OʻZBEKISTON RESPUBLIKASI

PREZIDENTINING

QARORI

21.07.2005 y.

N PQ-127

OʻZBEKISTON RESPUBLIKASINING

TELEKOMMUNIKATsIYa        TARMOGʻINI

RIVOJLANTIRISh (II BOSQICh) UChUN YaPONIYa

XALQARO HAMKORLIK BANKINING IMTIYoZLI

KREDITI MABLAGʻLARIDAN SAMARALI

FOYDALANISh ChORA-TADBIRLARI

TOʻGʻRISIDA

Oʻzbekiston Respublikasi Hukumati bilan Yaponiya хalqaro hamkorlik banki (JBIC) oʻrtasida 1999 yil 14 dekabrdagi UZB - R4-sonli Kredit bitimida nazarda tutilgan Oʻzbekiston Respublikasining telekommunikatsiya tarmogʻini rivojlantirish loyihasini amalga oshirish uchun imtiyozli kredit mablagʻlaridan samarali foydalanish maqsadida:

1. Quyidagilar ma’lumot uchun qabul qilinsin:

Yaponiya хalqaro hamkorlik bankining imtiyozli (12 692 mln. yapon yenasi) krediti doirasida "Oʻzbekiston Respublikasining telekommunikatsiya tarmogʻini rivojlantirish (II bosqich)" loyihasini amalga oshirish davomida jami 2 738,0 mln. yapon yenasi miqdoridagi mablagʻ tejab qolindi;

Oʻzbekiston Aloqa va aхborotlashtirish agentligi, moliya va iqtisodiyot vazirliklari, tashqi iqtisodiy aloqalar agentligining JBIC imtiyozli krediti mablagʻlarini qayta taqsimlash va shu mablagʻlarning oʻzlashtirishning uzil-kesil muddatini 2006 yilning 10 oktyabrigacha uzaytirish toʻgʻrisidagi, shuningdek tejalgan mablagʻlardan "Oʻzbekiston Respublikasining telekommunikatsiya tarmogʻini rivojlantirish (kengaytirish) (II bosqich)" loyihasini moliyalashtirish boʻyicha ilovaga* muvofiq foydalanishning yoʻnalishlari toʻgʻrisidagi takliflarini hisobga olgan holda Kredit bitimiga kiritilgan tuzatishlar Yaponiya хalqaro hamkorlik banki tomonidan ma’qullandi.

2. Oʻzbekiston Aloqa va aхborotlashtirish agentligi (A. Aripov), Tashqi iqtisodiy aloqalar agentligi (N. Najimov) mazkur Kredit bitimi doirasida tuzilgan kontraktlarga imtiyozli kreditning tejalgan mablagʻlaridan foydalanishga doir qoʻshimcha bitimlar tuzilishi va ekspertizadan oʻtkazilishini belgilangan tartibda ta’minlasinlar.

3. Ushbu qarorning ijrosini nazorat qilish Oʻzbekiston Respublikasi Bosh vazirining oʻrinbosari A. Aripov zimmasiga yuklansin.

Oʻzbekiston Respublikasi Prezidenti                                          I. Karimov

*) Ilova rus tilidagi matnda berilgan.