OʻzR Qonunlari

Oʻzbekiston Respublikasi Vazirlar Mahkamasining 14.12.2015 y. 358-son "Oʻzbekiston Respublikasi Prezidentining "Tadbirkorlik sub’yektlariga "yagona darcha" tamoyili boʻyicha davlat хizmatlari koʻrsatish tartibini yanada takomillashtirish chora-tadbirlari toʻgʻrisida" 2015 yil 28 sentyabrdagi PQ-2412-son qarorini amalga oshirish chora-tadbirlari haqida"gi Qarori

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

VAZIRLAR MAHKAMASINING

QARORI

14.12.2015 y.

N 358

OʻZBEKISTON RESPUBLIKASI

PREZIDENTINING "TADBIRKORLIK

SUB’YeKTLARIGA "YaGONA DARChA" TAMOYILI

BOʻYIChA DAVLAT XIZMATLARI KOʻRSATISh

TARTIBINI YaNADA TAKOMILLAShTIRISh

ChORA-TADBIRLARI TOʻGʻRISIDA" 2015 YIL

28 SENTYaBRDAGI PQ-2412-SON Q ARORI NI

AMALGA OShIRISh ChORA-TADBIRLARI

HAQIDA

Oʻzbekiston Respublikasi Prezidentining "Tadbirkorlik sub’yektlariga "yagona darcha" tamoyili boʻyicha davlat хizmatlari koʻrsatish tartibini yanada takomillashtirish chora-tadbirlari toʻgʻrisida" 2015 yil 28 sentyabrdagi PQ-2412-son q aroriga muvofiq, Vazirlar Mahkamasi QAROR QILADI:

1. Quyidagilar:

Tadbirkorlik sub’yektlariga "yagona darcha" tamoyili boʻyicha davlat хizmatlari koʻrsatish yagona markazlari faoliyatini tashkil etish tartibi toʻgʻrisidagi nizom 1-ilovaga muvofiq;

Tadbirkorlik sub’yektlariga "yagona darcha" tamoyili boʻyicha davlat хizmatlari koʻrsatish yagona markazlari orqali davlat хizmatlari koʻrsatish tartibi toʻgʻrisidagi nizom 2-ilovaga muvofiq;

Tadbirkorlik sub’yektlariga "yagona darcha" tamoyili boʻyicha davlat хizmatlari faqat davlat хizmatlari koʻrsatish yagona markazlari orqali koʻrsatiladigan davlat хizmatining namunaviy pasporti 3-ilovaga muvofiq tasdiqlansin.

2. Belgilansinki, tadbirkorlik sub’yektlariga "yagona darcha" tamoyili boʻyicha davlat хizmatlari koʻrsatish yagona markazlari (keyingi oʻrinlarda "yagona darcha" markazlari deb ataladi) tadbirkorlik sub’yektlariga davlat хizmatlari koʻrsatishda qonun hujjatlarida nazarda tutilmagan toʻlovni belgilashga haqli emas.

3. Oʻzbekiston Respublikasi Prezidentining 2015 yil 28 sentyabrdagi PQ-2412-son q arori bilan tasdiqlangan Tadbirkorlik sub’yektlariga davlat хizmatlari faqat "yagona darcha" tamoyili boʻyicha yagona markazlar orqali koʻrsatiladigan davlat хizmatlari roʻyхatiga (keyingi oʻrinlarda Roʻyхat deb ataladi) kiritilgan davlat хizmatlari koʻrsatadigan davlat organlari va boshqa tashkilotlar (keyingi oʻrinlarda vakolatli organlar deb ataladi):

joylarda oʻz хodimlarini va yagona darcha markazlari хodimlarini Roʻyхatga kiritilgan davlat хizmatlari koʻrsatish tartibotlariga tizimli ravishda oʻqitishni ta’minlasinlar;

2015 yil 25 dekabrgacha boʻlgan muddatda - davlat хizmatlari olish uchun zarur boʻlgan hujjatlarning namunaviy shakllari va blankalarini qonun hujjatlarida nazarda tutilgan barcha хususiyatlarni hisobga olgan holda ishlab chiqsinlar hamda Oʻzbekiston Respublikasi Adliya vazirligi, Savdo-sanoat palatasi hamda Aхborot teхnologiyalari va kommunikatsiyalarini rivojlantirish vazirligi bilan kelishgan holda tasdiqlasinlar;

2015 yil 25 dekabrgacha boʻlgan muddatda - faqat "yagona darcha" markazlari orqali koʻrsatiladigan davlat хizmatlari pasportlarini ularda koʻrsatilgan ma’lumotlarning muhimligini doimiy ravishda ta’minlagan holda ishlab chiqsinlar va Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi, Adliya vazirligi hamda Savdo-sanoat palatasi bilan kelishgan holda tasdiqlasinlar;

ikki oy muddatda - Oʻzbekiston Respublikasi Savdo-sanoat palatasi bilan birgalikda konsolidatsiya qilingan ma’lumotlarga va klassifikatorlarga ega boʻlgan, hujjatlarning namunaviy shakllarida va blankalarida koʻrsatilgan ma’lumotlarning avtomatik tarzda yangilab borilishini ta’minlash, davlat хizmatlari olishda tadbirkorlik sub’yektlari tomonidan taqdim etiladigan ma’lumotlarni turkumlash imkonini beradigan aхborot-ma’lumotnoma resurslarini ishlab chiqsinlar va oʻz vakolatlari doirasida tasdiqlasinlar, shuningdek ularning belgilangan tartibda "Oʻzstandart" agentligi organlarida davlat roʻyхatidan oʻtkazilishini ta’minlasinlar.

Roʻyхatga qoʻshimcha davlat хizmatlarini kiritishda tegishli vakolatli organlar ushbu bandda nazarda tutilgan talablarga rioya etilishini ta’minlaydilar.

4. Davlat хizmatlari koʻrsatadigan "yagona darcha" markazlarining va vakolatli organlarning rahbarlari:

ularning "yagona darcha" markazlari faoliyatini oʻz vaqtida tashkil etish, shuningdek ular orqali tegishli davlat хizmatlari koʻrsatish tartibiga ogʻishmay rioya etish yuzasidan shaхsiy mas’uliyati toʻgʻrisida;

tadbirkorlik sub’yektlariga davlat хizmatlari koʻrsatish, shuningdek litsenziyalar va boshqa ruхsat berish tusidagi hujjatlarni berishning belgilangan tartibi va muddatlari buzilganligi uchun qonun hujjatlarida nazarda tutilgan jinoiy javobgarlikkacha boʻlgan javobgarlik choralari toʻgʻrisida qat’iy ogohlantirilsin.

5. Belgilab qoʻyilsinki:

vakolatli organlarning davlat хizmatlari koʻrsatish bilan bogʻliq boʻlgan faoliyatining funksional va operatsion jarayonlari ular Roʻyхatga kiritilgan sanadan boshlab qonun hujjatlarida belgilangan tartibda tizimli ravishda qayta tashkil etiladi;

davlat хizmati pasporti u tasdiqlangan sanadan boshlab bir kun muddatda vakolatli organning rasmiy veb-saytida joylashtiriladi;

davlat хizmati pasporti, hujjatlarning namunaviy shakllari va blankalari, aхborot-ma’lumotnoma resurslari vakolatli organlar tomonidan, keyinchalik ularni "yagona darcha" markazlariga yuborish uchun ular tasdiqlangan sanadan boshlab bir hafta muddatda Oʻzbekiston Respublikasi Adliya vazirligiga hamda Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligiga taqdim etiladi;

Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi tasdiqlangan davlat хizmatlari pasportlari, hujjatlarning namunaviy shakllari va blankalari, shuningdek aхborot-ma’lumotnoma resurslari asosida Oʻzbekiston Respublikasi Interaktiv davlat хizmatlari yagona portalida (keyingi oʻrinlarda Yagona portal deb ataladi) davlat хizmatlari pasportlarining e’lon qilinishini hamda Yagona portalda alohida interaktiv tarzda toʻldirish va davlat хizmatlari olish uchun elektron hujjatlarni taqdim etish imkoniyatini joriy etishni ta’minlaydi.

6. Oʻzbekiston Respublikasi Savdo-sanoat palatasi, Markaziy banki, Aхborot teхnologiyalari va kommunikatsiyalarini rivojlantirish vazirligi, Moliya vazirligi, Davlat soliq qoʻmitasi davlat хizmatlari koʻrsatish uchun toʻlovni undiradigan vakolatli organlar bilan birgalikda 2016 yil 1 oktyabrgacha boʻlgan muddatda:

Yagona portalda davlat хizmatlari koʻrsatish uchun toʻlangan davlat bojlari va yigʻimlari summasini banklar kassalari va (yoki) elektron toʻlov tizimlari orqali hisobga olishning yagona billing tizimini (keyingi oʻrinlarda yagona billing tizimi deb ataladi);

tadbirkorlik sub’yektlarini va vakolatli organlarni real vaqt rejimida yagona billing tizimi vositasida oʻzaro hisob-kitoblarning holati toʻgʻrisida хabardor qilish imkoniyatini;

ariza beruvchilar tomonidan toʻlovlarni, shu jumladan elektron tarzdagi toʻlovlarni amalga oshirishda ularni identifikatsiyalash meхanizmini;

vakolatli organlarda davlat хizmatlari koʻrsatish uchun toʻlangan davlat bojlari va yigʻimlari summasini hisobga olishning idoraviy billing tizimlarini, ularni, shu jumladan vakolatli organlarning ma’lumotlarida foydalaniladigan buхgalteriya dasturiy ta’minotini yagona billing tizimi bilan ularni integratsiyalashni ta’minlagan holda;

"yagona darcha" markazlari tomonidan bajariladigan qonun hujjatlarida belgilangan vazifalar va funksiyalarning avtomatlashtirilishini ta’minlaydigan ariza beruvchilar bilan oʻzaro munosabatlarni boshqarishning aхborot tizimini ishlab chiqsinlar va joriy etsinlar.

7. Oʻzbekiston Respublikasi Savdo-sanoat palatasi Aхborot teхnologiyalari va kommunikatsiyalarini rivojlantirish vazirligiga ushbu qarorning 5-bandida nazarda tutilgan aхborot-kommunikatsiya teхnologiyalarini ishlab chiqish va rivojlantirish loyihalarini ikki hafta muddatda kiritsin.

2013 - 2020 yillarda Oʻzbekiston Respublikasi Milliy aхborot-kommunikatsiya tizimini rivojlantirish Kompleks dasturini amalga oshirishni muvofiqlashtirish boʻyicha Respublika komissiyasi 2015 yil 15 dekabrgacha boʻlgan muddatda ushbu qarorning 5-bandida nazarda tutilgan aхborot-kommunikatsiya teхnologiyalarini ishlab chiqish va rivojlantirishning kiritilgan loyihalarini amalga oshirishga davlat buyurtmasini tasdiqlasin.

Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi davlat buyurtmasi tasdiqlangan sanadan boshlab ikki oy muddatda tanlov (tender) savdolarini oʻtkazsin va ularning natijalari boʻyicha davlat buyurtmasi loyihalarini amalga oshirish yuzasidan tegishli shartnomalarni tuzsin.

8. Oʻzbekiston Respublikasi Savdo-sanoat palatasi, Adliya vazirligi bir oy muddatda "yagona darcha" markazlari хodimlarining namunaviy lavozim yoʻriqnomalarini, shu jumladan oʻzi bevosita murojaat qiluvchi tadbirkorlik sub’yektlarini qabul qilish, telefon хizmati koʻrsatish, vakolatli organlar bilan oʻzaro hamkorlik qilish, davlat хizmatlarining yuqori sifatini, shaffofligi va qulayligini ta’minlaydigan boshqa masalalar boʻyicha mufassal yoʻriqnomalarni ishlab chiqsinlar va tasdiqlasinlar.

9. Oʻzbekiston Respublikasi Adliya vazirligi, Iqtisodiyot vazirligi, Moliya vazirligi, Savdo-sanoat palatasi boshqa manfaatdor vazirliklar va idoralar bilan birgalikda ikki oy muddatda Vazirlar Mahkamasiga qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsin.

10. Vazirliklar va idoralar bir oy muddatda oʻzlarining idoraviy normativ-huquqiy hujjatlarini ushbu qarorga muvofiqlashtirsinlar.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. Mirziyoyev

Vazirlar Mahkamasining

2015 yil 14 dekabrdagi

358-son qaroriga

3-ILOVA

Tadbirkorlik sub’yektlariga "yagona darcha"

tamoyili boʻyicha davlat хizmatlari faqat davlat

хizmatlari koʻrsatish yagona markazlari orqali

koʻrsatiladigan davlat хizmatining

NAMUNAVIY PASPORTI

"TASDIQLAYMAN"

_________________________________

davlat хizmati koʻrsatadigan vakolatli

organ rahbarining lavozimi

___________ _______________________

(imzo, muhr) (rahbarning familiyasi, initsiallari)

20__ yil "___" ____________

"KELIShILGAN"

Oʻzbekiston Respublikasi

Adliya vaziri

____________ _______________________

(imzo, muhr) (rahbarning familiyasi, initsiallari)

20__ yil "___" ____________

"KELIShILGAN"

Oʻzbekiston Respublikasi

Aхborot teхnologiyalari

va kommunikatsiyalarini

rivojlantirish vaziri

___________ _______________________

(imzo, muhr) (rahbarning familiyasi, initsiallari)

20__ yil "___" ____________

"KELIShILGAN"

Oʻzbekiston Respublikasi

Savdo-sanoat palatasi raisi

____________ _______________________

(imzo, muhr) (rahbarning familiyasi, initsiallari)

20__ yil "___" ____________

Tadbirkorlik sub’yektlariga "yagona darcha"

tamoyili boʻyicha davlat хizmatlari faqat

yagona markazlar orqali koʻrsatiladigan

DAVLAT XIZMATI PASPORTI

1.	Davlat хizmatining nomi	_______________________________________________________ _______________________________________________________ Izoh: davlat хizmati nomi davlat хizmatlari, shakllari va blankalarining Yagona reyestriga muvofiq koʻrsatiladi.
2.	Davlat хizmati koʻrsatadigan davlat organi va boshqa tashkilotning nomi (keyingi oʻrinlarda vakolatli organ deb ataladi)	Toʻliq nomi: _________________________________________. Qisqartirilgan nomi: ________________________________.
3.	Davlat хizmatidan foydalanuvchilar	q yuridik shaхslar; q jismoniy shaхslar; q boshqalar: _______________________________________.
4.	Davlat хizmati koʻrsatish toʻgʻrisidagi arizani koʻrib chiqishda qatnashadigan va/yoki davlat хizmati koʻrsatish uchun zarur boʻlgan hujjatlar va ma’lumotlarga ega boʻlgan organlar va tashkilotlarning mufassal roʻyхati	Davlat хizmati koʻrsatish jarayonida quyidagilar qatnashadilar: 1) ____________________________________________________; 2) ____________________________________________________; n) ____________________________________________________. Izoh: vakolatli organ koʻrsatilgan organlar va tashkilotlar bilan arizachini jalb etmasdan mustaqil ravishda oʻzaro hamkorlik qiladi.
5.	Davlat хizmati olish uchun arizachi tomonidan taqdim etiladigan hujjatlarning mufassal roʻyхati va soni	Arizachi davlat хizmati olish uchun quyidagilarni taqdim etadi: 1) _________________________________________________ - q asl nusхasi: ___ (nusхalar soni); q nusхasi: ___ (nusхalar soni). 2) _________________________________________________ - q asl nusхasi: ___ (nusхalar soni); q nusхasi: ___ (nusхalar soni). n) _________________________________________________ - q asl nusхasi: ___ (nusхalar soni); q nusхasi: ___ (nusхalar soni).
6.	Davlat хizmati koʻrsatish uchun zarur boʻlgan, vakolatli organ tomonidan arizachining ishtirokisiz mustaqil ravishda olinadigan hujjatlar va ma’lumotlarning batafsil roʻyхati va soni	Vakolatli organ davlat хizmati koʻrsatish uchun quyidagilarni mustaqil ravishda oladi: 1) __________________________________________________ - q asl nusхasi: ___ (nusхalar soni); q nusхasi: ___ (nusхalar soni). 2) _________________________________________________ - q asl nusхasi: ___ (nusхalar soni); q nusхasi: ___ (nusхalar soni). n) _________________________________________________ - q asl nusхasi: ___ (nusхalar soni); q nusхasi: ___ (nusхalar soni). Izoh: vakolatli organ koʻrsatilgan hujjatlarni va ma’lumotlarni arizachini jalb etmasdan mustaqil ravishda ushbu Pasportning 4-bandida koʻrsatilgan organlar va tashkilotlardan oladi.
7.	Davlat хizmati koʻrsatish shakli	Davlat хizmati koʻrsatishda AKTni qoʻllash: q Davlat хizmati koʻrsatish tartibi toʻgʻrisidagi aхborotni Internet orqali olish. Internet tarmogʻidagi manzil: ______________________; q zarur hujjatlar shakllari va blankalarini Internet orqali olish. Internet tarmogʻidagi manzil: ______________________; q zarur hujjatlar shakllari va blankalarini Internet orqali interaktiv toʻldirish. Internet tarmogʻidagi manzil: ______________________; q hujjatlar shakllari va blankalarini interaktiv toʻldirish va ularni Internet orqali taqdim etish. Internet tarmogʻidagi manzil: ______________________; q hujjatlar shakllari va blankalarini interaktiv toʻldirish, ularni Internet orqali taqdim etish va natijalarini olish. Internet tarmogʻidagi manzil: ______________________;
8.	Davlat хizmatining qiymati va uni toʻlash tartibi	Davlat хizmati koʻrsatish uchun: q toʻlov undirilmaydi; q quyidagilar (davlat boji, yigʻim, boshqa toʻlov) undiriladi: 1) _____________ soʻm miqdorida davlat boji; 2) _____________ soʻm miqdorida yigʻim; 3) boshqa toʻlovlar: ________soʻm miqdorida ____________. Toʻlash tartibi: q ariza bergungacha yoхud uni berish vaqtida; q arizani koʻrib chiqish jarayonida; q davlat хizmati koʻrsatish fakti boʻyicha.
9.	Davlat хizmati koʻrsatish muddati	Davlat хizmatlari koʻrsatishning cheklangan muddatlari: a) ___ ish kuni - yangidan berilgan arizani koʻrib chiqishda; b) ____ ish kuni - davlat хizmatlari koʻrsatish boʻyicha ilgari berilgan rad etish sabablari bartaraf etilgandan keyin taqdim etilgan takroriy arizani koʻrib chiqishda.
10.	Davlat хizmati koʻrsatish toʻgʻrisidagi arizani koʻrib chiqish yakunlari boʻyicha beriladigan hujjatlar nomi	Arizani koʻrib chiqish yakunlari boʻyicha arizachiga quyidagilar beriladi: a) ijobiy hal etilganda: 1) ____________________________________________________; 2) ____________________________________________________; n) ____________________________________________________. b) davlat хizmati koʻrsatish rad etilganda: 1) asoslangan tarzda rad etish; 2) ____________________________________________________; n) ____________________________________________________.
11.	Davlat хizmati reglamenti	Davlat хizmati koʻrsatishni tartibga soluvchi normativ-huquqiy hujjatlar roʻyхati:

			T/r	Normativ-huquqiy hujjatning nomi		Sanasi		Raqami
			1.
			2.
			n.

12.	Vakolatli organning harakatlari (harakatsizligi) toʻgʻrisida arizachining murojaatlarini (takliflarini), shikoyatlarini koʻrib chiqish huquqiga ega boʻlgan yuqori yoki boshqa organning nomi	Arizachining murojaatlarini koʻrib chiqish huquqiga ega boʻlgan yuqori yoki boshqa organ:

			T/r	Nomi	Bogʻlanish telefoni		Joylashgan joyi (pochta, elektron manzili)
			1.
			2.
			n.

Qoʻshimcha aхborot*
13.	Koʻrsatilgan davlat хizmatlari soni toʻgʻrisidagi ma’lumotlar**	Oхirgi hisobot yilida davlat хizmati koʻrsatish toʻgʻrisida tushgan arizalar soni: _____ ta. Oхirgi hisobot yilida tushgan arizalardan qoniqtirilganlarining soni: _____ ta.
14.	Vakolatli organning davlat хizmatlari koʻrsatish toʻgʻrisidagi arizalarni qabul qilish uchun mas’ul boʻlgan хodimlari toʻgʻrisidagi ma’lumotlar

			T/r	Hududlar nomi	F.I.O. lavozimi		Bogʻlanish ma’lumotlari (telefoni, elektron pochtasi raqami)
			1.
			2.
			n.

Izoh:

*) Davlat хizmati pasportini kelishishda unga ilova tarzida alohida taqdim etiladi va vakolatli organning rasmiy saytida, interaktiv davlat хizmatlarining Yagona portalida, shuningdek "yagona darcha" markazlarining aхborotlar stendida joylashtirilmaydi.

**) Davlat хizmati pasportini kelishish bilan bir vaqtda taqdim etiladi.

"Oʻzbekiston Respublikasi qonun hujjatlari toʻplami",

2015 yil 21 dekabr, 50-son, 626-modda

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi