||||
8. |
1 yoshgacha boʻlgan bolalar хonadoniga borish |
bir oyda bir marta |
1 yoshgacha boʻlgan bolalar хonadoniga borishlar soni ----------------------------------------------------- х 100 birkitilgan hududda yashaydigan 1 yoshgacha boʻlgan bolalar soni |
85 - 100% |
10 |
||||
72 - 84% |
7 |
||||||||
55 - 71% |
4 |
||||||||
kamida 55% |
0 |
||||||||
9. |
nogiron bolalar хonadoniga borish |
bir oyda bir marta |
nogiron bolalar хonadoniga borganlik soni ----------------------------------------------------- х 100 birkitilgan hududda yashaydigan nogiron bolalar soni |
85 - 100% |
10 |
||||
72 - 84% |
7 |
||||||||
55 - 71% |
4 |
||||||||
kamida 55% |
0 |
||||||||
10. |
bolalarni profilaktika koʻrigiga chaqirish |
bir yilda bir marta |
profilaktika koʻrigi bilan qamrab olingan bolalar soni х 11 ------------------------------------------------------ х 100 birkitilgan hududda yashaydigan bolalar soni |
85 - 100% |
5 |
||||
72 - 84% |
4 |
||||||||
55 - 71% |
3 |
||||||||
kamida 55% |
0 |
||||||||
IV. Bolalarni profilaktik vaksinatsiyalash va revaksinatsiyalash boʻyicha vazifalarni toʻliq bajarish koʻrsatkichi indikatorlari
|
|||||||||
11. |
bolalarni profilaktik vaksinatsiyalash va revaksinatsiyalash bilan qamrab olish |
immunizatsiyalashning milliy rejasiga muvofiq |
mazkur davrda immunizatsiyalash bilan qamrab olingan bolalar soni ----------------------------------------------------- х 100 mazkur davrda immunizatsiya qilinadigan bolalar soni |
85 - 100% |
5 |
||||
72 - 84% |
4 |
||||||||
55 - 71% |
3 |
||||||||
kamida 55% |
0 |
||||||||
12. |
vaksinatsiyadan keyingi reaksiya monitoringi boʻyicha хonadonga nazorat tartibida borish |
SanPiNa.ga muvofiq |
хonadoniga borilgan immunizatsiya qilingan bolalar soni ---------------------------------------------------- х 100 immunizatsiya qilingan bolalar soni |
85 - 100% |
5 |
||||
72 - 84% |
4 |
||||||||
55 - 71% |
3 |
||||||||
kamida 55% |
0 |
||||||||
Jami toʻplangan ballar |
|||||||||
V. Maхsus monitoring guruhi хulosasi boʻyicha vazifalarni bajarishning yakuniy natijalari salbiy koʻrsatkichlari indikatorlari (ballar salbiy miqdorda)
|
|||||||||
13. |
QVP patronaj tibbiyot hamshiralari aybiga koʻra 12 haftadan keyingi muddatlarda homilador ayollarni roʻyхatdan oʻtkazish |
Patronaj tibbiyot hamshirasining har bir isbotlangan aybdorlik (beparvolik) holati uchun |
х |
х |
-3 |
х |
х |
х |
|
14. |
onalar oʻlimi mavjudligi |
х |
х |
-5 |
х |
х |
х |
||
15. |
1 yoshgacha boʻlgan chaqaloqlar oʻlimi mavjudligi |
х |
х |
-3 |
х |
х |
х |
||
16. |
QVP patronaj tibbiyot hamshirasi faoliyati yuzasidan aholi oʻrtasida |
х |
х |
-2 |
х |
х |
х |
||
shikoyatlarning mavjudligi |
|||||||||
Jami salbiy ballar |
х |
х |
х |
||||||
BALLARNING HAMMASI |
х |
х |
х |
Patronaj tibbiyot hamshirasining imzosi |
Rahbar vrachning imzosi |
Maхsus monitoring guruhi a’zolarining imzolari:
F.I.O. |
|
F.I.O. |
|
F.I.O. |
|
F.I.O. |
|
4-ILOVA
___________ tumani tibbiyot birlashmasining___________
qishloq vrachlik punkti patronaj tibbiyot hamshirasi
ishlarining 20___ yil ___ chorakdagi ishlarining
salbiy koʻrsatkichlarini maхsus monitoring guruhi
tomonidan oʻrganish natijalari toʻgʻrisidagi
MA’LUMOTNOMA
1. Oʻrganish uchun asos |
|
(tibbiyot birlashmasi buyrugʻining №, sanasi) |
2. Oʻrganish ob’yekti |
|
(muassasaning nomi, STIR raqami) |
3. Oʻrganish sanasi va muddati |
|
(tekshirish boshlangan kun va vaqt, tekshirish tugallangan kun va vaqt) |
4. Oʻrganish guruhining tarkibi |
|
(guruh rahbarining F.I.O. va lavozimi) |
|
(guruh a’zolarining F.I.O. va lavozimi) |
|
|
|
5. Asosiy qism |
|
(Nizomga 3-ilovadagi har bir indikator natijasi oʻrganiladi va qayd etiladi) |
|
|
|
|
|
|
|
|
|
6. Tekshirish хulosasi |
|
(ballarning yakuniy yigʻindisi) |
Guruh rahbari |
|
|||
F.I.O. |
imzo |
Guruh a’zolari: |
|
|
||
F.I.O. |
|
imzo |
|
|
|
|
|||
F.I.O. |
|
imzo |
|
|
|
|
|||
F.I.O. |
|
imzo |
|
Qishloq vrachlik punktining mudiri: |
|
|||
F.I.O. |
imzo |
Ma’lumotnoma imzolangan sana:
20___ yil "___" ____________
"Oʻzbekiston Respublikasi qonun hujjatlari toʻplami",
2015 yil 9 dekabr, 48-son, 607-modda