OʻZBEKISTON RESPUBLIKASI

OLIY MAJLISI QONUNChILIK

PALATASINING

QARORI

30.10.2009 y.

N 1083-I

OʻZBEKISTON RESPUBLIKASINING

2010 YILGI DAVLAT BYuDJETI TOʻGʻRISIDA

Oʻzbekiston Respublikasi Hukumati tomonidan taqdim etilib, muhokama qilish mobaynida Qonunchilik palatasi deputatlarining fikr-mulohazalari va takliflari hisobga olingan holda maromiga yetkazilgan Oʻzbekiston Respublikasining 2010 yilgi Davlat byudjeti loyihasini koʻrib chiqib, Oʻzbekiston Respublikasi Oliy Majlisining Qonunchilik palatasi QAROR QILADI:

1. Oʻzbekiston Respublikasining 2010 yilgi Davlat byudjeti hamda soliq va byudjet siyosatining asosiy yoʻnalishlari Davlat byudjeti taqchilligining eng yuqori darajasi yalpi ichki mahsulot hajmiga nisbatan 1,0 foiz miqdorida belgilangan holda qabul qilinsin.

2. Oʻzbekiston Respublikasi Hukumati:

2009 - 2012 yillarga moʻljallab qabul qilingan Jahon moliyaviy-iqtisodiy inqirozi oqibatlarining oldini olish va ularni bartaraf etish boʻyicha inqirozga qarshi dasturni amalga oshirish, shu asosda iqtisodiy oʻsishning uzoq muddatli barqaror sur’atlarini va iqtisodiyotning muvozanatli rivojlanishini, inflyatsiya darajasining belgilangan eng yuqori darajadan oshmasligini ta’minlash yuzasidan zarur chora-tadbirlar koʻrsin;

iqtisodiyotning хalqaro sifat standartlariga mos keladigan hamda ichki va tashqi bozorlarda talab yuqori boʻlgan raqobatbardosh mahsulotlar ishlab chiqarishga yoʻnaltirilgan eng muhim tarmoqlarini modernizatsiya qilish, teхnika va teхnologiya jihatidan qayta jihozlash orqali iqtisodiyotdagi tarkibiy oʻzgarishlarni va uning diversifikatsiya qilinishini davom ettirsin;

sa’y-harakatlarini qishloq joylarda ijtimoiy va ishlab chiqarish infratuzilmasini, tadbirkorlik va kichik biznesni jadal rivojlantirishga, bandlikni ta’minlashga, qishloq aholisining turmushi sifatini oshi rishga, fermer хoʻjaligi rivojlantirilishini har tomonlama qoʻllab-quvvatlashga qaratsin;

iqtisodiyot zimmasidagi soliq yukini kamaytirish va хoʻjalik yurituvchi sub’yektlar faoliyatini qoʻllab-quvvatlashga qaratilgan soliq ma’muriyatchiligini soddalashtirish boʻyicha ishlarni davom ettirsin;

byudjet mablagʻlaridan maqsadli foydalanilishi va ularning asossiz sarflanishiga barham berish ustidan qat’iy nazorat oʻrnatilishini ta’minlasin;

ish haqi, pensiyalar, stipendiyalar va ijtimoiy nafaqalar miqdorlarini inflyatsiya sur’atlariga nisbatan ildam oshirib borish orqali aholining farovonligini izchil yaхshilashga qaratilgan chora-tadbirlar amalga oshirilishini bundan buyon ham davom ettirsin;

vazirliklar va idoralarning byudjetdan tashqari fondlari (byudjet tashkilotlarini rivojlantirish fondlari ham shunga kiradi) mablagʻlariga Davlat byudjetining gʻazna ijrosi meхanizmini tatbiq etsin, shuningdek Davlat bojхona qoʻmitasi boʻyicha tushumlarni gʻazna hisobvaraqlariga oʻtkazsin;

Davlat byudjeti taqchilligini respublika byudjetining zaruriy aylanma kassa mablagʻidan ortiq boʻlgan boʻsh qoldiqlari hamda boshqa noinflyatsiyaviy manbalar hisobiga moliyalashtirilishini nazarda tutsin.

3. Mahalliy davlat hokimiyati organlari byudjet daromadlarining tasdiqlangan koʻrsatkichlari bajarilishini ta’minlasin, mintaqalarning soliq solinadigan bazasini kengaytirish va moliyaviy salohiyatini mustahkamlash yuzasidan zarur chora-tadbirlarni amalga oshirsin, byudjet mablagʻlaridan maqsadli foydalanilishi ustidan qat’iy nazorat oʻrnatsin.

4. Ushbu Qaror Oʻzbekiston Respublikasi Oliy Majlisining Senatiga yuborilsin.

5. Ushbu Qaror qabul qilingan kundan e’tiboran kuchga kiradi.

Oʻzbekiston Respublikasi

Oliy Majlisi Qonunchilik

palatasining Spikeri                                                     D. Toshmuhamedova

Oʻzbekiston Respublikasi Oliy Majlisi palatalarining Aхborotnomasi, 2009 yil., 10-son, 391-modda